विसंगती सदा मिळो , टुकार विडंबन कानी पडो !!!! *****
-------------------------------------------------------------------------------------------------------------------------------------------------------------------------
---------------निवेदन ---------------------------------------------------------
.....इथे सादर करण्यात आलेल लेखन/ कविता / विडम्बने / विचार प्रासंगिक असून याद्वारे कुठल्याही व्यक्ती, पक्ष, नेते , जात , धर्म, पंथ , राष्ट्र , संस्था , आदरस्थान यांची कुचेष्टा करण्याचे किंवा कुणाच्याही भावना दुखवण्याचे कुठलेही प्रयोजन नाही. या सर्व आरोळ्या या विरंगुळा या सदरात मोडतात, आणि केवळ मनोरंजन व थोडीशी खुशखुशीत टीका - टिप्पणी हा उद्देश आहे. रसिकांना इथल्या कलाकृती आवडतील अशी आशा व्यक्त करतो.--------------------------------------------------------------------------------------

......... आपला /
अमोल केळकर /
a.kelkar9@gmail.com

Thursday, May 16, 2019

तात्या अभ्यंकर..।


तात्या गेले?  खरंच वाटत नाही आहे अजून. सकाळी आॅफीस मधे नेहमी प्रमाणे  महाराष्ट्र टाइम्स संकेतस्थळ सुरु केले आणि म.टा लाइव्ह मधे एक बातमी दिसली. ठाण्यात कोपरी येथे शेखर अभ्यंकर यांचा घरात मृतदेह मिळाला. पोलिस अधिक तपास करत आहेत. त्यावेळी लक्षात नाही आले पण थोड्याच वेळात ' मिसळ पाव' ग्रुपवर तात्या गेला असा मेसेज वाचला आणि धक्का बसला. शेखर म्हणजेच चंद्रशेखर अभ्यंकर म्हणजेच आपले  विसोबा खेचर (तात्या )हे लक्षात आले आणि खूप वाईट वाटले.

"व्हाट्स अप" , "फेसबुक" ची क्रेज निर्माण होण्यापूर्वी  आणि "ब्लॉगींग" हा प्रकार तसा नवीन असताना  नवोदित / प्रचलित  लेखकांना  लिखाणासाठी सोशल व्यासपीठ  तात्यांनी 
 ' मिसळ पाव '  या मराठी संकेतस्थळाच्या  रूपाने उपलब्ध करून दिले.  
' मनोगत ' 'मायबोली'  वगैरे इतरही यापूर्वी  अशी संकेतस्थळे होती  पण
 ' मिसळ पाव' (www.misalpav.com)हे अल्पावधीतच लोकप्रिय झाले .  माझ्यासकट अनेक जणांनी इथे आपले पहिले साहित्य प्रकाशित केले असेल.

 नवोदितांना आवर्जून प्रतिक्रिया देऊन त्यांचा उत्साह वाढवण्यात तात्या अागाढीवर होते. तात्या स्वतः एक उत्कृष्ठ सिद्धहस्त लेखक , व्यासंगी  होते. 'व्यक्तिचित्रण' करण्यात तात्यांचा कुणीच हात धरू शकणार नाही असे माझे मत .( इथे त्यांच्या अनुदिनीचा  पत्ता दिला आहे . त्यातील लेख वाचून याची अवश्य प्रचिती येईल . )
शास्त्रीय संगीत , गाणे हा ही  तात्यांचा आवडता विषय होता. 

कालांतराने काही आर्थिक  अडचणी असतील म्हणा  मिसळ पाव तात्यांनी सोडले असे कळले.
 अनुदिनीतील त्यांचे लेख व्हाटसप वर  फिरत यायला  लागले एवढेच.

आणि आज अचानक ही दुःखद बातमी कळली 
एकदा भेटू या , ते टॅरो कार्ड्स ची माहिती समजून घ्यायची आहे तुझाकडून  ही त्यांची  इच्छा काही पूर्ण होऊ शकली नाही.  सविस्तर कळले नाही पण खुर्चीत बसले असताना त्यांना मृत्यूने गाठले आणि  एकेकाळी 'मिसळ पाव' संकेतस्थळ हे लेखनाचे जे हक्काचे व्यासपीठ होते त्या तमाम साहित्यिकांच्या मनात   आणि त्यांच्या ८४ वर्षाच्या म्हातारीच्या आयुष्यात पोकळी निर्माण करून आज तात्या गेले . असो. 

त्यांच्या एका चाहत्या "टुकार" लेखकाकडून 'विसोबा खेचर' अर्थात 'तात्या अभ्यंकर' यांना विनम्र श्रद्धांजली 🙏🏻




 📝१५/५/१९

http://tatya7.blogspot.com/😳 

Monday, May 13, 2019

रडारनाथ रडारनाथ


( निव्वळ मनोरंजन हा हेतू)😀

🛰☁☁☁🚀  📹

रडारनाथ, रडारनाथ

सांग सांग रडारनाथ, विमान लपेल काय
स्क्रीन  भोवती ढगं दाटून युक्ती जमेल काय?
सांग सांग रडारनाथ

रडारनाथ रातरी शत्रू झोपेल काय?
बाँब हळूच टाकताना आवाज होईल काय?

रडारनाथ, रडारनाथ

रडारनाथ रडारनाथ खरं सांग एकदा
डिजिटल ‌कॅमे-यातून दिसतील ढग यंदा?

रडारनाथ,  रडारनाथ

रडारनाथ आता संपेल इलेक्शनचा पेपर
विरोधक फोडतील का रे इव्हिएमवर खापर

रडारनाथ रडारनाथ

#शेठजी मजा आली खरंच 😆

Saturday, May 11, 2019

मेगा ब्लाॅक


# मेगा ब्लाॅक

नमस्कार मंडळी 🌺🙏🏻

खरं म्हणजे 'मेगा ब्लाॅक' हा मुंबईकरांसाठी तरी काही नवीन शब्द नाही. मी चुकत नसेन तर गेली साधारण २० ते २२ वर्षे  काही अपवाद वगळता प्रत्येक रविवारी मुंबईच्या मध्य, पश्चिम,  हार्बर रेल्वे मार्गावर दरवेळेला वेगवेगळ्या ठिकाणी या मार्गाच्या तंदुरुस्ती साठी जे काम हाती घेतले जाते त्याला मेगा ब्लाॅग म्हणतात
सोमवारी पहाटे ४ वाजल्यापासून शनिवारी रात्री १२ वाजेपर्यत अखंडपणे मुंबईची ही जीवनवाहिनी व्यवस्थित रहावी यासाठी हे सगळे प्रयोजन.
मला आठवतंय अगदी सुरवाती- सुरवातीला एखाद्या भागात काही तांत्रिक अडचण येऊन रेल्वे सेवा विस्कळीत झाली, ओव्हरहेड वायर तुटून गाड्या बंद पडल्या, सिग्नल यंत्रणेत बिघाड झाला म्हणून त्रास झाल्यावर तातडीने येणा-या रविवारी  त्या भागात 'मेगा ब्लाॅक ' घेऊन काम करण्यास सुरवात झाली.

हे सगळे अडचणीवर मार्ग म्हणून सुरु झाले. पण कालांतराने कुठल्याही प्रकारची अडचणच उद्भवू  नये म्हणून ( इन अॅन्टीसिपेशन)  सर्व विभागांचे व्यवस्थित नियोजन करुन 'मेगा ब्ला‌ॅक' घेण्यास सुरवात झाली आणि आज तो तमाम मुंबई करांच्या जीवनाचा अविभाज्य घटक झालाय.

नाही म्हणले तरी सुरवातीला थोडा त्रास झाला. एखाद्या विभागातील 'जलद' किंवा धीमा मार्ग दुरुस्ती/ तंदुरुस्ती साठी बंद केल्यावर दुस-या चालू मार्गावर गर्दी होऊ लागली. काही स्थानकात  जलद लोकलला फलाट नसल्यामुळे तिथे उतरणाऱ्यांना पुढे उतरून मग रिक्षा/ बस असे पर्याय बघावे लागले. तिकडेही ओघाने गर्दी वाढली. तासाभराच्या प्रवासास दोन दोन तास जाऊ लागले.
खरं म्हणजे रविवारी सर्व कुटुंब एकत्र कुठेतरी प्रवासास जायचा दिवस. पण हे जाणे अत्यंत कठिण काम होऊन बसले. हा त्रास मुंबईकर सहन करत गेले आणि कालांतराने  त्याचे फायदे दिसायला लागले.

सोमवार ते शनिवार रेल्वे प्रवासातल्या तांत्रिक अडचणी कमी होऊ लागल्या. लोकल वेळेवर धावायचे  प्रमाण वाढले आणि आजकाल " आज या मार्गावर 'मेगा ब्लाॅक' नाही " ही बातमी ठरु लागली.

मंडळी तुम्ही म्हणाल हे काय टुकार लेखन? 👆🏻बरोबर आहे असे वाटणे. पण आता हीच मेगा ब्लाॅकची कल्पना आपण आपल्या व्यक्तीगत आयुष्यात अगदी दर रविवारी नाही निदान महिन्यातील / दोन महिन्यातील एखाद्या रविवारी वापरली तर?

आता व्यकतीगत आयुष्यात कशाचा 'ब्लाॅक' घ्यायचा हा ज्याचा त्याचा प्रश्ण. कुणी स्वत:च्या अंतर्मन तंदुरूस्त राहण्यासाठी ब्लाॅक घेईल, कुणी एखादी घरातील खोली आवरायला काढेल , कुणी गाडीची देखभाल करेल तर कुणी 'आठवणींचा' मेगा ब्लाॅक घेईल.

तर करताय ना सुरवात एखाद्या रविवारी ' आवश्यक ब्लाॅक ' घेऊन पुढचा मार्ग निश्चिंत करायला?

आणि हो हे ज्यावर तुम्ही वाचत आहात ( आणि मी लिहित आहे) त्या मोबाईलच्या ही 'मेगा डेटा'ची साफसफाई करुन त्याचाही अधूनमधून 'ब्लाॅक' घ्यायचा लक्षात राहू दे 😬

📝१२/५/१९
माझा ब्लाॅग
poetrymazi.blogspot.in

Saturday, May 4, 2019

दाखव रे ती मार्कलिस्ट


रविवारची टुकारगिरी 📝

सुप्रभात मंडळी 🙏🏻

यंदाच्या लोकसभा निवडणुकीच्या प्रचार
ख-या अर्थाने रंगला तो "दाखव रे तो व्हिडिओ" या प्रकाराने. आपल्याला याच्या खोलात किंवा पुढच्या "राज"कारणावर चर्चा करायची नाही आहे. मात्र या घटनेने मला शाळेतल्या दरवर्षीच्या निकालाची आठवण आली.
साधारण एप्रिलच्या शेवटी प्रत्येक वर्षीचा निकाल लागायचा. त्यानंतरचे साधारण आठवडाभर आम्हाला घरी जणू युद्धाचा प्रसंग असायचा. घरगुती 'सर्जिकल स्ट्राईकच' असायचा तो आमच्यावर. कारण निकालानंतर घरी येणाऱ्यांकडून मग ते नातेवाईक असोत परिचित असोत , त्यांच्याकडून विचारणा व्हायची काय लागला का रिझल्ट?
' हो '
किती मार्क पडले? 
 x x %
( वाचकांसाठी,  आम्हाला मार्क हे नेहमी महाराष्ट्रात निवडणुकीत होणा-या सरासरी मतदानाइतकेच मार्क असायचे,  त्यामुळे xx असं लिहिले आहे. तुमच्या माहितीत जी सरासरी आहे तेवढे आमचे मार्क धरायला हरकत नाही 😁 )

तर मार्क कळल्यानंतर हा विषय संपायला नको का?
पण आमचे नशीब कुठे इतके साधे?

त्या पाहुण्यांसमोर कधी पूजा करत असलेले बाबा किंवा चहा करत असलेली आई फर्मान सोडायची
" दाखव रे ती मार्कलिस्ट " 📝😐

यानंतर आमची मार्कलिस्ट त्या घरी आलेल्याच्या हातात जायची. तो ही आपण केळकरांकडे कुठल्या कामाला आलोय हे विसरून मस्त पैकी अॅनॅलिसिस/ विश्लेषण करायला लागायचा.
( आज निवडणूक झाल्यावर वेगवेगळ्या वाहिनींवर विश्लेषण करणारे पाहिले की मला वाटते यातल्या  काहीजणांनी नक्कीच माझी मार्कलिस्ट पाहिली असणार 😉)

तर त्यांचे विश्लेषण सुरु
मराठीत फक्त एवढेच? अरे लेखिकेचा मुलगा ना तू? पेपर मोकळा लिहून मार्क नाही मिळत.

हे काय ? सगळेजण तुझ्या काकूकडे संस्कृत शिकायला जातात आणि तूला ९० पण नाहीत?

हं त्या गणितातील मार्काने जरा लाज राखली म्हण की.

इ इ इ इ

तर मंडळी,  "दाखव रे ती मार्कलिस्ट " हा प्रकार पुढे साधारण १०-१२ दिवस तरी चालायचा. अगदी घरी कामाला येणा-या मावशी, आईच्या काॅलेजचा शिपायी, बाबांकडे कुणी कामानिमित्याने आलेले या सगळ्यांच्या ( त्यांना त्यातले कळो वा न कळो ) एकदा तरी त्यांच्या हातात आमची मार्क-लिस्ट गेलीच गेली.  पण चुकूनही त्या ८-१० दिवसात आमच्या घरी येणाऱ्यांना  " दाखव रे ती मार्कलिस्ट" असं सांगायला आई-बाबा विसरले नाहीत.

८-१० दिवसानंतर मात्र हे कमी होत जायचे. कारण घरी येणाऱ्या व्यक्तींच्या पाल्याचे ही निकाल लागलेले असायचे. मग x x हे आमचे %  ऐकल्यानंतर जर त्यांच्या मुला/ मुली पेक्षा मार्क कमी असतील तरच मार्कलिस्ट बघितली जायची. नाहीतर आई-बाबांना कडून आलेल्या "दाखव रे ..." ला राहू दे राहू दे. जरा गडबडीत आहे. नंतर बघतो वगैरे उत्तर मिळायचे 🤭.

या सगळ्यातून सुटका होण्यासाठी  निकाल लागला की पुण्या-मुंबईला केंव्हा पळतोय  इकडेच आमचं लक्ष लागून रहायचं 🤪

लहानपणीचा  " दाखवरे ती मार्कलिस्ट" ते " आजकालचा "दाखव रे तुझा छापून आलेला लेख " इथपर्यंत हा प्रवास येऊन थांबला आहे.

जो आता सुखावह वाटतोय 😊

📝अमोल
poetrymazi.blogspot.in
५/५/१९

Friday, May 3, 2019

उत्प्रेरक


🔅🔆 उत्प्रेरक -(अर्थातच कॅटॅलिस्ट) 🔆🔅

मंडळी 🙏🏻
मला वाटत आपण ८ वी  ते  १० वी मध्ये कुठल्यातरी वर्षी रसायन शास्त्र या विषयात हा विषय शिकलोय . 'उत्पेरकाची' शास्त्रीय दृष्ट्या व्याख्या :-
"ज्या पदार्थाच्या उपस्थितीमुळे एखाद्या रासायनिक विक्रियेचा/प्रक्रियेचा वेग बदलतो अशा पदार्थाला उत्प्रेरक म्हणतात व या क्रियेला उत्प्रेरण म्हणतात".
ब-याचदा हा  उत्प्रेरक प्रत्यक्ष भाग घेत नाही पण त्याच्या उपस्थितीमुळे  मात्र इतर सुप्त घटक अचानक जागे होऊन  रासायनिक क्रिया घडते ( घटना घडते )

मंडळी , प्रत्यक्ष आपल्या जीवनातही असे अनेक उत्प्रेरक कळत-नकळत  येतात जे आपल्याला मदत करून जातात ,आपल्या जीवनाला कलाटणी देतात, या घटनेनंतर  मी बदललो, माझ्यात बदल झाला  असे आपणास वाटायला लागते .
अशा सर्व घटना, संबधीत व्यक्ती, परिस्थिती  हे आपल्यासाठी उत्प्रेरकच . प्रत्येकाने हे उत्प्रेरक आपापले शोधायचे .

काही उत्प्रेरकांचा सरळ सहभाग असतो.  उदा. आपले पालक - नातेवाईक , मित्र , शिक्षक इ, जे आपल्याला वेळोवेळी  भानावर आणतात , रागवतात , टोचून बोलतात  पण हे ते सगळं करतात ते आपल्या भल्यासाठी. आपल्यातील सुप्त गुण ( चांगले )  वाढीस लागून एका विशिष्ट दिशेने  ( फोकस)  आपला प्रवास व्हावा असा त्यांचा  उद्दात्त  हेतू असतो. कधी कधी मला असे वाटते 'निंदकाचे घर असावे शेजारी ' असे म्हणले जाते ते याच आपल्या फायद्यासाठी.

काही  उत्प्रेरक  आपण लांबून बघतो, टीव्हीवर बघतो , काही आपले आदर्श असतात पण त्यांचा  प्रत्यक्ष  आपल्याशी कधी संबंध आलेला नसतो. ते  आपल्याला अनेक गोष्टी शिकवतात, आपल्याला वेगळा विचार करायला भाग पाडतात. आपल्या यश -अपयशाचा त्यांच्यावर  काहीही परिणाम  होणार नसतो, ते आपल्याला ओळखतही नसतात  पण त्यांच्या  बाबतची एखादी गोष्ट , घटना आपल्याला मात्र एखादे  ध्येय ठेऊन वाटचाल करायला प्रवृत्त करते.   
अरे काय काढली मॅच त्याने ! वाटलं नव्हतं जिकेलं, अशी घटना आपल्याला स्फूर्ती देऊन जाते ( अशक्य वाटणारी  गोष्ट प्रत्यक्षात घडणे).
 एखाद्या  वक्त्याचे व्याख्यान, एखादे प्रवचन,  एखादे  ऐतिहासिक पुस्तक , सिनेमा  , लहान वयात यशाच्या शिखरावर गेलेल्या व्यक्ती , एखादं मस्त गाणे ,  मित्रांबरोबरची / समवयस्क व्यक्तींबरोबरची  सहल, सूर्योदय / किंवा सूर्यास्ता वेळचे विलोभनीय दृश्य  इ इ इ

 अशा उत्प्रेरकांना शोध आपण आपल्या पद्धतीने घ्यायचा.  कधी कधी  आपण स्वतः :इतरांसाठी असा उत्प्रेरक बनायचं. 

खाली लिहिलेली काही वाक्य -ve म्हणून वापरलेली आपण नेहमीच बघतो/ ऐकतो,  पण ही वाक्य आपण एक चॅलेंज म्हणून घेतली तर यांच्यासारखा उत्पेरक नाही. आता जेंव्हा केंव्हा अशी वाक्ये 👇🏻ऐकाल तेंव्हा हे लिखाण आठवा आणि दुप्पट जोमाने कामाला लागा 😉

🗣तुला आयुष्यात काहीही जमणार नाही
🗣एक गोष्ट व्यवस्थित केलीस तर शप्पथ
🗣हे ! शक्यच नाही तूला जमणे.
🗣तुझे  काय कर्तृत्व ? सगळं आयत मिळालय  तुला ?🤭
🗣काय टुकार / सुमार/ घाणेरडं  लिहितोस.
 इ इ इ इ. 😛

'कौतुकाचे दोन शब्द' जसे जरुरी आहेत तसेच ही 'उत्प्रेरके' ही 'मोलाची' आहेत हे नक्की

मंडळी, कधी कधी  गावाबाहेरच्या  देवळात  जाऊन ( गर्दी नसलेल्या ठिकाणच्या )
गाभा-यातील मूर्तीला  मनापासून केलेला नमस्कार आणि त्यातून मिळालेली आंतरिक शांती , समाधान हे पण एक वेगळे उत्प्रेरकच नाही का?
घेतलाय तुम्ही हा स्वर्गीय अनुभव ????

या लेखनाची समाप्ती श्री रामदास स्वामींच्या या काही ओळीने  🌷

हवाया नळे बाण भांडी अनंते !
बळे सोडितां जाति आकाशपंथे !
बती लागता वेळ नाही उठाया !
तयाचे परी स्फूर्ती दे देवराया !!

सर्वांचे कल्याण होऊ दे हीच इच्छा 🙏🏻

📝अमोल केळकर
a.kelkar9@gmail.com
poetrymazi.blogspot.in

Sunday, April 28, 2019

तू खरा झुंजार


लोकशाहीच्या सर्वात मोठ्या महोत्सवात भाग घेऊन झाला . 👆🏻✅

" तरीपण" कवित्व तर उरतेच ना .😉
आजचा प्रमुख हिरोला हे विडंबन समर्पित 

( चाल : विठ्ठला तू  वेडा कुंभार )

बसक्या 'मशीन ' वरती देती  मतांना आकार 
 ईव्हीएमा , तू खरा झुंजार  📦

हात्ती, शिट्टी,धनुष्य,बाणा तूच दाखविसी सर्व पसारा 
यथावकाश मग ये आकारा 
तुझ्या मतांच्या मोजणीला होई वाद हा फार 

ईव्हीएमा , तू खरा झुंजार  📦

मतामताचे रूप  आगळे , प्रत्येकाचे बोट वेगळे 
तुझ्याविणा ते कोणा न कळे 
हाती कुणाच्या पडते टेंडर कुणा हाती भंगार 

ईव्हीएमा , तू खरा झुंजार  📦

तूच घडविसी,तूच फोडिसी , बिघाडीसी तू ,तूच ताडीसी 
न कळे यातून काय जोडीसी 😉
देसी डोळे परी निर्मिसी तयापुढे अंधार 

ईव्हीएमा , तू खरा झुंजार  📦

📝 एक मतदार 👆🏻✅
२९/४/१९
poetrymazi.blogspot.in

Saturday, April 27, 2019

जंगलातील निवडणूक


🌳🌳
जंगलातील निवडणुकीचे अनोखे पर्व, मतदान करा सर्व
🌳🌳

काल निवडणूक प्रचार भाषणात एका ठिकाणी लांडगे- कोल्हे - वाघ - सिंह ऐकायला मिळाले.

 मग काय सुचलं आणि लिहिलं😉
--------------------
जंगलामधल्या प्राण्यांची ,भरली होती 'सभा'
'पोपट' होता 🦜 'सभापती ' मधोमध उभा 🎤

पोपट म्हणाला,
पोपट म्हणाला,
मित्रांनो,
'राज' कारणात लूट
चातुर्याने मतदानाला
सर्वांना सूट.

या ' मताचे ' कराल काय 👆🏻

नंतर सगळ्या जंगलातल्या प्राण्यांनी काय काय करणार ते सांगितले
🐘🦓🐆🦒🐕🐎🐅🐋🦚🐈

गाय म्हणाली, " येता जाता मतदानाने वाढवीन आशा "

घोडा म्हणाला, "ध्यानात ठेवीन,ध्यानात ठेवीन. मी ही माझ्या बोटाने 👆🏻असेच करीन, असेच करीन"

कुत्रा म्हणाला, " खुषीत येईन तेंव्हा NOTA दाबणार नाही"

मांजरी म्हणाली,  "नाही ग बाई, कुत्र्यासारखं माझं मुळीच नाही
मतदानादिवशी घरीच बसीन, घरीच बसीन"

खार म्हणाली, "चढेल धुंदी तेंव्हा माझ्या पक्षाची मलाच बंडी "

माकड म्हणाले, " कधी इथे, कधी तिथे , माझ्या मताने वाढतील धोके

मासा म्हणाला, "मतदान म्हणजे कर्तव्य जाण , दुस-याला हे शिकवीन छान"

मोर म्हणाला,  वार्ड वार्ड जहिरात करीन, संध्याकाळी मतदान करीन

 पोपट म्हणाला

छान,  छान, छान

संवि धानाचा ठेवा हा मान
दिलेल्या हक्काचा वापर करा
नाहीतर काय होईल?

सगळे प्राणी : काय होईल?

*पुण्यातील ( बिन शेपटीच्या) माणसांसारखे सगळे आपले हसे करतील*

हा!  हा! हा!  😂😅🤣
🙈🙉🙊

📝 विसंगती सदा मिळो
२७/४/१९

🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳🌳

Saturday, April 20, 2019

ए ऐकव रे विडंबन


ए ऐकव रे विडंबन... 📝

( चाल: कुणाच्या खांद्यावर कुणाचे ओझे)

कुणाच्या भाषणावर कुणाचे वाजे?
कुणाचे वाजे?

कशासाठी उतरावे सभा लावून?
कोण बोले कुणासाठी दाखले देऊन?
जमतात येथे कुणी भाडे हे घेऊन
तरी यांना मिळतात 'चलचित्र' ताजे?

कुणाच्या भाषणावर कुणाचे वाजे?
कुणाचे वाजे?

आश्वासने जाती येथे, विरून विझून
दिन सच्चे अंधारात तसेच पडून
गावातून लागती पैजा  घोकून घोकून
दावती हे वेडे भक्त, तरी आम्ही राजे !

कुणाच्या भाषणावर कुणाचे वाजे?
कुणाचे वाजे?

अंतनको अस्ताआधी, पक्ष नको व्याधी
भाषणांना गर्दी म्हणजे पोकळ समाधी
देई कोणी वाटा त्याचा बडेजाव आधी
जिंकण्याआधी हारणे हे तुम्हा नाही साजे

कुणाच्या भाषणावर कुणाचे वाजे?
कुणाचे वाजे?

📝 विसंगती सदा मिळो........
१८/४/१९

Tuesday, April 16, 2019

आपुलकीची जेथ प्रचीती, तेथ पाय माझे वळती


*

मंडळी नमस्कार. 🙏🏻

आठवड्याच्या सुरवातीला एक वेगळा विषय मांडतोय. वेळ १७ मिनिट. जुईनगरला लोकल मधे बसलोय ऐरोलीत उतरेपर्यत जेवढे लिहिता येईल तेवढेच लिहितोय.

साधारण १५ एप्रिल आली की वेध लागतात मे महिन्यात गावी जायचे. सुट्टीचे प्लँनींग सुरू होते. त्याचवेळेला गावी कोणकोण नातेवाईक येणार याची विचारणा सुरू होते. तशीच एक उत्सुकता असते आपल्या शाळेतले गाव सोडून गेलेले  कोण कोण मित्र भेटणार?  ते आपण येणार आहोत त्याच वेळी येणार का?

सोशल मिडियामुळे आजकाल एकमेकांशी संपर्क रहात असला तरी प्रत्यक्ष भेटण्यातली मजा काही वेगळीच. पण आता झालंय काय की मित्राला विचारले आणि त्यांनी सांगितले की अरे यार, तू जेंव्हा गावी येणार आहेस त्याच्या पुढल्या आठवड्यात मी येणार आहे आहे रे. यावेळेला तरी आपली भेट शक्य नाही.

खरं म्हणजे नाॅर्मली इथे विषय संपतो. पण या वेळच्या गावच्या भेटीत आपण वेगळं करू या.

मित्र / मैत्रीण येणार नसतील तर काय झालं.? आपण गावाला गेलो की निदान त्यांच्या घरी जाऊन त्यांच्या आई-बाबांना भेटून, लहानपणीच्या आठवणी जागून,  त्यांची विचारपूस करुन त्यांचा हातचा खाऊ परत खाऊन आलो तर? थकलेल्या त्या काका- काकूंना नक्कीच बरं वाटेल.

माझा मित्र दुबईला राहतो. तो जाता- येता मुंबईत भेटतो. पण पूर्वी ज्या हक्काने मी तिन्ही त्रिकाळ त्याच्या घरी रमायचो, आज किती वर्ष झाली गेलोच नाही आहे.
यंदा मी ठरवलयं जाऊन यायंच. वयाने आपलेे पालक वृध्द झालेत खरे पण आपली एक भेट त्यांना या उन्हाच्या तडाख्यात  गारवा देऊन जाईल.
तेंव्हा मी नसतानाही आमच्या गावच्या घरी तुमचे स्वागत 🙏🏻

ऐरोली आलं. उतरायला पाहिजे

*ओढ लागली अशी जिवाला गावाकडची माती*

📝 अमोल केळकर
a.kelkar9@gmail.com

Tuesday, April 9, 2019

एक रस्ता आ s हा , आ s हा


🛣 एक रस्ता  आ s हा , आ s हा  🛣

मंडळी  नमस्कार 🙏🏻
आज एक वेगळा विषय मांडतोय.( जरा निवडणूक रणधुमाळीतून थोडासा बदल समजा.)

 ' प्रवास '  हा  अनेकांचा आवडता विषय असतो. अनेक जण अनेक प्रकारे प्रवास करतात. कुणी रस्त्याने , कुणी रेल्वेने तर कुणी हवाई प्रवास करतात. पण असे काही मार्ग असतात की त्या खास मार्गावरून जायला प्रत्येकाला कधीच कंटाळा येत नाही.  रोजच्या कामाच्या ठिकाणी वगैरे जायचा हा मार्ग नाही बरं का ! ( तिथे तर मनात असो नसो जावंच लागतं.)

असा मार्ग ,जो केव्हाही जा , कधी ही जा फक्त आनंदच देतो. 

तर मंडळी, माझ्यासाठी  सारखा सारखा प्रवास करावासा वाटणारा, कधीही कंटाळवाणा न वाटणारा एक रस्ता आहे .  माझ्या घरा पासून ते मुक्कामाचे ठिकाण असा हा मार्ग साधारण १३० किमीचा आहे. आणि दोन एक महिन्यातून एकदा तरी या मार्गावरून  गेल्या शिवाय मला चैनच पडत नाही. 😊

हा मार्ग चार टप्य्यात मी विभागलाय .  माणसाच्या कशा साधारण चार अवस्था असतात १)बाल २) कुमार ३) तारुण्य आणि ४) वार्ध्यक्य
( धर्म , अर्थ , काम , मोक्ष )
तशाच माझ्या मार्गाच्या ही 👆🏻या चार अवस्था आहेत.

साधारण ३०- ३५ किमीचे  प्रत्येक टप्पे . प्रत्येक टप्पा पार करायला लागणारा वेळ ३० मिनिटे. असा हा दोन तासाचा प्रवास.

तर घरातून निघालो की पहिला टप्पा, बाल्य: जशी लहानपणी आपली बालसुलभ भावना असते , एक आनंद , उत्साह , थोडीशी हुरहूर प्रवास कसा होईल याबाबत थोडी भिती. असा हा पहिला टप्पा.
 पहिल्या टप्प्याचा काही कि.मी. शिल्लक असताना  लागणारे दोन बोगदे जणू  वडीलधारी पालक. जाणीव करून देतात की  आता लहान नाहीस, खेळ बास , मजा बास थोडा सिरिअस हो,अभ्यास वाढणार आहे , लक्ष असू दे,

मग  दुसरा टप्पा सुरु -  कुमार . थोडी जबाबदारीची जाणीव , झालेल्या चूकाातून शिकणे . गाडीच्या वेगावर नियंत्रण , ब्रेक न दाबता समोरून आरामात चालना-या गाडयांना ओलांडून पुढे कसे जायचे , मागून येऊन किरकिर कारणा-या गाडयांना पुढे सोडणे , योग्य वेळी योग्य गियर , असे करत करत  , थोडासा अॅरोगंटपणा पण वाढत्या जबाबदारीच्या जाणीवेने हा २५-३० किमीचा  अवघड वळणाचा , घाटाचा टप्पा पार करत क्षणभर विश्रांती साठी थांबणे. हा टप्पा पार करे पर्यत अनेकांच्या डोक्याला झिणझिण्या येऊन  अगदी अमृतांजन लावावे असे वाटण्यासारखी परिस्थिती.

चहा नाश्टा करून मग तिस-या टप्प्याला सुरवात करायची .
 त्यामानाने हा टप्पा जास्त  सुखकारक . रस्ता ,  परिसर , गाडी यावर अगदी व्यवस्थित कंट्रोल आलेला असतो. जणू जीवनात आता रुटीन सेट झाले आहे. मस्त पैकी पाचवा गिअर टाकून एका वेगात गाडी जात आहे . फक्त आपल्या समोरच्या लेन मधून हळू जाणा-या गाडयांना शिताफने चुकवून, न कळत , अलगद , न दुखावता, हाँर्नचा आवाज न करता त्यांना ओलांडून पुढे जाऊन परत आपल्या मूळ लेन मध्ये लागणे , अतिशय घाई असणा-यांना आपला वेग कमी न करता पुढे जाऊ देणे.
बस "गोल्डन टाइम " हाच

चौथा आणि शेवटचा टप्पा  मुक्कामाचे ठिकाण घेऊन जाणारा. नाही म्हणले तरी एक दिड तासाच्या प्रवासाने थोडासा कंटाळा आलेला असतो. मुक्कामाच्या ठिकाणी पोचण्या आधी पुढे किती ट्रॅफिक जाम असेल याची चिंता  लागते , कसं होणार ? केव्हा पोहोचणार ? या विचाराने मनात काहूर माजलेले असते. जणू हा वृद्धत्व / निवृत्ती असा हा टप्पा . जे जे होईल ते ते पहावे अशी नकळत विचारसरणी करून देणारा हा टप्पा .
अंमल उदासीनपणे , वाट बघ बघत , ज्या नियोजित वेळेला पोहोचू असे वाटत असते त्या वेळे पेक्षा थोडा उशीर करून शेवटी आपण मुक्कामाला पोहोचतो

मंडळी  असा माझा हा प्रवासाचा आवडता  रस्ता आणि चार टप्पे.  कसा वाटला?

अरे हो  आता तो रस्ता कुठंला हे सांगणे ही एक फॉर्मेलीटी. कारण हा कुठला रस्ता हे
ब-याचजणांनी ओळखलं असेलच.

ज्यांनी ओळखलं नाही त्यांना सांगतो,
 हा माझा आवडता रस्ता  आहे तो # मुंबई- पुणे मेगा हायवे . आणि प्रवासाचा मार्ग  बेलापूर ते कोथरूड

पहिला टप्पा-   घर ते - खालापूर टोल नाका
दुसरा टप्पा- खालापूर टोल नाका ते  - लोणावळा .
तिसरा टप्पा - लोणावळा  ते तळेगाव टोल नाका
चौथा टप्पा - तळेगाव टोल-कात्रज बाय पास - ते -कोथरूड

मंडळी पण ही मजा फक्त मुंबई - पुणेच बरं का ! परतीची
पुणे - मुंबई अशी मजा नाही. कारण एक तर पुण्याहून आम्हाला निघायलाच नको वाटतं आणि मगाशी जे बाल, कुमार,तारुण्य , वार्धक्य या अवस्था किंवा धर्म , अर्थ , काम , मोक्ष असं जे म्हणलं तो मोक्ष आम्हाला परत येताना  पुण्यातील मित्रांनी दिलेल्या  बाकरवडी आणि आंबा बर्फीने केव्हाच मिळालेला असतो.

त्यामुळे आम्ही परतीचे राहिलेलोच नसतो 🙏🏻

📝अमोल केळकर
a.kelkar9@gmail.com

मेगा हायवेवर अखंड पणे
 राबणा-या  आणि आमचा प्रवास सुखकर करणा-या परिचित अपरिचित सर्वांना सदर लेखन समर्पित
०९.०४.२०१९

इलेक्शनच्या रींगणात कमळी उभी


📝राजकीय विडंबन  -  केवळ  मनोरंजन हा हेतू

( चाल : माळ्याच्या माळ्या मधी कोण ग उभी, वांगी तोडते मी रावजी )

--------------------------------------------
इलेक्शनच्या रींगणात कमळी उभी , भाषण देतो मी शेठजी
मित्रोजी , 'हात' आता पाडू जी , येऊ दे 'युती' बरी

औदाचं वरीस  कमळीला बहुमत हे पाहिजे ग
'युती' सजली मुबंईला राज्यात आमचं वाकडं ग
काळीज माझं धडधड करी,अच्छे दिन हे वरचेवरी
मित्रोजी , 'हात' आता पाडू जी , येऊ दे 'युती' बरी

आज गालावरी ग त्याच्या, 'राग' लागला दिसू ग
'व्हायनड' ले गेले , माझं मलाच येई हसू ग
राफेल राहिले  फ्रान्सवरी , सुसाट भक्त भरले घरी
मित्रोजी , 'हात' आता पाडू जी , येऊ दे 'युती' बरी

इलेक्शनच्या रींगणात कमळी उभी , भाषण देतो मी शेठजी
मित्रोजी , 'हात' आता पाडू जी , येऊ दे 'युती' बरी

🌷🏹 - ✋🏻

📝१०. ०४. १९
www.poetrymazi.blogspot.in

Thursday, April 4, 2019

राजकीय शोले


# राजकीय शोले.

( काल्पनिक,  निव्वळ मनोरंजन हा हेतू 📝)

निवडणुकीचे वातावरण सध्या अनेक Whatsapp ग्रुपवर तापलेलं दिसून येतंय.  दोन्ही बाजूनी मेसेजेसचे वादळ अहोरात्र सुरू आहे.

 गब्बर च्या अड्डयावर काय घडतय पहा


गब्बर: हम्म... कितने आदमी थे?

कालिया: सरदार... दो आदमी थे।

गब्बर: हम्म... दो आदमी? ...
 चौकीदार के बच्चों... वो दो थे, और तुम एकसौ तेरा...
फिर भी मेसेज नही भेजा।

खाली मेसेज पढके... क्या समझ कर आये थे?... सरदार बहुत खुस होगा, साबासी देगा .क्योँ?

 धिक्कार है...

अरे ओ साँभा... कितना इनाम रखे है सरकार हम पर?

साँभा: पूरे बहात्तर हज़ार...

गब्बर: पागल हो गया है तू साँभा. Inflation पकडोगे नही ? पूरे पंधरा लाख होता है....

और ये इनाम इसलिए है कि यहाँ के ४८  लोकसभा श्रेत्रो मेें जब बच्चा रात को रोता है तो माँ कहती है - "बेटा सो जा... सो जा
नहीं तो  चौकीदार आ जाएगा. " मेसेज भेजना चालू करेगा.

 और ये ११३ मेंबर,
सो रहे हो क्या?..

ये गब्बर सिंह का नाम पूरा मिट्टी में मिलाये दिये... इसकी सज़ा मिलेगी... बराबर मिलेगी... 🔫

📝४/४/१९
#राजकीय शोले
#रात्रीचे चौकीदार

(टीप : आवडल्यास क्षणभर हसण्यास हरकत नाही )

Saturday, March 30, 2019

राजकीय चारोळ्या




हे कसले 'स्वाभिमानी'
'हातालाच' विसरले खुषाल ✋🏻
' येन केन प्रकारेन '
सांगलीतून उभारलेत 'विशाल'

उमेदवार देण्यात 'प्रवीण '
पुण्यात मात्र उजूनी उणे
राजकीय वातावरणा पेक्षा
तापमानच इथे वाढलंय म्हणे 🌞

'ई -शान ' मुंबईचीच
मराठीच ठरवणार राजा 🏹
बोबडे बोलणा-या नेत्यांचा
वाजला की हो बाजा 🌷

📝३१/०३/१९ ( टार्गेट पूर्ण)
#मुंबई - पुणे- सांगली उमेदवारी घोळ
#राजकीय चारोळ्या

Thursday, March 28, 2019

वाहिन्यांचे निकालास्त्र


वाहिन्यांचे निकालास्त्र 🛰

दिनांक : २२ मे ते २३ मे
ठिकाण : बातम्यांच्या गिरण्या

नमस्कार, सुप्रभात मी ' अमुक तमुक ' रणसंग्राम' २०१९, 'विजेता कोण?१९',  'राज्यग्रहण १९',  या कार्यक्रमात आपले स्वागत. या ठिकाणी जे आम्हाला बघत आहेत त्यांना सांगू इ्छितो की आत्ता सकाळचे ७ वाजले आहेत.  लोकसभेच्या शेवटच्या टप्प्याचे मतदान पार पडले आहे हे तुम्ही जाणताच. उद्या मतमोजणी सुरु होईल.
या सर्वांचे " मेगा कव्हरेज " जवळजवळ ४८ तास फक्त फक्त आम्ही तुम्हाला दाखवणार आहोत.  तेंव्हा कुठेही जाऊ नका. पहात रहा फक्त ' न्यूज माझा'

ब्रेक नंतर परत एकदा तुमचे स्वागत. पुढे ४८ तासात इथे अनेक मान्यवरांना आम्ही पकडून आणू,  जे येणार नाहीत त्यांच्या घरी जाऊ. आज त्यांच्या प्रतिक्रिया घेऊ,  उद्या निकाल लागत असताना ' काल मला असे बोलायचेच नव्हते, माझ्या बोलण्याचा विपर्यास केला आहे ' हे ही ऐकू. पहात रहा ' न्यूज पावलोपावली '

परत एकदा आपले स्वागत. इथे जी वरची पट्टी आहे तिथे संपूर्ण भारताचे लोकसभेचे आकडे आम्ही दाखवू. खालच्या बाजूला महाराष्ट्रातील बदलत्या निकालांची नोंद, प्रत्येक क्षणी ( अगदी तिकडे एका मशिनची मोजणी झाली की इकडे अपसेट) तुम्ही पाहू शकाल.
इथे डाव्या बाजूला आमचे अनेक वार्ताहर जे देशाच्या कानाकोपऱ्यात पोचलेत त्यांच्याकडून आपण अपडेट्स घेणार आहोत. राहिलेल्या जागेत तुम्ही इथे स्टुडीओत आम्हाला , इथल्या चर्चा पाहू शकाल.
कुठेही जाऊ नका , बघत रहा 'न्यूजमत' आमचेच

ब्रेक नंतर परत एकदा स्वागत. या ठिकाणी सकाळी सकाळी महाराष्ट्रातील विभागवार नेते, आणि राजकीय विश्लेषक भाऊ, आणि तात्या आले आहेत. ती एक मोकळी जागा ( खुर्ची) दिसते आहे ते मान्यवर सकाळी मुंबईत ट्रॅफिकमधे  अडकल्याचे कळते.

तात्या काय वाटते तुम्हांला याबद्दल? अगदी थोडक्यात सांगा. 

मला वाटते त्यांचे चुकले. त्यांनी ठाण्याहून घाटकोपर पर्यंत जलद रेल्वे, घाटकोपर - अंधेरी मेट्रो आणी नंतर अंधेरी - एल्फिन्स्टन

तात्या , इथे एल्फिन्स्टन चे प्रभादेवी नाव झालयं. तुम्ही तर मराठीचे...

भाऊ, जरा थांबा- थांबा. मी तुमच्याकडे येणार आहे. भाऊ,भाऊ शांत व्हा.  तात्यांना त्यांचे म्हणणे मांडू दे

भाऊ शांत होईस्तवर आपण घेऊ एक ब्रेक. कुठेही जाऊ नका.

तर मंडळी ब्रेकवर जाण्यापूर्वी तात्या आपणास रेल्वेने स्टुडिओ त कसे पोहोचायचे सांगत होते.
 बोला तात्या .
तर अंधेरी हून त्यांनी जलद लोकल पकडून दादर पर्यत यावे आणि दादर हून धीम्या लोकलने प्रभादेवी गाठावी.

अलबत्या, तुम्ही सहमत आहात का तात्यांशी.

अजिबात नाही कारण गेल्या ५ वर्षात ठाण्याहून - प्रभादेवी पर्यत मार्ग सुरु व्हावा अशी अनेकांची मागणी होती.ती पूर्ण झाली असती ते हे मान्यवर वेळेत आले असते.

गलबत्या, तुमचे म्हणणे थोडक्यात सांगा. तुम्हाला १ मिनिटे देतो. आपल्याकडे विषय खुप आहेत. वेळ फक्त ४८ तास आहेत.

असं आहे बघा, लोकल फलाटावरुन निघायला पण १ मिनिटापेक्षा जास्त वेळ लागतो. त्यामुळे तुम्ही वेळेत सुट द्यावी ही मागणी मी सर्वप्रथम करतो.
तर  हे जे घाटकोपरला उतरून अंधेरी मार्गे येणे हे म्हणजे 'काखेत कळसा, गावाला वळसा'  असं झालं. हे काय ' युती ' 'आघाडी' आहे का? आम्हाला सिट नाही तर आमचा उमेदवार तुमच्या जागेवरून पश्चिम उपनगरातून लढायला?
ठाणे लोकलने सरळ परळ स्थानकात उतरून रेल्वे ब्रीज ओलांडला की प्रभादेवी येते.

रेल्वे ब्रिज,परळ 😠
#@*&%√¢£
*&%₹@##@#©®£€😠
(तात्या,  भाऊ, अलबत्या-गलबत्या  धमासान सुरु )

आपण इथे थांबणार आहोत कारण ज्या 'मान्यवरांसाठी'  हे भांडत आहेत ते कार्यालयात पोहोचले आहेत.
 एका छोट्या विश्रांती नंतर आपण ते मान्यवर ' सलबत्या ' यांच्याशी  बोलणार आहोत.

परत एकदा सगळ्यांचे स्वागत . ज्यांनी आताच टीव्ही लावला आहे त्यांच्यासाठी . इथून पुढे ४८ तास  निकालाचे "महाकव्हरेज" तुम्ही फक्त आणि फक्त इथेच पाहू शकणार आहात.  ब्रेकवर जाण्यापूर्वी मान्यवर ' सलबत्या " हे रहदारीतून वाट काढत इथे पोचले आहेत. त्यावरूनाही चर्चा झाली. आता आपण सरळ त्यांना प्रश्न विचारू ,

सलबत्या सर , तुमचे या महाचर्चेत स्वागत.

नमस्कार. 🙏🏻

नक्की कसा झाला तुमचा प्रवास. हे आमच्या प्रेक्षकांना जाणून घ्यायचे आहे

नाही म्हणजे छान झाला . ठाण्यात मी  प्रायव्हेट टॅक्सी बुक केली  आणि आलो .🤪

मग तुम्ही कळवलेले की  ट्रॅफीेक जाम मध्ये अडकलेले आहात ?

हो ते किंग सर्कल, खोदाद सर्कल कडून पुढे परळला जाताना बहुतेक मेट्रोचे काम असल्याने . . ..

तेच मला म्हणायचे आहे
मुंबईकरांना कशाला पाहिजे मेट्रो . आधी लोकल सेवा सुधारा, रेल्वे ब्रिज डागडुजी करा 😠
( मग सुरु सगळे )
#@#&-+&%₹#@€£😠
#@#&-+&%₹#@€

मंडळी इथे  थोडं थाबू कारण ज्या ' प्रभादेवी ' वरून हे सगळं सुरु झालं तेथूनच एक  ब्रेकींग न्यूज येत आहे . आमचे प्रभादेवीचे प्रतिनिधी ' देव काणे ' तिथे आहेत.

देव , मला तुम्हाला विचारायचे आहे . काय बातमी आहे तुमच्याकडे ?
देव , माझा आवाज तुमच्यापर्यत पोचतोय का ? देव ? देव ?

होय  ' अमुक  - तमुक ' मला तुमचं बोलणं ऐकू येतंय.

बातमी काय आहे .?

' नैऋत्य - ईशान्य मुंबई  मतदार संघातील ' अपक्ष ' उमेदवार   प्रभादेवीच्या ' सिद्धिविनायक मंदिरात  दर्शनासाठी पोचले आहेत .

यावेळची सगळ्यात मोठी बातमी तुम्ही टीव्ही स्क्रीनवर पहात आहात.
अपक्ष उमेदवार   मंदिरात दर्शनाला  .
सगळ्यात मोठी बातमी. सर्व प्रथम आम्ही दाखवत आहोत
"अपक्ष उमेदवार   मंदिरात दर्शनाला "

देव, तुझे काही  त्यांच्याशी बोलणे झाले का ? काही माहिती ? ते का गेलेले ? विजयासाठी मागणी त्यांनी  सिध्दिविनायका कडे केली का ?

होय , अमुक - तमुक ,  हे अपक्ष  इथेच आहेत. 
नमस्कार ? तुम्ही देवाकडे काय मागितले ? विजय ?
तुमचे देवळात यायचे प्रयोजन काय ?

त्याचे काय आहे , उद्या निवडणुकीचा निकाल लागेल. मी विजयी होईन की नाही त्या परमेश्वरालाच माहीत. पण  तुम्हाला माहीत आहे आज २२ मे. आज ' संकष्टी चतुर्थी '🌷 लोकसभेचा अपक्ष उमेदवार म्हणून  मला डायरेक्ट
 गाभा-यात प्रवेश मिळाला.
उद्या हरलो तर पुढच्या संकष्टीला लाईन लावावी लागेल . म्हणून म्हणलं आजच दर्शन घेऊ.

धन्यावाद आपण आम्हाला  प्रतिक्रिया दिलीत. कॅमेरामन 'क्लिक क्लिक' सह मी 'ढिशॅंव' 'एकच माझा'.

धन्यवाद देव , तुम्ही तिथेच थांबा आणि कोणकोण उमेदवार येतात याचे अपडेट्स आमच्यापर्यंत पोहोचवा.

 भाऊ,  मला  तुम्हाला एक महत्वाचा प्रश्ण विचारायचा आहे, यात तुम्हाला श्रद्धा, अंधश्रध्दा, जोतिष , भविष्य वगैरे जाणवतं?  काय सांगावस वाटतं ?

भाऊं च्या आधी मी बोलतो. पुरोगामी महाराष्ट्रात हे सगळं  😠👆🏻

तात्या प्रश्न मला विचारलाय , मध्ये बोलू नका 😠

अलबत्या तुम्ही थांबा , मी शेवटी तुमच्याकडे येणार आहे

गलबत्या  तुम्हालाही मी वेळ देणार आहे
सलबत्या, एक मिनिट , एक मिनिट

बाबा, हा "व्हाटसप" वर मेसेज बघितलात ? सरकारने सर्व न्यूज चॅनेलवर दोन दिवसासाठी बंदी आणली आहे .
 निवडणूक निकाल फक्त सरकारी वाहिनीवर  रात्री ९ वाचता पाहता येतील.

काय सांगतोस ? अरे  असे पण "  अच्छे दिन आले " तर  ???? 😊


📝अमोल केळकर
a.kelkar9@gmail.com
poetrymazi.blogspot.in
विसंगती सदा मिळो.....

Wednesday, March 27, 2019

महालक्ष्मी एकस्प्रेस


* महालक्ष्मी एक्स्प्रेस * 🚊

ठिकाण : ठाणे रेल्वे स्टेशन , फलाट  नं  ५
वेळ : रात्री  साधारण ८. १५

फलाट  नं  ५ वर आलेली लोकल १२ डब्यांची ( टिटवाळा , अंबरनाथ, कर्जत, बदलापूर) जाणारी जलद लोकल आहे . ही लोकल डोंबिवली , कल्याण स्थानकांवर थाबेल. पुढे सर्व स्थानकांवर थाबेल. लोकल येते काही हजारो माणसे उतरतात , तेवढीच चढतात आणि लोकल मार्गस्थ होते . माझी दोन्ही मुले हे  थोडंसं अचंबित होऊन पहात आहेत. Survival of fittest हा मुंबईच्या जीवनाचा एक महत्वाचा मंत्र नकळत त्यांच्या  मनात रुजतोय.  बर झालं आपण  हार्बर लाईन वर राहतोय आणि तो रोजचा लोकल प्रवास आपल्या वाटेला नाही याचे बायकोला समाधान वाटतयं.
 बाबा आपली गाडी केव्हा येणार? असा प्रश्न अधून मधून मुलांकडून होत आहे . उद्घोषणा चालूच आहेत. फलाट  नं  ५ च्या किना-या पासून दूर उभे रहा. एक जलद गाडी जाणार आहे कुणीही रेल्वे रूळ ओलांडू नका . असे म्हणेस तोवर धाडधाड पंजाब मेल , दुरांतो, चेन्नई एक्स्प्रेस  एका मागो माग जात आहेत . मिनिटा मिनिटाला बदलणारे  हे मुंबईचे जीवन पाहण्यात  वेळ कसा चाललाय हे कळत नाही  आणि   ९ ला काही मिनिटे अवकाश असताना  उद्गोषणा होते  १७४११ अप मुंबई - कोल्हापूर महालक्ष्मी एक्स्प्रेस पुढील थोड्याच वेळात फलाट  नं  ५ वर येत आहे.
या गाडीच्या डब्याची स्थिती  इंजिन पासून पहिला .. जनरल , दुसरा ....
बाबा , S11 - आपला डबा पुढे येणार आहे , चला लवकर . बाबा गाडी लोकल थांबते एवढ्याच वेळ थांबणार का ? आपल्याला चढायला मिळणार का ?  असे प्रश्ण मुलांच्या मनात येत आहेत. तेवढ्यात  इलेक्ट्रिक इंजिन असलेली  मुंबई - कोल्हापूर  महालक्ष्मी एक्स्प्रेस  -
 (एक प्रतिष्ठीत सेवा -)  ठाणे रेल्वेस्थानकात  प्रवेशते.

सांगलीला आपण रेल्वेने जात आहोत याचा  मुलांना झालेला आनंद चेह-यावरुन ओसंडून वहात आहे . खूप खूप दिवसांनी  माझ्या अत्यंत आवडत्या गाडीने मला जायला मिळणार म्हणून माझाही.

ठाणे - ते कल्याण  हा प्रवास मात्र एकाद्या लोकल प्रवासा सारखा होतो  . डबा लोकल प्रवाशांनी खच्चून भरलेला .लोकांच्या गर्दीत आमच्याच आरक्षित जागेवर कसं बसं बसायला मिळते. त्यात गाडीतून दिसणारी मुकंद कंपनी , पारसिक बोगदा ,  डोबिवली स्टेशन च्या बाहेरच दिसणारे गणपती मंदिर , पनवेल- दिवा - वसई  मार्ग ,गाडीला मिळालेला हिरवा सिग्नल  इंजिन तिथे पोचताच लाल कसा होतो  ही सगळी मजा मुलांना दाखवायची राहून जाते.

पण नंतर कल्याण ते लोणावळा हा प्रवास मुलं एन्जाॅय करतात. खिडकीतून डोकावून पुढे दिसणारे इंजिन , मागे दिसणारे लांब लचक डबे , कल्याण नंतरची अपरिचित स्थानके , बाजूच्या रुळावरून सुसाट जाणारी लोकल/ एक्स्प्रेस,  माथेरान ला जाणारी  मिनी ट्रेन जिथून सुटते ते नेरळ, नवीन झालेला  पनवेल - कर्जत मार्ग हे पहात पहात कर्जत येते. कर्जत ला आपल्या गाडीला लोणावळ्यापर्यत मागून दोन इंजिन जोडले जातील , पुण्यात गेल्यावर सध्या असलेले इलेक्ट्रीक इंजिन काढून पुढे कोल्हापूर पर्यंत डिझेल चे इंजिन लागेल  अशी टेक्नीकल माहिती मुलांना माझ्याकडून सांगितली जाते.

 विक्रांत सरंजामे ( तुला पाहते रे )  जिथे राहतात तेच हे गाव कर्जत ना बाबा? असा प्रश्ण मुलांकडून आला असताना  कर्जत  म्हणजे
 ' दिवाकरांचा वडा '  ही  ओळख नवीन पिढीला माहिती असणे आवश्यक वाटते. अर्थात पुढे लोणावळा ते सांगली हा मुलांचा प्रवास झोपेत होतो पण मी मात्र   महालक्ष्मी एक्स्प्रेसच्या आठवणीत शिरतो.

' लहानपणापासुन झुकझुक गाडीतून मामाच्या गावाला न जाता मुंबईला आत्या,मावशी कडे  या गाडीतून चिक्कार वेळा गेलो. पुणेकरांची जसे ' दख्खनच्या राणीशी ' भावनिक नाते तसे  सांगली - कोल्हापूर करांची ही लाडकी "महालक्ष्मी".

"दख्खनची राणी तू नेशील का मला पेशवाई पुणे पहायचे मला" असे गाणे राणीवर आहे.आपल्या महालक्ष्मी वर पण एखाद्य गाणं आसवं असं खूप वाटायचं .

 मुंबईला जाण्यासाठी  जरी सांगली स्टेशन होते तरी ब-याचदा गाडी पकडायला आम्ही मिरज जंक्शनला जायचो. याच कारण मिरजेला गाडी खूप वेळ थांबायची . आणखी एक कारण म्हणजे पूर्वी  बंगलोर- मिरज मिटर गेज रेल्वे असताना बेंगलोर हून  मिरजेला येणारी महालक्ष्मी, कोल्हापूर -मुंबई महालक्ष्मी ला कनेक्टेड असायची . ती गाडी आल्याशिवाय ( तिकडेच प्रवासी या गाडीत आल्याशिवाय ) कोल्हापूरची महालक्ष्मी सुटायची नाही .तिकडून येणारी महालक्ष्मी लेट असेल तर सांगलीत ताटकळत बसण्यापेक्षा  मिरजेत कोल्हापूरहून आलेल्या गाडीत बसता तरी याचे
मिरज - बंगलोर ब्रॉड गेज झाल्याने ही मजा गेली . पूर्वी गाडी स्टेशनात येताना  इंजिन ड्रायवर आणि रेल्वेचा कर्मचारी एका रींगची देवाणघेवाण करायचे. त्याशिवाय पुढे सिग्नल मिळायचा नाही. पुण्यापर्यत सींगल रूट असल्याने ' क्रॉसिंग साठी इतर गाड्या थाबून आपली गाडी पुढे जाणे , पहाटे ३ -३;३० ला पुणे स्टेशनवर डिझेलचे इंजिन काढून इलेक्ट्रीकचे इंजिन लावताना बघणे , नंतर  झुंजुमुंजु होत असताना " हिरव्या हिरव्या रंगाची झाडी घनदाट , सांग तुला दिसतो कसा खंडाळ्याचो घाट " बघत कल्याण पर्यत गाडी जाणे , मग पुढच्या प्रवासात किती  स्लो लोकलला मागे टाकत आपली महालक्ष्मी  दादर पर्यत पोचली याची गिनती करत प्रवास पूर्ण करणे.

ही मजा मी अनुभवली तशी अनेकजणांनी अनुभवली असणार.

 थोडासा अनुभव नवीन पिढीला मिळावा म्हणून त्यांना घेऊन मुद्दाम सांगलीला येताना रेल्वे प्रवास करवला.
"कोल्हापूर - मुबंई - कोल्हापूर" , "मुंबई - कोल्हापूर -सोलापूर - मुंबई" आणि आता  "मुंबई - कोल्हापूर - तिरुपती - मुंबई" असे रेल्वे डब्यांवर लावलेल्या पाटीत वारंवार बदल होत गेले . काही वर्ष तर वेळेत बचत करण्यासाठी कोल्हापूर ते मुंबईपर्यत डिझेल इंजिन जाऊ लागले ( पुण्यात इलेक्ट्रॅिक इंजिन न लावता ) , वेळोवेळी  गाडीच्या वेळेत बदल झाले, पनवेलहून सांगली पर्यत महालक्ष्मीच्या आधी पोचणारी नवी गाडी चालू झाली , नवी मुंबईहून अनेक वातानुकूलित शयनयान बसेस मेगा हायवे मार्ग ७-८ तासात सांगलीला पोहोचवू लागल्या , केव्हाही जायला स्वतःची हक्काची कार आली .

पण अजूनही सांगली - मुंबई किंवा मुंबई सांगली  जायच्या वेळेला मनात विचार येतोच

महालक्ष्मीने जाऊ या का ?

📝 सर्व महालक्ष्मी एक्सप्रेस प्रेमींना सदर लेखन समर्पित

अमोल केळकर
२७/३/१९

Sunday, March 24, 2019

जाऊनी पक्षात सा-या


आज रंगपंचमी यानिमित्याने सर्वाना शुभेच्छा . 'रंग'  म्हणले की सुरेश भटांचे  एक गाणं सर्वाना आठवते  " रंगुनी रंगात सा-या रंग माझा वेगळा "

रंगपंचमी आणि इलेक्शनच्या पार्शवभूमीवर ' भटांचे'  हे गाणे नव्या व्हर्जन मध्ये

 ' *वाईट नका वाटून घेऊ  रंगपंचमी आहे*' 🌈

चाल : " *रंगुनी रंगात सा-या रंग माझा वेगळा* "
जाऊनी पक्षात सा-या पक्ष माझा वेगळा
गुंतुनी हप्त्यात सा-या 'हात' माझा मोकळा

राहती माझ्यासवे हे कार्यकर्ते मित्रापरी
हे  पैशाचे सुख ज्याला, लागला माझा लळा

आज सकाळी का कळेना मी 'पळाया' लागलो
अन जिथे  आयुष्य गेले, कापला माझा गळा

दावंती 'आदर्श' तेथे, पाळती  खोट्या दिशा
सोडणारा' गद्दार' अन राहणारा 'आंधळा'

इलेक्शनच्या मध्यभागी हिंडणारा नेता मी
माझीयासाठी हा माझा जगण्याचा सोहळा

 📝 अमोल केळकर
विसंगती सदा मिळो ....
poetrymazi.blogspot.in

२५/३/१९
रंगपंचमी

Thursday, March 21, 2019

चौकीदार कवी


🔥🗣 *बूरा न मानो*....💥
      🌈 धुळवड स्पेशल - 
                  विडंबने

चौकीदार कवी  👲🏻
( चाल : छबीदार छबी मी तो-यात ... )

चौकीदार कवी मी , चौकीदार कवी
कवी  संमेलन ,आमच्याच  गावी
अरे टुकारा , गावात होईल शोभा , हे वागणं बरं नव्हं

हास्य संमेलन हे भवतीनं, फिरत आलो मी गमतीनं
विसंगती ही लावू कशी, सुमार कडवी रचू कशी
आर लाजमोड्या, भलत्याच करतोस खोड्या, हे वागणं बरं नव्हं

घोळ घालतो शब्दांचा, तिरपा डोळा कामाचा 😉
विडंबनाला जुळवितो, चिखलाचे पाणी उडवितो
आर कमळंगा , नकोस घेऊ पंगा , हे वागणं बरं नव्हं

कविता इथं संपवली, टपोरी माणस मोहरली
शीळ घालुनी करतो खुणा , घडीघडीला चावटपणा
अरं मर्दा, अब्रूचा होईल खुर्दा , हे वागणं बर नव्हं

----------------------------------------
"विसंगती सदा मिळो,  टुकार विडंबन कानी पडो"
www.poetrymazi.blogspot.in

📝२१/०३/१९
अमोल केळकर

न्यूज पाहून, सुचले सारे


धुळवड स्पेशल 🥶🌈💥

हरघडी ' ब्रेकींग न्यूज ' पाहून तात्काळ 'टुकार' विडंबनाच्या जिलब्या पाडणा-या सर्व 'सुमार' 'कविंना' समर्पित 😉🤭

🔥🗣 *बूरा न मानो*....💥
--------------------------------------------
( मूळ गाणे: शब्दावाचून कळले सारे, शब्दांच्या पलिकडले)

'न्यूज'पाहून सुचले सारे, 'टुकार'च्या पलिकडले
प्रथम कडवे रचले आणिक लिहू नये ते लिहिले

अर्थ नवा काव्यास मिळाला
'बूट' जूना पण गाल सुजला
त्या दिवशी का प्रथमच माझे 'विडंबन' अडखळले

जुळवितो 'यमकांना' रात्री
लक्ष विचार सुचतील खात्री
'विसंगतीत' या विश्वाच्या, रहस्य मज उलगडले

न्यूज'पाहून सुचले सारे, 'टुकार'च्या पलिकडले
प्रथम कडवे रचले आणिक लिहू नये ते लहिले
-------------------------------------------
मुळ गाणे:-

शब्दावाचुन कळले सारे,, शब्दांच्या पलिकडले
प्रथम तुला पाहियले आणिक
घडू नये ते घडले

अर्थ नवा गीतास मिळाला
छंद नवा अन् ताल निराळा
त्या दिवशी का प्रथमच माझे
सूर सांग अवघडले

शब्दावाचुन कळले सारे,, शब्दांच्या पलिकडले-

आठवते पुनवेच्या रात्री
लक्ष दीप विरघळले गात्री
मिठीत तुझिया  या विश्वाचे
रहस्य मज उलगडले

शब्दावाचुन कळले सारे,, शब्दांच्या पलिकडले
-------------------------------------------
"विसंगती सदा मिळो,  टुकार विडंबन कानी पडो"
www.poetrymazi.blogspot.in

📝२१/०३/१९
अमोल केळकर

Wednesday, March 20, 2019

चला मुलांनो आज शिकून या.


धुळवड स्पेशल 📝
(२१/३/१९)

प्रिय काॅग्रेस, राष्ट्रवादी पक्षातील वडीलधारी मंडळींनो, मुलांना शिस्त/ संस्कार लावायचे असतील तर सरळ 'भाजपात' न पाठवता 'संघात' पाठवा.🙏🏻🤷🏼‍♂

आमच्या निष्ठावान आपटे,गोखले,गोगटे, कलकर्णी ,जोशी, खाडीलकर, लेले,  यांनी काय फक्त सतरंज्या उचलायच्या का? ?🤨🙊
----------------------------------------------------
(चाल: चला मुलांनो, आज पाहू या शाळा चांदोबा गुरूजींची)

या वा-याच्या बसुनी 'ईमानी',सहल करुन या पक्षाची
जावा मुलांनो, जरा शिकून या पध्दत भाजपा पार्टीची 🌷

आली इलेक्शन जमले नेते,निवडणुकीच्या रिंगणात
महा(जन) गुरुजी तर दिसती कसल्या मोठ्या चिंतेत
बघुनी पोरे ती करिती चळवळ आपुल्या इवल्या हातांची✋🏻
जावा मुलांनो, जरा शिकून या पध्दत भाजपा पार्टीची🌷

द्वितियेपासून रोजच येती सुपुत्र यांचे पार्टीत
मुले चांगली रमती आणिक सगळे आपुल्या मस्तीत
कधी स्टेशनातून सुटते 'रेल्वे' ओढ लागूनी 'घडीची' ⏰🚂
जावा मुलांनो, जरा शिकून या पध्दत भाजपा पार्टीची 🌷

कुणी बेताचे ओठ हालवूनी, भाषणास वेडावित असे
रागाने मग 'मावळ' प्रांत गोरामोरा होत असे
बघुनी सारे हसता हसता बनते कविता 'टुकारची' 😉
जावा मुलांनो, जरा शिकून या पध्दत भाजपा पार्टीची 🌷

🌷✋🏻⏰🚂🏹

रंगूनी रंगात सा-या रंग माझा वेगळा 🌈🥶

अमोल केळकर

होय महाराजा


🔥 होय रे महाराजा 🙏🏻

येणारो इलेक्शनचा सण सगळे पक्ष, त्यातील चौकीदार, पप्पू, निष्ठावंत, मिळान साजारो करतत, त्यांचो तू नेहमी सांभाळ कर आणि जी काय इडा पिडा, वाकडा नाकडा असात त दूर कर रे महाराजा.... 🌷

*होय महाराजा....🙏🏻*

कुणाला कुठे उमेदवार मिळत नसतील,  कुणाकडे फोडायचं असल, ते फोड महाराजा.. 🌷

*होय महाराजा....🙏🏻*

कोणाच पोर पक्षात रहात नसंल, त्याक पोर थांबू दे, काम धंद्यात सर्वानका यश दे, नवीन पोरा टोराक भाषणात यश दे,  रे महाराजा.... ⏰

*होय महाराजा....🙏🏻*

हे देवा महाराजा आज जो काय सोशल मिडीयावर सु्काळ पडलो हा, त्याचो तू नाय नाट कर आणि तुझ्या कृपा दुष्टीने सगळीकडे शांती होऊ दे रे महाराजा....

*होय महाराजा....🙏🏻*

*ह्या बघा देवक मी नारळ देऊन सगळ्यांच्या वतीने गराणा घातलाय.* 🙏🏻🙏🏻

*चला आता सगळ्यांनी forward करा आणि शिमगो खेळाक यवा.*

*आपणा सर्वाना शिमग्याच्या शुभेच्छा*🔥📝

Follow by Email

Related Posts Plugin for WordPress, Blogger...