नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Tuesday, December 31, 2019

स्वागत २०२०


संध्याकाळी दिवेलागणी झाल्यावर "शुभंकरोती कल्याणम्" वगैरे स्तोत्र म्हणून झाल्यावर,
 हं , ' कुठं चाललात ' ?
 म्हणा पाठे !
निदान २० पर्यत तरी म्हणा असा आदेश वडीलधाऱ्यांकडून निघायचा .

मग २ ते ११ पर्यत फास्ट ट्रॅक वरुन सुटलेली पाढ्यांची गाडी, १२ ते १९ पर्यत स्लो ट्रॅकवर कशी यायची ते कळायची नाही.

२० चा पाढा मात्र परत सुसाट मेगा हायवेसारखा.

तो पाढा म्हणतानाची सहजता, आनंद आणि उत्साह तुम्हाला या आगामी २०२० वर्षात पुन्हा एकदा भरपूर मिळो या नवीन वर्षाच्या पूर्वसंध्येला सर्वांना

प्रेमळ शुभेच्छा 🙂
🙏🏻🙏🏻:💐💐


📝अमोल✌🏻
३१/१२/१९

Saturday, December 28, 2019


'गणित' या विषयात ज्यांना
" लळा, जिव्हाळा " आहे त्यांना दंडवत 🙏🏻.
आमच्या साठी हा विषय म्हणजे

वजा ➖ बेरीज ➕
रहस्य मोठे 🙄
फुल्या ✖ फुल्या ✖
येई
' गणित'  आमचे नाही राजा
'गणित ' आमुचे नाही

तरीपण :-

सर्व आंतराष्ट्रीय  'कवी ' मंडळीना ' गणिती'  दिवसाच्या शुभेच्छा💐

'आकडे' मांडून 'गणीत' सोडवणे जसे अवघड तसेच योग्य 'मात्रेत' 'अक्षरांचे ' गणित मांडून त्यावर 'अलंकारिक' वृत्ताचा साज चढवून सोपे जिवनाचे गणित अधिक अवघड भासवणारी 'कवी' मंडळी ही आजच्या दिनी कौतुकास पात्र आहेत 😉💐

याकाही ओळी त्यांच्यासाठी

'१३' मेरा '७' असो
' १७६० ' वेळा
पण काहीही असो तुम्ही
'४' ओळीतच खेळा

#'आंतराष्ट्रीय गणिती दिवसाच्या ' शुभेच्छा 💐

0⃣ ▶↔🔢
➕➖➗✖💲💱

📝 ७ वीत एकदाच शंभरपैकी शंबर मिळवणारा गणिती तज्ञ🤪

२२/१२/१९
poetrymazi.blogspot.in

शाळच्या मितरांची 'पार्टीत' भेट झाली


२०१९ ची शेवटची ' रविवारची टूकारगिरी '📝
 (  यावर्षीचे हे शेवटचे विडंबन आता २०२० मधे  "मी परत येईन" ✌🏻  )

मूळ गाणे : भन्नाट रानवारा मस्तीत शीळ घाली , रानच्या पाखरांची रानात भेट झाली

भरला ग्लास सारा, बाटली बाजू केली
शाळच्या मितरांची 'पार्टीत' भेट झाली 🥳

एकाच वर्गामंदी वाढलो एका ठायी
पुरान्या वळखिला पिण्याची नवलाई
खाण्याला 'शेव डाळ', चकली(ही) साथ आली
शाळच्या मितरांची 'पार्टीत' भेट झाली  🍾🍺

पुढ्यात रम व्हिस्की,वेटर घेऊन आला
बारच्या हॉलमध्ये  खमंग  वास भरला
काहूर आठवणींचे, 'प्रिती'ही आठवली 
शाळच्या मितरांची 'पार्टीत' भेट झाली 🍷🍻

बेवड्यांची  खूप गर्दी , काळोख दाट  झाला
उत्साह फेसाळला, विचार तेजाळला
सुचते तशातही " गाण्याच्या टुकार ओळी "
शाळच्या मितरांची 'पार्टीत' भेट झाली  🥂🥃

📝 अमोल ✌🏻
poetrymazi.blogspot.in

मूळ गाणे : -
भन्‍नाट रानवारा मस्तीत शीळ घाली
रानंच्या पाखरांची रानात भेट झाली

येकाच रानामंदी वाढलो येका ठायी
पुराण्या वळखीला ज्वानीची नवलाई
मनींची खूणगाठ लगीन गाठ झाली

रानाचा हिरवा शालू आकाश नीळा शेला
हवेच्या कुपीमंदी मातीचा वास ओला
बाशिंग डहाळीचं, वेलींच्या मुंडावळी

पानांची गच्च जाळी काळोख दाट झाला
काळोख गंधाळला काळोख तेजाळला
झुलती काळोखात गाण्याच्या दोन ओळी

Thursday, December 26, 2019

स्टेटस अच्छे होते है


" स्टेटस " अच्छे होते है ✌🏻

एव्हान सोशल मिडियाने ब-याच जणांना आपल्या मगरमिठीत घेतलेले आहे. डिपी, टँग, ट्विट यासारखे शब्द/ क्रिया आपल्या आता परिचयाच्या झाल्या आहेत. मध्यंतरी सुरु झालेला 'स्टेटस' ठेवणे/ लावणे हा प्रकार एक अनोखी गोष्ट ( क्रिएटिव्हिटी) असं मी मानेन. फेसबुक, व्हाटस अप वर आपण आजकाल सतत ते करत ही आलोय. किंबहूना समुहात एखाद्या मेसेजला प्रतिक्रिया न मिळता त्याच मेसेजला स्टेटस मधून रिप्लाय मिळण्याचे प्रमाण वाढतयं. कुणी कुणी अगदी किती वाजता आपलं स्टेटस पाहिलं हे कळतयं.

'स्टेटस'. समाज मनात असलेली ( की आपण करुन घेतलेली)   आपल्या बद्दलची प्रतिमा. खरं म्हणजे आपल ' स्टेटस ' काय हे इतरांनी ठरवायचे.
पण आजच्या या सोशल मिडियाद्वारे आपण आपली प्रतिमा/ इमेज/ विचार पुढे करुन आपले "स्टेटस" आपणच प्रोजेक्ट करायचे ही एक प्रकारे चांगली? / कौतुकास्पद  प्रक्रिया.

किती वेळ राहतो / दिसतो हा स्टेटस ? फक्त ३० सेकंद. किती लावायचे? कितीही
पण या 'स्टेटसचा' आपल्या सोबत रहायचा कालावधी फक्त २४ तास

म्हणजे तुमचे " स्टेटस" ही किती *क्षणभंगूर* आहे हेच तर सुचवायचे नसेल?  📝

दुस-या अर्थाने २४ तासात तुम्हाला बदलायची, आणखी चांगले व्यक्त होण्याची, चुकांची दुरूस्ती करण्याची संधी असंही बघता येईल

पूर्वी 'रिन' का 'सर्फ ' पावडरची जहिरात असायची 'डाग' अच्छे होते है

 आजचे माझे स्टेटस थोडेसे असेच
' स्टेटस' अच्छे होते है

समुहात व्यक्त न होता आपल्या वेगवेगळ्या "स्टेटसद्वारे" विचार करण्यास प्रवृत्त करणाऱ्या सर्व प्रभुतींना सादर समर्पित 🙏🏻

📝२७/१२/१९
 अमोल
poetrymazi.blogspot.in

Wednesday, December 25, 2019

बाॅक्सिंग डे, सूर्यग्रहण


बाॅक्सिंग डे 👊🏻👊🏻

नाताळ नंतर चा दुसरा दिवस म्हणजे
 "बाॅक्सिंग डे ". या दिवसाच्या अदल्या रात्रीच मोठा भाऊ 'राडा' करुन घरी आलाय.  आईला आधीच याचे वेध लागल्याने ती त्याची वाटच बघतीय. तो सकाळी घरी आल्याआल्या दोघांच्यात धडपकड सुरु झालीय.

अशा वेळी छोटी बहिण भावाला वाचवण्यासाठी मधे पडलीय आणि तिच्या मागे लपून (सावलीत) भाऊ आई पासून वाचण्याचा प्रयत्न करतोय

हं,  कवी कल्पना आहे 🤗
काहींना टुकार वाटेल

पण

 आकाशात बघा आज ८ ते ११. हेच दिसेल


हॅपी ' बाॅक्सिंग डे ' 👊🏻


आकाशाशी जडले नाते
ग्रह ता-यांचे
सूर्यग्रहण पहा कवीचे
लक्ष तिकडेच सा-यांचे

जोतिषाने सहज पाहिले पंचांग आsजचे
एक जाहले रविचंद्रकेतू धनू राशीsचे
उभे ठाकले ग्रह सावळे समोर दुहीतेचे

सूर्यग्रहण पहा कवीचे
लक्ष तिकडेच सा-यांचे

लुब्ध जनता दुरुन न्याहळी ग्रह 'धनू'र्धारी
चषम्या मध्ये एकटवुनिया निजशक्ती सारी 😎
सुरू जाहले मंत्र हळू हळू  'कृष्ण हरीचे '

सूर्यग्रहण पहा कवीचे
लक्ष तिकडेच सा-यांचे

उंचावुनिया पहा पापण्या पाहत ती राही
तडिताघातापरी भयंकर नाद तोची होई
ढगांनीमग केले वाटोळे आज ग्रहणाचे ☁☁

सूर्यग्रहण पहा कवीचे
लक्ष तिकडेच सा-यांचे
             
🌞(🌚)     🌝            🌏


📝अमोल
poetrymazi.blogspot.in
२६/१२/१९
#💍ग्रहण
#दे दान ( प्रतिक्रिया)सुटे गि-हाण
#बाॅक्सिंग डे 👊🏻👊🏻
#घाला शेण तोंडात 🥴आम्ही प्रसाद समजू 😋

Wednesday, December 18, 2019

हा ' टॅग ' गाडीला लावीतसे


विडंबन असे  ' फास्ट  टॅग '   केले की छान वाटते 🚧🚥🚘😬

हा ' टॅग ' गाडीला लावीतसे
( मुळ  गाणे : हा छंद जिवाला लावि पिसे ! )

तिथे टोल सखे भरपूर दिसे
खिशात ' मनी ' सर ले भलते 
दिनरात तुझा रे ध्यास जडे
हा ' टॅग ' गाडीला लावीतसे 

ती रांग  तुझ्या नजरेमधली
गाडी आपली नेहमीच बळी
'टॅगात ' असेल जादुखरी
गेलो ओलांडुनी  'फास्ट' कसे

आरशाच्या मागे चिकटव वरी
हा स्कँन होतसे लईभारी
तो मार्ग मग घायाळ करी
वेगात पळाली कार दिसे

📝अमोल
१८/१२/१९
poetrymazi.blogspot.in

मुळ गाणे :
तुझे रूप सखे गुलजार असे
काहूर मनी उठले भलते
दिनरात तुझा ग ध्यास जडे
हा छंद जिवाला लावि पिसें!

ती वीज तुझ्या नजरेमधली
गालीं खुलते रंगेल खळी
ओठांत रसेली जादुगिरी
उरिं हसति गुलाबी गेंद कसे!

नखर्यांत तुझ्या ग मदनपरी
ही धून शराबी दर्दभरी
हा झोक तुझा घायाळ करी
कैफांत बुडाले भान असे!

Monday, December 16, 2019

अधिक महिमा ➕


अधिक महिमा ➕

मंडळी नमस्कार 🙏🏻

इंग्रजी  कालनिर्णयानुसारचे सन २०१९  वर्षातील शेवटचे काही दिवस शिल्लक आहेत . नवीन वर्ष २०२० च्या दिनदर्शिकांची खरेदी ही एव्हांन अनेकजणांची झाली असेलच . आजकाल मोबाईल मध्ये पुढील ५० वर्षांपर्यत ( किंवा त्याहून जास्त ) च्या दिनदर्शिका जरी मिळत असल्या  तरी  दरवर्षी भिंतीवरील दिनदर्शिका घेऊन नवीन वर्षात सुट्ट्या केव्हा आहेत हे पहाण्याची मजा अजूनही मी घेतो. सर्वात पहिल्यांदा नवीन वर्षात आपला वाढदिवस कोणत्या वारी आहे , रविवारला लागून कुठल्या सुट्ट्या आल्यात , गणपती केव्हा आहेत ? इ इ .

 एखादा जोतिषी  असेल तर वर्षात होणारे ग्रहांचे राशीबदल , ग्रहणे  इ गोष्टी त्याच्यासाठी आपुलकीच्या असू शकतील. धार्मिक कार्य करणा-यांसाठी  विवाह - वास्तू - व्रतबंधन  मुहूर्त आपुलकीचे होऊ शकतात .

 तर मंडळी  यंदाच्या २०२० साल हे समस्त जावई  मंडळींसाठी ही विशेष आहे कारण सप्टें / ऑक्टोंबर मध्ये येणारा अधिक महिना ( अधिक अश्विन).
 अधिक महिना का असतो, त्याचे महत्व वगैरे ही माहिती आत्ता तरी आपल्याला घ्यायची नाही आहे  पण या  " अधिक  ( + )"  शब्दाशी आपण कसे परिचित आहोत हे पाहण्याचा केलेला हा एक ( टुकार ) प्रयत्न.

लहानपणी गणित शिकताना  अधिक  ( + )  हा शब्द  पहिल्यादा आपण शिकतो/ आपल्याला समजतो.  माझ्याबाबतीत बरीचशी बेरीज ( अधिक + ) असलेली गणिते वजाबाकी असलेल्या गणितापेक्षा जास्त बरोबर आली आहेत किंवा वजाबाकीच्या गणितां पेक्षा बेरीज असलेली गणिते मला जास्त आवडायची . थोडे मोठे होत गेल्यावर परीक्षेत अगदी  इतर विषयाच्या पेपरात  ' अधिक + पुरवण्या ' लावण्या एवढी मजल मात्र मी मारू शकलो नाही . 

अधिक / जास्त / अजून  या गोष्टीशी आपले नाते मानवी स्वभावानुसार  अगदी नैसर्गीक  आहे कारण जन्माला आल्यापासून आपले 'शारीरिक वय ' हे  वाढतच असते ( अधिक + ) , उणे कधीच होत नाही. ' मार्केटींग स्कीम ' मध्ये या  ' अधिक + ' गोष्टीचा अगदी पुरेपूर वापर केलेला दिसतो.  २ गोष्टींवर एक गोष्ट  फ्री ( अधिक ) , अमुक एक गोष्ट अमुक कालावधीत घेतली तर तिसरी एखादी गोष्ट अधिक मिळेल , एखादी  पॉलिसी/ ट्रॅव्हल प्लॅन / एखाद्या क्लबची मेंबरशीप घ्या आणि ही ( अधिक + ) बक्षिसे मिळवा इ इ इ.
दिवाळी/ होळी साठी  कोकणात सोडण्यात येणा-या जादा ( अधिक ) रेल्वे , पंढरपूर यात्रेसाठीच्या अधिक बसेस, दिवाळीत काही नशीबवान कर्मचा-यांना  मिळणारा बोनस ( अधिक )  एखाद्या उत्तम कलाकाराने सादर केलेली कलाकृती याला मिळालेला ' वन्स मोर ' ( अधिक + ) , शनिवार/ रविवार काही  मालिकांचा सादर होणारा एक तासांचा  विशेष ( अधिक + ) भाग , कुठल्याही मॉल मध्ये सिनेमाच्या तिकिटाबरोबरच खादाडी करण्यासाठी घेतलेला ( अधिक + ) कॉम्बो पॅक , मराठीतील काही म्हणी जशा ' आधीच  उल्हास त्यात फाल्गुनमास ' किंवा 'दुष्काळात तेरावा महिना' या सगळ्या गोष्टींचा  कुठे ना कुठेतरी  " अधिक + " शी संबध येतो असे वाटते . अगदी आजारी पडलो , अपघात  झाला  तर आयुष्यमान  वाढण्यासाठी जिथे आपण पोचतो त्या जागेचे चिन्ह ही '  लाल रंगात +  ' हेच असते.

 आणि शेवटी ते म्हणतात ना
 ' नॉट बट लिस्ट '  का काय ते .

 राजकारण ?  होय राजकारण या प्रकारातही आपण अनेकदा ' बेरजेचे राजकारण ' ऐकतो / पहातो की + ✌🏻

तर असा हा " अधिक + महिमा" आपणास आवडला असेल. तर सन २०२० हे लीप वर्ष असल्याने फेब्रुवारीही १ दिवस अधिक घेऊन आला आहे. आधी लिहिल्याप्रमाणे सर्व जावयांसाठी ' अधिक मास ' पर्वणी आहेच . पण कधी तरी वाटत  ही  'अजून अजून / अधिक अधिक'  ची हाव  मर्यादित हवी . एकंदर मिळणा-या गोष्टीत समाधान आहे/ बास आता अजून अधिक नको . किती पळायचे त्या अधिक/अधिक च्या मागे? असे वाटणे ही महत्वाचे .

 लेखनाचा शेवट ' धीर ' धरी  असा मोलाचा सल्ला देऊन

होसी का भयकंपित धरसी का शंका
गाजतसे वाजतसे तयाचाच डंका 
'जय गोविद' 'जय मुकूंद'  'जय सुखकारी'

धीर धरी धीर धरी जागृत गिरिधारी

📝अमोल
१७/१२/१९
poetrymazi.blogspot.in

# ' अधिक ' (  + ) चांगलं लिहायला पाहिजे अजून असं सतत वाटून सतत लिहिते राहणा-या समस्त लेखक लेखिका/ कवी, कवयित्रींना समर्पित 🙏🏻

Thursday, December 12, 2019

हीच वेळ 'फजितीची'


सध्याच्या 'स्थगिती सरकार ' प्रती 📝

( चाल: एकवार पंखावरुनी फिरो तुझा हात, शेवटचे घरटे माझे तुझ्या अंगणात)
⏱🏹✋🏻

हीच वेळ 'फजितीची', सामील त्याला हात
शेवटची 'प्रगती' होती 🌷,तुझ्या प्राक्तनात

पदासाठी भांडून बसलो
मंत्रा -लया साठी अडलो
कधी युती मध्ये सडलो, आता आघाडीत

आरे, बुलेट, जा(ना)णार नाई
काही यांचा नेमच नाही
'समृध्दी'  शिवाय नाही, काहीच मनात

मुका बावरा तू भोळा?
दिसेल का तुझीया डोळा?
*संपेल का स्थगिती आता, तुझ्या निर्णयात*

हीच वेळ 'फजितीची', सामील त्याला हात
शेवटची 'प्रगती' होती 🌷,तुझ्या प्राक्तनात

📝१२/१२/१९
अमोल
poetrymazi.blogspot.in

Monday, December 9, 2019

तिन तिगाडा काम बिघाडा


तिन तिगाडा काम बिघाडा

काही काही गोष्टींचा आपल्या मनावर एवढा पगडा असतो की तशी वेळ आली की आपोआप मनात विचार येतातच. उदा. तीन जण एका विशिष्ठ कामासाठी एकत्र आले तर आता  या कामात काहीतरी 'बिघाड' होणारच किंवा एखादी गोष्ट सलग दोनदा झाल्यावर आता 'इजा,बिजा,तिजा ' होणारच यावर आपण ठाम असतो. अर्थात असे मत बनण्यात ब-याच दा अनुभवाचा ही वाटा असतो

पण याच ३ अंकाशी आपले फार ऋणानुबंध आहेत. अगदी आपला भूतलावरचा अवतार 'जन्म, जीवन , मृत्यू ' या तीन प्रमुख घटनांशी संबंधित आहे. जीवनप्रवाहात पुढे जात असताना 'भूतकाळ, वर्तमानकाळ, भविष्यकाळ' या तीन खिडक्यातून आपण सतत डोकावत असतो. वेगळ्या पद्धतीने सांगायचे झाल्यास बाल्य, तरुण,  वृध्दत्व या ३ अवस्था सर्वसाधारणपणे आपल्याला चुकलेल्या नाहीत. अगदी पत्रिका बघतानाही ज्योतिषी 'लग्न कुंडली',  'राशी कुंडली' आणि 'नवमांश कुंडली' अशा ३ पत्रिका बघतात

सृष्टीचे चे जे चक्र अव्याहतपणे सुरु आहे त्यातही हवामाना प्रमाणे आपण मुख्यत्वे ३ ऋतू येतात:- 'उन्हाळा, पावसाळा, हिवाळा'

लेख थोडासा धार्मिक अंगाने न्यायचा झाल्यास आपण प्रामुख्याने ३ लोक ( स्वर्ग, पृथ्वी, नरक) मानतो. देव धर्म,  पूजा अर्चा, देवदर्शन करतानाही तीनाचे महत्व दिसून येते. साधारण कुठल्याही देवळात देव दर्शन झाल्यावर किमान ३ प्रदक्षिणा आपण मारतो ( किंवा माराव्यात). पूजेच्या वेळी आचमन करताना 'केशवाय नम:, नारायणाय नम:, माधवाय नम: असे तीन वेळा आचमन करुन गोविंदाय नम: असे म्हणून उदक सोडतो.

आपल्या देशाचा राष्ट्रध्वज 'तिरंगा' म्हणून ओळखला जातो तर शत्रूच्या उरात धडकी भरवणारी तीन सेना दले आपल्याकडे आहेत. २६ जाने,  १५ आँगस्ट ला  राष्ट्रगीत म्हणल्यावर 'भारत माता की जय' चे नारे साधारण पणे ३ वेळा देतो

मंडळी म्हणूनच प्रत्येक वेळी एकत्र आलेल्या ३ गोष्टी वाईट नसतात. उद्याचा दिवस तर या दृष्टीने किती महत्वाचा आहे हे वेगळे सांगायला नको. ब्रह्मा,  विष्णू,  महेश या तीन बालकांचा 'अवधूत चिंतन श्री गुरुदेव दत्त' रुपी जन्म झाला तो मार्गशीर्ष पोर्णीमेला. बाकी यामागील गोष्ट सगळ्यानाच माहिती असेल.

तेंव्हा जेंव्हा जेंव्हा ' तिन तिगाडा काम बिगाडा ' असं वाटेल तेंव्हा तेंव्हा एकच गोष्ट आठवायची

ब्रह्मा विष्णू आणि महेश्वर सामोरी बसले
मला ही दत्तगुरु दिसले. 🙏🏻🌺

असा बदल आपल्यातच झाला की जणू
 ' तिन्ही लोक आनंदाने,  भरुन गाऊ दे ' अशी भावना व्हावी

'तिन्ही सांजा सखे,  मिळाल्या,
देई वचन तुला.

 देणार वचन?   लागायच कामाला परत?
चला,
१, २, साडे माडे , तीन

📝१०/१२/१९
अमोल
poetrymazi.blogspot.in

Sunday, December 8, 2019

कांदे (अश्रू ) पूरम


आमच्या काही आवडीच्या मिसळी मग ती ठाण्याची 'मामलेदार' असो, शिवसेना भवन जवळची 'आस्वाद' असो किंवा थेट पनवेल जवळची 'दत्त स्नॅक' ची असो. बिचाऱ्या 

ऐका त्यांचे कांदे(अश्रू) पुरम् 🙁
( चाल: मेंदीच्या पानावर मन अजून झुलते गं)

कांद्याच्या दरावरुन वाट आमची लागली गं
शेव, फरसाणाचेही मन अजून झुलते गं

चिरचिरतो स्वयंपाकात तोच गार मूळा गं
हिरमुसतो मिसळीचा अजून 'कट' सारा गं

अजून तुझे क्विंटलचे दर कसे चढते गं
अजून आमच्या डोळ्यातील अश्रूपण कवळे गं

कांद्याच्या दरावरुन वाट आमची लागली गं
शेव, फरसाणाचेही मन अजून झुलते गं

📝८/१२/१९
poetrymazi.blogspot.in

Friday, December 6, 2019

स्क्रिन शाॅट


# स्क्रीन शॉट

 तुम्ही जो संगणक , लॅपटॉप , स्मार्टफोन  वापरता/ बघता  त्याच्या स्क्रीन / दृश्य भागाचा हुबेहूब फोटो काही  युक्ती वापरून घेणे  म्हणजे "स्क्रीन शॉट" घेणे.
जे  स्मार्ट फोनसारखी आधुनिक उपकरण वापरत आहेत त्यांना हे काही नविन नाही.

 आता तर अनेक फोन मध्ये "स्क्रिन शाॅट"  घेण्यासाठी  विशेष सोय  असते .संगणकात ही " प्रिंट स्क्रीन"  म्हणून पहिल्या पासून एक आॅप्शन आहे.

 पूर्वीच्या म्हणजे साधारण ५-६ वर्षांपूर्वीच्या स्मार्ट फोन मध्ये मला अजून आठवतंय "स्क्रीन शॉट " घेणं हे खायचं काम नसायचं .  ते व्हॉल्यूम आणि  मोबाईल चालू बंद  करायचं बटन एकाचवेळी दाबून चित्र पकडावं लागायचं. मला हे जमायला खूप वेळ लागला होता. ब-याच वेळा मोबाईल बंद व्हायचा. व्हॉल्यूम कमी जास्त व्हायचा  पण शंभर प्रयत्नात एकदाच तो फोटो मिळायचाच.

 त्यामानाने आता काम खूप सोपं झालाय. एका टिचकीसरशी स्क्रीन शॉट निघू शकतो.

तुम्ही म्हणाल हे काय हे लिहितोय आज ?
 मंडळी  आपल्याला सुचला विषय की आपण लिहितो. बरेच लेखन हे आपण त्या अनुभवातून गेल्यावरचे ही असते. आजचे लेखन ही जरा असेच हटके म्हणा हवं तर

थोडासा वेगळा विषय.
लहानपणी आपण अनेकदा भाडणं केलीत  मग ती  भावंडांच्यात असोत किंवा मित्रांच्यात असोत . परिस्थिती नुसार  ती  भांडणे वडिलधा-यांकडे , शाळेतील शिक्षकांकडे  जायची , मग असा काही संवाद व्हायचा

हा बोलं काय झालं

सर, असं असं झालं

का रे तू  असं बोललास ?

नाही सर , हाच असं म्हणला  वाटल्यास  तमक्याला  विचारा

कोण आहे रे तिकडे , बोलव तमक्याला

हा सांग रे तू  आता सगळं खरं

सर तो अमका आहे ना त्यानेच सगळं केलय

तुम्हाला सगळ्यांना शेवटची सूचना देतोय , परत असं होता कामा नये .
 संवाद समाप्त

हे लहानपणीचे सगळे अमके , तमके आता मोठे झाल्यावर   कुणी नक्की काय म्हणले , काय चर्चा केली हे आता "स्क्रीन शॉट" काढून  पुरावे द्यायला लागेलत

"स्क्रीन शॉटची टिचकी , गोत्यास काळ " 😬

तर असा हा "स्क्रिन शाॅटचा" महिमा

आपल्याकडे 'आरसा ' हा आपलं बाह्यस्वरूप पाहण्यासाठी वापरली जाणारी वस्तू. पण अशी ही एक गोष्ट  असायला पाहिजे होती की मारली टिचकी आणि आपल्या मनात काय चाललंय  याचा "स्क्रीन शॉट" मिळेल.

बरं का मंडळी,  आता मनात काय चाललंय हे "स्क्रीन शॉट" शिवाय ही  कळलं असत की, पण  आपलं ना "कळतंय पण वळत नाही " असं झालय. आधूनिक प्रणाली हाताशी असली कीच  ते खरं वाटत .

नामस्मरण, प्राणायाम या सगळ्या गोष्टीतून चिंतन, मनन हे सगळं विसरून आपण भलत्याच गोष्टीच्या आज मागे लागलो आहोत आणि बाह्य गोष्टीवरच जास्त अवलंबून रहायला लागलो आहोत हे आपले दुर्देव . थोडंस आपल्या आत आपणच डोकावून, आपण आपलाच "स्क्रिन शाॅट " घ्यायला काय हरकत आहे?

देव करो अन अस गाणं म्हणायची वेळ आपल्यावर येऊ नये:-

भांडणात शिरताना माझा का केलास घात ?
सख्या रे आवर तो , सावर तो "स्क्रीन शॉट "

शिक्षकांच्या खोलीतून
आलो  मी एकटाच
दूर तिथे ' कळ ' लावे
हसले मागे कधीच
ह्या इथल्या वेदना या  सारे जण  जाणतात
सख्या रे आवर तो , सावर तो "स्क्रीन शॉट "

सांग आता तुझ्याविन
भांडू  कसा भरपूर
तुझे शब्द छळवादी
अन हे मित्र फितूर

स्पर्श  तुझा जोरदार , मार होता जबराट
सख्या रे आवर तो , सावर तो "स्क्रीन शॉट "

भांडणात शिरताना माझा का केलास घात ?
सख्या रे आवर तो , सावर तो "स्क्रीन शॉट "

📝 ©अमोल केळकर 🧐

Monday, December 2, 2019

महाग महाग महाग किती


टिप: ज्यांचा मंगळवारचा उपवास असतो त्यांनी इथूनच मागे जाण्यास हरकत नाही 🙏🏻🌺

अस्सल मटणप्रेमी पण वाढलेल्या दराने भडकलेल्या कोल्हापूरकरांना समर्पित 😋

( चाल : कठिण कठिण कठिण किती)

महाग महाग महाग किती
मटण दर हा बाई
बाजाराप्रती निघता अंत कळत नाही

पाहुनी बावड्यात मटण ,
मधुर दिसती
तरिही हसत उभारुनी खिसा चाचपती

रस्स्याचा सुंदरसा वास गुंफिती
किलो किलो भर परि शेवटी
घेऊन घरात जाई

महाग महाग महाग किती
मटण दर हा बाई
बाजाराप्रती निघता अंत कळत नाही

📝३/१२/१९
poetrymazi.blogspot.in 😋

आमचं ठरलंय, विडंबन जमलयं ✌🏻

Saturday, November 30, 2019

सूत्रधार


बातमीचा "सूत्रधार तो" ..
( रविवारची टुकारगिरी 📝)


मंडळी नमस्कार  🙏🏻
'मी परत येईन' नंतर गेले काही दिवस सगळ्यांच्याच ओळखीची एक व्यक्ती प्रसिध्द झालेली होती  ती म्हणजे

बातमीचा "सूत्रधार" तो, इथे निरंतर न्यूज पाडतो

या सूत्रधाराने सांगितलेल्या किती गोपनीय बातम्या प्रत्यक्षात ख-या निघाल्या हा संशोधनाचा विषय होऊ शकतो पण यामुळे गेले काही दिवस वृत्तवाहिन्यांचा टि.आर.पी  वाढण्यास आणि तुमच्या आमच्या सारख्यांचे मनोरंजन होण्यात नक्कीच वाढ झाली हे आम्ही स्वतः या लेखाचे 'सूत्रधार' म्हणून अगदी खात्रीपुर्वक सांगतो 🤓

पण हाच सूत्रधार एकेकाळी अत्यंत विश्वासू असायचा. याचे नियोजन अनेक नाटकांतून दोन अंक जोडताना, भूतकाळात जाताना, कथानक पुढे नेताना, दोन - तीन वेगवेगळ्या घटना एकत्र गुंफताना दिग्दर्शक अगदी खुबीने करायचा.

आठवतीय 'हमलोग' मालिका. प्रत्येक दिवशी मालिका संपली की अशोक कुमार 'सूत्रधार' म्हणून येऊन बोलायचे

एखाद्या कार्यक्रमाचे 'निवेदक' हे 'दिसणारे सूत्रधार' . मात्र असे कार्यक्रम (इव्हेंट मॅनेजमेंट ) पुर्णत्वास नेणारे पडद्यामागचे असंख्य अदृश्य सूत्रधार ही महत्वाचे ठरतात, जे जास्त प्रसिध्द पावत नाहीत.  यात मी "सूत्र शिरोमणी" म्हणून पु.लं च्या 'नारायणाचा' आवर्जून उल्लेख करेन.

 जाता जाता विविध स्नेहसंमेलने, शाळेचे मैत्री मेळावे, कवि संमेलने आणि अशा विविध गुणदर्शनाच्या कार्यक्रमांचे 'सूत्र' संचलन करणा-या सर्व विभूतींची आठवण यानिमित्ताने करणे आवश्यक वाटते.

आरोपींना आम्ही पकडूच पण त्याच्या ' सूत्रधाराला' ही बेड्या ठोकू असे ही आपण वाचतो आणि नंतर विसरतो.

मंडळी , पण अजून एक सूत्रधार आहे बरं जो आपल्या सगळ्यांना कठपुतली बाहुल्यांन प्रमाणे नाचवत आहे. देव, नियती, प्रारब्ध,  कर्म अशी काही वेगळी नावे ही या सूत्रधारास आहेत

यावेळची "ब्रेकींग न्यूज" ( सगळ्यात मोठी बातमी)

आत्ताच आमच्या अंतर्गत सूत्रांकडून असे सांगण्यात येत आहे की प्रस्तुत ( टुकार) लेखकाने जर सन १९९४- ते - १९९७. रासायनिक अभियांत्रिकी शिक्षण घेत असताना " सूत्रांचा" योग्य पद्धतीने अभ्यास केला असता तर आज या लेखकावर असा लेख लिहिण्याची वेळ आली नसती 🤪

तरीपण

जीवनगाणे गातच रहावे, 'सूत्र ' धार ते समजून घ्यावे पुढे पुढे चालावे

 📝( सूत्रधार) अमोल
१/१२/१९
poetrymazi.blogspot.in

Thursday, November 28, 2019

लपंडाव


लपंडाव
( रूपकात्मक,  मनोरंजन हा हेतू)

स्वर्गातील इंद्रप्रस्थ तारांगणात कालनिर्णया प्रमाणे गुरु - चंद्रातील लपंडाव एकदाचा झाला.  एकदाचा झाला असं म्हणण्याचे कारण, काही दिवस स्वर्गलोकातील राजकारण शुल्लक कारणाने ढवळून निघाले होते. त्यामुळे हा कार्यक्रम बघायला कुणी जाईल  की नाही याबाबत शंका व्यक्त केली जात होती.

'सिंहासन' माझेच, मलाच, मीच, असे सतत बोलणा-या देवांचा राजा अर्थात देवेंद्र याला छोटीशी अद्दल घडवायची योजना महा ( शिव) देवाने, ब्रह्मा बरोबर आघाडी करून ठरवली होती. त्यानुसार ब्रह्मदेवाने स्वर्गलोकात "पार्वतीपती" वट लागू केली ज्याने  इंद्रदेवांना आपले 'सिंहासन' सोडावे लागले. २७ नक्षत्रातील प्रत्येकी ४ सदस्य असे १०८ जण असताना केवळ १०५ जणच देवेंद्राबरोबर राहिले आणि राहिलेले ३ घे महा- देवांच्या सांगण्यानुसार अलिप्त राहिले.

याकामात महा-देवांचा जवळचा सहकारी 'नंदी' यांनी देवेंद्र यांना गाफील ठेवण्यात मोठी भूमिका बजावली .

तरिपण गुरु- चंद्राचा लपंडाव कार्यक्रम  'करुनच दाखवू' अशी प्रतिज्ञा इतर देवतांनी घेतल्याने नियोजित कार्यक्रम ठरला.

आता आपल्यातरी काय काम आहे म्हणून 'चंपारण्यातील' गणा सह 'अजीत' समजले जाणारे देवेंद्र कार्यक्रमास उपस्थित राहिले.

शरदाच्या चांदण्यात, सोनियाच्या दिनू या कार्यक्रमाचे आमंत्रण अनेक लोकाचे गण, राजे, देवता, दानव या समस्तांना अगदी ममतेने दिले गेले. क्षणभर विरंगुळा म्हणून सगळे जमले.

आणि तो खेळ सुरु झाला. संध्याकाळच्या वेळी रवीने आपली प्रखरता कमी करुन या खेळात रंग भरायला सुरवात केली. 

एकेकाळचा सर्वश्रेष्ठ , कुणाला न जुमानणारा, खंबीर आवाजाचा, ठाम,  निष्ठावान असा *'गुरु'* मनाचा कारक, मानसिकतेचा कारक, भावनांच्या कारक ग्रहाच्या *चंद्रा* मुळे झोकाळला गेला. अदृश्य झाला

रात्रीच्या पुर्वसंध्येला पश्चिम क्षितीजावर रंगलेल्या या खेळाची मजा सर्वांनी अनुभवली

नियोजित वेळेत गुरु बाहेर आला. तारंगणातील ते दृश्य म्हणजे  अलौकिक होते. द्वितीयेच्या चंद्राची कोर आणि खालच्या बाजूस छोटा गुरु.
यातही देवेंद्राच्या भक्तांना हा शत्रूराष्ट्राचा झेंडा फडकवल्याचा भास झाला आणि त्यांनी तात्काळ निषेध व्यक्त करुन गुरु- चंद्रावर 'स्वर्गलोक-द्रोहाचा' आरोप केला.

काही धार्मिक लोकांना धनप्राप्तीचा उपाय म्हणून द्वितियेचा चंद्र बघितल्यावर हिरवा रंग बघायचे असते हे लगेच लक्षात आले.  तिथे हिरवा रंग दिसला नाही म्हणून त्यांनीही निषेध नोंदवला

कार्यक्रम संपला

पण खरा लपंडाव आता सुरु होईल

अर्थात विष्णूलोकातून भगवान विष्णू आणि नारदमुनी सर्व घडामोडींवर बारिक लक्ष ठेऊन आहेत

📝  २९/११/१९
poetrymazi.blogspot.in

Friday, November 22, 2019

बारा मतीत ..मातीत


( चाल: काळ्या मातीत मातीत, तिफन चालते)

बारा मतीत मतीत, तुफान चालते
तुफान चालते,  तुफान चालते
जन थय थय करते, वाघ डोक बडवितो
डोक बडवितो,वाघ डोक बडवितो 🐯🤦🏼‍♂

मोटा भाई हाकारतो,नंदीबैलाच्या जोडीला
संग पाॅवsर चाले जाते बारा मतीला
संधीवर संधी येती, नाते नकोsते होते
मंत्रीपदाच्या इच्छेने, भूल जिवाला पडते
भूल जिवाला पडते, वाट वाघाची लागते
वाघ लिला पहातो, कमळी सुखाने नांदते

बारा मतीत मतीत, तुफान चालते
तुफान चालते,  तुफान चालते

🌷⏰✌🏻

✋🏻🏹🤦🏼‍♂

📝 अमोल
२३/११/१९
poetrymazi.blogspot.in

Thursday, November 21, 2019

मी परत लिहीन, मी परत लिहीन


' मी परत येईन ' ( एक अराजकीय स्फुटक) 📝

मंडळी नमस्कार 🙏🏻

गेले काही दिवस महाराष्ट्रातील एकंदर सामाजिक स्वास्थ्य ज्या एका वाक्याभोवती फिरत आहे ते वाक्य म्हणजे

मी परत येईन, मी परत येईन, मी परत येईन

हे राजकीय घडामोडी संबंधित वाक्य आहे. पण या वाक्याचा संदर्भ घेऊन काही नेहमीच्या जिवनात नकळत आपण हे वाक्य ( अगदी असंच नव्हे)  कसे वापरतो ते पाहू

मला वाटते याचे बाळकडू आपल्याला अगदी घरातच मिळालेले असते. काही कामानिमित्त आपण बाहेर,दुस-या गावी निघालो आणि 'निघतोय मी', 'जातोय मी ' असं म्हणलं गेलं तर वडिलधा-यांकडून लगेच आदेश येतो  ' मी येतो ' असे म्हणं ( मी परत येतोय)

दुसरे एक वक्री उदाहरण द्यायचे झाल्यास शाळेत मास्तरांकडून दिला जाणारा 'घरचा अभ्यास'/ सुट्टीतील अभ्यास.
 इथे महत्वाचे म्हणजे तुम्हाला जरी  इच्छा नसली तरी तमाम मास्तरांना ( गुरुजी शब्द मला घरचा अभ्यास देणाऱ्यांसाठी वापरायला आवडत नाही , ते मास्तरच 😏) तुम्ही परत येणार आहात याची खात्री असते आणि म्हणूनच ते तुम्हाला घरचा अभ्यास देतात.

टेलिव्हिजनच्या दररोजच्या रटाळ मालिका ही नकळत 'मी परत येईन' असंच सुचवत नाहीत का?
पूर्वी काही खास कार्यक्रम उदा. रंगोली, सुरभी, साप्ताहिकी इ.इ. 'केंव्हा परत येतील' असे वाटायचे.

सिनेमाचा एक भाग पुर्ण करुन ( सिनेमा चाललाच तर) पुढील अनेक भागांची  जुळणी करुन ठेवणे हा ही मला ' मी परत येईन ' चाच भाग वाटतो.

२४ * ७ मनोरंजनात कुठेही कमी न पडणा-या वृत्तवाहिन्या, भेटूया एका विश्रांती नंतर असं जेंव्हा म्हणतात तेंव्हा पुढचे 'मी परत येईन' हे शब्द मला सायलेंट ( अनुच्चारित)  वाटतात.

कबड्डीत आऊट झालेला खेळाडू,  कसोटी सामन्यात पहिला डाव झाल्यानंतर दुस-या डाव खेळण्यासाठी आतूर असणारा खेळाडू,  काही कारणाने संघाच्या बाहेर राहिलेला खेळाडू यांच्या मनात 'मी परत येईन ' असा सुप्त विचार नक्कीच असेल ना?

भांडण झाल्यावर वडीलधारी मंडळी भांडण तात्पुरते सोडवतात त्यावेळी भांडलेल्या व्यक्तींच्या मनातील भाव, आत्ता सोडतोय पण थांब बघतोच तूला😠 ( मी परत येईन)  असाच दिसतो ना?
( Whatsapp वरील वैचारिक कुस्तीत ही हे दिसून येते.  आत्ता उत्तर द्यायला वेळ नाही मला,  मी परत येईन, परत भांडेन )

काही थोडक्यात उदाहरणे,  घरात लग्न कार्य असते काही १-२ गाड्याच असतात त्यावेळी वाहन चालक सांगतो, थांबा तुम्ही इथे, यांना सोडून तुम्हाला घ्यायला 'मी परत येईन ' .

शाळेतील ब-याच दिवसांनी भेटलेली मित्र -मंडळी परत नक्की भेटायचं हा ..! यंदा लोणावळा बरं का !असे ठरवतात तेंव्हा एका प्रकारे ' मी परत येईन ' असेच ना?🤗

अशा अनेक गोष्टी घडत असतात. अगदी दर ३० वर्षांनी शनी महाराज ही न चुकता तुमच्या राशीला १२ वे येतात. जणू ३० वर्षापूर्वी साडेसाती संपल्याच्या आनंदात ' मी परत येईन ' हे त्यांचे वाक्य आपणास ऐकू गेलेले नसते.

अडचणीत सापडल्यावर देव आठवतो. नवस केले जातात आणि ते करताना माझे अमुक तमुक काम झाले तर मी येऊन नवस फेडेन ( म्हणजेच मी परत येईन)  अशी लाच ही दिली जाते.

मंडळी , लेख आवरता घेतो. तुम्हाला आवडला, नाही आवडला,अवश्य प्रतिक्रिया द्या.टिका सुचनांचे स्वागतच.

तुम्ही दिलेल्या प्रोत्साहनावर
मी पुन्हा लिहीन, मी पुन्हा लिहीन, मी पुन्हा लिहीन 🙏🏻😌

अवांतर:-
मी परत येईन - असे न म्हणणाऱ्यांसाठी

लहान मुले ( अगदी पक्षांचीही) एकदा बाहेर गेली खेळायला, की परत यायचे नाव काढत नाहीत. मग त्यांची अशी समजुत काढावी लागते

या चिमण्यांनो परत फिरा रे. ..

📝 अमोल
poetrymazi.blogspot.com
२२/११/१९

Wednesday, November 20, 2019

महा राष्ट्राs ची घडी परत लागू दे


मुळ गाणे: जीवनात ही घडी अशीच राहू दे

मुळ विडंबन: शांता लागू, पणजी
 ईश्वराची ही कृपा अशीच राहू दे, येणारी नवी सखू नीट नांदू दे

विडंबनाचे विडंबन अर्थात
आमचा राजकीय झब्बू 😬 🃏
( निव्वळ मनोरंजनासाठी )

हे देवेंद्रा,

महा राष्ट्राs ची घडी
परत लागू दे
येणारी वसंत-सेना
सुखाने भांडू दे

काल गेली पाहुनिया 'वर्षा' बंगला
तो(च) बदला काढितसे मस्त चांगला🌷
बहुमताच्या आकड्याची
हौस भागू दे ।

महा राष्ट्राs ची घडी
परत लागू दे

'शहा'ण्यास वठणीवरी तीच आणू दे
'मी परत येई न ' चे 'वाक्य स्मरु दे
आयत्या बिळा वरीच 🐍
रोटी लाभू दे ।✋🏻

महा राष्ट्राs ची घडी
परत लागू दे

मुंबईत येतील गं खूप पाहुणे
मौजमजा खानपान फक्त बोलणे
अतिथींची सरबराई
दहात होऊ दे 😋

महा राष्ट्राs ची घडी
परत लागू दे

दुस-या पार्टीत जाण्या सोस आगळा
लढुनिया हरतो मी, आज मोकळा
थकुनिया येता मम
"नमो " म्हणू दे 🙏🏻

म्हाडाची लाॅटरी हवी, सिडकोचे काम
सामन्यातून शिकवू आम्ही साम,दंड,धाम
इटलीच माझ्यावरी
पाळत ठेवू दे ...! 🧐

महा राष्ट्राs ची घडी
परत लागू दे
येणारी वसंत-सेना
सुखाने भांडू दे

📝 २१/११/१९

Saturday, November 16, 2019

जरा युतीचे, जरा आघाडीवर बोलू काही


संदीप ची ( खरंच) माफी मागून

जरा युतीचे, जरा आघाडीवर बोलू काही
चला दोस्त हो भविष्यावर बोलू काही

उगाच वळसे शब्दांचे हे देत रहा तू
भिडले नाहीत मंत्री तोवर बोलू काही
चला दोस्त हो भविष्यावर बोलू काही

'सामना' पाहून टिव्हीवर कुरकुरला पो-या
मिटले नाहीत 'वाद' तोवर बोलू काही
चला दोस्त हो भविष्यावर बोलू काही

हवेहवेसे मंत्रीपद जर हवेच आहे
नकोनकोसे गुप्त संभाषण बोलू काही
चला दोस्त हो भविष्यावर बोलू काही

उद्या उद्याची किती काळजी मंत्रालयातून
सत्ता आहे विरोधा नंतर बोलू काही
चला दोस्त हो भविष्यावर बोलू काही

(अ)पक्ष असू दे हाता मध्ये काठी म्हणूनी
वाट आंधळी प्रवास खडतर बोलू काही
चला दोस्त हो भविष्यावर बोलू काही

जरा युतीचे, जरा आघाडीवर बोलू काही
चला दोस्त हो भविष्यावर बोलू काही

📝१६/११/१९

Tuesday, November 12, 2019

ब्लँक काॅल


*संदीप खरेंची* एक खूप छान कविता
 'ब्लँक काॅल '  सध्दयाच्या
 *राजकीय पार्श्वभूमीवर* थोडी बदलून 📝😌
------------------------------------------
हल्ली असा अवेळीच येतो कधी फोन
आणि कळतच नाही बोलतय कोण
बोलतच नाही कुणी *समानते* वाणी
*पदा* एवजी रहातं फक्त डोळ्यामधे पाणी

कळताच मलाही मग थोडंस काही
मीही पुढे मग बोलतंच नाही
*युतीच्या वाटेतून* शांतता वहाते
खूप खूष वाटून अजून काही सांगते

पूर नि शेतं नि वा-याची गिरकी
निसर्गाने सा-यांची घेतलेली फिरकी
*कमळीवर* काढलेली *बाणाची* चित्रं
" *तुझ्यापुढे मी खोडलेला मित्र*"

*पत्रकार परिषदा* रुसवे नि राग
एकदा तरी सहज म्हणून *शहा* ण्यासारखे वाग
*कमवायचे* ढीगभर लोळून लोळून
बोलायचे थोडेच पण घोळून घोळून

*पार्कातले* झाड आणि *मातोश्रीचा* पार
थंडीमधे *मुंबईत* उन्हाची धार
काॅफी घेऊन *नागपूरला* बोलायचे कडू
*भाषणात* पहायचे येते का रडू

माणूस आहेस "गलत" पण मागतोस "सही"
पावसात भिजलेले *नेते*  व ही
पुन्हा नीट नव्याने लिहित का नाहीस?
काय. ..  रे *वेळेवर* आठवतय का नाही?
शब्दसुध्दा नाही तरी कळे असे काही
हातामधला *हात* सुध्दा इतकं बोलत नाही

ऐकू येतात कोंडलेले काही श्वास फक्त
कोणासाठी खोल दुखलेलं रक्त
*वेळजाते* निघून थरथरतो *हात*
*राष्ट्रपती राजवटीची क्षणांवर मात*

हल्ली असा अवेळीच येतो कधी फोन
आणि कळतच नाही बोलतय कोण

📝 अमोल
१३/११/१९
poetrymazi.blogspot.in

Wednesday, November 6, 2019

पाळणा हलला, पाळणा हलला


ज्ञानेश्वर माऊलींची माफी मागून मातोश्री चरणी अर्पण 🙏🏻

( चाल : *मोगरा फुलला*)
हेतू: अर्थातच येणारी *गोड बातमी* (मनोरंजन)
🏹🌷

पाळणा हलला, पाळणा हलला
सत्ता बघता जवळी कमळीचा झाला

इवलेसे पोर जिंकियले द्वारी
त्याचा वेलु गेला वर्षाsवरी
पाळणा हलला, पाळणा हलला
सत्ता बघता जवळी कमळीचा झाला

आकड्यांच्या गुंती,मनगुटीवर शेला
बाप बारामतीवरी मातोश्री अडला.

पाळणा हलला, पाळणा हलला
सत्ता बघता जवळी कमळीचा झाला

📝७/११/१९
#गोड बातमी लवकरच

Monday, November 4, 2019

युती आघाडी , मौज त्यांना वाटे भारी


🏹🌷 खेळ मांडला ✋🏻⏰

मुळ गाणे : पडू आजारी, मौज हीच वाटे भारी
( विडंबन हेतू: निव्वळ मनोरंजन)

युती आघाडी , मौज त्यांना वाटे भारी

टांगत ठेवणे मग सत्येला
मुख्य - मंत्री यांचाच नटला
म्याॅऊ, म्याॅऊ प्राणी गुरगुरायला
चैनच सारी॥ मौज हीच ठरणार भारी

मिळेल थाळी, दहाला अण्णा
पाच घेऊन आला श हाणा
संत्री, साखर, लिंबू आणा
जा बाजारी! मौज आमची होणार भारी

भवती रिपोर्टरचा मेळा
दंगा थोडा जरी कुणी केला
मी कावुनी सांगेन तयाला
जा बाहेरी 👉🏼
मुख्य मंत्री आमचाच भारी

आमची 'आघाडी' पण गोड
अजून कण्हती का नेते शूर?😉
कशाला गोष्टी आजी - माजी
म्हणून विचारी !!

संधी हिच वाटे भारी ✌🏻

युती आघाडी , मौज त्यांना वाटे भारी

📝५/११/१९
poetrymazi.blogspot.in

Monday, October 28, 2019

दादा मला एक साडी आण


'चंपा'रण्यातील भाऊबीज गीत
( प्रसंग: कोथरुड मधे साडी वाटप
हेतू : निव्वळ मनोरंजन हाच हेतू)

नवी नवी पान , कमळीची छान
दादा मला एक साडी आण

नव्या नव्या आमदाराची चंद्रकांती साडी
चंद्रकांती साडीवर रस्त्यावरची खडी
'पंचरंगी' पदराला कोल्हापूरी वाण

दादा मला एक साडी आण

साडीला आणायला 'कुल कुल' गाडी
'कुल कुल' गाडीला रेनकोटची जोडी
भिजणारी गाडी फुलवी कोथरुड चे रान

दादा मला एक साडी आण

साडीशी गट्टी होता तुला फक्त टाटा
तुला आता टाटा (यु)तीला सत्येत वाटा
पुराच्या पाण्याने, गेली खाली मान

दादा मला एक साडी आण

📝२९/१०/१९🌷
#साडी बूला रही है

Wednesday, October 23, 2019

आली माझ्या घरी ही दिवाळी


उठा उठा दिवाळी आली..💥

फक्त पाऊस घेऊन आली ☔
आली माझ्या घरी ही दिवाळी

चक्री वादळ कमी दाब हा,मी तर त्यात अडकावे
रोज भिजूनी तुझ्यासंगती आजारी मी पडावे
रेन कोट असे, हाती छत्री वसे
वीज आकाशी खुलते भाळी

आली माझ्या घरी ही दिवाळी 💥

पाऊल पडता घरा बाहेरा, डुबकन बुडुन गेले
स्कुटी काढिता रस्ती देवा, ढग बरसत आले
पाणी साचे दारी, लाट येई घरी
गडगड करीत झाली भूपाळी

आली माझ्या घरी ही दिवाळी 💥

बेडकांचे वाहन घेऊनी वर्षा अंगणी आली
दीप लावूया घरात आता अशी ही दिपावली
थंडी नाही खरी, जाहले बावरी
अशी ही रचना निराळी

आली माझ्या घरी ही दिवाळी 💥
📝 poetrymazi.blogspot.in

https://youtu.be/oPIMAnIdq2s

Friday, October 18, 2019

आज पावसात सभा जाहली जरी



विधानसभा निवडणुकीच्या सभेचा सर्वत्र पाऊस पडत असताना खरोखरचा पाऊस आला आणि .... ☔☔🎤

चाल: आज गोकुळात रंग खेळतो हरी, राधिके जरा जपून जा तुझ्या घरी

(टिप:  मनोरंजन हा हेतू .. )

आज पावसात सभा जाहली जरी
नेत्यांना जरा वेळीच पाठवा घरी

तोच तोच नेताथोर 'वेळ; दावतो ⏱
हात काढुनी खुशाल रंग टाकतो ✋🏻
हरवुनी, जिकूंनी सर्वाना फसवतो
सांगतो अजूनही तुला परोपरी

नेत्यांना जरा वेळीच पाठवा घरी

सांग ' गुलाबी ' फुलास काय जाहले 🌷
चिन्ह घेतल्याविना कुणा न सोडले
ज्यास त्यास 'ईडे ईडे'  रंग लागले
एकटाच वाचशील काय तू तरी 🏹

नेत्यांना जरा वेळीच पाठवा घरी

त्या तिथे विधानसभेचा खेळ रंगला 🤼‍♂
कार्यकर्त्यांसवेत पुढारी दंगला 🤺
तो पहा 'विरोध' भाषणात गाजला 🚂
हाय भाजली फिरून तीच भाकरी

नेत्यांना जरा वेळीच पाठवा घरी


📝अमोल केळकर
१९/१०/१९
poetrymazi.blogspot.in

*२१ ला मतदान अवश्य करा* 👆🏻

Friday, October 11, 2019

सांग,ह्या कोजागिरीच्या चांदण्याला काय सांगू ?


सांग,ह्या कोजागिरीच्या चांदण्याला काय सांगू ?
✨✨⭐
तू काय सांगणार ? " आमचं  ठरलंय "  आधीच

राजकारणी झालास की

मान्य , नुकताच राजकारणात  प्रसिद्ध झालेला  हा शब्द " आमचं  ठरलंय ". पण राजकारण म्हणजे सगळंच वाईट नसतं ना ? मग त्यातली  चांगली संकल्पना घेतली तर बिघडलं कुठं ?

तर त्या कोजागिरीच्या चांदण्याच आणि आमचं असं ठरलय की  या अश्विनी पोर्णीमेच्या शुभ्र प्रकाशात या वसुंधरेला जसं  हे चादणं  न्हाहू घालते  तसेच  या  वसुंधरेच्या  लेकरांच्या मनात ही लख्ख प्रकाश पाडायचा . मनातील क्लेश, द्वेष , राग या भावनांची जळमटं  दूर करायची

हे  ' आमचं' ठरलय' . नीट वाच . माझं नाही. कारण "आमचं" या शब्दात माझं या  शब्दा पेक्षा जास्त  शक्ती आहे.

हा पण तू म्हणतोय त्याला पुरावा ?

हे काय विचारणं झालं ? " चादण्यांचा गंध जेव्हा , पोर्णीमेच्या रात्रीला " येतो  तेव्हा कायमच ' चंद्र आहे साक्षीला , चंद्र आहे साक्षीला

आणखी पुरावा पाहिजे असेल तर तो " शुक्र तारा दिसतोय ? " त्याला विचार  तो ही सांगेल " चंद्र आहे, स्वप्न वाहे, धुंद  या गाण्यातूनी "

हो रे  चंद्र हा खरा जादूगार ; प्रतिपदेपासून पौर्णिमे पर्यत वेगवेगळी जादू या नभांगणात दाखवतो आणि जेव्हा " हात तुझा हातात अन धूंद ही हवा , रोजचाच चंद्र आज भासतो नवा" .

ओ हो , क्या बात है  " हसले मनी चांदणे , जपून टाक पाऊल साजणी , नांदतील पैंजणे"

बरं हा! ,  मग  " चांदण्यात फिरताना माझा धरलास हात , संख्या रे आवर ही सावर  ही चांदरात "

अगं, एवढ्यात कुठं आवर ? तरुण आहे रात्र अजुनी

हे कुठलं गाणं?  मी तर सध्या  'वरूण  आहे मात्र अजुनी '  हेच ऐकतेय

हा तुझी काय चूक म्हणा , या विडंबनकाराचा इतका सुळसुळाट झालाय की  मूळ गाणे ' तरुण आहे रात्र अजुनी ' असं सांगावं लागतंय
पण सांगू ? मला काय वाटते ते निवडणूक करूनच जाऊ , दिवाळी करूनच जाऊ असं जे पाऊस म्हणतोय ना ते खोटं  आहे . मला वाटतंय त्याला यंदा ' कोजागिरी ' कशी साजरी करतात हे बघायचे असेल.

पण मग आता रे ?

मगाशी सांगितलं ना "आमचं ठरलंय"

परत तेच

अगं, चंद्राच्या त्या  मैत्रिणी आहेत ना त्यांना सांगितलय, यंदा चादणं  ढगाआड राहीलं  आणि " कैवल्याच्या चांदण्याला भुकेला चकोर " अशी अवस्था झाली तर  यंदा  दिवाळीत आपण सगळ्यांनी   ' चांदणी ' चा आकाशदिवा लावून सारं तारांगण गावा गावातून उतरवायचं

तेव्हा  ठरलय आता

*नवीन आज चंद्रमा , नवीन आज यामिनी*
*मनी नवीन भावना , नवेच स्वप्न लोचनी*

आगामी कोजागिरीच्या सर्वाना शुभेच्छा 
🙏🏻💐🌝

📝अमोल
poetrymazi.blogspot.in

Wednesday, October 9, 2019

वरुण आहे मात्र अजुनी


*या वर्षीचे कोजागिरी गीत.......*

*वरुण आहे मात्र अजुनी*
*राजसा भिजलास काssssरेssss?*
💦🌨🌧

एवढ्यातच त्या ढगांवर तू असा रुसलास का रे?
*वरुण आहे मात्र अजुनी*

अजुनही दिसतात भोवती, वाहनांच्या दिपमाला
अजुन मी पोचले कुठे रे,सांग तू पोचलास का रे?

सांग या *'चंपा'रण्यातील*, चांदण्याला काय सांगू
ढकलते कार माझी, पण तू सूटलास का रे?

*वरुण आहे मात्र अजुनी*

बघ तुला लागतोच आहे, सिंहगडचा गार वारा
रेनकोटच्या प्लॅस्टिकचा, गंध तू लुटलास का रे?

*वरुण आहे मात्र अजुनी*

उसळती गल्लीत माझ्या, मुळामुठाच्या धुंद लाटा
तू घरातचबसून आज, कोरडा राहिलास का रे?

*वरुण आहे मात्र अजुनी*
*राजसा भिजलास काssssरेssss?*
💦🌨🌧

( पहिल्या दोन ओळींची भेट देणाऱ्या अनामिक कवीस समर्पित 🙏🏻😃)

📝 अमोल
१०/१०/१९
poetrymazi.blogspot.in

लींबू टायरच्या मध्ये , राफेल उभा आहे भाई


या व्यंगचित्रावर सुचले. व्यंगचित्र जसे मनोरंजनासाठी तसे हे काव्य ही निव्वळ मनोरंजन म्हणून घ्यावे .
चाल : लिबोणीच्या झाडामागे चंद्र झोपला ग बाई

लींबू टायरच्या मध्ये , राफेल उभा  आहे भाई
आज माझ्या "पडोसीला "  झोप का ग येत नाही

फुलं ठेवली डोक्यात, दस-याला झाली घाई
फ्रान्समध्ये विमानाच्या स्वागताला मंत्री जाई
"हॉर्न ओके प्लिज"  ची ही, लाव नीट काळी शाई

आज माझ्या "पडोसीला "  झोप का ग येत नाही

देवस्की न से हे बाळा , शब्द ओंकाराचे भाळी
तुझी झेप पाहण्यासाठी, नाही नियमांची होळी
जगावेगळी ही ममता , जगावेगळी पुण्याई

आज माझ्या "पडोसीला "  झोप का ग येत नाही

📝०९/१०/१९
poetrymazi.blogspot.in
🚀

Monday, October 7, 2019

अशी विडंबन येती, आणिक मजा देऊनी जाती


*अशी विडंबन येती, आणिक मजा देऊनी जाती*

मंडळी नमस्कार 🙏🏻

एखादा विषय घेऊन त्यावर गप्पा गोष्टी करायच्या या मालिकेतील पुढचा विषय 'विडंबन साहित्य '

खरं म्हणजे विजयादशमी / दस-याच्या आधी कशाला हा विषय? त्यापेक्षा धुळवडीला चालला असता हा विषय. आपट्याची पाने देऊन सोनं घ्या सोन्यासारखे रहा असं म्हणायचे हे दिवस. नंतर नाही का लिहिता येणार?

नाही, म्हणणं  बरोबरच आहे तुमचं.

होळी/धुळवड म्हणजे त्या दिवशी हास्य कवी संमेलने/ विडंबन काव्य हक्काने सादर करण्याचा दिवस. मात्र इतर वेळेला या साहित्य प्रकाराला फारसे जवळ केले जात नाही. त्यात ही दसरा/ पाडवा/ दिवाळी पहाट हे तर अगदी खास दिवस. यादिवशी असे साहित्य मुळीच नको. अशा विचाराने की काय हा साहित्य प्रकार फारसा लोकप्रिय होताना दिसत नाही.

चला थोडं बालपणीत जाऊ..

अगदी साहित्य कशाशी खातात हे माहीत नसताना म्हणजेच आपण अगदी लहान असताना आपल्या सगळ्यांनी  एक वाक्य हमखास आपल्या मित्राला नक्की म्हणायला लावले असणार.

आपण मित्रास: पाडवा म्हण पाडवा
मित्र : पाडवा
आपण : नीट बोल गाढवा 🤣

आणि मग सगळे हास्यकल्लोळात सामिल. मग तो मित्र इतरांची फिरकी घ्यायला पुढे
( आजच्या Whatsapp फाॅर्वर्ड च मूळ,  माझ्यामते तिथे आहे 😉)

तर विडंबनाचे बीज अशा पद्धतीने प्रत्येकाच्यातच लहानपणी असते पण पुढे पुढे जास्त कळायला लागेपर्यत एक तर नकळत ते उखडले गेलेले असते किंवा त्याचे बोन्साय झालेले असते. मग लहानपणीची निख्खळ मजा घेणारे आपण  मोठं झाल्यावर मात्र मजा घेऊ शकत नाही. काय बरं असावीत याची कारणे?

माझ्यामते विडंबन साहित्य हे मुख्यत्वेकरून
१) प्रासंगिक असते.  तो घडलेला प्रसंग लक्षात नाही आला तर विडंबनाची मजा घेता येत नाही.
२) काही वेळेला विडंबन ज्या मूळ गाण्यावर/ कवितेवर/ गझलेवर असतं ते मूळ काव्य माहित नसते.
३) 'विसंगती पकडणे' हा विडंबनाचा मुख्य गाभा असतो आणि राजकारणी सगळ्यात जास्त विसंगती करण्यात माहिर असतात. त्यामुळे विडंबनासाठी हा हक्काचा कच्चा माल असल्याने यावर सगळेच विडंबनकार तुटून पडतात. पण सृजन साहित्य प्रेमी राजकारण विषय नको या भूमिकेत असल्याने हे विडंबन साहित्य फारसे रुचिने वाचले जात नाही किंवा कळत नाही.
४) सगळ्यात महत्वाचे म्हणजे राजकारणात विषयातही ही तुम्ही त्यांचेच विडंबन करता विरोधी/ इतर पक्षाचे करत नाही असा आरोप होतो.

अहो जो कामच करत नाही त्यांचे कसले विडंबन?  😁

जे काम करतात, त्यांचीच विसंगती दिसून येते मग त्यांच्यावरच विडंबन येणार ना? 🙂

हे मुद्दे काही वेळा दुर्लक्षित होतात आणि हा साहित्य प्रकार फारसा आवडला जात नाही.
५) मनोरंजन या हेतूने न बघता काहीजण विडंबन वय्यक्तिक घेतात आणि मग विडंबनकाराना टिकेला सामोरे जावे लागते
( अगदी आचार्य अत्रें पासून केळकरां पर्यत कुणीही यातून सुटलेले नाही 😬 )

तर अशी ही विडंबनाची गाथा.  प्रसंग लक्षात आला तर मात्र नक्की करमणूक होते.✔✔

 अगदी घरात या भिंतीवरुन त्या भिंतीवर जाणारी ' पाल ' - *ही पाल तुरूतुरू चढती भिंतीवरती हळू* ( मुळ गाणे: ही चाल तुरुतुरु, उडती केस भुरुभुरु) अशा विडंबन काव्यातून पळायला लागते. 🦎

बायको माहेरी गेली की मग *तव्यावर केली मी बुर्जी बहाल, कसा आलाय रंग लाल जहाल* असं म्हणावं लागतं

अशा प्रासंगीक गोष्टीतून. विडंबनाचे  ' हे वेड मजला लागले' ( *हेल्मेट आज मी घातले'*)   ते इतकं की अगदी *वडा-पाव खाता खाता*( उष:काल होता होता) ही सहज विषय सुचू लागले. रस्त्यात रहदारीत अडकून ही मग  *'मी ओळखून आहे सारी तुझी वहाने*( मी ओळखून आहे,  सारे तुझे बहाने)

असा हा विडंबनाचा खेळ व्हाटसप वर रंगत गेला ' *खेळ मांडियेला व्हाटसप वरती बाई*( खेळ मांडियेला वाळवंटी बाई)  . हा खेळ आता इतका रंगात आलाय की *काय टाकिले व्हाटसपवरती*( काय वाढिले पानावरती)  याची उत्सुकता अनेकांना राहू लागली आणि मग *'रचिले अॅडमिनमुनींनी त्यांचे ग्रुप अनंत* ( रचील्या ऋषीमुनींनी त्यांच्या ऋचा अनंत)

हे सर्व शक्य झाले ते केवळ प्रासंगिक *'न्यूज पाहून सुचले सारे, टुकारच्या पलिकडले*( शब्दावाचून कळले सारे शब्दांच्या पलिकडले)

चला खुप झालं वाचून,भूक लागली असेल तर *लाह्या लाह्या अखंड खाऊ या*( धागा धागा अखंड विणू या)  आणी म्हणू या *हाॅटेलचा हा तूला दंडवत* ( अखेरचा हा तूला दंडवत)  🙏🏻

📝🖊✏✒🖌
खंडे नवमी 🌷🙏🏻
७/१०/१९
poetrymazi.blogspot.in

Sunday, October 6, 2019

लोकल माझी लाडाची लाडाची गं


*लोकल माझी लाडाची लाडाची हो*🚆

प्रवाशांनी कृपया लक्ष द्यावे.

१) ८:२१ ची ठाणे लोकल आज रद्द करण्यात आली आहे.
२) बदलापूरला जाणारी जलद लोकल आज फलाट नं ५ एवजी फलाट नं २ वर येत आहे
३) छत्रपती शिवाजी महाराज टर्मिनल्स ला जाणारी ही लोकल आज १२ डब्यां एवजी ९ डब्यांची चालवण्यात येत आहे.
४) काही अभियांत्रिकी कामानिमित्य रेल्वेच्या तिन्ही मार्गावर रविवारी सकाळी १० ते संध्याकाळी ४ मेगा ब्लाॅक घेण्यात येत आहे

प्रवाशांना होणाऱ्या गैरसोईबद्दल आम्ही दिलगीर आहोत.

यात्रीगण को हो ने वाले असुविधाके लिये हमे खेद है

👆🏻 मुंबइतील लोकल प्रवास माहित नसणाऱ्याला हे  सगळं कदाचित नवीन वाटेल पण रोज लोकने प्रवास करणाऱ्यांना हे काही नवीन नाही. पश्चिम, मध्य, हार्बर, ट्रान्स हार्बर यानुसार फक्त संदर्भ काही ठिकाणी बदलतील पण प्रत्येकाच्या वाट्याला येणा-या अडचणी अगदी सारख्या

स्टेशन बाहेरची गर्दी, तिकीट/ पास काढायची गर्दी.  बंद पडलेल्या मशीन मधून कार्डावर तिकीट कसे मिळवायचे हा पडलेला प्रश्ण. आपली नेहमीची लोकल आज किती मिनीटे लेट याची धाकधूक,  फेरीवाले, बुट पाॅलिश वाले, खाद्य पदार्थाचे स्टाॅल. चलो भाई दादर उतरना है क्या म्हणून पुढच्याशी केलेली चौकशी. आणि असाच परतीचा प्रवास. वर्षातील ५२ रविवार ( नशिबवान लोकांना तेवढेच शनिवार किंवा निम्मे शनिवार), ५-६ सुट्ट्या,  रजा वजा करता इतर सर्व दिवशी  या नखरेल लोकलचा प्रताप सर्व मुंबईकर अनुभवतोच.

रोज मरे ( मध्य रेल्वे ) त्याला कोण रडे? अशी परिस्थिती

एखादा/ एखादी गोष्ट मुद्दाम करत असेल तर आपण २-४ वेळेला प्रेमाने सांगू. ऐकतच नाही म्हणल्यावर? सोडून देऊ

हो ना?  अशांबद्दल द्वेश अजिबात नाही. किंबहुना अगदी सगळं विसरुन एक दिवस प्रेमाने त्याच्याशी / तिच्याशी बोललं तर?
नाही सुधारणार  हे माहित आहे तरीही.

असा एक दिवस दरवर्षी मुंबईकर साजरा करतात. तो दिवस उद्या येतोय. खंडेनवमीचा

एरवी या आपल्या राणीवर ( मग ती बेलापूर, बदलापूर, कर्जत, खोपोलीची असू दे किंवा टिटवाळा,  बोरिवली,  अंधेरीची असू दे) मुंबईकर कितीही रागावू दे. उद्या एक दिवस मात्र हक्काने तिचे लाड करणार.
खंडेनवमीच्या आदल्या रात्री मुक्कामाला कार्ड शेडला गाडी आली ( शक्यतो ही गाडीही क्वचित बदललेली असते) की रात्रीतच सजावटीला सुरूवात होते. प्रत्येक डब्यात पताका,  मोटरमन केबीन, गार्ड केबीन ला झेंडूची फुले, आंब्याची पाने, केळीचे/ उसाचे, खांब, पुढे मोठ्ठा फलक. डब्याच्या प्रवेशद्वारावर शुभेच्छांचे प्रिंट आऊट, वर्गणी,  पूजा, आणि लोकल इतकाच सर्वांच्या आवडीचा प्रसाद
'वडा-पाव ' याने कार्यक्रमाची सांगता.

*ही तर निर्जीव गाडी.  तिच्यावर आपण एकदिवस का होईना मनापासून प्रेम करतो मग हेच कुणी कितीही वाईट वागलेला सजीव असू दे. आपल्याला असे वागता येणार नाही का?*

बरं का मंडळी, हे ही मुंबई स्पिरीटच.👆🏻✔
केवळ पावसाळ्यात,  वाईट गोष्टीत नाही तर उत्सवात एकत्र रहायचे मुंबई स्पिरीट. जणू नाण्याची दुसरी बाजू.

तेंव्हा उद्या ४ ही लाईन्स वरच्या ७०-८० स्टेशनवरील किमान प्रत्येकी २ फलाटावर सकाळी उभ्या राहिलेल्या चाकरमनींच्या तोंडी एकच गाणे असेल


येशील येशील येशील राणी 🚆
वेळेत लवकर येशील
अडचणी संपवून, वेगात पळून
खिडकीची जागा तू देशील? 🚆


📝अमोल केळकर
६/१०/१९
poetrymazi.blogspot.in

#लोकल माझी लाडाची लाडाची गं

Friday, October 4, 2019

वृक्ष वल्ली आम्हा नको रे


वृक्ष वल्ली आम्हा नको रे
आरे आरे 🌴🌴
पक्षीही रात्रीत घालविती .  !! १ !!
वृक्ष वल्ली आम्हा नको रे
आरे आरे

येणे सुखे भासे 'मेट्रोचा प्रवास'
जाती सर्व शाप ' गाडी' येता  !! २ !!🚝
वृक्ष वल्ली आम्हा नको रे
आरे आरे

विसरा लोकल चवथे आसन
भले तिथे ' कार शेड ' करी  !! ३ !!
वृक्ष वल्ली आम्हा नको रे
आरे आरे

व्यथा न्यायदेवू असे उपचारा
पाहीतसे ' घावा' वाटसरू   !! ४ !!
वृक्ष वल्ली आम्हा नको रे
आरे आरे

युतीकथा केवळ मनोरंजी विस्तार
करोनी 'प्रचार' ठेवू रुची  !! ५ !!
वृक्ष वल्ली आम्हा नको रे
आरे आरे

टुका(र) म्हणे होय मनासी संवाद
आपुलाचि वाद  आपणासि !! ६ !!

वृक्ष वल्ली आम्हा नको रे
आरे आरे 🌴🌴

 📝अमोल केळकर
०५/१०/१९
poetrymazi.blogspot.in

Wednesday, October 2, 2019

विधानसभा २०१९


' मंदी ' मधे ही *बेलापूरला*
उभी कमळीकडून " *मंदा* " 🌷
" *गणेश* " कृपेने होणार का
इतिहासाची पुनरावृत्ती यंदा ?

मुलाचेच तिकीट कापून
ऐरोलीत उभे  " *नाईक*"
*चंंपा* पडलेत विचारात
*कोथरुडलाच* व्हावे का स्थाईक  😝

📝२/१०/१९
poetrymazi.blogspot.in

# राजकीय सुगीचे दिवस
# विधानसभा निवडणूक २०१९
# बेलापूर विधानसभा

Tuesday, October 1, 2019

ए ताई, मला कोथरुडला येऊ दे


कोल्हापूरच्या दादांनी कोथरुडच्या ताईला केलेली विनंती

( मुळ गाणे: ए आई मला पावसात जाऊ दे, एकदाच ग भिजूनी मला चिंब चिंब होऊ दे)

ए ताई, मला कोथरुडला येऊ दे
एकदाच जिंकूनी मला विधानसभा पाहू दे

काका बघ कसे बडबड करिती
भाषणातून मला खुणविती
निवडणूक जिंकून मज
खुप खुप नाचू दे

ए ताई. ..

मतदारसंघ हा 'सेफ' वाटतो
"दादा" म्हणूनी साद घालतो
पुण्यामधुनी त्यांचा मजला
विssकास करु दे

ए ताई...

लाटेखाली उभा राहूनी
पुराचे मी अडवीन पाणी
मनसे , सेना, राष्ट्रवादी
वाट्टेल ते करु दे

ए ताई.... प्लिज 🙏🏻

मला कोथरुडला येऊ दे
एकदाच जिंकूनी मला विधानसभा पाहू दे

📝२/१०/१९
ललिता पंचमी 🌷
poetrymazi.blogspot.in

Saturday, September 28, 2019

राजी - नामा गीत


*राजकारणात खरंच लळा, जिव्हाळा शब्दच खोटे*

गीत " राजी-नामा"यण 📝

' राजी- नामा' नाटक खोटे
माका - तुका होई.

कुणी कुणाचे नाही 'दादा'
कुणी कुणाचे नाही

ईडी येथे सूड साधते, तेथे नाही माया
कोण कुणाची बहिण भाऊ पती पुत्र वा जाया
सांगायाची नाती नुसती जो तो आपुले पाही

कुणी कुणाचे नाही 'दादा'
कुणी कुणाचे नाही

📝२८/९/१९
सर्वपित्री अमावस्या
Poetrymazi.blogspot.in

Wednesday, September 25, 2019

हुस्टन' आवडी प्रेमभाव


खास राजकीय भक्तांसाठी 🌷
अर्थात नेहमीचीच टिप: मनोरंजन हा हेतू
( चाल: विठ्ठल आवडी प्रेमभाव)

'हुस्टन' आवडी प्रेमभाव
"हाऊडी' नामाचा रे टाहो..
प्रेम भाव

मिटला हा संदेहो
जिंकण्यास 'तात्यांचा'
हाऊडी' नामाचा रे टाहो..
प्रेम भाव..

महान ट्रम्पतात्या उच्चार
दहशतवादी धर..
हाऊडी' नामाचा रे टाहो..
प्रेम भाव..

हेची 'नमो' आम्हा खरं
देश चालवावया योग्य भाव
प्रेम भाव..
हाऊडी' नामाचा रे टाहो..
प्रेम भाव

टुका(र) म्हणे लिहुन पाही
"हाऊडी हाऊडी महन्ताची
प्रेमभाव

हुस्टन' आवडी प्रेमभाव
"हाऊडी' नामाचा रे टाहो..
प्रेम भाव

 📝 २५/९/१९
poetrymazi.blogspot.in✔
अमोल

Sunday, September 22, 2019

आ s रे रे


🌳🌲  🚝🚝🚝🚝 🌲🌳

याद कुछ आता नही यह हुवा कबसे
हो गया मुश्किल छुपाना "राज़ "यह सबसे
तुम कहो तो माँग लू मैं आज कुछ रब से

आरे s s रे , आरे ये क्या हुआ कोई ना पहचाना
आs s रे, आरे बनता है तो बन जाए अफ़साना

'हात' मेरा थाम लो साथी जब तक हो
🌷🏹
बात कुछ होती रहे 'युती' जब तक हो
"सामना" 📰 बाटे  रहो तुम रात जब तक हो

आरे s s रे , आ रे ये क्या हुआ, मैं ने न ये जाना
🌷🤷🏼‍♀

📝२२/९/१९
poetrymazi.blogspot.in

Friday, September 20, 2019

तू जारं गड्या तुला कशाला भिती खड्डयांची


वैभव मांगले जी,
#खड्डयांची माळफुले अजुनी हमरस्त्यावर 👌🏻
🤣😝
अशी कलाकृती सादर करुन आपण विडंबनाचे जणू ' कंकू' लावलेत. खरं म्हणजे तुमच्यातील 'चेटकिणीला' हे कुंकू शोभून दिसले यात शंकाच नाही.
त्यापासून स्फूर्ती घेऊन आमच्यातील विडंबनाचा राक्षस जागा झाला आणि मग आम्ही पण हळूच
 ' सांगलीची हळद ' पेरली 😉

( सिनेमा : कुंकू
मुळ गाणे: मन सुध्दं तुझ गोस्त हाये पृथ्वी मोलाची)

मन 'घट्ट' तुझं गोस्त हाये 'लाख' मोलाची
*तू जारं गड्या तुला कशाला भीती  "खड्डयांची"*

झेंडा भल्या कामाचा 'खोदुनी' निघाला
'साटलोट' वाटेमधी बोचति त्याला
टेंडर चुकलं, तरि बि हंसल, शाबास त्याची
*तू जारं गड्या तुला कशाला भीती  "खड्डयांची"*

जो ओळखितसे 'खड्डा' म्हंजी मोठी कमाई
अन 'मलिष्काचे' फुलावानी घाव बी खाई
गळ्या 'मंदी' पडेल त्याच्या, माळ वैभवाची 😁
*तू जारं गड्या तुला कशाला भीती  "खड्डयांची"*

📝२१/९/१९
अमोल केळकर
poetrymazi.blogspot.in

#भारतीय विडंबन पार्टीत आपले हार्दिक स्वागत 💐🤝🏻😁

Thursday, September 19, 2019

आज पक्षात कुणी राहीना


काही वर्षांपूर्वीचे झी मराठी वरील  एका मालिकेचे  गीत : " आज खुलता कळी  खुलेना "  थोड्या वेगळ्या शब्दात

" *आज पक्षात कुणी राहीना* " ( एक खंत )

मी पहावे , तू पळावे
कारणे या मनाला पटेना
अंतरीची भांडणे ही
का तरीही सारी मिटेना

हीच निष्ठा, झाली खोटी
सूर दोघातले ही जुळेना
हेच कोडे ' राजे ' थोडे
सोडवावे तरीही सुटेना

आस नुसत्या सत्तेचीही 
"आज पक्षात कुणी राहीना"
वेळ चुकली  या घडीची 🕰
"आज पक्षात कुणी राहीना "

📝अमोल
१९/०९/१९

https://youtu.be/1Kw7dempsFU

Wednesday, September 18, 2019

राश्यांतर


🎭 जिवनातील रंगमंचावरील 'राश्यांतर' 🎭
⚡✨🌟⭐💫🌞🌝

मंडळी ,सध्याच्या या पक्षांतराच्या वावटळीने अनेक खास विषय सुचू लागलेत. काल आपण 'वर्गांतर' पाहिलं आज असाच एक आमच्या अत्यंत जिव्हाळ्याचा विषय म्हणजे ग्रहांचा राशीप्रवेश अर्थातच "राश्यांतर "

नेते मंडळींचे निवडणूकीच्या मागे - पुढे स्वत:च्या स्वार्थासाठी होणारे ' पक्षांतर ' आणि ग्रहांचे  'राश्यांतर ' यात खुप फरक आहे बरं का !
सध्या या पक्ष बदलू नेत्यांसाठी 'निसटावंत' हा शब्दप्रयोग रुढ झालेला तुम्ही वाचला असेलच

पण हे ग्रह मात्र ख-या अर्थाने 'निष्ठावंत'. कालचक्राने नेमुन दिलेल्या वेळेनुसारच राशी बदल करणारे. यातही रवि आणि चंद्र 'सुपर निष्ठावंत ' कधीच वक्री नाहीत.( याऊलट राहू, केतू कधीच सरळ नाहीत कायम वक्री. *पण मैत्री इतकी दांडगी की राशी बदल ही समोरासमोर अगदी एकाच वेळेला करतील*✔)  चंद्र २-१/२ दिवसात राश्यांतर करणार म्हणजे करणार. रवि दर महिन्याच्या १५-१६ तारखेला राशी बदल करणार म्हणजे करणार.
त्याखालोखाल बुध, शुक्र. कधी वक्री होतील पण रवि पासून मैत्री तोडून फार लांब जाणार नाहीत ( काही मुद्यांवर वैचारिक मतभेद फक्त ☺) राश्यांतर ही साधारण महिन्याभरात. काही जणांना चांगली बातमी देणारे.

पण मंगळाचे बुध, शुक्रासारखे नाही. रविच्या कितीही पुढे जाणार. राहू, केतू , हर्षल च्या सानिध्यात आला आणि त्याचवेळी स्वत: जरी वक्री झाला की एकदम स्फोटच 🙂. एक घाव दोन तुकडे, मुद्यावर ठाम.  राशीबदल सदा सर्वदा कल्याण करणारा असेलच असं नाही. पण हा ही राशीबदल कालचक्राने ठरवून दिलेल्या शिस्तीत.

"गुरु" बदल मात्र अनेक दृष्टीने 'पर्व काल' घेऊन येणारा. धार्मिक महत्वाचा तसेच विवाह/ मुंज इतर कार्यासाठी आवश्यक ठरणारा. गुरुबल 💪🏻दाखवणारा.
'गुरु विन कोण दाखविल वाट' असा हा गुरु नियमीत वर्षाने राशीबदल करणारा.

शेवटचे 'शनी महाराज' 🙏🏻.
 अडीच वर्ष एका राशीत राहून राश्यांतर करणारे. "साडेसाती" नामक अस्त्राद्वारे भल्याभल्यांना सरळ करणारे, त्यांची मस्ती उतरवणारे.

अशी ही वेगवेगळ्या ग्रहांची राश्यांतरे. प्रत्येकाच्या पत्रिकेनुसार, दशेनुसार  *नियती मग "रावाचा रंक आणि रंकाचाही राव " करण्यास मागे पुढे बघत नाही. आणि हे कुणालाच चुकत नाही बरं का*

*" पराधीन आहे जगती पुत्र मानवाचा " हे ही नकळत ही नियती या ग्रहांच्या राश्यांतरातून शिकवून जाते*.

*तरीपण* तुमच्या पत्रिकेतील १२ ग्रह - १२ राशीतून - २७ नक्षत्रातून - त्यातील १०८ चरणातून भ्रमण करताना तुमचे  "कल्याण" करुन कुणाच्याही आयुष्यात  "खड्डा " पडू देऊ नयेत या शुभेच्छा 💐

श्री गुरुदेव दत्त 🙏🏻🌺

📝१९/०९/१९
poetrymazi.blogspot.in

*रात्रंदिन आम्हा, लेखनाचा आनंद*
*नकोच उपाधी, लेखक कविची ती*

वर्गांतर


वर्गांतर 🚶🏻👬

आमच्या सिटी हायस्कूल,  सांगली या  शाळेत अ, ब,क,ड अशा मुख्यत्वे तुकड्या हुशारी नुसार होत्या. यात अधिक सविस्तर जायला नको. सगळ्यांच्या लक्षात आले असेल. आपापल्या तुकड्या पण डोळ्यासमोरुन गेल्या असतील

नवीन वर्षे सुरू झालं की साधारण ८-१५ दिवसात 'वर्गांतर' नावाचा 'वर्ग प्रवेशाचा'  जंगी कार्यक्रम आमच्या शाळेत व्हायचा. त्यावर्षीच्या मार्कानुसारच वर्गांतर व्हायचे.
जरा हुशार असणारा 'ब ' तून 'अ' मधे जायचा. तिकडे हुशारीत कमी पडलेला इकडे यायचा. असे याचे मोघम स्वरुप असायचे आणि हे प्रत्येक पक्षात आपलं प्रत्येक वर्गात व्हायचे.

अशा या 'वर्गांतरीत' विद्यार्थ्याचे ऋणानुबंध मात्र जुन्या - नव्या ठिकाणी सगळीकडे रहायचे.

 मागच्या वर्षी आपल्या बरोबर 'बसणारा' मित्र  यावर्षी आपल्या बरोबर नसला तरी मधल्यासुट्टीत किंवा बाहेर इतरत्र कुठे भेटला की बरे वाटायचे.'
केला तो दंगा राहिली ती शांती ( गेले ते दिवस राहिल्या त्या आठवणी असे होऊन जायचे)

अशीच काही परीस्थिती/ मनस्थिती  सध्याच्या 'पक्षांतरीत' उमेदवाराची असण्याची शक्यता मला वाटते.
इथे मात्र 'स्व:खुशाली' ही हुशारी पेक्षा थोडी महत्वाची ठरु लागलीय.

शाळेत असताना मनात नसले तरी 'वर्गांतर' करावे लागायचे.
'पक्षांतराबाबत'  सर्वच शक्यता गृहीत धरता येतील.

*जे वर्षानुवर्षे एकाच वर्गात/ पक्षात राहिले त्यांना यातील मजा अजिबात कळणार नाही*. 😆

चला यानिमित्ताने आठवा ५वी  ते १० की कोण कोण बसायचे आपल्याजवळ. ( कारण सांगा म्हणल की इथे कुणी सांगणार नाही. निदान आठवा तरी)

अनुभवी "वर्गांतरीत" विद्यार्थी 📝
सिटी हायस्कूल,  सांगली
१८/९/१९

Tuesday, September 17, 2019

आजि मोदकाचा दिनु




" नैवेद्यम समर्पयामि 🙏🏻
( अंगारकी निमित्य श्री बुध्दी देवतेस सादर 🙏🏻)

आजि मोदकाचा दिनु
हर्षे उकडीचा बनु  !१!

तोचि पाहिला रे, तोचि पाहिला रे
नेवैद्यदाखवुनी, अवघी भरा रे शिदोरी! २!

तोचि पाहिला रे, तोचि पाहिला रे
आजि मोदकाचा दिनु

विघ्न नसे तिथे मुळी
ओतू या तुपाची पळी !३!

तोचि पाहिला रे, तोचि पाहिला रे

भरवा घास गौरी-गणु
संतोषला आत्मारामु !४!

तोचि पाहिला रे, तोचि पाहिला रे

कृपासिंधु 'मोरया'स्मरु ' 🙏🏻
रिध्दी सिध्दीदेवी वरु 🙏🏻 !५!

तोचि पाहिला रे, तोचि पाहिला रे

आजि मोदकाचा दिनु
हर्षे उकडीचा बनु  😋

📝 अंगारकी संकष्टी
kelkaramol.blogspot.in
१७/०९/१९

Sunday, September 15, 2019

अभियंता दिन


आमचे केमिकल इंजिनियरींग  💐

H2 पासून O पर्यंत
सगळ्यावरच पडलं पाणी
'केमीकल इंजीनिअर' बनून
आज सहज लिहितोय गाणी

'वारणेचा वाघ' बनलो
बुधगावचा ही झालो 'राजा'
केमीकल प्रोसेस ठरली
केवळ आमच्यासाठी मजा

किर्लोस्कर वाडीचा "कोरोकोट"
प्रोजेक्ट गाईड म्हणून ' कोलते '
आठवतही नाही चार वर्षे
आपल्याबरोबर कोण कोण होते?

स्कोप आहे खूप म्हणून
नोकरीला लागलो 'पेट्रो केसर'
लवकरच सोडली कंपनी जेंव्हा
पुढचा मार्ग दिसला धुसर 😁

बडबडणारा 'हर्षा भोगले'
आमचा आदर्श नेहमीच ठरला
केमीकल अभियंता नावाला
इतर गोष्टीतच जीव रमला.

तरीपण  "अभियंता दिनाच्या  सर्व केमीकल इंजिनियरना शुभेच्छा " 💐

📝१५/९/१९

Saturday, September 14, 2019

जीवलगा कधी रे येशील तू



सुवासिनी सिनेमातलील, केदार रागातील हे मुळ गाणे

हेच गाणे  कमळाबाई 🌷 आपल्या लाडक्या बाणाला 🏹कशी म्हणेल बघा..
( निव्वळ काल्पनिक, साधर्म्य आढळल्यास योगायोग समजावा)
---------------------------------------------
आचारसंहिता येऊ लागली,
 चल लवकर भेटू
'जिवलगा' कधी रे येशील तू...🌷🏹

'शरद' शोभा आता गेली
'वंचित'गंधा फुलली सुकली
'चंद्रकांते'सह वाढवून ठेविले अंतरिचे हेतू

'जिवलगा' कधी रे येशील तू 🌷🏹

'घड्याळी' या नुरली हिरवळ
फकीर 'हात' हा अवघा दुर्बळ
पुन्हा 'युतीचा' दिसू लागला 'सत्तांकित' सेतू

'जिवलगा' कधी रे येधील तू 🌷🏹

पुनरपि 'इले -क्षण' आलेली
'विधान-सभा' पुनरपि आली
पुनश्च 'वर्षा' लावी आकडे 'मातोश्रीवर' ओतू (२८८)

'भांडखोरा' कधी रे येशील तू 😛

📝१५/९/१९
poetrymazi.blogspot.in

# तुझं माझं जमेना परि तुझ्याशिवाय करमेना  🤪

Thursday, September 12, 2019

बाप्पा पोहोचले घरी


🔴 महत्वाची बातमी( ब्रेकिंग न्यूज)  🔴

नमस्कार भक्त परिवार 🙏🏻 याक्षणाची सगळ्यात मोठी बातमी  तुम्ही 'देवा तुझ्या द्वारी आलो' या वृत्तवाहिनी वर पहात आहात. 'दोन पाऊल पुढे' ठेऊनच मी 'तपस्वीनी' सगळ्यात आधी  तुम्हाला सांगत आहे. कृपया "उघडा डोळे , बघा निट "
 इथे कोपऱ्यात तुम्ही याक्षणाची सर्व चलचित्रे पाहू शकाल.सर्वप्रथम आपल्याच वाहिनीवर.

जे उशीराने इथे आले आहेत त्यांच्यासाठी,  या क्षणाची मोठी बातमी  सर्वप्रथम 'देवा तुझ्या द्वारी आलो ' वाहिनीवर

पृथ्वीवरुन आपल्या लाडक्या श्री गणेशाचे 
स्वर्ग - लोकी आगमन झाले आहे.
अत्यंत महत्वाची बातमी.  तब्बल १२ तास उशीराने गणेशाचे  स्वर्ग लोकी आगमन

आमचे प्रतिनिधी श्री नारद आत्ता तिथे आहेत. आपण सरळ त्यांच्याशी बोलू
नारद, कसं वातावरण आहे? आणि श्री गणेश आणि त्यांचा ताफा सध्या कुठे पोहोचलाय?

तपस्विनी, अतीशय आनंदाचे वातावरण आहे. तू इथे पाहू शकतेस की तब्बल १० दिवसांनी श्री गणेश परत आले आहेत. प्रथेप्रमाणे त्यांचा ताफा स्वर्गातील 'गणेश-लोकात ' आला आहे. रिध्दी-सिध्दी आणि इतरांनी त्यांचे औक्षण करुन त्यांचे स्वागत केले आहे. थोडी विश्रांती घेऊन ते तडक कैलासावर माता पार्वती , पिता महादेव यांच्या दर्शनास जातील.
तपस्विनी

धन्यवाद नारद या माहितीबद्दल. तू आमच्या भक्तांना काय अधिक माहिती सांगू शकशील. म्हणजे त्यांना यायला का उशीर झाला, येतानाचे त्यांचे सर्व नियोजीत कार्यक्रम पार पडले का?

तपस्वीनी, या ठिकाणी श्री गणेशाच्या ताफ्यातले मूषक मामा इथे आहेत. आपण त्यांच्याशी बोलू
मामा, नमस्कार 🙏🏻

नमस्कार. 🙏🏻

कसा झाला दौरा ? काही विशेष आठवण?

दौरा नेहमीप्रमाणे उत्त्तम.  विशेष म्हणजे भक्त जेंव्हा जयघोष करायचे, ' उंदीर मामा की जय, खाण्या-पिण्याची सोय ' तेंव्हा छान वाटायचं

मामा, दरवर्षी प्रमाणे परतीचे प्रयोजन तुमचे चुकते असं नाही वाटत?
मान्य आहे १२-१४ तास उशीर होतोय. खरं म्हणजे यावेळेसही पार्वती मातेने बजावलेले उशीर झाला तर सरळ 'महादेव समिती ' समोर उभे करीन. म्हणून आम्ही एक उपाय केला होता. पण अपयश आले.

कुठला उपाय, मामा?

वरुण ला आम्ही सांगितलेले की चतुर्दशीला येऊन ऐनवेळी जोरदार पड. तो आला पण भक्तांच्या उत्साहात तो ही इतका सामील झाला की लवकर जायचे आहे विसरून गेला आणि नेहमीप्रमाणे उशीर झाला.

आता मग चौकशी?

हा १-२ दिवसात आम्ही इंद्रदेवाना   अभ्यासासाठी अहवाल पाठवू त्यावरुन ते नवरात्रातील आचारसंहिता सांगतील.

मामा, येताना तुम्ही चंद्रावर  जाऊन 'विक्रम'ला ठिक करुन येणार होता अशी एक बातमी..

नारद, थोडं थांबवतेय मी तूला, आपण मामांशी नंतर बोलू.  आत्ताच कैलासावरुन एक बातमी येतीय. आपण थेट आपले प्रतिनिधी ' नंदी '  कडे जाऊ.

नंदी काय बातमी आहे?

तपस्वीनी ,आत्ताच कैलासावरुन एक निवेदन प्रसिद्ध झाले आहे आणि त्यात असं म्हणलं आहे की श्री गणेशाच्या ताफ्यातील सर्व मुषकांना 'गणेश' रत्न पुरस्कार देण्यात येणार आहे.  त्या निवेदनात कवी असलेल्या पार्वती मातेने चार ओळी लिहिल्यात, त्यातील चौथ्या ओळीतील शेवटचा शब्द त्यांनी सोडलाय. तो शब्द अचूक ओळखणाऱ्यास खास बक्षीस देण्यात येणार आहे
तपस्विनी.

नंदी हे कोडे काय आहे हे तू सांगशीलच पण या सोहळ्याचे कुणाकुणाला निमंत्रण आहे.

या सोहळ्याचे प्रमुख पाहुणे श्रीविष्णू हेच असणार आहेत सोबत इंद्रदेव आणि इतर देवगण ही असणार आहेत.
तर माता पार्वतीने मूषकांचे कौतुक करताना म्हणले आहे
छान झालं .

त्याला सरळ आणलतं
गणेश लोकातील कक्षात
नाहीतर त्याला ही नेले असते
त्यांनी त्यांच्या  x x x 🌷

नंदी,  नंदी,  तूला माझा आवाज येतोय का?
बहुतेक आपला 'मंदी' शी संपर्क तुटलाय.

मालक , झोप झाली असेल तर उठा, कामाला लागा. मंदी, मंदी करुन मंदी जायची नाही.
बाकी #देवाक काळजी

मोरया 🙏🏻🌺

📝 अमोल
www.kelkaramol.blogspot.in

Sunday, September 8, 2019

मिठी


आज जर कुसुमाग्रज असते तर त्यांनी ' कणा' लिहिला तसं ' मिठी'ला ही अजरामर केले असते.

          :-   मिठी - : 📝

( संदर्भ : कुसुमाग्रजांची 'कणा' कविता)

पाहिलंत का सर आत्ता,तिथेच बोलला कोणी
कपडे होते अगदी साधे, डोळ्यामधे पाणी

क्षणभर बसला,नंतर रुसला बोलला वरती पाहून
चांद्रयानाचा संपर्क शेवटी थोडक्यात गेला राहून

 कार्यालयात 'इस्रो'च्या सर्वानी कष्ट केले
२२ जूलैला मग चंद्रयान आकाशात गेले

आॅर्बीट पकडले,फे-या मारल्या ठरल्याप्रमाणे जमले
'चंद्राच्या' ओढीने 'विक्रम' हळू हळू गेले.

शास्रज्ञांना बरोबर घेऊन, सर आता लढतो आहे.
संपर्क, चित्र  घेण्याचा प्रयत्न खूप करतो आहे.

मिठी मारुन सरांना, नव्या जाणीवेने उठला.
पाठिंबा दिलात तुम्ही,तरी एकटेपणा वाटला

तुटला जरी संपर्क तरी , मोडला नाही कणा
पाठीवरती हात ठेऊन फक्त लढ म्हणा.

🙏🏻🚀🌝

📝८/९/१९
अमोल
poetrymazi.blogspot.in

#चांद्रयान २
#के.सिवन
#इस्रो

Tuesday, September 3, 2019

कुर्यात सदा मंगलम्


कुर्यात सदा मंगलम् 🚀

( टिप: माझ्या लेखनात interest नसलेल्यानी कृपया आपापल्या जबाबदारी वर पुढे वाचावे. काही वेगळे विचार मिळाल्यास/ नाही मिळाल्यास  लेखक जबाबदार नाही)

हुश: खुप दिवसांपासू आपण ही भाऊंसारखे खणखणीत लिहावे असा विचार मनात आला. तुर्त वरची टिप जरा जमलीय असं वाटतयं,  हळूहळू जमेल ही लेखन 😬

म्हणतात ना "अपयश ही यशाची पहिली पायरी असते" . पण पुढे यशाच्या दुस-या, नाही तिस-या नाही पण निदान दहावी पायरी ते शिखर पर्यतचा मार्ग सहसा बघायला मिळत नाही.
असा एक मार्ग मी नुकताच बघितलाय सांगतो. थांबा.

त्याआधी आणखी एक

शाळेतील एका मैत्रिणीचा काल रात्री वय्यक्तिक निरोप आला तो गौरी आणायच्या मुहूर्ता संबंधी. तिला मी योग्य ते उत्तर पाठवेनच पण त्याक्षणी मला आठवली शास्त्रज्ञ 'तारा' ( हो विद्या बालनच). आणि अर्थातच सिनेमा " मिशन मंगळ "

तदेव लग्नं सुदिनं तदेव *तारा* बलं चंद्रबलं तदेव ।
*विद्या* बलं दैवबलं तदेव लक्ष्मीपते तेंघ्रियुगं स्मरामि।।

कुर्यात सदा मंगलम् !!

सिनेमाची नाईका  'विद्या बालन' आणि सिनेमातील नाव 'तारा' कसं एकत्र छान गुंफल गेलय ना वरील श्लोकात?  इतर ही अनेक तारका समुहांनी ( अगदी मंगळाच्या मेष राशीतील कृत्तिका नक्षत्राचे नाव असलेली एक सदस्य)  'मिशन मंगळ'  आधीच्या अपयशाचा संदर्भ असताना कसा यशस्वी केला याचे नयनरम्य चित्रण म्हणजेच 'मिशन मंगळ'

तर या शास्त्रज्ञ ताराबाई  धार्मिक. म्हणजे घरातील पुजा अर्चा ते क्षेपणास्त्र उड्डाणाच्या वेळेला भटजी बोलवून ' प्रार्थना करण्या पर्यंतचा प्रवास ' हा श्रध्दे पासून श्रध्देपर्यंतच्या प्रवासातही मधे शास्त्र ( सायन्स) लागतं हे सांगणारा, पहाण्यासारखा. इथेच आम्हाला आमची वरील मैत्रीण ही आठवली.

या ताराबाईं सिनेमाच्या शेवटी एका प्रसंगात त्यांच्या मुलाला सांगतात.
Pray for power,  not for picture.

याठिकाणी माझ्या डोळ्यासमोर उभे राहिले ते क्षेपणास्त्र. 

"करकटावरी ठेऊनिया, सुंदर ते ध्यान " जणू साक्षात माऊली 🙏🏻
( पाॅवर पण आणि पिक्चर पण)

मग हीच माऊली क्षेपणास्त्राशी पूर्ण संपर्क सुटल्यावर योग्य वेळी 'स्विच आॅन आॅफ'  करायची प्रेरणा देते ( अनुभव कामास येतो) . अगदी क्लायमॅक्स मधे हीच ' माऊली ' आता हाती केवळ अपयश येणार असं वाटत असतानाच त्या यानाला मंगळाच्या भ्रमणमार्गात ' दत्त ' म्हणून हजर करते.  कोटी किमी दूर असणा-या शास्त्रज्ञांना ' कोटी कोटी रुपे ' या माऊलीच्या रुपात दिसतात आणी शेवटी गोंडस लाल मंगळ , जणू सांगतोय

अमंगलाचा खेळ चालला या धरतीवरती !
 होऊनी मंगल  यावे प्रभू हो या अवनीवरती !

अशुभची सारे जावो देवा , इतुकी  आस मना !
गजानना श्री गजानाना तुम्ही पावा  भक्त जना !!

🙏🏻🌺

पुढचे लेखन अती अवांतर,  फारच वेळ असेल तर वाचा

वय्यक्तिक मरगळ, सामुहिक मरगळ ( किंवा Whatsapp समुहातही मरगळ) आली असेल तर मोटिव्हेशन मिळण्यासाठी हा सिनेमा बघाच.
प्रामुख्याने महिला सदस्य असलेला ग्रुप एकदा active झाला की काय होऊ शकतं हे पहायला मिळतं
अगदी या आपल्या समूहासाठी ही हे लागू पडेल 👆🏻🙃

मोहिम यशस्वी झाल्यावर राकेश ( अक्षय कुमार) कायम त्याला विरोध करणा-या मोठ्या साहेबांचे आभार मानतो. समजलं काही. हेच मी म्हणतो ते उत्प्रेरक ( catalyst)  म्हणून टिकाकार हे चांगलेच,  आपल्याला फायदाच होतो.

आता अगदी शेवटच टुकार.
या सिनेमात मला 'अय्यंगार' नावाचं पात्र खुप आवडलं. त्याना पाहिल्याक्षणी मला वाटते गदिमा किंवा पु.ल तसे दिसत असावेत.
शास्त्रज्ञ होण्याचे स्वप्न तुम्ही कधी पाहिले हे आठवा असं जेंव्हा ताराबाई सगळ्या सदस्यांना म्हणतात तेंव्हा हे बालपणीचे अय्यंगार, आपल्या खेळण्याची गाडी घेऊन एका वेळी ५-६ राॅकेट कसे उडवतात हे दाखविले आहे. अप्रतिम
यापासून स्फूर्ती घेऊन हेच लिखाण मी ५-१० ग्रुप, फेसबुक, अनुदिनी,  रविवारची पुरवणी ( ट्विटर वाचलं,  एवढं लिहिता येत नाही त्यावर)
यावर असं च फेकणार आहे. लेखन न आवडणा-यांनी हेल्मेट घाला. चुकून लागायचे 😜

चला गौरी आणायचा मुहूर्त काढायचा आहे. दोन मंगळाच्या पत्रिकेचे गुण मिलन करायचे आहे

भेटू परत


📝 अमोल केळकर
४/९/१९
poetrymazi.blogspot.in

Wednesday, August 28, 2019

मंद- मंदी


# 'मंद'मंदी 😬

मुळ नाटक : मत्स्यगंधा
( चाल : तू तर चाफेकळी )

दर्द सभोती आज काळजी, ही तर 'मंदी'आली
काय हरवले सांग शोधिशी,या 'निफ्टीच्या' जळी ?

ती 'मंद'माला म्हणे नृपाळा,  हे तर माझे घर
राहून बघते मी तर इथे  'अच्छेदिन' हे सुदंर

रात्रीचे चौकीदार पाहुनी, हाकलतील मंदे तुला
तू चेटकीण, दिसे भुवनी ना तुझिया रूपा तुला

रागमुखी अन नाकाsश्रू , पसरे गालांवरी
विसरू तुजला घेऊ तेजीला, जा चल इथून त्वरी

दर्द सभोती आज काळजी, ही तर 'मंदी'आली
काय हरवले सांग शोधिशी 'या निफ्टीच्या जळी ?

📝 २८/८/१९
poetrymazi.blogspot.in

Friday, August 23, 2019

वडा- पाव डे


आज काय तर "वडा-पाव" डे म्हणे ( २३/८ ??).

 क्षणभर 'मंदीचा' विचार बाजूस ठेऊन मस्त वडापाव घेतला ऐरोली स्टेशनला आणि हे सुचले...😋
कळवा ते कल्याण आणि बोरिवली ते बेलापूर कुठेही अगदी सहज मिळणाऱ्या लाडक्या
वडा-पाव ला समर्पित
( चाल: उष:काल होता होता)

वडा पाव खाता खाता, ब्रह्मानंदी टाळी
अरे पुन्हा नवा 'घाणा' लगेच झाला खाली

आम्ही चार मिरच्यांची ती आस ही धरावी
जे तयार नव्हते त्याची, वाट का पहावी
का ही  'मंदी' अंधारातून, होते वरखाली
अरे पुन्हा चहाची ती पेटवा किटली

धुमसतात अजूनी गरम, वड्यांचे निखारे
तरीही एक खात थांबती पावासंगे सारे
आसवेच डोळ्यातून हलके निघाली
अरे तरी वड्याची ती तल्लफ निराळी

वडा पाव खाता खाता, ब्रह्मानंदी टाळी
अरे नवा 'घाणा' ही लगेच झाला खाली

📝 वडा -पाव डे ( २३/८)
poetrymazi.blogspot.inव.     
पय

Wednesday, August 21, 2019

वेगवेगळी फुले उमलली


या ' *फुलांच्या*' गंधकोषी सांग तू आहेस ना  ?  : -
🌸     🌹   🌺   🌷

निसर्गाने ज्या अनेक विविध गोष्टी  'मुक्त हस्ताने'  या  सृष्टीला दिल्या आहेत  त्यातील  एक नाजूक आणि सर्वांनाच आवडणारी गोष्ट म्हणजे 'फुल' .  मानवी स्वभावानुसार  अनेकांना अनेक वेगवेगळी फुले  भुरळ घालतात . आपल्याला अशी वेगवेगळी  फुले आवडतात मग देवांनाही आवडत असावीत म्हणून  एखादे विशिष्ट 'फुल' विशिष्ट देवाचे लाडके असे सुसंगीत वर्गीकरण  या मानवानेच केले असण्याची शक्यता नाकारता येत नाही.

तर  या फुलांचे प्रकार , वगैरे  या शास्त्रीय प्रकारात न पडता  वेगवेगळ्या गाण्यातून , कवितेतून ही  फुले ओंजळीत घेण्याचा हा एक छोटा प्रयत्न

 या फुलांची 'धुंदी'  गीतकार / संगीतकारांना आली  की मग मुक्या भावना ही किती छान शब्द  रूप घेऊन येतात बघा :👉🏼

*तुझ्या जीवनी नीतीची जाग आली*
*माळरानी या प्रीतीची बाग झाली*
*सुखी आज माझ्या सुखाचा उखाणा*

*धुंदी कळ्यांना धुंदी फुलांना*,  शब्दरूप आले मुक्या भावनांना

एक चिरंतन धडा आपल्या शामला देताना त्याची आई त्याला म्हणते
" शाम , पायाला घाण लागू नये म्हणून इतका जपतोस, तसे मनाला ही घाण लागू नये म्हणून जप हो .

या घटनेला  साक्षीही *फुलेच* होती कारण हे सर्व संभाषण 'देवाची फुले' काढण्यावरूनच झालं होतं.

चला थोडं पुराणात ही डोकावू . पारिजातक फुलाविषयी

पारिजातका विषयी ब-याच आख्याईका आपल्या संस्कृतीत ऐकीवात आहेत..जसे की एकदा देवर्षी नारदाने, श्री कृष्णाला पारिजातकाची फुले भेट म्हणुन दिलीत. श्री कृष्णाला ती खुप आवडलीत.. त्यांनी ती रुक्मिणीला दिलीत. रुक्मिणी पारिजातकाची फुले पाहुन हरखुन गेली आणि तीने लगेच ती आपल्या केसात माळलीत. ही वार्ता सत्यभामे पर्यंत पोहचताच तीला खुप राग आला आणि तीने श्री कृष्णाजवळ हट्टच धरला की मला हा वृक्ष आपल्या वाटीकेत लावायचे आहे. श्री कृष्णाचे सत्यभामेच्या हट्टा पुढे काही एक चालले नाही.त्याने इंद्राशी युद्ध करुन
हे वृक्ष मिळवले आणि सत्यभामेने ते मोठ्या आनंदाने आपल्या वाटिकेत लावले. पण झाले असे के वृक्ष सत्यभामेच्या वाटिकेत आणि फुलांचा सडा मात्र रुक्मिणीच्या अंगणात पडत असे. त्यामुळे देखिल सत्यभामेचा, रुक्मिणी बद्दल चा मत्सर वाढतच गेला.. ( *माहिती संग्रहित*) .
यावरचे मराठी नाट्यगीत
' *बहरला पारिजात दारी, फुले कां पडती शेजारी* '

पारिजातकावरचे आणखी एक गाणे:-
*परसात पारिजातकाच्या सडा  पडे*
*कधी फुल वेचायला  नेशील तू गडे*
*कपिलेच्या दुधावर मऊ  दाट  साय*
*माया माझ्यावर दाट जशी तुझी माय*

पाडगावकर आपल्या एका बाल कवितेत बघा काय म्हणतात -

*टप टप पडती अंगावरती प्राजक्ताची फुले, भिर भिर भिर भिर त्या तालावर गाणे आमुचे जुळे*

कवितेचा विषय निघाला म्हणून ना. धो महानोर याची एक कविता

*फुलात न्हाली पहाट ओली , क्षितिजावर चंद्र झुले*
*नभात भुकल्या केशरियाचे रंग फुलावर ओघळले*

जे न देखे रवी , ते देखे कवी , बघा या गाण्यात चक्क पावसाचे फुल केलंय
" *माळते माळते  माळते  मी माळते*
*केसात पावसाची फुले मी माळते*

काही मराठी गाण्यात फुल कशी डोकावलीत बघा

*समईच्या शुभ्र कळ्या ...*
*गंध फुलांचा गेला सांगून ...*
*मोगरा फुलला ...*
*स्वप्नातल्या कळ्यांनो उमलू नकाच केव्हा ...*
*बगळ्यांची माळ  ' फुले ' अजुनी अंबरात*..
*या बाई या बकुळीच्या झाडाखाली  ...*
*चाफा बोलेना..*
रानफुले लेऊन सजल्या या हिरव्या वाटा ( तुझे गीत गाण्यासाठी)

ही काही गाणी ( साभार: *सुमेधा दातार*)

*गुलाबाची* कली बघा हल्दीनं माखली
आली लाली गोऱ्या गाली उतू उतू चालली

लपविलास तू हिरवा चाफा

चंपा चमेली की जाई अबोली , पहा माझी वहिनी अशी

कळले काही तुला कळले काही मला
लाल आला तुरा गुलमोहरा , हाच प्रीतीचा पहिला इशारा

घाई नको बाई अशी
आले रे बकुळफुला

आणि हे एक माझ्या आवडीचे

*दावा कोकणची निळी निळी खाडी*
*दोन्ही तीराला हिरवी हरवी झाडी*
*भगवा अबोली फुलांचा ताटवा*
*तिच्या घोवाला कोकण दाखवा*

छोट्या छोट्या कीटकांना  ही फुले आवडतात. मग तो कमळीच्या(🌷) मागे लागलेला ' *नादान भवरा* असो   किंवा ' *फुल' पाखरू* असो ' *छान किती दिसते'*   ना ?

हिंदी मध्ये एक दोन संदर्भ सांगतो. दुरदर्शनवरचा एक प्रसिद्ध कार्यक्रम ' *फुल खिले है गुलशन गुलशन*' आणि सादरकरणा-या ' तबस्सूम ' यांचा  चेहरा एका टवटवीत फुलाला लाजवेल असा , मन प्रसन्न करणारा  आणि एक गाणे
 ' *फुलों ' का तारोका सबका कहना है , एक हजारो मे मेरी बहना है* - बघा म्हणजे आपल्या बहिणीची महती सांगायला ता-यांबरोबर साक्षात फुलांची साक्ष.

' फुल और  काटे'  नावाचा एक हिंदी सिनेमा येऊन गेला .  नाही हा संदर्भ एवढ्याच साठी की  'फुल आणि काटे' या शब्दांचाच उल्लेख  असलेले एक मराठी नाट्यगीत . जीवनाचा दृष्टिकोन  सांगणारे , आशावादी  राहण्यास शिकवणारे
' *काटा रुते कुणाला, मज फुल ही रुतावे, हा हा हा हा दैव योग आ ss s हे*


मंडळी  हा फुलांचा संगीतरूपी ताटवा  तुम्हाला आवडला असेल अशी आशा करतो. काही फुले माळायची राहून ही गेली असतील . हा लेख वाचून यातील एक तरी गाणे तुम्ही आज दिवसभरात गुणगुणलेत किंवा इथे उल्लेख न केलेली फुलांची गाणी तुम्हाला आठवली तरी या लेखाचे सार्थक झाले असे म्हणेन.

लेखनमालेच्या शेवट या ओळींनी

*वेगवेगळी  फुले उमलली रचूनी त्याचे झेले*
*एकमेकांवरी उधळले गेले .... गेले ते दिन गेले*

🙏🏻🌺

( फुलंकित ) अमोल केळकर 📝
poetrymazi.blogspot.in

Thursday, August 15, 2019

यंदाचा स्वातंत्र्य दिन


यंदाचा स्वातंत्र्य दिन

यंदाचा स्वातंत्र्य दिन
कुणासाठी वेगळा खूप
काही ठिकाणी नव- चैतन्य
काही भाग चिडी- चूप

यंदा स्वातंत्र्य दिनी
नव्हती जिलबीची गाडी
अजूनी स्वच्छ व्हायचीय
माझ्या गावाकडची वाडी

उत्साह नव्हता चौकात
नव्हती देशभक्तीची गाणी
पात्रात जरी गेलं तरी
डोळ्यात अजून पाणी

कोण चुकलं, बरोबर कोण
आरोपीच्या पिंजऱ्यात निसर्ग
कळलं नाही, कळणारही नाही
धरणातून करावयाचा विसर्ग

झालं गेलं  'कृष्णार्पण'
सोपा सगळ्यात द्यायला धीर
'ज्याचं जातं त्यालाच कळतं' भले
' पगडी पचास जरी सलामत शीर '

मना मधली  राष्ट्रभक्ती
हातावरचे 'रक्षा' बंधन
संकटात धावलेल्या त्या
'माणूसकीला त्रिवार  वंदन'
🙏🏻🙏🏻🙏🏻

📝१५/८/१९

Saturday, August 3, 2019

तुषार ४/८/१९ ( मेगा ब्लाॅक)


तुषार ४/८/१९

कृष्णा माई


सांगलीकरांच्या लाडक्या 'माईस' समर्पित
🙏🏻🌺

( चाल: रम्य ती स्वर्गाहून लंका)

धन्य ती पूरातील कृष्णा
हिच्या पाण्याच्या जीवन लहरी भागविती तृष्णा

सुजलाम् सांगली अशी ही नगरी
आनंद होत असे कृष्णा तिरी
त्या नगरीवर 'कृष्णा' नियमित, करिते अभिषेका

'कृष्णा-कोयना' दोघी भगिनी
उभय उपजल्या या जलधितुनी
या कृष्णेचा 'आशीर्वाद' तरी 'टुकारा' घेशील का?
 🏊🏻🚣🏼
📝३/८/१९
poetrymazi.blogspot.in

Monday, July 29, 2019


स्विगी , झोमॅटो वरून आॅर्डर करणा-या
 ' खाद्यप्रेमींना ' समर्पित
🍱🍣🥘🥗🌯🥫🥪🥙🌮

( चाल : देहाची तिजोरी, भक्तीचाच ठेवा उघड दार देवा आता, उघड दार देवा)

स्विगीची भाकरी , झोमॅटोचा मेवा
उघड अॅप भावा आता उघड अॅप भावा

इथे खाणे घरी बसुनी  रीत  माणसाची
'मनी' खात्यामध्ये असता भीती ना कशाची
सरावल्या बोटांना मग कंप का  सुटावा

उघड अॅप भावा आता उघड अॅप भावा

( *मृगजळ* )
झटक्यात दिसते 'सूट' उघडताच अॅप
ज्याचे त्याचे हाती आहे 'कूपनचे' माप
'प्रिय बायकोची' ऐसी, घडे नित्यसेवा ☺

उघड अॅप भावा आता उघड अॅप भावा

( *प्रत्यक्षात* )
'दर' जणू उजवीकडचा भासतो बिलोरी
आपुलीच ' ऑर्डर' होते  आपुलीच वैरी
घरोघरी 'पार्सलाचा ' मेळ जमवावा

उघड अॅप भावा आता उघड अॅप भावा

तुझ्या हाती पांडुरंगा ऑर्डर पडावी .
मुक्तपणे भूक माझी अशी चाळवावी.
मार्ग तुझा ' गुगल'वरचा मला आकळावा.

उघड अॅप भावा आता उघड अॅप भावा

पिझ्झा-बर्गर साठी आता बुजरेपणा गेला .
बंधनात बसुनी वेडा ' जंक ' युक्त झाला
पोटाच्या या घेरीचा करील तोच हेवा

उघड अॅप भावा आता उघड अॅप भावा

 📝: विसंगती सदा मिळो
poetrymazi.blogspot.in

अमोल

Wednesday, July 24, 2019

अंधाराची' खंत तू कशाला करशी रे....


*'अंधाराची'  खंत  तू कशाला करशी  रे*...🌌

मंडळी  नमस्कार 🙏🏻

आज परत एक  वेगळा विषय मांडतोय.  दिवसातल्या २४ तासात सरासरी  किमान १२ तास  तरी या  गोष्टीशी आपला संबंध  येतोच. किंबहुना आपल्या जन्माआधी ९ महिन्यापासूनच याची आपल्याला ओळख व्हायला सुरवात झालेली असते त्यामुळे प्रत्यक्ष भूतलावर जेव्हा आपला अवतार होतो तेव्हा काही अपवाद ( बालपण )  वगळता आपण नकळत याच्याशी जुळवून घ्यायला लागतो. हाच तो
' *अंधार* ' . अगदी जीवनात प्रत्येक टप्प्यावर भेटणारा, नवीन गोष्टी शिकवणारा पण तरीही सहजा सहजी ' हवा हवासा ' न वाटणारा.

दिवस म्हणजे  प्रकाश आणि रात्र म्हणजे अंधार आणि  रात्रीचा / अंधाराचा  रंग काळा म्हणून  अंधाराचे प्रतीक असणा-या 'काळ्या' रंगाला ही नकळत नाकारले जाणे हा मानवी स्वभावच म्हणायला पाहिजे ना ? उदा. मंगल प्रसंगी ( काही अपवाद वगळता ) काळे कपडे न घालणे, शक्यतो काळ्या रंगाची गाडी न घेणे, बुद्धीबळ खेळात काळ्या सोंगटीने खेळणारा
पांढरी सोंगटी घेऊन खेळणा-याच्या नंतरच खेळणार,कॅरम मधे ही काळ्या सोंगटीला कमी गुण ते  अगदी काळे- गोरे  वंशवादा पर्यंत लिहिता येईल. पण तो विषय नको.

कुठल्याही घरात जास्त दंगा केल्यावर  तो बघ हं तिथे अंधारात ' बागुलबुवा ' आहे अशी भीती घातला गेलेला  चिंटू, बंडू , मोनू  नसेल असे शक्य वाटत  नाही. वयाने मोठे झाल्यावर 'जा रे  त्या खोलीतून अमुक गोष्ट घेऊन ये 'असे सांगितल्यावर  कुठल्याही घरात , ' नाही बाबा मला भीती वाटतीय, अंधार आहे , कुणी तरी लाईट लावून द्या '  असे बोल ऐकायला मिळाले नसतील असेही  वाटत नाही.

 ' *अरे जा काही होत नाही आम्ही आहोत इथे* ' हे पाठींब्याचे बोल आणि संध्याकाळी अंधार पडला की
  ' *शत्रूबुध्दी विनाशाय , दीपज्योती नमोस्तुते  ही प्रार्थना* ' या गोष्टींनी  मात्र लहानपणी
' अंधाराशी ' दोन हात करायाला बळ दिले  हे खरं.

आणि मग अंधाराशी हळूहळू  मैत्री व्हायला सुरुवात झाली . नाट्यगृहात/ सिनेमात खेळ चालू होण्यापूर्वीचा अंधार, अचानक रात्री जेवताना किंवा दूरदर्शनवर कार्यक्रम बघताना दिवे जाऊन झालेला अंधार ,  रातराणी बस मधे तिकीट काढून झाल्यावर डबल बेल वाजवून वाहकाने चालकाला दिवे बंद करण्याची सूचना दिल्यानंतर काही वेळात झालेला अंधार, आषाढात भर दुपारी  आकाश भरून झाल्यानंतर चा अंधार ते खास बायकोसाठी ( इथे आवश्यकतेनुसार मैत्रीण ही घ्यायला हरकत नाही ) कँडल नाईट डिनर साठी मुद्दाम जुळवून आणलेला अंधार ? किती विविध रूपे ना अंधाराची?

 मंडळी ,यात शाळेतीळ निकालाची प्रत आई - बाबा / नातेवाईकांच्या हाती लागल्यानंतर दिवसाही चमकलेले 'अंधारातील तारे'  फक्त विचारात घेतलेले नाहीत 🤩

पण खरं सांगू मला  या सगळ्या अंधारात एक अंधार खूप आवडायच्या जो मी अजूनही  एन्जॉय करतो तो म्हणजे
 ' बोगद्यात ' गेल्यावर होणारा अंधार. अगदी आजही मुंबई - पुणे  मेगा हायवेवर कामशेत असू दे, भागतन असू दे किंवा खंडाळ्याचा बोगदा असू दे  अगदी स्वतः गाडी चालवत असलो तरी  वाटत मस्त लहानपणी  जेव्हा  ' पेशवे पार्कात 'फुलराणीत' बसून गाडी बोगद्यात गेल्यावर  किंवा शाळेच्या सहलीतून  सज्जनगडला जाताना 'अजिंक्य तारा ' किल्याच्या  बोगद्यातून सगळ्या मित्रांसकट  जोरजोरात ओरडायचो तसे ओरडावे.  घेतलीय तुम्ही  अशी मजा ओरडण्याची.????

लहानपणी सांगलीत राजवाड्याच्या तटबंदीतून जाताना लागाणारा बुरुज/ प्रवेशद्वार म्हणजे एक लहान बोगदाच वाटायचा , पुण्याला लहानपणी मामा कडे जाताना लागणारा कात्रजचा बोगदा, पुढे  लोणावळा- खंडाळा  रेल्वे रस्ता मार्गावरचे , कोकण रेल्वे वरचा रत्नागिरी जवळचा  सगळ्यात लांब बोगदा आणि इतर बोगदे , कल्याण ठाणे मधील पारसिक हिल बोगदा , अगदी बेलापूर मधील हार्बर लाईनवर असलेला बोगदा , माथेरानला टाॅय ट्रेन मधून लागणारा बोगदा ,कामानिमित्य कसारा- नाशिक , जबलपूर पर्यत लागलेले बोगदे  ते अगदी आजकाल तयार झालेला कर्जत - पनवेल नवीन मार्गावरचा बोगदा  ते ईस्टर्न फ्री वे वरचा चेंबूरचा बोगदा

 यासगळ्यांनी एकच शिकवलं   आयुष्यात अनेक टप्प्यावर  , वेगवेगळ्या वेळी , वेगवेगळ्या कालावधीचे बोगदे (प्रती) अंधार  येईल पण  त्यानंतर असेल फक्त प्रकाश ...

तेव्हा
 ' *अंधाराची'  खंत  तू कशाला करशी  रे ....... गा प्रकाश गीत*

आता गाण्याचा विषय निघालाच आहे तर ' अंधारावरची काही गाणी/ कविता पाहू

तिन्ही सांजा झाल्यावर  जेव्हा अंधाराची चाहूल लागते तेव्हा
 " चिमणी आई" ही आपल्या पिल्लाना साद घालताना म्हणते

" दहा दिशांनी येईल आता अंधाराला पूर
अशा अ वेळी असू नका रे आईपासून दूर
चूक चूक करिते पाल उगाच चिंता मज लागल्या
या चिमण्यांनो  परत परत फिरा रे घरा कडे आपुल्या ,
जाहल्या तिन्हीसांजा जाहल्या.

देऊळ सिनेमा त ही एक असंच गाणं आहे.  जीवनात एका टप्प्यावर  खूप निराश झालेला एक भक्त स्वामी समर्थांची याचना करता ना म्हणतोय ,

" अंधार  दाटला  दाही  दिशाना , सांगावे कसे मी सा-या जगाला..... रे स्वामी राया  "

मनाची एकदा समजूत झाली  की "भिऊ नकोस , स्वामी तुझ्या पाठीशी आहे" की
मग हे " अंधाराचे जाळे फिटून , वाटतं ( आता)  झाले मोकळे आकाश "

एकंदर उत्साह  वाटायला  लागतो  अशावेळी  ही प्रकाशाची पणती जपून ठेवायची.

थोडा उजेड ठेवा , अंधार फार झाला
पणती जपून ठेवा, अंधार फार झाला

आले चहू दिशांनी तुफान विस्मृतींचे
 नाती जपून ठेवा, अंधार फार झाला

मराठी विज्ञान परिषद ( मुंबई ) यांनी एक 'विज्ञान गीत'  त्यांच्या संकेतस्थळावर दिलय. त्याचे धृपद किती छान आहे बघा

संपला अंधार आता , सूर्य ज्ञानाचा उदेला
लागल्या वाटा दिसायला, शक्ती लाभे चालण्याला !!

मंडळी लेख आवरता घ्यायची वेळ आली. तुम्हाला खोटं वाटेल पण काल आषाढ  कृष्ण पक्षाच्या सप्तमीला ' *अंधेरीच्या* ' लोखंडवाला गेटच्या बाहेर बसून हा लेख मला सुचला आहे.😬
 तुम्हाला नक्की आवडला असेल अशी आशा व्यक्त करतो

प्रकाशाच्या  एका किरणाने
" श्रावण "  फुलू दे जीवनात
माफ करा मंडळी  जर
काही चुकलं असेल लिहिण्यात.

📝 अमोल केळकर

Sunday, July 21, 2019

सुंदर ते यान


चंद्रयान २ ला - काव्यमय शुभेच्छा
( चाल : सुदर ते ध्यान , उभे विटेवरी ) 🚀🌝

सुंदर ते यान, उभे जाण्यावरी
जीएसएलव्हीएमके लावुनिया !! १ !!

वायरी सर्व जोडा, दिसते  झुंबर
चालले निरंतर चंद्र यान !! २ !!

'उत्तरा भाद्रपदा ' तळपती गगनी
राशी 'मींन' शशी  विराजित !! ३ !!

' इस्रो ' म्हणे माझें  हेचि सर्व सुख
दावीन चंद्रपृष्ठ  आवडीने !! ४ !!

📝अमोल केळकर २२/७/१९


Monday, July 15, 2019

माॅर्गन खुलला, माॅर्गन खुलला


काल एवढा रोहमर्षक सामना झाला. मग कुणीही विजेता कप्तान  खुलणारच ना 🏆🏏💂🏻

( चाल: मोगरा फुलला, मोगरा फुलला)

माॅर्गन खुलला, माॅर्गन खुलला
झेल टाकीता खेळाडू ,कप यांचा झाला 🏆

दुसरी ती धाव , धाऊनिया भारी
तोच चेंडू गेला,  बाँन्डरीवरी

माॅर्गन खुलला, माॅर्गन खुलला

नियमांचीये गुंती, घोळघातला गेला
दोन चौकारापरी 'साहेबा' अर्पिला

माॅर्गन खुलला, माॅर्गन खुलला
झेल टाकीता खेळाडू ,कप यांचा झाला 🏆

📝१५/७/१९
poetrymazi.blogspot.in

मुळ गाणे :-

मोगरा फुलला मोगरा
फुलला.
फुलें वेंचितां बहरू
कळियांसी आला ..

इवलेंसे रोप लावियलें
द्वारी.
त्याचा वेलु
गगनावेरी ...

मनाचिये गुंती
गुंफियेला शेला.
बाप रखुमादेविवरी
विठ्ठलें अर्पिला

चंद्रयान चंद्रग्रहण आणि व्हाट्सप




मंडळी तांत्रिक अडचण वगैरे  आली हे एका दृष्टीने बरंच झालं म्हणा. तसही ' मूळ' नक्षत्रावर यान सोडले जाणे  हे उचित झालेच नसते. ' मूळपदावर ' येणे हाच ' मूळ नक्षत्राचा मूलमंत्र असतो. काय योगायोग बघा ना ५६ मिनिटे बाकी असतानाच  हे लक्षात आले. आता गेल्या काही वर्षात  ५६ या अंकाला  भारत भूमीत आलेले  महत्व पाहता   ही विष्णू कृपाच  नव्हे काय ? .

काय उपयोग मग त्या  अध्यक्षांचा जे  कुठल्याही मोठ्या कार्यक्रमा आधी तिरुपतीला जाऊन बालाजीचा आशीर्वाद घेतात, नारळ फोडतात . एक साधी गोष्ट लक्षात येऊ नये की  ' 'चंद्र ग्रहण' लागतंय. बिचारा चंद्र त्या धनु राशीतुन ' केतू ' पासून कसं  वाचायचं या विचारात असताना , आडाखे बांधत असताना  अगदी  त्याचवेळेला ते यान  सोडायचे का?  चाललं असत की जरा मागे  पुढे. ' दे दान सुटे गि-हाण ' असा जयघोष झाल्यानंतर होता की बक्कळ वेळ.

तरी नशीब ते  लंडन वाले 'साहेब' तरी  थोडक्यात बचावले आणि कप हाती लागला त्यांच्या. अहो चंद्राची कृपा होती त्याच्यांवर म्हणून वाचले.  असं कसं म्हणून काय विचारता ?  मारलेले
 " चौकार " मोजून त्यांना विजयी घोषित केलं गेलं ना ? मग ?
४ या अंकावर चंद्राचाच प्रभाव आहे, राशी चक्रातील 'कर्क रास' ( ४ नंबरची ) ही चंद्राची  त्यामुळेच  काळ पुरुषाच्या कुंडलीतील चतुर्थ स्थान ही  चंद्राचे मग  ' चौकारावर ' चंद्राचा प्रभाव नाही का मंडळी ? काही चुकत असले तर सांगा बर लगेच.

नाही म्हणले तरी या गुरु पौर्णिमेला आलेल्या ग्रहणाने
' गुरु ' महाराज ही तसे नाराजच आहेत म्हणा. जेव्हा कळलं त्यांना तेव्हापासून  ते वक्री होऊन
 ' मंगळाच्या वृश्चिक राशीत ' बसलेत. तेव्हा  आता एखादे मस्त ऊर्ध्वगामी नक्षत्र पाहून, गुरु मार्गी झाल्यानंतर  द्या पेटवून  चंद्रयान

मंडळी या  ग्रहण  काळात
 ' सांगेन मी गोष्टी युक्तीच्या चार '

ग्रहण पर्व हा आपला ' नियमित मंत्र ' सिध्द करण्यासाठीचा उत्तम कालावधी  आणि काहीही झाले तर सध्याचा आपला मंत्र एकच
' जाऊ आहारी,व्हाटसप वाटे भारी'

काही उपयुक्त गोष्टी सांगत आहे. नियम म्हणा हवं तर.  खाली दिलेले हे नियम   युवक , आजारी, वृध्द्व , गर्भवती , नोकरदार , व्यावसायिक सगळ्यां साठी समान आहेत.
ग्रहणाचा स्पर्श , मध्य , मोक्ष
 " वेळ"  अनेक ग्रुपवरून  तुमच्या पर्यत आली असेलच

हे ग्रहण रात्रीच्या तीस-या प्रहरात असल्याने  ३ प्रहर आधी म्हणजे दुपारी ४ वाजता आपला भ्रमणध्वनी , ऊर्जादेयक यंत्रे  इत्यादी काही मिनिटासाठी बंद करून सर्व उपकरणे स्वच्छ करावीत. ग्रहण स्पर्श होईपर्यत ती उपकरणे तशीच ठेवावीत व इतर कामे आपण करू शकतो का याचा अंदाज घ्यावा. हाताच्या बोटांना जरा त्रास होईल पण त्याकडे दुर्लक्ष करावे.

ग्रहण स्पर्श  सुरु होताच भ्रमणध्वनी हातात घेऊन डोक्याला दोन -तीनदा लावून चालू करावा  गरज असल्यास ऊर्जा देण्याची व्यवस्था करावी.

 चंद्र हा मनाचा कारक ग्रह असल्याने  सर्वच समूहातील
' मनाला लागलेले संभाषण ' हुडकण्यास सुरवात करावी . या प्रसंगी तारांकित केलेले संभाषण ही शोधावे आणि ग्रहण मध्य असतानाच ते सर्व जपून ठेवलेले संभाषण  उडवावे. त्यानंतर जास्त श्रम झाले असतील तर परत भ्रमणध्वनी बंद करून ठेवावा.

आता शेवटाचा टप्पा. मोक्ष काल. ग्रहण संपायचा काळ .

आधीचे  भ्रमणध्वनीतील संभाषण जे आपण उडवले ते मनात मात्र अजूनही असण्याची शक्यता असेल  तेव्हा या कालावधीत तुम्हाला हे संभाषण आपल्या मनातूनच कायम उडवायचे आहे. हे सर्व झाले की  तुम्ही निद्रा- देवीच्या अधीन व्हायला हरकत नाही

वि सु : - मेष , मिथुन , सिह , वृश्चिक यांना या ग्रहणाचे
' मिश्र फळ '  असल्याने यांनी शक्यतो खास समूहातील  सगळेच मेसेज ' डिलीट ऑल ' करावेत

वृषभ, कन्या, धनु , मकर  राशीच्या लोकांना ग्रहणाचे
' अनिष्ट फळ '  असल्याने त्यांनी शक्यतो सध्याचे पहिले  व्हाटसप घालवून  परत नवीन व्हाटसप उतरवून घ्यावे

पहाटे जेव्हा
 ' दे दान - सुटे गी-हाण  ' चा गजर होईल तेव्हा  तुमचा भ्रमणध्वनी आणि तुमचे स्वच्छ मन  परत तयार होतील सगळीकडे आनंदाचे गुच्छ पाठवायला  🌺💐🙂

📝अमोल केळकर
poetrymazi.blogspot.in
१५/७/१९

Thursday, July 11, 2019


*सेल्फीशी होऊ दंग. . .    सेल्फीत्सोव*

( सेल्फीची गोडी, करी जास वेडी, तोचि पुण्य जोडी पंढरीचे )

देहू आळंदी हून पंढरपूरकडे  पालख्या निघाल्या की  याच सुमारास  पुण्य नगरीत  एक अनोखा  उत्सव भरताना दिसतो.  अर्थात पुणेकर हे मुळातच उत्सव प्रिय . सवाई महोत्सव असू दे ,   गणेशोत्सव असू दे  , दिवाळी पहाट किंवा अगदी कार्तिक पोर्णीमा  असू दे या सगळ्यात पुणेकरांचा उत्साह अगदी  ओसंडून वहात असतो.

 देहू ,आळंदीहून पुणे मार्गे पंढरपूरला जाणा-या पालख्या हा ही पुणेकरांसाठी असाच  कौतुकाचा विषय.  पाऊस, हेल्मेट सक्ती, रस्त्यांची कामे , मेट्रोची कामे  आणि त्यात वारीमुळे होणारी वाहतूक कोंडी  याची चिंता न करता अस्सल पुणेकर या पालख्या  "एन्जॉय"  करतो. इथे अस्सल पुणेकर हा शब्द  अशासाठी वापरलाय की  या सगळ्यामुळे त्रास होतो असे मानणारा वर्ग ही पुण्यात आहे पण तो मुळचा पुणेकर नसून बाहेरून पुण्यात स्थायिक झालेला पुणेकर आहे.

या पालख्या जर पुणे मुक्कामी विकेंड ला येत असतील तर या उत्साहाला अधिक उधाण येते.  आपापला व्याप सांभाळून पुणेकर वारीचा आनंद लुटतात , वारी बरोबर एक दिवस चालत जातात , ताल मृदूंग , अभंग , जयघोष , पताका , तुळशी- वृंदावन , कपाळावर गंध, पालखी  सोबत जाणे  इ अनेक प्रकार करुन आपला सहभाग नोंदवतात.

साधारण उत्सव असो , यात्रा/ जत्रा असो साधारण आपण तीन प्रकारची जनता यात सामील होते असे म्हणतो  हौसे, गवसे, नौसे .
सोशल मीडियाचा,  सेल्फी या प्रकारचा उदय झाल्यानंतर आजकाल  ' हौसे, गवसे, नौसे बरोबरच आता "सेल्फे"  ही नवी जमात बघता बघता फोपावली आहे असा आमचा अभ्यास सांगतो.  प्रोफेशनल कॅमेरामन , चित्रकार , आर्टिस्ट यांच एक ठीक असतं. पूर्वीपासून ही लोकही वारीचे चित्रीकरण,काही खास फोटो  काढण्यात मग्न असतात . मात्र यांचा त्रास फारसा कुणाला होत नाही. एकतर हे लांब कुठं तरी  बसून  आपले काम करत असतात . ना ते कुणाच्या अध्यात ना मध्यात .  हरिनामाचा जयघोष करत चाललेल्या  या माऊलीच्या भक्तांच्या तर हे गावीही नसते  की दूर  कुठूनतरी  कुणीतरी आपली छबी , आपले भाव (  आजच्या शब्दात  नॅचरल एक्सप्रेशन्स )  टिपत आहेत.  यात कुठेही देखावा नसतो , कृत्रिमता नसते  त्यामुळे ते चित्र ही अगदी सहज जमून जाते.

आता या वारीतल्या सेल्फी टेक्नॉलॉजीचा ( इथे पारंपारिक तंत्रज्ञानाचा विचार आहे , यातही आता अनेक आधुनिक तंत्रज्ञान आले आहे )  विचार करू.
एकंदर यांचे वर्णन अभंगातून व्यक्त करायचे झाल्यास असे 👇🏻 करता येईल.

*पुण्यनगरी गाऊ आम्ही  पुण्यनगरी नाचू*
*मोबाईलच्या कँमेराने  सेल्फी फोटो काढू*
*विठ्ठलचे नाम घेऊ  लावूनी ' टायमर '*

 तर  या  लोकांना आपण वारीत जाऊन आलो ( फोटो काढण्यापुरते का होईना )  हे अख्या जगाला ( ठणकावून) सांगायचे असते. हेच प्रयोजन ठेऊन ते घरातून निघतात . यात काही जण स्वतःच्या कुटूंबासह (  हे कमीच ) , ऑफीस ग्रुप,  सोसायटी ग्रुप  किंवा शाळा - कॉलेजच्या मित्र - मैत्रिणींचा ग्रुप ( हे जास्त )निघतात. थोडक्यात घोळक्याने जातात .  यात एखाद्या शहाण्याला यापूर्वीच्या
' *सेल्फी-वारीचा* ' अनुभव असतो. पालखीचा मुक्काम  कुठे आहे , मार्ग काय आहे  याची माहिती ही करून घेतलेली असते. मग ठरलेल्या ठिकाणी मंडळी पोचतात. मग कुणा माऊलीच्या डोक्यावरचे तुळशी वृंदावन स्वतःच्या डोक्यावर घेऊन  फोटो काढायला लावणे ( इथे बहुतेक सेल्फी घेता येणे शक्य नसते ) , उगाच ताल , मृदूंग अडकवून

*निघालो घेऊन कॅमेरा हा हाती , आम्ही भाग्यवान*

अशा अॅटीट्युड ( ऐटीत - IT मधील असेही म्हणा हवंतर ) मधे हे सेल्फीकरी विठ्ठलाला लावतात तसा गंध कपाळावर ' गुगल ' तानाचा फोटो /  घोडे , पालखी  बरोबरचा सेल्फी  आणि पुढे काय काय प्रकारे सेल्फी निघू शकतात इतपत कल्पना करण्यात तुम्ही समर्थ आहात . आजकाल ते
'फेसबुक  लाईव्ह ' प्रकार पण दाखवायचे असते.

यानं  काय होत की एकंदर या वारीचा वेग पुण्याच्या आजूबाजूला कमी होतो. जो तो  सेल्फी ( स्व चित्र) घेण्यासाठी इतरांना थांबवतो. ते वारकरीही मग थांबतात  , त्यांचा नामात व्यत्यय येतो.
या सर्व प्रकाराने  आपण भक्तीचे अनोखे प्रदर्शन नुसते करत आहोत  असे काही वेळा वाटते.

अर्थात याला अपवाद आहेत हे नक्कीच . काही खरोखरच सेवाभावाने कुठलीही अपेक्षा  न करता मदत करतात, अन्नदानाचे आयोजन होते , कचरा व्यवस्थापनाचे , सांडपाणी व्यवस्थापनाचे नव नवीन आदर्श  पुढे येतात.अशा काही समाधानाच्या गोष्टीही दिसून येतात

*पंढरपूरची वारी  ही  ख-या अर्थाने  महाराष्ट्राचा सांस्कृतिक / वैचारिक  आणि / भक्तीमय  ठेवा  आहे. त्या सोहळ्याला आपण सगळे मिळून असेच ठेवू या* 🚩🚩

दिंडी चालली चालली विठ्ठलाच्या दर्शनाला
घुमे गजर हरिनामाचा भक्त  *फोटोत  रंगला* ,

असं  फक्त व्हायला नको हीच पांडूरंगा चरणी  प्रार्थना 🙏🏻🌺

देवा तुझ्या द्वारी आलो
www.kelkaramol.blogspot.in
Related Posts Plugin for WordPress, Blogger...