नोंद

तूझ्या प्रतेक गोष्टीची नोंद
ठेवली होती त्याकाळी
हेच तर काम होतं मला
रोज उठल्यावर सकाळी

अमोल केळकर
जून २८,२०१२

पाऊस

ढगांची झाली गर्दी
हवामान खाते जागे झाले
पडणा-या प्रत्येक सरीने
आडाखे यांचे बदलू लागले

 चोवीस तासाचा अंदाज
 काही तासात बदलतो
 सूर्यदेवही  या खेळात
 आपला डाव घेऊन जातो.

आठवण

  दररोज तुझ्या आठवणीत
  मन माझं रमतं
 चार ओळींनाही लगेचच
 आयतं काम मिळतं

अमोल केळकर
जून २७, २०१२

चूर्ण

तूझ्या शिवाय माझी चारोळी
कधीच होत नाही पूर्ण
.
.
.
.
.
.
.
.
पचत नसेल ज्यांना हे त्यांनी
रोज घ्यावे धौती योग चूर्ण

वेळेचे गणीत

परत येणार असतानाही
मागे वळून  बघतेस जाताना
मग उगाचच दमछाक होते माझी
वेळेचे गणीत मांडताना

अमोल केळकर
जून २५, २०१२

धग

ढग होते साक्षीला
बाबांनी जेंव्हा पकडले
आठवत नाही त्यावेळी
कोण जास्त बरसले

अमोल केळकर
२३ जून २०१२

बॅकप

मनातल्या फाईलीत
सेव्ह कर शब्दांना
त्यानेच बनव चारोळी
विकली बॅकप घेताना

आग

 'जातीने ' लक्ष  घालून !
 आग अटोक्यात आणली !
 जातीच्या राजकारणासाठी !
 हळूच जपून ठेवली !!!

नार्को टेस्ट

मला अजिबात आवडत नाही
तुझ्याशी खोटं बोलायला
.
.
.
.
.
.
.
.
.



पैसे ही आज काल फार घेतात
 नार्को टेस्ट  करायला

मान - अपमान

मान्य करतो एक गोष्ट
तेवढी उंची आमची नाही
म्हणून काय कधीच आम्ही
चारोळी करायची नाही ????


मान्यता मिळाली नाही तरी
मान आम्ही नेहमीच राखतो
मानापमानाच्या नाटकात
बळीचा बकरा आमचाच जातो.

चारोळी

चारोळी करायचे
चार ओळींनी ठरवले
ऒंजळभरुन शब्द लगेच
मदतीला धावले.

वेळ

 तू येणार असलीस की
मी कुणालाही थांबवत नाही
वेळ मात्र अशावेळीही
जायचे नाव घेत  नाही 

अमोल केळकर
२० जून २०१२

निवडणूक

संचारलीय सगळ्यांच्यात 
राष्ट्रपतीची निवडणूक
थांबणार आहे का त्याने
जनतेची  पिळवणूक ??

अमोल केळकर
१९ जून २०१२

टोल - धाड के - बोल

प्रत्येक रस्त्यावर प्रत्येक नाक्यावर !
वसुली साठी लावलाय टोल !
खिसा मोकळा करता करता !
जनतेचाच  सुटलाय तोल.!

अमोल केळकर
१३/६/१२

शुक्र - भ्रमण

 दृष्ट नको  लागू दे
 आकाशातील मैत्रीला
 ढगांनीच घेतले अच्छादून
 आमच्या वाईट नजरेला

आकाशगंगेच्या साईटवर
सुविधा द्या चॅटिंगची
मग काळजी नाही ग्रहांनाही
सरळ रेषेत येण्याची

अमोल केळकर
६/६/१२

वेध - शाळा

येणार येणार म्हणतोस पण
कधीच येत नाहीस वेळेवर !
.
.
.
हल्ला मात्र केला जातो
बिचा-या आमच्या वेध-शाळेवर !!

अमोल केळकर
४/६/१२

सत्यवान - सावित्री

सकाळी सकाळी सत्यवानाने
सावित्रीली उठवले
वटपोर्णिमेच्या पुजेसाठी
घराबाहेत पिटाळले

वडाभोवती फिरताना
शंकेची पाल चुकचुकली
नवा जन्म कसा मिळेल
जर गर्भातच मला मारली ?