करोनाचा जंतू

कवी नारायण सुर्वे यांची माफी मागून
' *भाकरीचा चंद्र* ' थोड्या वेगळ्या शब्दात

( *आमचाही लाॅकडाऊन मधे मनोरंजन करणे हा हेतू, दुसरा कुठलाही नाही*)

दोन दिवस 'थाळी' बडवण्यात गेले, दोन 'दिव्यात' गेले
हिशोब करतो आहे आता किती राहिलेत डोईवर उन्हाळे

शेकडो काही 'व्हिडिओ' पाहिले, 'मन की बात' आली
' *करोनाचा जंतू*' शोधण्यात जिंदगी बरबाद झाली

हे हात माझे सर्वदा, सॅनीटायझर कडे गहाण राहिले
कधी मास्क घालतेवेळी, कधी कलम झालेले पाहिले

घरघडी म्हणून 'कपडे' वाळवले ,पण असेही क्षण आले
जेव्हा 'भांडी' मित्र होऊन सहाय्यास धाऊन आले.

दुनियेचा विसर हरघडी केला अन बंदीमय झालो
रोज झोपावे कसे, पुन्हा झोपावे कसे याच काळात शिकलो

झोतभट्टीत शेकावे पोलाद तसे आयुष्य छान शेकले
दोन दिवस 'थाळी' बडवण्यात गेले, दोन 'दिव्यात' गेले

📝अमोल
#माझे_लाॅकडाऊन_मधील_प्रयोग
poetrymazi.blogspot.in

Please Share it! :)