माझी टवाळखोरी !!!! .....: मंगळागौर

वि. सु : सदर लेखन परंपरेवर विश्वास असणा-या साठी आहे .
वि. सु २ - मंगळागौरी बद्दल आहे म्हणजे पुरुषांनी नाके मुरडायला पाहिजेत असे काही नाही . दिदी तेरा देवर दिवाना गाण्यात सलमान खान चोरी चोरी चुपके चुपके दाखवलेला चालतो तर मंगळागौरीत मराठी पुरुषाने रुची दाखवली तर काय बिघडले . यांना विरोध म्हणजे मराठीला विरोध ठरेल

वि. सु ३ - अशा काही विशेष सूचना असल्या की टुकार लेखनाला वजन प्राप्त होते असा उगाच लेखकाचा *गॉड* समज आहे
असो
तर

*मंगळागौर*- श्रावण महिन्यातील हा एक खास स्त्रीयांचा सण. स्त्रीयांना आपल्या भावना, संवेदना, आकांक्षा व्यक्त करण्यासाठी हिंदू धर्मात काही सणांचे आयोजन करण्यात आले आहे त्यातीलच एक महत्वाचा सण म्हणजे मंगळागौर.

मंगळागौर ही एक सौभाग्यदेवता आहे. आपल्या पतीच्या रक्षणासाठी, भल्यासाठी श्रावणातील मंगळवारी हे व्रत नित्यनियमाने ठेवतात. त्यापैकी पहिला व शेवटचा मंगळवार अधिक महत्वाचे मानले जातात. या वारी पूजा केली म्हणजे जन्माचे सार्थक झाले असा समज आहे. ह्या पूजेसाठी लग्न होऊन पाचपेक्षा अधिक वर्षे झाली नाहीत अशाच सौभाग्यवतीना बोलावण्यात येते. यांना वपोरी-वसोळी म्हणतात. मंगळागौरीच्या व्रतात शंकर, गणपती व गौरीची पूजा करतात.

मंगळागौरीची पूजा म्हणजे उमा-शंकराची पूजा. पतीपत्नीमधील आत्यंतिक प्रेम व निष्ठेचा आदर्श म्हणून या दांपत्याकडे पाहिले जाते. त्यांची कृपादृष्टी संपादन करण्यासाठी किंवा आदर्शाचे स्मरण करण्याच्या हेतूने ही पूजा करतात. लग्न झाल्यावर पहिली पाच वर्षे श्रावण महिन्यातील प्रत्येक मंगळवारी स्त्रिया मंगळागौरीची पूजा करतात

( माहिती संग्रहित - )

*मंगळागौर खेळाची गाणी* - हा सर्व वयोगटातील स्त्रियांसाठीचा जिव्हाळ्याचा भाग यातील गाणी म्हणता म्हणता खेळ खेळताना त्यावेळच्या सामाजिक / घरगुती ( सासू - सून / नणंद - भावजय इ इ ) विसंवादावर प्रकाश टाकण्याचे / चर्चेला आणायचे काम सहज रित्या घडून यायचे
( आता हेच आम्ही टूकारगिरी सदरात सादर केलं तर लगेच सगळे नाव ठेवतात

. असो )

तर मंगळागौरीची पुर्वीची गाणी आधुनिक स्त्रिया नव्या पध्दतीने कशी म्हणतील याची ही झलक :

१)
*वाच ग पुन्हा , कशी मी वाचू*
या ग्रुपचा त्या ग्रुपचा
मेसेज नाही आला, *जीओ* नाही मला
कशी मी वाचू
वाच ग पुन्हा , कशी मी वाचू ?

२)
मिळू दे कँडी कँश मिळू दे खेळात जीव ह्यो रमु दे
सखीही   लेवल  करतीया, माझ्या पुढं जातीया
खेळून बोट  माझी दमू दे, खेळात जीव ह्यो रमू दे
खेळू दे  कँडी क्रँ श खेळू दे !

३)
कीक बाई कीक ऑक्टिवा ची कीक ,
गाडीची किक बाई वाटते जड
ब्रेक वरचा हात तू हळूच सोड

४ )

*कच्चा लिंबू* पाहू बाई .
५)
*खड्यातून मिरवीत जाशील कैशी*
आई बोलवते उबेर करिते
बाबा बोलावतात उबेर बुक करितात सासू *ओला* -विते तरी मी *उबेरच* करिते सासरा बोलवितो उबेर करितो मैत्रीण बोलविते ………. ( पटकन जाते तेंवा पतीचे नाव घेते)

६ )

चला चला गं चला सया
चला गं ८. ५ ची लोकल  धरू चला
फलाटावर घोळका करू  चला
आत शिरू चला सीट पकडू  चला
डोबिवली फास्टच्या मागे लागूया चला

*परंपरेचा खेळ जागवणा-या तमाम भगिनींना दंडवत*

🏼