नुकत्याच झालेल्या "ग्रेट भेटीला" समर्पित
भेट यांची त्यांची घडते, कालच्या दिसाची
वाट ब्रेकिंगला मिळते,न्यूज भूकंपाची
भेट यांची त्यांची घडते...
क्षुद्र 'पाॅलिटि्कसची' खोटी झुगारून नीती
बिहारला सोडून आली अशी तुझी प्रिती
कुणा मुळी जाणीव नव्हती,अशा सामन्याची
वाट ब्रेकिंगला मिळते,न्यूज भूकंपाची
भेट यांची त्यांची घडते..
निवडणूका आधीच्या शपथा, अर्धा अर्धा श्वास
स्वप्नावत 'खुर्ची ' दिसावी, असे सर्व भास
जनतेला तर भोवळ आली,मधूर मिलनाची
वाट ब्रेकिंगला मिळते,न्यूज भूकंपाची..
भेट यांची त्यांची घडते.
प्रश्ण तसे ठरले होते, उत्तरे मिळाली
हयातीत गुप्तपणे बैठक अशी झाली
आपुल्याच माथी वर्णी, त्या मुलाखतीची
वाट ब्रेकिंगला मिळते,न्यूज भूकंपाची..
भेट यांची त्यांची घडते.🏹🌷
📝२७/९/२०२०
poetrymazi.blogspot.in
No comments:
Post a Comment