जाऊनी पक्षात सा-या

आज रंगपंचमी यानिमित्याने सर्वाना शुभेच्छा . 'रंग'  म्हणले की सुरेश भटांचे  एक गाणं सर्वाना आठवते  " रंगुनी रंगात सा-या रंग माझा वेगळा "

रंगपंचमी आणि इलेक्शनच्या पार्शवभूमीवर ' भटांचे'  हे गाणे नव्या व्हर्जन मध्ये

 ' *वाईट नका वाटून घेऊ  रंगपंचमी आहे*' 🌈

चाल : " *रंगुनी रंगात सा-या रंग माझा वेगळा* "
जाऊनी पक्षात सा-या पक्ष माझा वेगळा
गुंतुनी हप्त्यात सा-या 'हात' माझा मोकळा

राहती माझ्यासवे हे कार्यकर्ते मित्रापरी
हे  पैशाचे सुख ज्याला, लागला माझा लळा

आज सकाळी का कळेना मी 'पळाया' लागलो
अन जिथे  आयुष्य गेले, कापला माझा गळा

दावंती 'आदर्श' तेथे, पाळती  खोट्या दिशा
सोडणारा' गद्दार' अन राहणारा 'आंधळा'

इलेक्शनच्या मध्यभागी हिंडणारा नेता मी
माझीयासाठी हा माझा जगण्याचा सोहळा

 📝 अमोल केळकर
विसंगती सदा मिळो ....
poetrymazi.blogspot.in

२५/३/१९
रंगपंचमी

Please Share it! :)