नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Friday, October 30, 2020

कोजागिरी- मैफिल


 मैफिल - अशी ही


लवकर ओवाळ ग चंद्राला


हो हो, पण प्रसादाचे दूध आणि थोडे पोहे तरी खाऊन जा. एवढा काही उशीर होत नाही आहे. 


नको 'मैफिल ' सुरु होईल, मी आल्यावर रात्री घेईन असे म्हणे पर्यत तो पळालाच


कोजागिरी च्या आजच्या मैफिलीत आज आपण ऐकणार आहोत गीतकार/  संगीतकार ' यशवंत देव ' यांची गाणी.

संपूर्ण कार्यक्रम 'देवाचा' असला तरी सुरवात 'देवांच्या' स्मरणाने, निवेदिका म्हणाली आणी

कोटी कोटी रूपे तुझी, कोटी सूर्य चंद्र तारे

कुठे कुठे शोधू तुला, तुझे अनंत देव्हारे


कधी दाह ग्रीष्माचा तू, कधी मेघ ओला

जनी- निर्जनीही तुझा पाय रोवलेला

तुझी खूण नाही ऐसा गाव तरी कोण ता रे?


या गाण्याने कार्यक्रमाला भक्तीमय वातावरणात सुरवात झाली. . सोसायटीच्या आवारात सगळेजण खुर्च्या मागे पुढे करून कार्यक्रम व्यवस्थित दिसेल याची काळजी घेत होते पण त्याचवेळी नभांगणातले प्रेक्षक मधेमधे लुडबूड करणा-या ढगांना ही बाजूला करत होते. हळूहळू भक्तीगीताचा मार्ग सोडून कार्यक्रम भावगीतांकडे सरकत होता आणि एकंदरच 'उल्हासाचे रंग भरले' जात होते

'नवकिरणांचे दूत निघाले,पूर्व दिशेहून नाचत नाचत

नवीन गाणी ओठावरती किलबिलते पक्ष्यांची पंगत 

सोनेरी स्वप्नांची झालर पहाटवा-यावरती विहरत

नवीन चेतना भरून घ्यावी,ज्याने त्याने  हृदयागारी

*उल्हासाचे रंग भरले , नभांतरी दशदिशांतरी*'


आता चंद्र ही अगदी लख्ख दिसू लागला होता. आजच्या कार्यक्रमाचा अध्यक्ष. मगं त्याची स्तुती तर होणारच..

'चंद्राविना ठरावी जशी पोर्णीमा निरर्थ

आयुष्यही तसे ग , प्रेमाशिवाय व्यर्थ' ।


रंगत चाललेल्या कार्यक्रमात कार्यकर्ते मसाला दुधाचे वाटप सुरु करतानाच एक नवोदित कलाकार गाणं म्हणायला लागतो,


नाथाघरचे भोजन सारा, गाव पंगतीला

दुधभात सर्वांमुखी आग्रहाने भरविला

थोर संतांच्या या कथा,आम्हा सा-यांच्या मुखात

अरे देवा तुझी मुले अशी का रे भांडतात?


"जीवनातली ही घडी अशीच राहू दे" ऐकता ऐकता  एकंदर कार्यक्रमाची घडी ही व्यवस्थित बसलेली असते जणू,


चांदण्याची लुकलुक झुले गगनी

बासरीने भारावून गेली रजनी

रासरंग उधळला कोनाकोनात


"त्याची धून झंकारली रोमारोमात"


या उत्सवातच पुढच्या उत्सवाची तयारी सुरु करायची ही जाणीव हे गाणे ऐकून आली


' दिवाळी येणार, अंगण सजणार, आनंद फुलणार, घरोघरी

आमच्या घरी, अन तुमच्याघरी


कार्यक्रम अंतीम टप्प्यावर असतानाच नेहमीचा 'बिप' आवाज मोबाईल वर ऐकला.

३० आँक्टोबर फेसबुक मेमरी

२ years back. आणि लिहिले होते

//

'यम' आले दुरुनी, उरल्या सगळ्या त्या आठवणी

मुळ गाणे असो किंवा मुळ गाण्याचे विडंबन गीत असो.

यातील सामायिक दुवा म्हणजे त्या गाण्याचे  गीत/संगीत/ चाल

हा दुवा आज निखळला.

' देव माणसाला' श्रध्दांजली 🙏🏻

//


आणि तिकडे गाणे लागले होते

" स्वर आले दुरनी ...." 🎼


पोर्णीमेच्या त्या 🌝 चंद्राच्या पलीकडून एक 'देव' माणूसही डोकावतो आहे असा भास झाला.


यशवंत देव,  द्वितीय पुण्यस्मरण 🙏💐


📝अमोल

३०/१०/२०२०

#कोजागिरी_पोर्णीमा

Please Share it! :)

No comments:

Related Posts Plugin for WordPress, Blogger...