पाऊले चालती लोणावळ्याची वाट

पाऊले चालती लोणावळ्याची वाट
भुशी धरणाशी जोडूनीया गाठ

भरुनिया सारी गाडी चकण्याने
नकोच रिकामे पुढ्यातील ताट
पाऊले चालती..

हाफ, फुल पेले सगेसोयरे ते
पाहूनिया सारे पिती पाठोपाठ
पाऊले चालती ..

घेता प्रसाद चिक्की खोब-याचा
बिलामधे  जिएसटीचा
व्हावा नायनाट
पाऊले चालती...

मन धुंद होता, पुन्हा लागे ओढ
रस्सा, अंडी जोड गटारीचा थाट
पाऊले चालती..

२१/७/१७

मुळ गाणे:-
पाऊले चालती पंढरीची वाट
सुखी संसाराची तोडूनिया गाठ

गांजुनिया भारी दुःख दारिद्र्याने
पडता रिकामे भाकरीचे ताट
पाऊले चालती पंढरीची वाट

आप्त इष्ट सारे सगेसोयरे ते
पाहुनिया सारे फिरविती पाठ
पाऊले चालती पंढरीची वाट

घेता प्रसाद श्री विठ्ठलाचा
अशा दारिद्र्याचा व्हावा नायनाट
पाऊले चालती पंढरीची वाट

मन शांत होता पुन्हा लागे ओढ
तस्सा मांडी गोड संसाराचा थाट
पाऊले चालती पंढरीची वाट

Please Share it! :)