हे जीवन म्हणजे 'कोरोना' आता, झुकला तो संपला

सुनील गावसकर यांची माफी मागून ( 🙏🏻)  त्यांना आज वाढदिवसाच्या शुभेच्छा 😬💐

या दुनियेमध्ये लाॅकडाऊन व्हायला वेळ कोणाला
*हे जीवन म्हणजे 'कोरोना' आता, झुकला तो संपला*

गर्दीच्या या रस्त्यावरती, येशी वेळोवेळी
बस तुझी येताच चढशी जपुन अपुली झोळी
काळ करी बघ गोलंदाजी, विषाणू चेंडू फेकी
भवताली तूला अॅडमीट कराया जो तो फासे टाकी
मागे टपला कोणीभक्षक तुझा उधळण्या डाव
या सा-यांना चकवशील तर मिळेल तुजला पाव
चतुर आणि सावध जो जो तोच इथे जगला

*हे जीवन म्हणजे 'कोरोना' आता, झुकला तो संपला*

( रस्त्यावरुन जाताना सभोवार पहावे तो दिसतात कंटॅन्मेंट झोनचे अजब बंगले, उभे आडवे, लोखंडी, वाकडे सरळ लावलेले रस्तोरस्ती बांबू
यशाच्या झुंबराखाली डोलणारी, नाचणारी, कोविड१९ च्या एका फटक्यात त्यांचे गर्व 'होम काॅरंटाईन' होतात
अभिमान, उन्मादातली हवाच सारी निघून जाते
सदान कदा पाठिंबा देणारे, क्षणात आपल्या गावाकडे थोडी जागाही देत नाहीत...)

असा येथल्या जगामधील न्याय आता बनला
*हे जीवन म्हणजे 'कोरोना' आता, झुकला तो संपला*

तू ऐकत असता रुग्णसंख्येचे नारे
या सगळ्या बातम्यांना नकोच तू पहा रे
फटकार अचूक तू चेंडू विषाणूचा
आयुष्य असे रे डोंगर जणू श्वासांचा

निरंतर राहील तुझी, आठवण इथल्या कणाकणाला
*हे जीवन म्हणजे 'कोरोना' आता, झुकला तो संपला*

अमोल केळकर 📝
१०/०७/२०२०

Please Share it! :)