नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Wednesday, July 8, 2020

आषाढात घन-काळा बरसला


आषाढ काहीसा उदास होऊनच माझ्याकडे आला. श्रावणावर किती गाणी/ कविता. माझे फक्त 'आषाढस्य प्रथम दिवसे' इतकच कौतुक.
म्हणलं बस जरा, हा घे गरम चहा. श्रावणावर कुठलं गाणं ऐकलसं?
म्हणाला,
"श्रावणात घन निळा बरसला"

चहा संपेपर्यत त्याच्या हातात गाणे, गडी खुश एकदम 😉

आषाढात घन-काळा बरसला,जोरदार पाऊस धारा
दिसूलागला रस्त्यातून अवचित, खड्ड्यांचा गोल पसारा

आषाढात घन-काळा बरसला

थांबून ज्याने वाट अडविली, ते दुख आले दारी
जिथे तिथे रस्त्याला, भेटे खड्डा उरारी
माझ्याही अंगात आला,नवा पांढरा सदरा

आषाढात घन-काळा बरसला

टेंडरच्या कामात गवसले हे स्वप्नांचे पक्षी
नव्या उड्डाण पुलावरती, खड्ड्यांची नाजुक नक्षी
गतजन्मीची ओळख सांगत,आला चिखल सारा

आषाढात घन-काळा बरसला,जोरदार पाऊस धारा
दिसूलागला रस्त्यातून अवचित, खड्ड्यांचा गोल पसारा

📝अमोल
८/०७/२०२०
Please Share it! :)

No comments:

Related Posts Plugin for WordPress, Blogger...