नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Monday, January 4, 2021

बकेट लिस्ट


 "दिल है छोटासा , छोटीशी आशा"


मंडळी नमस्कार 🙏


नवीन वर्षाची बघता बघता ५ तारीख आली. काय म्हणतंय नवीन वर्ष ? , कल्पना आहे मला नवीन ठरवलेले नियम सेट व्हायला थोडा वेळ लागेल  पण प्रयत्न थोडीचं सोडणार आहात तुम्ही ?  पहाटेचा व्यायाम, सायकलींग,  डायरी लिहिणे, डाएट  , जमा खर्च हिशोब ठेवणे  किंवा इतर कुठलेही तुम्ही ठरवलेले  संकल्प कायमस्वरूपी  दिनक्रमात येवोत या शुभेच्छा. 


मंडळी  हे संकल्प कायम स्वरूपी  म्हणजे रोजच्या दिनक्रमातील असोत किंवा  अगदी "वन टाईम" असोत. वन-टाइम म्हणजेच एखादी इच्छा  जी  गेली अनेक वर्ष पूर्ण करणे जमले नाही ती एकदा तरी आयुष्यात व्हावी अशी काहीशी इच्छा . तर असे काही ' डिझायर्स'  या वर्षी पूर्ण  करायचा अवश्य प्रयत्न करा.


पण  या वर्षीही पूर्ण करता नाही आल्या या इच्छा तर ?  अहो  सरळ बाजारात जावा  एक ' बकेट '  आणा आणि सरळ  त्या बादलीत तुमची

 ' विश ' टाका आणि  अशा सगळ्या पेंडिंग  राहिलेल्या इच्छांची एक लिस्ट  बनवा ' झाली ना तुमची ' बकेट लिस्ट'. मग सवडीने काही वर्षांपूर्वी येऊन गेलेला माधुरी दीक्षित यांचा  पहिला मराठी सिनेमा  ' बकेट लिस्ट '  बघा  (  हा सिनेमा बघणे हे ही तुमच्या लिस्ट मध्ये   सगळ्यात वर लिहा )  आणि  कामाला लागा.


मंडळी, जोक्स अपार्ट  पण  ' बकेट लिस्ट ' ही संकल्पना पाश्चिमात्य जरी असली तरी  मला फार आवडली. जीवनाच्या ज्या टप्प्यावर तुम्ही सध्या आहात, त्या टप्प्यावर तुम्ही येईपर्यत  करिअर-कौटूंबिक जबाबदा-या  या कारणाने कदाचित तुमच्या काही इच्छा / स्वप्न यांना तुम्हाला मुरड घालावी लागली असणार. अशा काही तुमच्या दृष्टीने हटके गोष्टी/ इच्छा, रोजच्या जीवनातील  जबाबदा-या  कमी होऊ लागल्या की एक एक करत पूर्ण करत जायच्या. ही ती  'बकेट लिस्ट' मागची भूमिका.  चला तर मग  करा सुरवात  बनवायला तुमची लिस्ट. 

ही लिस्ट अगदी तुमची वयक्तिक बाब . कितीही शुल्लक गोष्ट असू दे  तुम्हाला ती करावीशी वाटली ना की झाले . मित्र काय म्हणतील, घरचे काय म्हणतील असा अजिबात विचार करायचा नाही. याबाबतीत अगदी सेल्फीश व्हायचे आणि ते काम झाल्यावर अगदी आनंदाने 'सेल्फी' घ्यायची. अशा असंख्य तुमच्या 'सेल्फ्या' पुढील काळात तुमच्याकडून बघावयास मिळू देत या ही नवीन वर्षात शुभेच्छा 


मंडळी लेखनाचा शेवट करता करता  एक गोष्ट . आपली  'बकेट लिस्ट'  संपवता संपवता  इतरांच्या  'बकेट लिस्ट' मधील एखादी गोष्ट  पूर्ण करायला आपला हातभार लागला तर ? अगदी छानच ना?


बघू केंव्हा संधी मिळतीय ते


( आशावादी ) अमोल 📝

५/०१/२०२१

#मंगळवारची_टवाळखोरी

Please Share it! :)

No comments:

Related Posts Plugin for WordPress, Blogger...