लाह्या लाह्या अखंड खाऊया!

*पाॅपक्राॅन* 

( चाल: धागा धागा अखंड विणूया, विठ्ठल विठ्ठल मुखे म्हणूया)

लाह्या लाह्या अखंड खाऊया!
पिक्चर पिक्चर तिथे बघूया !!

साॅल्ट चिजचे,  टोमॅटोचे!
भलत्या किंमतीत घ्यावे लागे!
विविधढंगी पाॅपक्राॅनचे!
खोके घेऊनि पांडू रंगे!
कुटुंबवत्सल जो तो दिसला!
मध्यारंभी नित्य चराया!!

लाह्या लाह्या अखंड खाऊया!
पिक्चर पिक्चर तिथे बघूया !!

काॅंन्टरवरच्या रांगेभोवती!
मनामनातले हिशोब टाका!
देऊन कार्ड त्यांच्या हाती!
अर्धी उघडी लाज राखा "
खादाडीचा घेऊन चर खा!
मल्टीप्लेक्सचे गीत गाऊया!!

लाह्या लाह्या अखंड खाऊया!
पिक्चर पिक्चर तिथे बघूया !!

अशी प्लॅस्टिक बंदी आता न होणे

गदिमांनी बालगंधर्वांवरती लिहिलेली सुप्रसिध्द कविता
 असा बालगंधर्व आता न होणे...

 जसा जन्मतो तेज घेऊन तारा!
जसा मोर घेऊन येतो पिसारा!
तसा येई घेऊन कंठात गाणे!
असा बालगंधर्व आता न होणे!

 रतीसारखे जया रुपलावण्य लाभे!
 कुलस्त्री जसे हास्य ओठात शोभे!
 सुधेसारखा साद,स्वर्गीय गाणे!
 असा बालगंधर्व आता न होणे!

 यावरून सुचलं 📝
 *अशी प्लॅस्टिक बंदी आता न होणे*.

 जसा बसतो आज बाजार सारा!
 तसा रामू म्हणतो कायदा हमारा!
 मग करी येऊन नियमात उणे!
अशी प्लॅस्टिक बंदी आता न होणे!

 'विघटने' जया सहजसाध्य लाभे!
 पन्नास मायक्रा‌ॅन हातात शोभे!
रामदासी साद, वर्गीय होणे!
अशी प्लॅस्टिकबंदी आता न होणे!

रचिले 'अॅडमिनमुनींनी' त्यांचे ग्रुप अनंत

ई- डंबन📝-कृपया हलकेच घेणे

(चाल: रचिल्या ऋषीमुनींनी त्यांच्या ऋचा अनंत )

रचिले 'अॅडमिनमुनींनी' त्यांचे ग्रुप अनंत
डंका सभासदानों करा त्यांचा दिगंत

वरदायक अडोसा, ‌अॅडमीनवर भरोसा
का वेड लाविसी तू, दिसती अनेक जंत

येसी नेटातूनी तू, अॅडमीन सांगे हेतू
तरीही भ्रमात सारे योगी ,मनी नी पंत

ग्रुप मंदिरात येती, तेच आमचे भक्त
ते सर्व होतीसंत,  येताच पापवंत

रचिले 'अॅडमिनमुनींनी' त्यांचे ग्रुप अनंत
डंका सभासदानों करा त्यांचा दिगंत

📝७/६/१८
रवीचा मृग नक्षत्र प्रवेश
(कवीचा ई-डंबन नक्षत्रात प्रवेश)

विसंगती सदा मिळो, टुकार विडंबन कानी पडो
poetrymazi.blogspot.in

मुळ गाणे :- इथे वाचता येईल👇🏻
https://www.aathavanitli-gani.com/Song/Rachilya_Rushi_Munini

भिती लागी जीवा

मातोश्री" वरची  ' ग्रेट भेट ' , शब्दातून थेट ..... .. . . 🌷🏹

( चाल : भेटी लागी जीवा लागलीसे आस, पाहे  रात्रंदिवस  वाट तुझी  )


भीती लागी जीवा वाटली 'श हा' स ,  वाटे रात्रंदिवस व्हावी युती

पोर्णीमेच्या चंद्राचे ' अच्छे जीवन ' , तैसे माझे मन 'बाण' पाहे

इलेक्शनच्या मुळा  नेत्रे आसावली, जमुनिया सारी विरोधासी

जिकूनियां येऊ अति शोक ( न ) करी,  वाट पाहे ( मी ) तरी  मातोश्रीची

'शेठ' म्हणे मज उगानगो चूक, जिकूंनी परत देरे  देवा  !!

📝५/६/१८
poetrymazi.blogspot.in

मूळ गाणे:-

भेटी लागी जीवा लागलीसे आस, पाहे रात्रंदिवस वाट तुझी ॥धृ॥

पौर्णिमेच्या चंद्राचे कोरे जीवन, तैसे माझे मन वाट पाही ॥१॥

दिवाळीच्या मुळा नेत्री आसावली, पाहतसे वाटूनी पंढरीसी ॥२॥

भुकेलिया बाळा अति शोक करी, वाट पाहे परी माऊलीची ॥३॥

तुका म्हणे मज लागलीसे भूक, धावूनी श्रीमुख दावी देवा ॥४॥