नाच रे येड्या नाच

 https://youtu.be/Zz_UK0pfvWQ

जागतिक नृत्य दिनाच्या निमित्ताने ( २९ एप्रिल, ) आपापल्या नेत्यांच्या हुकमावर ठुमका धरणाऱ्या सर्व पक्षीय कार्यकर्त्यांना समर्पित 😎

नाच रे येड्या नेत्याच्या बोलण्यावर

नाच रे येड्या नाच 🕺🏻

नेत्याचा आदेश सुटला रे

ट्विटर वर मेसेज दिसला रे

आता तुझी पाळी

दे एक टाळी

उघड पिटारा नाच 

नाच रे येड्या नेत्याच्या बोलण्यावर

नाच रे येड्या नाच..

भरभर बातमी कळली रे

त्याचीच इमोजी बनली रे 🤓

मिडियात जाऊ

काहीतरी गाऊ

करुन  सेटींग नाच

नाच रे येड्या नेत्याच्या बोलण्यावर

नाच रे येड्या नाच..

एक एक लाइक मिळती रे 👍

पटपट कमेंट जमती रे 🗣️

बातमीच्या ओघात भाव खाऊ पक्षात

अरे सोंगड्या नाच 🥳

नाच रे येड्या नेत्याच्या बोलण्यावर

नाच रे येड्या नाच..

ब्रेकींग न्यूज ही लागली रे

तुझी माझी भक्ती  जमली रे

स्वप्नरंजन छान छान

सत्तेसाठी कमान

कमाईसाठी तू नाच

नाच रे येड्या नेत्याच्या बोलण्यावर

नाच रे येड्या नाच..

📝 अमोल

जागतीक नृत्य दिन

२९/४/२१

भावपूर्ण श्रध्दांजली

 भावपूर्ण श्रध्दांजली

आज  थोडा वेगळा विषय,  मांडतोय. हे लिहायचे खूप दिवसापासून मनात होते.

 श्रध्दांजली, भावपूर्ण श्रध्दांजली, RIP,  आत्म्यास शांती लाभू दे  इ वाक्ये सध्या सोशल मिडियावर म्हणजेच व्हाटसप ग्रुप असेल फेसबुक असेल इथे वारंवार वाचायला मिळत आहेत, लिहावी लागत आहेत. परिस्थितीच तशी झाली आहे आणि वारंवार या शब्दांचा वापर करायला लागणे ही सर्वांसाठी दुख:दायक गोष्ट आहे यात शंका नाही.

पण आजकाल ब-याचदा ही गोष्ट केवळ एक उपचार म्हणून आपण करतो का असे वाटण्यासारखी स्थिती बघायला मिळतीय. 

पूर्वी जेंव्हा  अगदी लांबची/ नातेवाईक नसलेली पण ओळख असलेली, दुरच्या कुणा नातेवाईकांकडची परिचित, एखाद्या समारंभापुरती भेटलेली व्यक्ती ही जेंव्हा काही कारणाने अनंताच्या प्रवासास निघून गेल्याचे कळायचे  तेंव्हा वाईट तर वाटायचेच पण एक अस्वस्थता मनात रहायची,  कामात लक्ष लागायचे नाही. रक्ताचे नाते असायचे आपले असे नाही, पण आपल्यात माणुसकी असायची

अर्थात भा.रा तांबे नी लिहून ठेवलय

" जन पळ भर म्हणतील हाय,  हाय "

अर्थ वेगळा सांगायची गरज नाही, सर्वांना माहितच आहे

आज सोशल आपण जास्त झालोय आणि  त्यांचे हे वाक्य आज शब्दश: लागू पडतय. जन "पळ "भरच. म्हणजे अक्षरशः काही सेकंद/ मिनिटे शोक व्यक्त करुन पुढे जात आहेत

त्या शोक व्यक्त करण्यात/ श्रध्दांजली वाहण्यात उपचार / फाॅर्मेलिटी झालीय का?

एखादी प्रसिद्ध व्यक्ती गेली, असे कळले की भराभर आपण तो मेसेज फाॅर्वर्ड करतो. बातमी म्हणून मेसेज फाॅर्वर्ड करणे ठिक पण ' श्रध्दांजली लिहिलेले पण फाँर्वर्ड? हे वाक्य ही आपण लिहू शकत नाही?  काय अर्थ आहे त्या 'भाव' पूर्ण ला?

बर अगदी ठिक आहे बातमी म्हणून ते ही वाक्य फाॅर्वर्ड केले. निदान नंतर ती व्यक्ती / कलाकार / परिचीत यांच्याबद्दल आपल्या भावना व्यक्त एखाद्या शब्दात?  ते ही नाही.

असं काही नाही की सगळ्यांना लिहिता येईल. पण जेंव्हा एखाद्या घडलेल्या घटनेने/ व्यक्तीच्या जाण्याने जेंव्हा वाईट वाटते तेंव्हा जी मनाची चलबिचल अवस्था व्हायला पाहिजे ती होताना दिसत नाही कारण अगदी लगेचच पुढच्या क्षणी आपण अगदी सहज पणे राजकीय मेसेज,  विनोद, शुभेच्छा देण्यात मग्न होतो.

अगदी क्षणभर समजू एका समुहात आपण त्या समुहासंबंधीत कुणाचे निधन झाले म्हणून श्रध्दांजली देतो, दुस-या समुहात जिथे या गोष्टीचा संबंध नाही तिथे हास्य विनोदात रमतो.  एवढी लवचिक मानसिक अवस्था झालीय आपली?  एवढ्या भावना बोथट झाल्यात की एकीकडे दु:ख एकीकडे आनंद,  हास्य विनोद करावा?

सह - वेदना, संवेदना कुठे गेल्यात? 

काही कारणाने जेंव्हा सरकार राष्ट्रीय दुखवटा वगैरे जाहीर करते तेंव्हा करमणूकीचे कार्यक्रम सरकारी वाहिन्या/ आकाशवाणी इ माध्यमावर दाखवत नाहीत.  पण  आम्ही ? त्याप्रमाणे वागतो का?  हा तर मोठा विषय आहे तुर्त इतकेच

लिहिलेले पटले तर एकदा नक्की विचार करुन आवश्यक तो बदल करता येतोय का ते पाहू या

ॐ शांती , शांती 🙏🙏

अमोल केळकर

ह्या नाकाला सुगंध मास्कचा

 https://youtu.be/Olefwur1ots

परिस्थितीच अशी की या मालिकेचे गीत आत्ता असं ऐकलं

कोरोना आला उन्हात संगतीला

लाॅक करुनी ठेवले गावाला

टुकार काव्य हे येई वाट्याला

नवा मास्क घे जुन्या दराला

खाजवू तरी स्पर्श हा नाकाला

लाभेल का

ह्या नाकाला सुगंध मास्कचा

ह्या नाकाला सुगंध मास्कचा

ह्या नाकाला सुगंध मास्कचा

ह्या नाकाला सुगंध मास्कचा

(मराठी मालिका आवडीने पाहणारा)😷📝

१६/०४/२१

www.poetrymazi.blogspot.com

कोण जाणे कोण हे जवळून गेले

 आज कविवर्य श्री सुरेश भट यांचा जन्म दिवस !! विनम्र अभिवादन 🙏🏻🙏🏻

"पुनश्च लाँकडाऊन"  चा आज पहिला दिवस आणि योगायोगाने आज आमचा WFH 

तर सुरेश भटांची  एक गझल आजच्या परिस्थितीत थोडीशी बदलून अशी:-

//

कोण जाणे कोण हे जवळून गेले?

विषाणू अंगात घुसवून गेले

शिंकला होता जरी तो काळ तेंव्हा 🤧

दान जे पडले, मला उधळून गेले

भेटण्यासाठी कुणी आलेच नाही...

लोक आलेले मला टाळूनच गेले!

हे खरे की, मी जरा चुकलोच तेव्हा,

लोकही वाटेल ते बरळून गेले!

लागली चाहूल एकांत राहण्याची?

कोण माझ्या लोचनी तरळून गेले?

काय माझ्या 'रिपोर्टचे' अर्थ होते?

शब्द +ve भाबडे घाबरुन गेले!

या अशावेळी  कुणाला हाक मारु?

ओळखीचे चेहरे वितळून गेले!

अनेक कैदी इथे कैदेत आहे?

रंग भिंतींचे कसे उखडून गेले!

कावरा बावरा जरी झालो,तरीही

काव्य सुचले जे मला समजून गेले!

//

( भटांचा चाहता)  अमोल 📝

१५/४/२१

लसीकरण म्हणजे लसीकरण असतं

 'टिका महोत्सवा' निमित्य पाडगावकरी लस 💉

लसीकरण म्हणजे लसीकरण असतं

तुमचं आमचं कदाचित सेम नसतं

४५ वर्षे सरली की

दंडात लसी टोचू लागतात 

दुस-या हाताने सेल्फीचे

फोटू निघू लागतात 😝

आठवत ना?

तुमची आमची वेळ जेंव्हा

आली होती

हाँस्पीटल सगळी रुग्णाने भरली होती

दंडावर टोचून घेऊन

बेभान झालो होतो

कोरोनात बुडता बुडता

वाचलो होतो

बुडलो असतो तर अजिबात चाललं नसतं

कारण कुणीच मग वर काढलं नसतं

तुम्हाला ते कळलं होतं

मलासुद्धा कळलं होतं

म्हणूनच 

लसीकरण म्हणजे लसीकरण असतं

तुमचं आमचं कदाचित सेम नसतं

कोरोना वगैरे झुट असतं

म्हणणारे 'मान्यवर' भेटतात

कोरोना म्हणजे स्तोम नुसतं

मानणारे शिक्षक भेटतात

असाच एकजण चक्क मला म्हणाला,

आम्ही कधी आजपर्यंत

क्वारंटाईन झालो नाही

लाॅकडाऊन लागले तरी

'मास्क' अजिबात घातला नाही 😷

आमचं काही नडलं का?

कोरोना शिवाय अडलं का?

त्याला वाटलं मला पटलं

तेंव्हा मी इतकचं म्हणलं

'यम' म्हणजे यम म्हणजे 'यम' असतो

नि'यमाने' यायचा त्याचा शिरस्ता नसतो

भर दुपारी उन्हात कधी

'बेडसाठी' तासनतास् फिरला असाल

अँब्यूलन्सच्या आवाजाने जर

थरथरला असाल

' निगेटीव' असा शब्द वाचणे बास असतं

तेंव्हा कुठे घट्ट मिठी मारायला मिळणे खास असतं

हेच तर

प्रेम म्हणजे प्रेम म्हणजे प्रेम असतं

तुमचं आमचं सगळ्यांच सेम असतं

////////////////////////////////////

सर्वांना लवकरात लवकर लस मिळू दे ही इच्छा 🙏

अमोल 📝

१०/४/२१

लसीत' टूच्चता मोठी

 https://youtu.be/CKHuPscOLo4

पंडीत कुमार गंधर्व यांचा आज जन्मदिन ( ८/४ ). या शुभमुहूर्तावर आज आम्ही 'टोचून' घ्यायला गेलो. १५ वा नंबर. मग काय इतरांना टोचू म्हणलं  तोपर्यंत 😷

ऋणानुबंधाच्या

ऋणानुबंधाच्या जिथून पडल्या गाठी

'लसीत' टूच्चता मोठी

लसीत' टूच्चता मोठी 💉

त्या 'फोरनून'  वेळा थरथरती कधी अधरी

त्या विलगी रहाण्याच्या आठवणी त्या प्रहरी

कितीदा झालो, गेलो ,वाचलो

घेण्यावाचुनी लसिकरणाच्या कधी न घडल्या गोष्टी 

लसीत' टूच्चता मोठी

लस तिने भरुनच घेणे

टोचल्यावर उगीचच हसणे

नंतर ते मनोमन बसणे

टोचणे- बसणे , बसणे-टोचणे

दंडावरी राहण्यासाठी जन्मजन्मीच्या गाठी

लसीत' टूच्चता मोठी

कधी घरात दु:खाने बसलो

दु:खात सुखाला हसलो

कधी गहिवरलो कधी धुसफुसलो

लाँकडाऊनच्या आठवणीनी हृदयात मारल्या रेघा

जन्मासाठी जन्म जन्मलो, करोना शी करु या कट्टी

लसीत' टूच्चता मोठी

//

💉 💪🏻

इथे विसावली लस -  पुर्वार्ध  ✌🏻

( लसीभूत ) ☺️ अमोल

०८/०४/२१

गायत्री हवन

 'सर्व व्याधी निवारणार्थाय "गायत्री हवन " करिष्ये 🙏🌷🔥

@खारघर

आज रविवारी कृष्ण अष्टमीला ( ४/४ )  सकाळी ७:३० ला मेष लग्न उदीत असताना , भाग्य स्थानात म्हणजेच धनू राशीत, पूर्वा.षाढा नक्षत्री चंद्र असताना  खारघरला महालक्ष्मी मंदिरात " गायत्री हवन " संपन्न झाले. छान अनुभव

रंगपंचमी

 आठवणीतील गाण्यांसह रंगपंचमीचे इंद्रधनुष्य 🌈

🔥

शतकाच्या यज्ञांतुन, उठली एक *केशरी* ज्वाला

दहा दिशांच्या हृदयांमधुनी अरुणोदय झाला.

🔴  

ही *गुलाबी* हवा, वेड लावी जीवा

हाय श्वासातही, ऐकू ये मारवा

का कुणी रंग हे उधळले अंबरी

भान हरपून मी कावरीबावरी

का कळेना तरी बोलतो पारवा

ही गुलाबी हवा, वेड लावी जीवा..

🟡

अजून तुझे हळदीचे, अंग अंग *पिवळे* ग

अजून तुझ्या डोळ्यातील मोठेपण कवळे ग

मेंदीच्या पानावर, मन अजून झुलते ग

⚫

*काळ्या* मातीत मातीत, तिफण चालते

वीज थयथय नाचते, ढग ढोल वाजवितो

💜

गडद *जांभळ*

भरलं आभाळ

मृगातल्या सावल्यांना बिलोरी भोवळ

खोलवरी चिंब बाई मातीला दरवळ

❇️

*हिरवा* निसर्ग हा भवतीने

जीवन सफर करा मस्तीने

मन सरगम छेडा रे

जीवनाचे गीत गा रे

गीत गा रे,  धुंद व्हा रे

🟧

अजून थांब, लागली जगास झोप आंधळी

दिसेल या नभातही हळूच रात्र सावळी

तुलामला विचारुनी फुटेल आज *तांबडे*

उजाडल्यावरी सख्या निघून जा घराकडे

💙

पंढरपूरीचा *निळा*

लावण्याचा पुतळा!

विठा देखियेला डोळां, बाईये वो !!

🤍

आनंदून रंगून विसरुन देहभान

मोहरली सारी काया,हरपली मोहमाया

कुडी चिडून पाजळून, प्राणज्योती मेळवून

एक होऊ या, हा हा !

लखलख *चंदेरी* तेजाची, न्यारी दुनिया 🌈🌈

========================

नमस्कार मंडळी,

काल तुमच्याकडे अनेक फुले ( हसरी 🌼 ) जमा झाली असतील. ही सगळी  फुलं एकत्र करा,  मनाच्या कोप-यात एक खड्डा खणून त्यात ते निर्माल्य खत म्हणून घाला,   त्यात तुम्हाला आवडत्या  *रंगाच्या* फुलाचे बी पेरा

 ( 🌺🌸🌹🌷🌻) , त्यावर निरागसतेची माती घाला, आणी रोज दिवसभरात एकदा त्या कप्प्याला भेट द्या आणी बघा वर्षभरात ते झाडं आणि तुमचं मन तुमच्या अवडत्या *रंगात* कसं फुलत ते

 रंग-पंचमीच्या शुभेच्छा 🙏🏼

📝  अमोल

०२/०४/२१

#रंगूनी_रंगात_सा-या_रंग_माझा_वेगळा