नववर्ष स्वागत

 ऋणानुबंधात सामावू

वर्ष आता हे सरणारे...

सुख,दु:खाच्या गोष्टींना

योग्य कप्प्यात ठेवणारे...

आयुष्याच्या पुढील टप्प्यात

या आठवणी येतील कामाला

सध्या तरी तयारीत राहू

नव वर्षाच्या स्वागताला

अमोल 📝

३१/१२/२२

poetrymazi.blogspot.com

अरे 'अर्जें-टिना' झाला सी पावन

 FIFA वारीतील अंतिम सामना पाहिल्यानंतर सुचलेला अभंग

अरे  'अर्जें-टिना' झाला सी पावन ⚽

'मेस्सी' तुझे ध्यान कळों आले

तुझा तोची 'गोल' तुझा ,काय भाव

मिटला संदेह गोलक्षेत्री

दिपीका हसत मैदानात आली

'वल्ड कप ट्राॅफी' धन्य झाली

'एम्बापेची' वृत्ती आपले वर्चस्व

अवघे बरोबर चतुरस्त्र

अडवूनिया गोल 'एमिलिनो' चित्ते

'फ्रान्स' मग दिसे रिते राया

प्रेक्षकी परम अनुभव घेवा

'पेनल्टी' अंतीम, निर्णय देवा

अरे  'अर्जें-टिना' झाला सी पावन ⚽

'मेस्सी' तुझे ध्यान कळों आले

( गीत  किपर.)  अमोल 📝

१९/१२/२२

#माझी_टवाळखोरी 

#मेस्सी_जैसा_कोई_नही

रंग बदमाश हो

 रविवारची_टवाळखोरी 📝

सध्या रंग लैच बेशरम झालेत. 

[

अशा घटना घडल्या की आमची लेखणी पण मग... 

आले रे आले रंगवाले

रंग फेका रंग फेका रंग फेका रे

 ]

खरं म्हणजे या 'रंगा'वलीने किती छान गाणी दिली आहेत

मी, तू पण गेले वाया,पाहता पंढरीचा राया

अवघा 'रंग' एक झाला

रंगी रंगला श्रीरंग !

अगदी असंच एक गाणं

अबीर गुलाल उधळीत 'रंग'

नाथा घरी नाचे माझा सखा पांडुरंग 

भक्ती रंगात रंगलेली अशी अनेक गाणी आहेत. त्यातही गोकुळात रंगलेला रंगोत्सव तर विशेषच.

सांग श्यामसुंदरास काय जाहले

'रंग' टाकल्याविना कुणा न सोडले

ज्यास त्यास रंग रंग, रंग लागले

एकटीच वाचशील काय तू तरी?

राधिके जरा जपून जा तुझ्या घरी

रंगांचा चमत्कार दाखवायला निसर्ग तर जादूगारच असतो 

बदलती नभाचे रंग कसे ?

क्षणात निळसर,क्षणात लालस,क्षण सोनेरी दिसे !

काल वाटले स्पर्श नच करु

त्या कीटाचे होय पाखरू

वेगवेगळे रंग तयाचे, इंद्रधनू उडतसे 

!

असे हे "सात्विक रंग " अचानक बेशरम का व्हायला लागलेत?

याचा धुरंधर विचार करतीलच

पण आपल्याला तर हे एक कारण असेल असे वाटते👇🏻

नवानवापठान माझी शिनेमात जान

वाढवितो TRP याचा, "रंग बदमाश" हो

अमोल 📝

१८/१२/२२

poetrymazi.blogspot.com

बेशरमीचे रंग

 'बेशरमीचे उधळूनी रंग

'फ्रिडमच झालंय फ्रँक्चर '

गरज आहे अभ्यासाची

मूळ बेसिक ' स्ट्रक्चर '

#प्रासंगिक_रंग 📝

#बेशरम_रंग

#फ्रँक्चर_कँरेक्टर

१५/१२/२२

poetrymazi.blogspot.com

रविवारची संकष्टी

 #रविवारची_संकष्टी 

महाराष्ट्रातील राजकीय नेत्यांना असे वाटत असते की त्यांचे बोलणे हे जनतेने

'शब्दावाचून कळले सारे, शब्दांच्या पलिकडले' असे घ्यावे

 पण होतं काय की

'अर्थ नवा ' वाक्यास येतो आणि 'घडू नये ते घडते '

यासाठीच मंगेश पाडगावकरांनी लिहिलेल्या एका गाण्याच्या पहिल्या ओळीचा अभ्यास वाचाळवीरांनी अवश्य करावा

*शब्द, शब्द जपून ठेव बकुळीच्या फुलापरी*🌼

 (नाहीतर

काय बोलले न कळे, तू समजून घे

फेकलीच शाई समज, मग तुझ्या अंगावरी)

श्री मघुसुदन कालेकर यांचे एक छान गाणे आहे

'सूर तेची छेडीता, गीत उमटले नव्हे ' तसेच या नेत्यांबद्दल सांगायचे झाले तर

'शब्द' एक काढता

'अर्थ ' उमटले नव्हे

मग लागले पक्षी , 'वाद' जे हवे हवे

विनाकारण ओढवून घेतलेले वाद, त्यानंतरच्या वादावादी, वातावरण बिघडणे, मागची उणी-दुणी काढणे याचा खरंच सर्वसामान्यांना कंटाळा आलाय

तेंव्हा आज संकष्टी निमित्य बुध्दीच्या देवतेचरणी प्रार्थना अशी की ,सर्वांनाच

शुद्धि दे, बुद्धि दे, हे दयाघना

शक्ति दे, मुक्ति दे, आमुचे मना

तरतम ते उमजेना, उमजेना सत्य

फसविते आम्हाला विश्व हे आणि

दिग्दर्शन मज व्हावे, हीच कामना

सत्वाला जर भ्रमले हे चित्त

ऋजुतेवर मात करी द्रोह जागा हा प्रमत्त

निर्भयता यावी  हीच प्रार्थना 

🙏🌺

#रविवारची_संकष्टी 📝

११/१२/२२

इच्छापूर्ती

 'इच्छापूर्ती दत्त मंदीर'  नेरुळ 

 आज दर्शनाची प्रचंड रांग असल्याने केवळ मुख दर्शन घ्यावे म्हणून पुढे पुढे जात राहिलो. दरवर्षी प्रमाणे, सांस्कृतिक कार्यक्रम चाललेला होता.   दिग्दर्शकाने छान दिग्दर्शन  केलंय वगैरे शब्द कानावर येऊ लागले.चित्रपटाला रिलीज व्हायच्या आधीच ( ????) राष्ट्रीय पुरस्कार घोषित झाला आहे असे ऐकताच उत्सुकता म्हणून जरा थांबलो. शंतनू, सायली वगैरे नाव ऐकू यायला लागली आणि लक्षात आलं की 'गोष्ट एका पैठणीची'  टीम उपस्थित आहे. 

सायली संजीवला एक प्रश्ण विचारला तिने टिपिकल उत्तर दिल्यावर कार्यक्रम संपला. ( कदाचित कार्यक्रम संपता संपता आम्ही गेलो असल्याने लवकर संपला असे वाटले)

आनंदाच्या भरात संयोजकांनी हा सिनेमा 'आँस्कर' मिळवू दे अशा शुभेच्छा दिल्या आणि मी परत एकदा इच्छापूर्ती दत्तमंदीराच्या कळसाकडे बघून ( कळस दिसत नसताना)  एक नमस्कार केला.

किमान देवाकडे इच्छा व्यक्त करताना कंजुषी करु नये ही मोठी शिकवण मला मिळाली.

 परतीच्या वाटेवर त्या अरुंद गल्लीत टिम पैठणी, आम्ही कुटुंब , काही कार्यकर्ते आणि २-३ मराठी मालिका बघणाऱ्या बायका इतकेच राहिलो.

जरा जवळून जाताना ही झिम्मा सिनेमातली बर का ! असं बायकोने मुलीला सांगताच , ओह! ओळखूनच येत  नाही आहे ही ! वगैरे भावना मुलीच्या चेह-यावर दिसू लागल्या.त्या भावनांचे शब्दात रुपांतर होण्याआधीच मी मुलीला  म्हणलं जा, आणि सायलीशी बोलून तिला सांग तुमचा 'झिम्मा' पिक्चर आवडला. 

हो नाही हो नाही करत शेवटी एकदा मुलगी जाऊन तिच्याशी बोलली. इतर २-३ बायका फोटो, सेल्फीसाठी आग्रह करुन तिच्याभोवती जमल्या.

 फक्त एवढ्याच बायका मागे आल्याने एकंदर मराठी मालिकांवर आलेले 

हे ग्रहण आहे?  की सायलीला नेरुळ सारख्या ठिकाणी कुणी फारसं ओळखलं नाही , का खरोखरच दत्तगुरुंच्या दर्शनापुढे एका हिरोईनच्या मागे लागू नये एवढ्या तात्विक विचारांची जागृती इतरांच्यात आली आहे? असे  काही प्रश्ण माझ्या मनात आले.

 बाजूला एकटाच उभ्या ( बिचा-या) दिग्दर्शकाकडे जाऊन सिनेमा संबंधीत थोडी विचारपूस केली. खूष झाले ते. दर्शन घेतलंत का त्यांनी विचारलं.म्हणलं नाही हो, यंदा यायला उशीर झाला आणि ती दर्शन रांग बघताय ना?

दिग्दर्शक म्हणाले , अहो हरकत नाही आमच्या सिनेमाची पहिली फ्रेम दत्तगुरुंचीच आहे. सिवूड,वाशीला सिनेमा लागलाय अवश्य बघा

हो हो असं म्हणत

(' आँस्कर वगैरे मिळो'  या शुभेच्छा त्यांना आधीच मिळाल्याने केवळ) "तुमचा सिनेमा यशस्वी ठरो" अशा पारंपारिक  शुभेच्छा देऊन मुख्य रस्त्यापर्यंत आलो.

मुख्य रस्त्यावर उभ्या एका ओला/ उबेर टाईप खाजगी वाहनात सायली बसताना ( बघा मराठी नट्यांवर काय वेळ आलीय ) ही , त्या बायकांनी अजून एक,  फक्त एक फोटो वगैरे करत परत हौस पुरवून घेतली.

मी परत एकदा गल्लीकडे तोंड करुन दत्तगुरुंना मनोभावे नमस्कार केला

आज दर्शन झाले नाही, २-३ दिवसात परत येऊन  दर्शन घ्यावे की मराठी सिनेमाच्या उज्ज्वल भवितव्यासाठी सिनेमातच तुमचे दर्शन घ्यावे ,याबाबत तुमची इच्छा प्रमाण🙏अशी प्रार्थना करुन घर गाठले

अमोल 📝

०७/१२/२२

#दत्तजयंती

#गोष्ट_एका_पैठणीची

#इच्छापूर्ती_दत्त_मंदीर

सावधान.सावधान..

 https://youtu.be/wyTeHls4-Ac

' झेंडा ' सिनेमातील एक गाणे थोडंसं बदलून *

मुळ गाणे: सावधान सावधान वणवा पेट घेत आहे

आमचे गाणे: सावधान सावधान 'नवले ब्रीज ' येत आहे 📝

( * प्रासंगिक वस्तुस्थिती )

सावधान सावधान सावधान सावधान

   'नवले ब्रीज ' येत आहे

कात्रजच्या बोगद्यातून  निट चालवून भागणार नाय

दृष्ट लागली उताराची ,स्पिड वाढवून चालणार नाय

निट चालका, चांदणी चौक तुला साद देत आहे

सावधान सावधान, सावधान सावधान

 'नवले ब्रीज ' येत आहे

पुण्याच्या नशिबी जरी कात्रजचा बायपास आहे

खड्डयांना जाऊ चुकवूनी, वळणावरती 'लेक' आहे

नशिबाची फक्त साथ, जी  बस भक्कम आहे

सावधान सावधान, सावधान सावधान

 'नवले ब्रीज ' येत आहे

पुरे जाहले रस्त्यांवर 'ढोंगी' कौतुक सोहळे

ट्रॅफिक इथला मस्तवाल अन ब्रीज जाहले बावळे

असो पावलोपावली शत्रू  पण तू जिवंत आहे

सावधान सावधान, सावधान सावधान

 'नवले ब्रीज ' येत आहे

( सावध) अमोल 

२५/११/२२ 

#माझी_टवाळखोरी 

poetrymazi.blogspot.com

मुंबईची थंडी

 मुंबई अनेकांची फॅन आहे. अनेकांचे फँन्स मुंबईत आहेत. पण मुंबईतील घराघरातील 'फॅन्स' मात्र बंद करण्याचा  'थंड -ग्रह'ण योग सुरु झालाय. याचा मोक्ष आठवड्याभरात  होईलच

 राजापूरला गंगा अवतरणे याचे जसे महत्व आहे, त्या एवढेच महत्व   अख्खी मुंबई जी ची फँन आहे ती 'थंडी मुंबईत पडणे'   याला आहे असे आमचे स्पष्ट मत .

 एरवी शेअर ' मार्केट पडले किंवा चालू सरकार आज / उद्या/ परवा 'पडेल' या पडेल चर्चा चालू असतातच. फारतर गेल्या काही दिवसापासून अंधेरीचा

 ' गोखले पूल' पाडणार किंवा अगदी आजचा ' कनाक ब्रीज' पाडण्यासाठी २७ तास 'जम्बो ब्लाँग' घेतलाय या पोटात गोळा येणाऱ्या बातम्या पाडण्यात सर्व वाहिन्या मग्न आहेत.

तर मंडळी अशा या गुलाबी  थंडीतला आजचा रविवार. तोच चहा पण त्याला वाफाळलेला चहा अशी उपमा देऊन,  सोबत घरचा गरमागरम उपमा खाऊन कुठेतरी ठेवलेला स्वेटर, मफलर, कानपट्टी हुडकून ठेवा उद्यासाठी.

रविवारच्या पेपरातील आठवड्याचे राशी भविष्य वाचणा-यांसाठी एक गोष्ट सांगतोय जी कुठल्याच पेपरात वाचायला मिळणार नाही ती म्हणजे

उद्या, १२ ही राशीच्या सेंट्रललाईन वरुन प्रवास करणाऱ्यांना आँफीस ला जाताना 'लेटमार्क-सेंट्रल' योग आहे.

२७ तासाचा चालू असलेला मेगाब्लाॅगचा, थंडीत पडणा-या प्रदूषणरुपी धुक्याशी अत्यंत तीव्र प्रतियोग आहे, तस्मात आपल्या नेहमीच्या वेळेची गाडी न पकडता त्या आधीच्या  गाड्या पकडाव्यात हे सांगणे.

तर मंडळी, ३६० दिवस आपल्या सोबत असणाऱ्या   नेहमीच्या मित्राला ( घामाला)  सुट्टीवर पाठवून ५-६ दिवसासाठी आलेल्या मैत्रिणी ( थंडी) बरोबर तुमचे पुढचे काही दिवस आनंदाचे जावोत या शुभेच्छा 🙏💐

शेवटी नेहमीप्रमाणे ४ ओळी

अक्षरांना घालून मफलर

शब्दांना घातली एकत्र बंडी

सरंजाम हा सगळा पाहून

हसायला लागली मुंबईची थंडी 🔥☃

#माझी_टवाळखोरी 

📝२०/११/२२

( अमोल)

दिव्यांची रांगोळी

 

एक खोका.. एक खोका

 'चौकट राजा' मधील एक गाणे , सध्यासाठी *

मुळ गाणे: एक झोका, एक झोका

आमचे गाणे:- ( *मनोरंजन हा हेतू) 

एक खोका, एक खोका 🎁 

इथे सत्तेलाच धोका, एक मोका...

सुरतेकडे,गोव्याकडे 

डोंगरातल्या झाडीकडे

जरा स्वत:लाच फेका..

एक खोका... एक मोका .

नाही कुठे थांबायचे

मंत्रीपद मिळवायचे

हाच थरायचा ठेका.

एक खोका... एक खोका .

वादविवाद वाढवायचे

कोर्टकचेरीला जोडायचे

हलका झाला, माझा खोका

एक खोका... एक मोका .

अमोल 📝

२९/१०/२२

दिवाळी_अंक_राशी_भविष्य

 'मोहिनी' म्हणतीय, तू नक्की यंदा परदेशी जाणार तर 'हेमांगी'च उगाच काहीतरी म्हणे 'गूड न्यूज' मिळण्याची शक्यता

'सुवासिनी' स्वत: सारखीच घाबरट, मला ही म्हणाली 'काळजी घे रे तब्येतीची'

काय करावं आता?

साधना, विपुलश्री, पद्मगंधा यांचं ही मत विचारू का  राहू दे

काहीच कळेना

#दिवाळी_अंक_राशी_भविष्य

🎆📝

२५/१०/२२

दिवाळी खरेदीत मी काय शिकलो

 

या दिवाळी खरेदीत मी काय शिकलो

कुणाला ही कमी लेखू नका.

 फुटपाथवरच्या विक्रेत्याकडे मी खरेदी केलेल्या वस्तूचे बिल देताना ( दिवाळीची खरेदी फूटपाथवरुन?नक्की काय घेतले? वगैरे  प्रश्ण नकोत.  फूटपाथ, लोकल मधील खरेदीचे मोल मुंबई / ठाणे/ नवी मुंबईकरच जाणतात) दोन तीन दा मोबाईल वर कोड स्कॅन केला तरी कनेक्ट होत नव्हतं

काय भाऊ ( actually भय्या हा शब्द वापरला होता असे स्मरते)  problem दिसतोय तुमच्या कोड मधे

त्यावर आमच्या भावाने ( प्रति भैय्याने)  जे सांगितले त्याला तोड नाही

म्हणाला मोबाईल flight मोड वर टाका, नंतर परत flight मोड काढा

मग बघा,

लगेच कामं झालं

तात्पर्य, कुणाला कमी लेखू नका, प्रत्यक्ष विमान प्रवास न करणाऱ्याला ( क्षणभर गृहीत धरून ) flight मोडचा उपयोग कसा करावा हे जास्त चांगले समजते 😷

टिप:

मंडळी ,  तुमची खरेदी झाली असेल तर हे वर्क होतयं का हे बघायला गेला नाहीत तरी चालेल. अजून बरंच दिवाळं आपलं दिवाळ्या बघायच्या आहेत. पुढल्या वर्षी ( किंवा पुढच्या खरेदीला)  मात्र हे लक्षात ठेवा 😁

अमोल 📝

२०/१०/२२

poetrymazi.blogspot.com

कोण व्हायचय तुम्हाला?

 

आई मला पुण्याला जायचंय

 आई मला पुण्याला जायचंय

माॅम, can I go?

 नाही

प्लीज,  

नाही म्हणलं ना एकदा 

माॅम

मी सगळा अभ्यास केला ना गं

सरासरी पेक्षा किती तरी जास्त मार्क पाडलेत ना?

हं

 दरवेळेला काय तेच तेच हिंदमाता, अंधेरी सब वे, परळ तिथंच सारखं सारखं साचून   कंटाळा येतो गं, सारखं सारखं कुर्ला, सायन, दादर स्टेशनच पाहतो.

पुणे स्टेशन कसं आहे ग ,आई?

मला नाही माहीत, पण हे एकदम काय पुण्याचे खूळ डोक्यात?

आई, गणपतीत नाही का आपण गिरगावला गणपती बघायला गेलेलो तेंव्हा एक कथाकथन लावलेलं

" तुम्हाला कोण व्हायच आहे मुंबईकर,पुणेकर का  नागपूरकर?"

पुणे कुठं बघितलं मी अजून

आई, प्लीज

अरे देवा,  बरं जा

तू कुठं ऐकणार म्हणा

पण एक लक्षात ठेव

दादर -स्वारगेट बसनं जायचं नाही, चांदणी चौकात अडकशील

दादर- पुणे बसनं जा

हो आई

आपल्या प्रभादेवीच्या सिध्दीविनायकाचा भाऊ आहे दगडूशेठ, गेल्या गेल्या त्याच्या दर्शनाला जायचं

बरं 

आणि हो पुणेकरांशी जास्त बोलायला जाऊ नकोस. त्यांचे टोमणे जास्त लागतात

पावसाळ्याचे दिवस आहेत. पुण्यातील प्रसिद्ध  वडा,मिसळ कुठं कुठं मिळतात याची केलेली यादी फाडून टाक. तुझ्या चंद्रकांत मामाला मी बाकरवडी, अंबा बर्फी कुरिअर करायला सांगते

बरं आई

जास्त फिरू नको, पुण्यात दिवाळी आली की थंडी पडते अन लगेच आजारी पडतोस.

नाही गं आई

मास्क काढलास तर याद राख!

आणखी एक, बिबेवाडीला माझा मित्र आहे, सिंहगड रोडला मैत्रीण आहे करत फिरू नकोस. फार तर त्यांना दशभूजा गणपतीजवळ 'अमृततूल्य' प्यायला बोलव.

आणि हो, पैसे तूच दे

बरं,  निघू

निघ लवकर मी रात्री मुंबईत महालक्ष्मी पकडते तू पुण्यात चढ मग आपण चंद्रकांत मामाकडे कोल्हापूरला परतू

थँक्यू आई

( अँन्ड रेस्ट इस द हिस्ट्री)

भूर भूर भूर

दिल्ली आहे दूर

आई मला पुण्याला  जायचंय

जाऊ दे नवं ⛈️

📝 अमोल

१८/१०/२२

poetrymazi.blogspot.com

ग्रहप्रधान व्यक्ती आणि फटाके

रवि प्रधान व्यक्तींना ठरलेल्या मुहूर्तावरच , नेहमीचे ठरलेले फटाके उडवायला आवडतात. केंव्हाही फटाके उडवणार नाहीत 🌅

चंद्र प्रधान व्यक्ती  साध्या फुलबाज्या, केपा तर ✨

शुक्र प्रधान व्यक्ती रंंगीत फुलबाज्या, फॅन्सी फटाके उडवण्यात रमतात 🎆

बुध वाल्यांचा फटाक्याची वात ब-याचदा विझते, त्यांना फटाका लाव परत जावे लागते  😁🏃🏻‍♂️

शनी प्रधान व्यक्ती बराच वेळ झाला फटाका न उडल्याने पुढे बघायला जातात आणि नेमका फटाका उडून भाजून, तोंड काळ करुन घेतात 🥴

मंगळ प्रधान व्यक्तीना, बाँब,तोटे,मोठ्या माळा, मोठ्या आवाजाचे फटाके उडवण्यात रस असतो 💥

गुरु प्रधान व्यक्ती  आकाशी झेप घेणारे  जसे राॅकेट , बाण वगैरे उडवतात 🚀 🏹

फटाके उडवण्यासाठी शुभेच्छा 💐💫

( *- सर्वसाधारण निरीक्षण  ) 📝

१७/१०/२२

poetrymazi.blogspot.com

परतीचा पाऊस

 https://youtu.be/8aTGUrolfBE

वेळ झाली यायची तो

(हे वाचून बहुतेक नक्की पळेल 🏃🏻‍♂️)

परतीच्या पावसा तुला, इनंती आम्हा करु दे

'आभाळागत' माया तुझी...

नको आता 'वाहू'  दे... 🙏

रोज भिजू संध्याकाळचं

शिव्या खाऊ बायकोचं

खोबरं व्हावं वाहतुकीचं

छत्री मातुर रोज देवा, माझ्याकडे राहू दे.. ☔

कोथरुडच्या रस्त्यातली

गाडी व्हावी वरखाली

खड्डे ब्रेक झाकले,झाली-

किरपा तुझी,नेहमीच्या बिल्डरवर

होऊ दे. . .👷🏼‍♂️

ऊन थोडं, वीज भारी ⛈️

हादरली गावं सारी

ढग वाजला ढगावरी

पळायला घराकडं, अंगी बळ येऊ दे..

🏃🏻‍♂️🏃🏻‍♂️

अमोल

१५/१०/२२ 📝

poetrymazi.blogspot.com

अभियंत्या भेट रे तू पुढच्या चौकात

 हर्षदा सुंठणकर यांनी  थिम दिली ,मग पुढचा पूल उडवायला जास्त वेळ लागला नाही

चांदण्यात फिरताना का रे केलास घात?

अभियंत्या भेट रे तू पुढच्या चौकात

होता तो एकटाच

खंबीर असा हायवेवर

दूर तिथे 'कळ'दाबे

आपटले दातावर

हे इथले खड्डेपण, आता सारे जाणतात

(अभियंत्या भेट रे तू पुढच्या चौकात)

सांग कसा त्याच्याविना

पार करु पुनवपूर?

सुसाट वारा घोंगावतो

आले खेड-शिवापूर

ब्रेक आता 'मारुकंस' ! क्लच माझा पारआत!

अभियंत्या भेट रे तू पुढच्या चौकात

चांदण्यात फिरताना का रे केलास घात?

अभियंत्या भेट रे तू पुढच्या चौकात

( चौकातील ) अमोल 📝

०२/१०/२२

#माझी_टवाळखोरी

चांदणी चौक पूल, श्रध्दांजली

 ✨चांदणी चौक पूल, श्रध्दांजली ✨

बावधनवासी दु:ख मानसी,वाहतूक साचे चोहीकडे

क्षणात दाबून ब्रेक पायीचा, कणात अंतर दूर पडे

वरती बघता बंजाराचा, हिल बाजूला दिसलासे

मंगल 'चांदणी पूल' पाहता, मस्तकी पारा चढा दिसे

दिसती खालती उतारावरती,अनंत सध्या रांग पहा

कोथरुडावरती होय रेखिले कुरुपतेचे रुप महा

तडफड करुन थकले अपुले पुण्य जन हे सावरती

पाषाणी हृदयाच्या मध्ये दारुगोळा साठवती

पूल पाडण्या आतुर जनता हर्ष माईना हायवेत 

तुमचा आमचा विकेंड सरु दे 

"चांदणी चौकाच्या ' गाण्यात

अमोल 📝

०१/१०/२२

#माझी_टवाळखोरी

यल्लोजी सनम हम आ गये

 आमची रोजची ठाणे लोकल सिवूड नंतर नेरुळ च्या आधी ट्रॅक बदलून हार्बर लाईन वरुन  ट्रान्स हार्बर मार्गावर येते

हा ट्रँक बदलायला मदत करणारा सिग्नल मधील रंग म्हणजे पिवळा.

लाल आणि हिरव्या पेक्षा थोडा दुर्लक्षित पण योग्य वेळी योग्य मार्ग दाखवणारा. संयमित मार्गक्रमण करण्यास मदत करणारा आणि क्षणार्धात लाल,हिरव्यात लुप्त होणारा

जीवन सुंदर आहे फक्त हे  हे 'यलो' सिग्नल पार करुन योग्य ट्रॅक पकडता आला पाहिजे 😊 

वरची हार्बर लाइनची लोकल सावकाश जेंव्हा ट्रान्स-हार्बरवर पूर्णपणे वळली की गार्ड ड्रायव्हरला विशिष्ठ हाॅर्न देऊन "आँल इज वेल" असे कळवतो

इकडे आपण आपलेच गार्ड आणि ड्रायव्हर . जेंव्हा एखादा नवीन विचार/ मार्ग/ दिनक्रमात बदल करताना योग्य नियोजन, अभ्यास करुन मार्गस्थ होताना आपणच   आपल्याला इंडिकेशन द्यायचे आणि गुणगुणायचे

कैसे जादुगर हैं बहार के ये दिन |

जान ही न ले ले खुमार के ये दिन |

जीने नहीं पाऊँगा,

 हाय मर जाऊँगा,

 ऐसे न मारो नज़ारा मुझे |

'येल्लो'जी सनम हम आ गये, आज फिर दिल ले के  💛

अमोल 📝

अश्विन शु. चतुर्थी

२९/०९/२२

पार्कात मेळावा होईल का

 सध्या दोनच ज्वलंत प्रश्ण आहेत

पार्कात मेळावा होईल का

चित्यांत दंग तू राहशील का?

होईल का?

( बाकी सगळं ओके) 

मी त्या गटातून यावे

तू इकडेच पडीक असावे 

दोघांना पर-डे मिळावे

ही 'किमया' नकळत करशील का?

करशील का?

(पार्कात मेळावा होईल का?)

ही धूंद प्रितीची बाग

'आवाजाला' आली जाग

नियमांचा झाला भंग

मिळताच 'पाववडा' घेशील का?

घेशील का? 

(पार्कात मेळावा होईल का?)

खिशातून 'गन' काढता

जणू 'टशन' होऊदे आता

मधु-इलेक्शन येता येता

राड्यातून हळूच तू पळशील का?

पळशील का?

पार्कात मेळावा होईल का

चित्यांत दंग तू राहशील का?

होईल का?

अमोल 📝 २१/०९/२२

#माझी_टवाळखोरी

पुणेकरा, तू खरा झुंजार

 ' उडती बस '  ते ही पुण्यात ही संकल्पनाच इतकी आवडली की बस 😬

 'उडत्या बसी' मधूनी देशी

ट्रँफिकला आधार

पुणेकरा, तू खरा झुंजार

लाल हिरवा सिग्नल सारा

तुच मिसळशी सर्व पसारा

'आकाशच'  मग ये आकारा

तुझ्या मतांच्या खंबीरतेला नसे अंत ना पार

पुणेकरा, तू खरा झुंजार

पेठापेठांचे रुप आगळे

प्रत्येकाचे स्टाँप वेगळे

तुझ्याविना ते कोणा न कळे

कुणी जाई काळभोर-लोणी,कुणी उतरे शनीपार

पुणेकरा, तू खरा झुंजार

तुच घडविशी तुच फोडीशी

कुरवाळीशी तू, तुच तोडीशी

न कळे यातून कशी 'उड'विशी

देसी सेवा परी निर्मिल्या मेट्रोपुढे अंधार

पुणेकरा, तू खरा झुंजार

उडत्या बसी' मधूनी देशी

ट्रँफिकला आधार

पुणेकरा, तू खरा झुंजार

📝 ०४/०९/२२

poetrymazi.blogspot.com

उडती बस पाहू या, मामाच्या गावाला जाऊ या

 आमचे अजोळ पुणे.. गडकरी साहेबांनी उडती बस पुण्यात आणायची म्हणल्यावर हे लहानपणीचे गाणे आता असे ऎकू यायला लागले आहे *

( मनोरंजन हा हेतू * 📝)

अगगग अगगग खड्यात गाडी

धुळींचे लोट हवेत सोडी

उडती बस पाहूया, 

मामाच्या गावाला जाऊ या

जाऊया मामाच्या गावाला जाऊ या

मामाचा गाव मोठा

रहदारीच्या पेढ्या

त्यातून सुटका करु या

मामाच्या गावाला जाऊ या

मामाची जागा पाषाsण

चांदणी चौकात गेले त्राण

उडती बस मग घेऊ या

मामाच्या गावाला जाऊ या

मामाचा गाव तालेवार

रिक्षा,दोनचाकी वाहते भार

मेट्रो विसरून जाऊ या

उडती बस पाहू या

अगगग अगगग खड्यात गाडी

धुळींचे लोट हवेत सोडी

 उडती बस पाहूया, मामाच्या गावाला जाऊ या

( प्रासंगिक)  अमोल

भाद्रपद शु. सप्तमी

०३/०९/२२

सादर करितो कला गजमुखा ( भाग २)

 सादर करितो कला गजमुखा ( भाग २)

मंडळी, मोरया 🙏

तुला जे येतयं त्यापेक्षा वेगळं काय करायला आवडेल असं कुणी विचारलं तर मी सांगेन की मला संधी मिळाल्यास गणपतीची मुर्ती स्वतः बनवून तीची भाद्रपद शु. चतुर्थीला विधिवत प्रतिष्ठापना करायला आवडेल.

आजकाल अनेक जण स्वहस्ते श्री गणेश साकारतात. काय छान बनवतात सगळे जण बाप्पांना. प्रत्येकाच्या मनातील बाप्पांचा छान आविष्कार त्यांच्या कलाकृतीत उमटतोच. ही एक अनोखी देणगी त्यांच्याकडे आहे याबद्दल मला त्यांचा खरोखरच हेवा वाटतो. ही मुर्ती बनवताना त्यांचे अनेक तास/ दिवस जात असणार. हा प्रत्येक क्षण ते कसे अनुभवत असतील? कलेतून  परमेश्वराची सेवा करण्याची  ही एक मोठ्ठी संधी आहे असे मला वाटते

चित्रकला आणि हस्तकलेशी ( शिल्पकला तर फार लांबची गोष्ट)  तसा आमचा संबंध दुरचाच. शाळेत असतानाही या गोष्टींचा कंटाळा. म्हणूनच  रांगोळी, इतर हस्त कला किंवा चित्राद्वारे गणेशरुप सादर करणारे आमच्यासाठी अवलियाच.

अनेक समूहातुन, सोशल मिडियावर आता अशा अनेकांच्या बाप्पांचे दर्शन घेण्यास आम्ही उत्सुक आहोत यात शंका नाही.

शुभारंभीया

 करितो तुजला

वंदन हे 

गजवरा 🙏🌸

अमोल 📝

poetrymazi.blogspot.com

अरे खोक्यामधी खोका

 आमच्या बहिणाबाईंनी 'खोपा' अजरामर केला

आणि महाराष्ट्रातील आमदारांनी 'खोका'🎁

बहिणाबाईंची क्षमा मागून *

( *मनोरंजन हा हेतू)

अरे खोक्यामधी खोका

कमळीणीचा चांगला

सत्ता बदलासाठी तिनं

खोका आसामी ठेवला

बंड घातले खोक्यात

'ओक्के ' म्हणूनी चांगला

एक एकासाठी तिनं

खोका जपूनी ठेवला

कमळी ग कमळी ग

कशी माझी ग चतुर

तिले जुम्ल्याचा सांगती

मिये गण्या गंप्या नर

खोका घेतला घेतला

पायरीवरती ठोसा

आम-दारी कारागिरी

आज देख रे माणसा

दर वेळेची ही गोष्ट

तोच नेता, तोच वाॅर्ड

पुढील वर्षी जोमानं

फोफावेल हीच किड

अमोल 📝

२४/०८/२२

दिवस पुढे हे ढकलायचे

 https://youtu.be/jvBAie-X3OA

कमळी आणि तिच्या नवीन मित्रांना मैत्री दिनाच्या शुभेच्छा *

( * राजकीय- मनोरंजन हा हेतू)

 मुळ चाल - दिवस तुझे हे फुलायचे,झोपाळ्यावाचून झुलायचे

दिवस पुढे  हे ढकलायचे 

तारखा पाहून झुलायचे

दिल्लीला रात्रीत जाणे

तिथेच भेटती 'शहा'णे

पदांना मोकळे ठेवायचे

( तारखा पाहून झुलायचे)

बघून नेत्यांची झोळी

धाडावी 'इडी'स भोळी

बाणाला धनुष्य लावायचे

( तारखा पाहून झुलायचे )

बघावे डोंगुर फार

सोसेना झाडांचा भार

शब्दांनी जखमी करायचे

( तारखा पाहून झुलायचे )

देणे न घेणे कशाशी

 घेऊ दे शपथ जराशी

कमळीला पाहून भुलायचे 🪷

दिवस पुढे  हे ढकलायचे 

तारखा पाहून झुलायचे

अमोल केळकर 📝

poetrymazi.blogspot.com

श्रावण

 

श्रावण- कालवण

 

मनावरती दगड ठेऊन फक्त लढ म्हणा

 

कल्याण जंक्शन

 

मला लागलाय ठसका

 

या खड्यांवर शतदा प्रेम करावे

 

पाऊस जूलैचा पडतो

 

वद जाऊ इडीला शरण

 

आज १५ जुलै बालगंधर्व पुण्यतिथी 🙏

'संगीत सौभद्र' नाटकातील अण्णासाहेब किर्लोस्कर यांनी लिहिलेले , बालगंधर्वांनी गायलेले गीत वेगळ्या शब्दात

वद जाऊ इडीला शरणं !

वद जाऊ इडीला शरणं, करतील हरण संपत्तीचे |

मी धरीन चरण त्यांचे | चल ठाणे ये ||

बहु आम-दार बांधवा, प्रार्थिले कथुनि दु:ख 'मनि'चे |

ते सफल होय साचे | चल ठाणे ये ||

मम तात मातोश्री मात्र, हे बघुनि कष्टति हाल तिचे |

न चालेचि काहिं त्यांचे | चल ठाणे ये ||

जे कर जोडुनि मजपुढे, नाचले थवे समर्थनाचे |  मंतरीपद होई त्याचे |

चल ठाणे ये ||

( गंधर्व प्रेमी)  अमोल

१५/०७/२२ 📝

जन पळभर

 सध्याच्या राजकारणाला समर्पीत 📝

( भा.रा. तांबेंची क्षमा मागून)

जन पळभर म्हणतील हाय हाय

मी जाता राहील 'पक्ष ' काय?

झाडे दिसतिल, डोंगुर झळकतिल

सारे हाटीलात क्रम आचरतिल

असेच बंड पुढे तेवतिल

होईल कांहि का अंतराय?

( जन पळभर म्हणतील हाय हाय )

रिपोर्ट बनतिल, चर्चा झडतिल

त्वेषाने हे सामने रंगतिल

कुणा काळजी की न धरतिल

पुन्हा स्वकियांचेच पाय? 

( जन पळभर म्हणतील हाय हाय )

सख्खे सोबती हेवा करतिल

जिल्हा-शाखेत, नावे लागतिल

उठ-तिल, बस-तिल, तिकीट मिळवतिल

मी जातां त्यांचे काय जाय ?

( जन पळभर म्हणतील हाय हाय )

अशा (राज)कारणास काय कुढावें

मीही कुणाच्यात कां गुंतावे?

'इडी'दूता कां विन्मूख करावे? 

का पाहु नये 'खोक्यात' काय?

( जन पळभर म्हणतील हाय हाय )

१२/०७/२२

अमोल

यंदाची वारी

 रखुमाई म्हणाली विठ्ठलाला,

काय, यंदाची वारी

काय, हे जमलेले भक्त

काय, ह्यो तुझा थाट

ओक्के मधे सगळं ...

दोन वर्षांनी यंदा आषाढीला

वाटलं सगळं आपलं

पांडुरंग म्हणाला रखुमाईला,

कसली ती महामारी

कसला तो लाॅकडाऊन

वाईट वाटत होतं दोन वर्ष

'भक्तांची' अवस्था पाहून

दुष्टचक्र संपले , 

वैष्णव सारे जमले

'भेटी लागे जीवा' म्हणत 

पालख्या, रिंगण सजले

येताना होतोच सोबत

आपणही बनून वारकरी

'थकलेल्या माऊलींसाठी 

चल, सोबत नेऊ पंढरी '

📝१०/०७/२२

अमोल

दिस चार झाले

 मुळ गाणे: " दिस चार झाले मन, पाखरू होऊन" 

( चित्रपट: आईशप्पथ, गीत: सौमित्र, स्वर : साधना सरगम, संगीत: अशोक पत्की  )

आमचे गाणे📝 :👇🏻

दिस चार झाले बंड, हो गुहाटी जाऊन

बाण बाण आर्त आज धनु ष्या(सा)वरुन 🏹

संज्यावेळी जेंव्हा येई आठव आठव

दूर तिथे ' मातोश्रीत ' होई 'घंटा'रव

उभा घडाळ्याचा राही, काटा वेळ पाहून

(दिस चार झाले बंड, हो गुहाटी जाऊन)

नकळत आठवणी जसे विसरले

'ठाणे'वर इथे तसे ठसे उमटले

मस्त  झाडे- डोंगर , हाटीलात राहून 🏕️

(दिस चार झाले बंड, हो गुहाटी जाऊन)

झाला जसा शिडकावा 'इडी' पावसाचा

प्रवेश झाला  इकडे एक एक आमदाराचा

'वर्षा'व सुखाचा इथला गेला ओसरून 

दिस चार झाले बंड,हो गुहाटी जाऊन

बाण बाण आर्त आज धनु ष्या(सा)वरुन 🏹

( विडंबनासाठी नेहमीच रिचेबल )

 अमोल 📝

२६/०६/२२

कान- गोष्टी

 

कळायला नको राजकारणात

या कानाचं,त्या कानाला

तरीही जर केल्यात कानगोष्टी

अनुमोदन तुमच्या मागणीला

#मागणी_कानात_घुसली 👂🏻

#कानगुंटीवार_पलटवार

( राजकीय)  अमोल 📝

४/०७/२२

आषाढस्य प्रथम दिवसे

 "आषाढस्य प्रथम दिवसे"

सरकारच्या मागे 'फ्लोअर टेस्ट'

गडबडून गेले त्याचक्षणी

अडीच वर्षाचे ' सीएम बेस्ट '

आषाढस्य प्रथम दिवसे

' हिंदुत्वाचे 'जमलय फिटींग

गुवाहटी पासून गोव्या पर्यत

एकदमच सगळं ओक्के सेटींग

 

आषाढस्य प्रथम दिवसे

'मी परत येईन, मी परत येईन'

दिसल्या जर इथेही विसंगती

मी,

परत लिहिन, परत लिहीन 

 

📝 ३०/०६/२२

poetrymazi.blogspot.com

तुकोबाच्या भेटी | विश्वगुरु आले

 श्री विठ्ठलाय नम: !

नमो सद्गुरू !

नमो विश्वगुरु !

तुकोबाच्या भेटी | विश्वगुरु आले |

झो झाला सोहळा | देहुगावात ||

जाहली दोघांची उराउरी भेट |

उरातले थेट | उरामध्ये ||

तुका म्हणे, "गुरु | तुझे कर्म थोर |

अवघेची राष्ट्र | उभे केले " ||

विश्वगुरु म्हणे | एक ते राहिले |

अच्छे दिन पाहिलेले | सत्तेआधी ||

तुका म्हणे," बाबा | ते ना बरे केले |

त्याने तडे गेले | महागाईला ||

लालकृष्ण, अटल | त्यांची रीत न्यारी|

तुझी पार्टी कोरी | " डिफर् नशिया " ||

विश्वगुरु म्हणे,| तुझ्या शब्दांप्रीत |

नाठाळाचे माथी | काठी हाणू ||

तुका म्हणे, गड्या | वृथा शब्दपीट |

प्रत्येकाची वाट |  वेगळाली ||

वेगळीये राज्ये | वेगळाले काटे |

काट्यासंगे काढू | तोची काटा ||

ऐक ऐक वाजे | ध्वनीक्षेप मंदिरी |

मातोश्री मुंबापुरी | वाट पाहे ||

विश्वगुरु निघोनिया | गेले पश्चिम दिशा |

बोलण्या अजिता | मिळेचना ||

पांडुरंग हरी! वासुदेव हरी ||

१५/०६/२२ 📝

विलंब

 मृग नक्षत्र प्रवेशाचा तरी

पकडायचा ना मुहूर्त ? ☔

त्यापुढे ही विलंबाने...म्हणजे 🌧️

 काही,राहीलाच नाहीना अर्थ 🤷‍♂️

📝 ०७/०६/२२

poetrymazi.blogspot.com

याद आयेंगे ये पल

 

स्वागत

 'हार्दिक' स्वागत, 

तुमचं पक्षात 🪷🚩

मागील गोष्टी ( राहू दे ना) 👊🏻

कशाला ठेवायच्या लक्षात 😛🫥

#पार्टी_विथ_ 🤭

०२/०६/२२ 📝

शायद फिर इस जनम में मुलाकात हो न हो

 *शायद फिर इस जनम में मुलाकात हो न हो*

आजच्या रंगोलीत लागलेलं हे गाणं. सर्वाना माहित असणारे, आवडणारे आणि प्रसिद्ध झालेले हे गाणे. गीत/ संगीत / अभिनय या सर्व दृष्टीने जमून आलेले गाणे. या गाण्याला मी प्रेम गीत वगैरे पेक्षा 'विरह गीत' या कँटँगरीत बसवेन. 

हे गाणे ऐकले आणि मला काहीच दिवसांपूर्वी ज्योतिष अभ्यासक श्री. सचिन मधुकर परांजपे ( पालघर)  यांनी लिहिलेला एक लेख आठवला. त्याचा सारांश असा:-

==========================

"

टेक्निकली नियतीने एक समीकरण मांडलेलं असतं. सहवासाच्या अकाऊंटचं... जोवर ती वेळ, त्या सहवासाचे हिशेब पूर्ण होत नाहीत. अकाऊंट टॅली होत नाही तोवर तो मनुष्य आपल्या आयुष्यात असतो आणि नंतर निघून जातो 

नियतीचा देणंघेण्याचा हिशेब पूर्ण झाला की माणसं आयुष्यातून काढता पाय घेतात. ..एखाद्या माणसाचं आयुष्यातून चटकन निघून जाणं (मी मृत्यूबद्दल म्हणत नाही).... एक्झिट घेऊन पाठ फिरवून जाणं आणि पुन्हा कधीच न येणं हे तुम्ही नियतीचा खेळ म्हणून जितक्या सहजतेने स्विकार कराल तेवढे तुम्ही अधिकाधिक लवचिक, शांत आणि धीरोदात्त बनत जाता. कोणाचंही असं तडकाफडकी निघून गेल्यावर विनाकारण अपराधीपणाची भावना बाळगून स्वतःला दोष न देता सावरुन घ्या. शांत व्हा आणि गोष्टी स्विकार करत चला.... दुसरा पर्याय नसतो..

=========================

*फिर आप के नसीब में*

*ये बात हो ना हो*

*शायद फिर इस जनम*

*में मुलाक़ात हो ना हो*

  वरील लेख हा या गाण्याचे एक वेगळे रसग्रहण आहे असे म्हणले तर ते मुळीच चुकीचे ठरणार नाही

मंडळी,  असे अनुभव आपल्यालाही आलेत. लहानपणापासून आजपर्यंत अनेक व्यक्तींचा ठराविक कालावधीत आपला संबंध येतो मग अगदी बालपणीचे मित्र/ मैत्रीण असतील, शाळा / काॅलेज मधील असतील ,आँफीस मधले सहकारी असतील किंवा एखाद्या गावात परिचितांकडे भेटलेली एखादी कायम लक्षात राहिलेली 'अवलिया ' व्यक्ती असेल.  ब-याचदा प्रासंगिक घटनांनी त्यांची आठवण येते, त्या ठिकाणी गेल्यावर प्रसंग उभे राहतात पण परत ती व्यक्ती भेटतेच असे नाही

मात्र वरील लेखात म्हणल्याप्रमाणे ज्यांच्याशी अजून तुमचे अकांट टॅली झाले नाही, म्हणजेच दुस-या अर्थाने अजून तुमचे ' ऋणानुबंध ' तितकेच जबरदस्त आहेत असे सुहृद तुम्हाला लवकरात लवकर भेटोत ही सदिच्छा

लेखाचा शेवट आजच्या रंगोलीतीलच आणखी एका गाणयाने

चले थे साथ मिलके चलेंगे साथ मिलकर

तुम्हे रुकना पड़ेगा मेरी आवाज़  सुनकर 

( *तुम्हे रुकना पड़ेगा मेरा लेख  पढकर*😬)

शुभ रविवार 🙏

#माझी_टवाळखोरी_पुढे_चालू 📝

२९/०५/२२

www.poetrymazi.blogspot.com

स्वयें श्रीरामप्रभु हासती

 *प्रासंगिक राजकीय मनोरंजन :-

( सर्व संबंधितांची माफी मागून)

स्वयें श्रीरामप्रभु हासती

पक्षीय नेते अयोध्येस जाती

काका-पुतणे एक गावचे

दर्शन घेती रघुरायाचे

पक्ष सांगती महत्व हिंदूंचे

भोंग्याने तेजाची (महा)-आरती

पक्षीय नेते अयोध्येस जाती..

साठ डब्यांच्या रेल्वेमधुनी

नवसैनिकही येती फिरुनी

तज्ञ मंडळी माईक घेऊनी

सर्वही श्रोतेजन पाहती

पक्षीय नेते अयोध्येस जाती..

राजस मुद्रा, वेष मुनींचे

विरोधक ते तपोवनीचे

'ब्रिज भूषणच्या' भाव मनीचे

विरोधी भूमिका आकारती.

पक्षीय नेते अयोध्येस जाती..

निवडणूकीची सजली चौकट

त्यात पाहता महा-पालिकापट

प्रत्यक्षाहुनि 'मते'च उत्कट

प्रभूचे लोचन पाणावती 

पक्षीय नेते अयोध्येस जाती..

अमोल 📝

वैशाख शु. दशमी

गुणमिलन ( अलक )

" ऐ , तुझ्या ज्योतिषावर त्या मंगळ, शनी वर माझा अजिबात विश्वास नाही.मीच काय माझ्या कुटुंबातील एकाची ही पत्रिका मी काढणार नाही".

         

गोखल्यांच्या  मुलाच्या पत्रिकेबरोबर गुणमिलनासाठी,  त्याला आलेल्या स्थळाच्या मुलीच्या पत्रिकेतील वडिलांचे नाव वाचताना,

गुरुजींना काही वर्षांपूर्वीचे याच मित्राचे बोल आठवत होते....

अमोल 📝

poetrymazi.blogspot.com

२९/०४/२२

मुंबई दे धमाल

 https://youtu.be/fZ_2z71XD_g

आज हेच गाणं आठवतयं सकाळ पासून

हे हे कशासाठी पोटासाठी

इलेक्शनच्या तयारीसाठी

आटा पिटा कशासाठी 

महापालिका घेण्यासाठी 

अरे,  बजरंगाची कमाल

मुंबईत  दे धमाल

मुंबईत  दे धमाल

लाईनीवर आली इंजिन गाडी🚂

अरे, लाईनीवर आली इंजिन गाडी🚂

भोंग्याची वाट लावा,म्हणा बजरंग बली

अरे, चला चला पटा पटा झेंडे सारे उचला 🚩

डोईवर 'सामन्याचा' हुकुम बरसला

तैयार दंग्याला, करा हुकुम मिडियाला

 हाणा उडी मारा धक्का

निर्धार आमचा आहे पक्का

लावा जोर सोडू नका

कामाचाच मिळे पैका

बोला,  बजरंगाची कमाल

मुंबईत, दे धमाल

अमोल 📝

poetrymazi.blogspot.com

२३/०४/२२

आठवणीतील भोंगे

 आठवणीतले भोंगे 📣

छत्रपती शिवाजी महाराज टर्मिनल्स वरुन अमुक वाजून तमुक मिनिटाला जाण्यासाठी   लोकल (  किंवा मेल/ एक्सप्रेस) तयार असते. इंडिकेटरने ती वेळ  दर्शवली  की गार्ड शिट्टी मारून मोटरमनला संकेत देतो  ( अंतर्गत प्रणाली द्वारे)  अन् क्षणात एक मोठा भोंगा देऊन गाडी सुटते ( भले ती गाडी मुक्कामाच्या ठिकाणी किती ही लेट पोहोचू दे निघण्याची वेळ मात्र अगदी परफेक्ट) 

लोकलचा हा भोंगाच. हाँर्न वगैरे उल्लेख करणे हे माझ्यामते कमीपणाचे ठरेल.  जत्रेत मिळणाऱ्या  भोंग्या पेक्षा आकाराने थोडा मोठा असणारा भोंगा लोकलच्या प्रथमदर्शनी भागात लावलेला दिसतो.

संध्याकाळी १७:५० ला असाच एक मोठ्ठा  भोंगा देऊन कोल्हापूर कडे निघालेली सह्याद्री एक्सप्रेस,पहाटे ४ च्या सुमारास शेरी नाला ओलांडला जाताना, त्याचवेळी वाजणा-या साखर-कारखान्याच्या भोंग्याशी स्पर्धा करत सांगलीत पोहोचते.

त्यानंतर साधारण १ तासाने म्हणजे ५ च्या सुमारास शांतीनिकेतन वसतीगृहात लाउडस्पीकर वरुन लागणाऱ्या भूपाळ्या/ अभंग/ आरत्या पहाटेच वातावरण भक्तिमय करुन जात असत.

माधवनगर काँटनमिलच्या वेगवेगळ्या कामाच्या वेळेतील भोंगे आणि सांगलीतील रात्री ( ८:३० वाजता)  नित्य वाजणारा भोंगा,  वेळेची जाणीव करुन ठरणारा असायचा.

याबरोबरीनेच दर महिन्याला रात्री एक जास्तीचा भोंगा सांगलीत वाजायचा, जो आजही वाजेल ९:४५ ला

म्हणजेच संकष्टीला ,चंद्रोदय झाल्यावर

असे  काही भोंगे जीवनाचा एक अगदी  सहज भाग बनून गेले होते,राहतील

#आठवणीतील_भोंगे 📝

अंगारकी संकष्टी

१९/०४/२२

वाढिले रे अजुन दर किती

 श्री सुरेश भट यांचा आज जन्मदिन ( १५/४ ) 

"राहिले रे अजून श्वास किती" ही त्यांची रचना वेगळ्या शब्दांत 

( माफी तर त्यांची कायमस्वरूपी आहे)

"वाढिले रे अजून दर किती"

इंधना, ही तुझी मिजास किती?

आजची रात्र लोड-शेडींगची ⚡

कालचा कोळसा संपला किती?

मी कसे शब्द थोपवू माझे

दिसती विसं-गती आसपास किती?

हे कसे दिन ? ही काय आशा ?

पिळलेले एक लिंबू, जपावे किती? 🍋

सोबतीला जरी मीठ राया

मी घेऊ 'टकीला शाँट' किती 🍸

अमोल 📝

१५/४/२२

poetrymazi.blogspot.com

बुट पाॅलिश

 दोन वर्षाच्या खंडानंतर नुकताच मी परत एकदा 'लोकल' प्रवास सुरू केला.  ट्रान्स-हार्बर  ( ठाणे-वाशी-पनवेल)  हा माझा नियमीत प्रवास मार्ग .

 या मार्गावर काही गोष्टी अगदी अजूनही  आहे तशा आहेत, काहीही बदल नाही उदा. मुंबई क्षेत्रातील सगळ्यात घाणेरड्या लोकल्स, पनवेल लोकल्सची अनियमीतता, संध्याकाळच्या परतीच्या प्रवासात नेरूळहून बेलापूरला जाण्यासाठी आजही पनवेल लोकल मधे चढता न येणे, होणारा तेवढाच उशीर, नेहमीचीच गर्दी,  सर्वच स्टेशन्सची गेलेली रया इ.इ.

सुखावह वाटलेला एक बदल म्हणजे तिकीट रांगेसाठी न थांबता उपलब्ध मशीन वरुन, इच्छित मार्गाचा कोड scan करुन 'गुगल पे' करुन लगेच मिळणारे तिकीट, UTS अँप वरुन बुक करता येणारे पेपरविरहीत तिकीट तसेच सीझन पास आणि अद्यावत झालेले m- indicator अँप. हे अँप खरोखरच लोकल प्रवाशांसाठी वरदान आहे. अमुक स्टेशनवर येणाऱ्या गाड्यांचे रनिंग स्टेटस, चार ही लाईन्सच्या प्रवाशांसाठी चँटींग रुम, इतरही सार्वजनिक वाहतुकीचे ( मोनो,मेट्रो,रिक्षा,टॅक्सी,बस)  अपडेट्स अद्यावत आहेत

परत एकदा पूर्वीचे दिवस आलेत. प्रत्येक शहराच्या सार्वजनिक वाहतूक व्यवस्थेच्या काही विशेष गोष्टी असतात. मुंबई आणि परिसराचीही एक अशीच संस्कृती आहे. सेवा देणारे 'डबेवाले' जसे या संस्कृतीचा घटक आहेत तसाच आणखी एक घटक म्हणजे 'बुट-पाॅलिश' वाले

सेंट्रल, वेस्टर्न वर अगदी फलाटावर बसणारे किंवा ट्रान्स हार्बरवर स्टेशनच्या बाहेर असणारे हे सेवाकरी या सिस्टिमचा अविभाज्य घटक ठरलेत. 

ब-याचदा ग्राहक आणि हे पाॅलीश वाले यांच्यात शाब्दिक संवाद होतच नाही. आपण तिथे असलेल्या रांगेतून जायचे. आपला नंबर आला की उजवा/ डावा पाय तेथील उंचवट्यावर ठेवायचा. मग फक्त त्या बूट-पाॅलिशवाल्यांकडून हातातला पाॅलिशचा ब्रश आपटून ' टक/ठक' वाजले की पाय बदलायचा. हे असे दोन - तीन वेळा झाले की शेवटी एकत्रीत दोनदा ' टक/ठक'चा ध्वनी ऐकला की पैसे द्यायचे आणि चालू लागायचे.  तीन ते चार मिनिटाची ही प्रक्रिया. कुठल्याही शाब्दिक संवादात्मक शिवाय

बस!  असं मन ही वेळोवेळी पाँलीश करता यायला पाहिजे 🤗

ठहर ज़रा ओ जानेवाले

 बबु मिस्टर गोरे काले 

कब से बैठे आस लगाए

हम मतवाले पालिशवाले 

अमोल 📝

चैत्र. शु एकादशी

१२/०४/२२

रेकी

काल सांताक्रुझला शाळेची एक बस काही तासांसाठी हरवली. ती सापडल्यावर एक उल्लेख केला गेला की गाडी चालक नवीन होता आणि त्याने मार्गाची 'रेकी' केली नव्हती म्हणून तो गोंधळला आणि नियोजित ठिकाणांवर पोचायला बराच उशीर झाला

इतके दिवस केवळ गुन्हेगाराने / अतिरेक्यांनी अमुक तमुक ठिकाणांची , इतक्यांदा-तितक्यांदा 'रेकी' केली असे ऐकायला मिळायचे. त्यामुळे तुमच्या आमच्या सारख्या एका सामान्य वाहन चालकाबद्दल वापरलेला हा शब्दप्रयोग एक वेगळाच संदर्भ  देऊन गेला.

मग लक्षात आले की हा प्रकार नकळत ( म्हणजे याला रेकी बिकी असं काही म्हणतात हे माहिती नसताना) आपण अनेक वेळा आचरणात आणलाय. अगदी लहानपणी आपल्याला शाळेत घातल्यानंतर पालकांकडून त्या मार्गाची रेकी केली जाणे ( म्हणजेच घरापासून लागणारा वेळ, बसच्या वेळा,सायकल/ चालत जात असेल तर रहदारी,वस्ती, जवळचा मार्ग इ इ ) ते आपण नवीन ठिकाणी कामावर रूजू होण्यापूर्वी केलेली तिथली रेकी. अशी प्रत्येकाची विविध उदाहरणे असतील. मला आठवतयं लहानपणी नाटकात काम करताना नाटकाच्या तालमी इतरत्र कुठेही होत असल्या तरी मुळ प्रयोग जिथे व्हायचा तिथेच काही दिवस आधी 'फायनल रिहर्सल' व्हायची. एकप्रकारे ही सादर होणाऱ्या प्रयोगाची 'रेकीच' म्हणता येईल.

भारताचा परदेशात सामने खेळायला गेलेला संघ किंवा भारतात आलेले संघ ( क्रिकेट का इतरही? ) मुख्य मालिके आधी काही सराव सामने खेळायचा. हा ही एक 'रेकी' चा प्रकार असावा का?

दहावी/बारावी बोर्ड परीक्षा आधी आमचे हुsष्षार मित्र सराव पेपरांची 'रेकी' करायचे. या भानगडीत आम्ही मात्र फारसे पडलो नाही ☺️

रेकी ची ही मला आठवलेली काही उदाहरणे.

माझ्या मते या सगळ्याचा प्रमुख उद्देश प्रत्यक्ष तशी परिस्थिती येईल तेंव्हा आपल्याला त्या परिस्थितीशी जुळवून घेण्याचा   विश्वास ( काँन्फीडन्स) यावा, फिल गूड वाटावे,  आणि सहजतेने अतिरिक्त ताण वगैरे न घेता परिस्थिती स्वीकारणे वगैरे वगैरे असावा

अशी प्रत्यक्ष जागेवरून जाऊन 'रेकी' करण्यात ज्यांची इतिहासाने नोंद करून ठेवली असे उदाहरण म्हणजे छत्रपतींचे विश्वासू 'बहिर्जी नाईक'

त्यांचा उल्लेख केल्याशिवाय हा लेख पूर्ण होऊ शकत नाही.

प्रत्यक्ष उपस्थिती ( physical ) बरोबरच आपल्या कडे  'मन' या अत्यंत उपयुक्त  आयुधाचा  रेकी करण्यासाठी कसा विविध प्रकारे ( Meditation, Dream,Motivation, visualization इ इ प्रकारे)  उपयोग होऊ शकतो याबद्दल विस्तृत माहिती अनेकांना आहेच. 

तुर्त इतकेच

अमोल 📝

विनायकी चतुर्थी ( अंकातील योग)

५/४/२२

( अवांतर : आपल्या समुहात लिहिलेले लेखन हे माझ्या 'लेखी' आपलं माझ्यासाठी 'रेकी' चाच प्रकार म्हणा ना !.. 😷)

कचरा फाईली

 कचरा फाईली

मंडळी, अगदी काही दिवसापूर्वी आमच्या कार्यालयाच्या नुतनीकरणासाठी म्हणून काही कालावधीसाठी आम्हाला दुसरीकडे बसायला सांगितले. आजकाल बरीच कामे संगणकावर जरी होत असली तरी त्याच्या कित्येक आधीपासूनच्या अनेक फाइली या ठेवलेल्या होत्या. शिफ्टींग होताना एवढ्या प्रचंड प्रमाणात असणाऱ्या फाईलींचे काय करायचे हा मोठ्ठा प्रश्ण होता. ज्या अतिशय आवश्यक फाईली आहेत त्या घेऊन नवीन जागी जायचे, ज्या फाईली कदाचित पुढच्या काळात संदर्भासाठी लागतील त्यांना कार्यालयीन वास्तूचे नूतनीकरण होईपर्यंत 'काँमन स्टोरेज' मधे ठेवायचे असा निर्णय झाला. हे सोडून उरलेल्या जवळजवळ ८०% फाईली या तिथेच सोडण्याशिवाय गत्यंतर नव्हते. थोडक्यात त्या सगळ्या फाईली कचरा ठरवल्या जाऊन आता रद्दीच्या भावात जाणार हे पक्के झाले होते.

नुतनीकरणानंतर जेंव्हा आम्ही मुळ जागी परत येऊ तेंव्हा येताना ज्या अती आवश्यक / दैनंदिन लागणाऱ्या फाईली ज्या सोबत घेऊन गेलेलो त्या परत आणू.  पण इथे संदर्भासाठी लागतील म्हणून काँमन स्टोरेज मधे ठेवलेल्या किती फाईलीं वरची धुळ परत झटकली जाईल याबाबत मला तरी शंका वाटतीय. कारण जेंव्हा सगळं सुस्थितीत होतं तेंव्हाही फारशा त्या फाईलींना कुणी हात लावला नव्हता. 

घर आवरताना हा नेहमीचा अनुभव.  आज आवश्यक म्हणून ठेवलेली वस्तू पुढल्यावेळी घर आवरताना मात्र हमखास कच-यात जाते. पण पहिल्यांदाच त्या कच-यात घालायला मन तयार होत नाही 

वरती जो संगणकाचा उल्लेख केला त्यातील कच-या कडे ही आपले फारसे लक्ष जात नाही. नकळत पणे अगणित फाईल्स तयार होत असतात. अनेक फोल्डर+ फाईल्स आपण तयार करत असतो. यातील असंख्य फोल्डर्स/ फाईल्स , इमेल्स काम झाल्यावर सहज उडवले जाऊ शकतात आणि अनावश्यक कच-याची विल्हेवाट लावली जाऊ शकते. पण जेंव्हा हार्ड डिस्क भरून डेटा वहायला लागतो, नवीन इमेल येणे बंद व्हायला लागतात तेंव्हा जाग येते.

आजकाल हीच गोष्ट 'मोबाईल 'उपकरणा बाबतीतही  आढळते

थोडक्यात वेळोवेळी कचरा साफ होणे आवश्यक. वर उल्लेख केलेल्या ठिकाणचा तर आवश्यकच पण अशी एक जागा आहे प्रत्येकाची वय्यक्तिक, जिथे अशा नको असलेल्या भरमसाठ फाईली अगदी कळायला लागल्यापासून विनाकारण पडून आहेत, ती जागा म्हणजे आपला 'मेंदू'.

तिथेही एकदा साफ-सफाई करायची का?

निसर्ग सुद्धा स्वतःत बदल दरवर्षी करतो. तो निसर्गचक्राला अनुसरून असला तरी आपल्याला दरवेळेला वेगळी अनुभूती देऊन जातो. झाडांची पानगळी होऊन नवनिर्मिती होत असताना आपण आपल्या मनाला हीच गोष्ट सांगितली तर? 

जुने जाऊ द्या मरणालागुनी

जाळुनी किंवा पुरुनी टाका

सडत न एक्या ठायी ठाका

सावध!ऐका पुढल्या हाका

खांद्यास चला खांदा भिडवूनी

विक्रम संवत २०७८-२९७९ 🚩

शालिवाहन शक १९४४ 🚩

शुभकृत् नाम संवत्सर 🚩

तसेच गुढीपाडव्याच्या शुभेच्छा 💐💐

अमोल 📝

poetrymazi.blogspot.com

मानाच पान

 मानाचं पान 

जागतिक अमुक तमुक दिवसाच्या शृंखलेतील आजचा दिवस मानाचा आपलं पानाचा

होय ! आज ( २८ मार्च)' जागतिक पान दिवस'

खरं म्हणजे पाश्चिमात्य पद्धतीने खाण्याची पध्दत अवलंबून आपल्याला अनेक दशकं उलटली. अनेक समारंभ, पार्ट्या,कार्यक्रमातील जेवणातील खायचा क्रम म्हणजे स्टार्टर- मेन कोर्स - डेझर्ट . हे सोपस्कार झाल्यानंतर मात्र खरा खवय्यी मित्र ( बिल वगैरे देण्याच्या भानगडीत न पडता)  कुणाकुणाला कसले पान हवे हे विचारून बाहेर पानपट्टी गाठतो आणि रंगलेल्या खाद्य मैफिलीचा शेवट टिपिकल देशी पद्धतीने होतो ( परदेशात अशा पद्धतीने शेवट होतो की नाही याची कल्पना नाही )

'खाईके पान बनारस वाला' किंवा 'पान खाये सय्या हमारो' अशा हिंदी गाण्यातून भेटणारे पान, मराठी गाण्यात एकदम आठवणीत येत नाही.  अर्थात ' मेंदीच्या पानावर' हा संदर्भ इथे उचित नाही. 

राजा बढे यांनी लिहिलेली, श्रीनिवास खळे यांनी संगीतबध्द केलेली आणि सुलोचना चव्हाण यांनी गायलेली

 ' कळीदार कपूरी पान ' ही एक लावणी यानिमित्त्याने देत आहे

कळीदार कपूरी पान कोवळं छान केशरी चुना

रंगला काथ केवडा, वर्खाचा विडा घ्या हो मनरमणा

बारीक सुपारी निमचिकनी घालून

जायपत्री वेलची लवंग वरी दाबून

बांधले तसे या कुडीत पंचप्राण

घ्या रंगत करि मर्दुनी, चतुर्दशगुणी, सख्या सजणा

कमरेचा झुलता झोक नूर बिनधोक उरी मावेना

काजळी नजर छिनमिनी चांदणी रैना

छेडिता लालडी मुलाम तुमची गुलाम झाले सजणा

पायी पैंजण छ्न्नक छैना

अरे आजचे काय 'डिस्पॅच स्टेटस' ? २८ मार्च तारीख आहे माहित आहे ना? आजचा दिवस धरून फक्त ४ दिवस वर्ष संपायला.  का यंदा पण नेहमीसारख माझ्या *तोंडाला पाने पुसण्याचा* विचार आहे तुमचा?....

मंडळी इथंच थांबतो...

. ४ दिवस हेच वेगवेगळ्या शब्दात सायबाचे हे बोल ऐकायची तयारी करायचीय.

कामे पडली अनंत, वेळ मात्र मर्यादित

( पाने पुसली अनंत....           )

अमोल

२८ मार्च २२

घर दोघांचे, घरकुल आमदारांचे

 "चोराच्या मनात चांदणं" या चित्रपटासाठी श्री सुधीर मोघे यांनी लिहिलेले एक गाणे, आजच्या घटनेला कसे मस्त लागू पडतय बघा. (फक्त काही शब्द बदललेत)

विश्वास ठेवीला मी, विश्वास तू दिलास

जपलेस तू मला अन मीही तुझ्या मनास

एका क्षणात आपुल्या सुख साधले युगाचे

*घर दोघांचे, घरकुल आमदारांचे*🏠

वाटा कशा निराळ्या जणू एकरूप झाल्या

एका खुळ्या जगात त्याही खुळावलेल्या

जुळते अतूट नाते सत्ता- विरोधकांचे

*घर दोघांचे, घरकुल आमदारांचे*🏠

कधी भांडलोही थोडे ,थोडे दुरावलोही 

पण खूण त्या क्षणाची जपली मनात नाही

रुच(ज)ले कधी(च) बील,दोन्ही सभागृहांचे

*घर दोघांचे, घरकुल आमदारांचे*🏠

अमोल 📝

poetrymazi.blogspot.com

८३

 खरं म्हणजे ही घटना प्रत्यक्ष घडली तेंव्हा आम्ही ३ रीत होतो. ( आमच्या बँचचं एक बरंय. शाळेत कितवीत केंव्हा होतो हे लक्षात ठेवायला सोपं आहे. ८३ ला ३ री, ८५ ला ५ वी, ८९ ला ९ वी. सुदैवानं बेसिक पदवी शिक्षण होई  पर्यंत  हा क्रम ठेवण्यात आम्ही यशस्वी ठरलो 😷)

८३ साली म्हणजे आम्ही  ३ री त असताना भारताने क्रिकेटचा विश्व चषक जिंकला . त्यावेळी आम्हाला हे कितपत माहीत होते हे सांगता नाही येणार. अर्थात ही जाणीव व्हायला काही कालावधी जावा लागला.

 माध्यमिक शाळेत असताना मधल्या सुट्टीत साने या आमच्या शाळेजवळच राहणाऱ्या  मित्राच्या घरी जाऊन अनेक सामने बघितलेत ( कधी कधी तर पुढचे काही तास बंक करून तिथेच थांबायचो ) . ८३ च्या विश्वविजेत्या संघातील गावसकर,वेंगसरकर,अमरनाथ, वगैरे खेळाडूंची ओळख वाढायला लागली.खेळाची आवड निर्माण झाली. आमच्या शाळेच्या मैदानात मधल्या सुट्टीत तर हक्काने खेळ रंगला. सायकलचे चाक,  एखाद्या भिंतीवर विट घेऊन तीन स्टंप काढून,  किंवा काहीच नाही तर तीन दगडं ( अभासी स्टंप गृहीत धरून)  ठेऊन अनेक विक्रम अनेकांनी रचले. मोठ्या स्टेडिअम वर जाऊन सीझन चेंडू ने वगैरे खेळण्याइतपत मात्र माझी लेवल गेली नाही.

अर्थात पहिला क्रिकेट विश्वचषक भारताने जिंकला त्यावरचा " ८३" हा सिनेमा बघायची इच्छा होती. ती आज पूर्ण होणार आहे.

अवांतर :-

अगदी मनापासून सांगायचं तर हिंदी सिनेमा थेटरात जाऊन बघायला मला फारसं आवडत नाही. टिव्ही वर असंख्य जहिरातीच्या भडिमारात अधून मधून सिनेमा बघायाला मिळाला तरी मला हे जास्त सोईचे वाटते ( खिशाला न लागणारी कात्री हे खरे कारण) आणि आजकाल काही महिन्यातच असे सिनेमे टीव्हीवर लागतात 

टीव्हीवर लागल्यावर बघू की

या विचारसरणीचा आणखी एक विजय होणार आज  ✌🏻

#८३_🏏

अमोल 📝

२०/३/२२

रंगोत्सव

 रंगोत्सव - आठवणीतील गाणी 🌈🎨

आज सोसायटीत रंग खेळते राधी

गोपाळा, जरा जपून जा तुझ्या घरी

किंवा 

कृष्णे , उडवू नको रंग थांब, थांब ,थांब

अगदी बरोबर वाचताय. असे प्रसंग आजच्या काळात धुळवड/ रंगपंचमीला गावोगावी दिसून येतायत समस्त गोपाळां समवेत समस्त राधीका रंगांचा उत्सव साजरा करण्यात बरोबरीने पुढे आहेत. 

निसर्ग तर सर्वच ऋतूत कायमच 'रंगोत्सवात' दंग असतो. यातला खरा जादुगार  'आकाश'. 'नभाला बरोबर घेऊन वेगवेगळे प्रयोग नित्य चालू असतात.

बदलती नभाचे 'रंग' कसे?

क्षणात निळसर,क्षणात लालस,क्षण सोनेरी दिसे !

अशा बदलत्या नभाखालती

वसते अवनी सदा बदलती

कळी कालची आज टपोरे फूल होऊनिया हसे!

बदलती नभाचे 'रंग' कसे?

रोज सूर्योदयाला ;-

नवकिरणांचे दूत निघाले पूर्व दिशेहून नाचत नाचत

नवीन गाणी ओठावरती किलबिलते पक्षांची पंगत

सोनेरी स्वप्नांची झालर पहाटवा-यावरती विहरत

नवीन चेतना भरुन घ्यावी ज्याने त्याने हृदयागारी

उल्हासाचे 'रंग' भरले नभांतरी दशदिशांतरी

तर मंडळी तब्बल २ वर्षाच्या खंडानंतर आज हा रंगोत्सव * साजरा करायला मिळतोय. तेंव्हा

घुमवा लेझीम ढोल नगारा

आज नाचवू गावच सारा

सनई - पावा घुमवा सूर

संगीताला आणा पूर

टाळ्या झडवा द्या ठेका

रंग फेका रंग रे, रंग फेका 🎨

आणि मग

  "अवघा रंग एक " होऊ दे

आणि रंगी रंगू दे  श्रीरंग ( श्रीवल्ली)

शेवटी प्रत्येक सण ( क्षण) आपल्याला काय सांगतो  

नाही भेदाचे ते काम

पळोनी गेले क्रोध काम!

अवघा रंग एक झाला 

रंगोत्सवाच्या सर्वांना शुभेच्छा 🙏💐☺️

अमोल

poetrymazi.blogspot.com

धुळवड/ रंगपंचमी * २०२२ 📝

महिला दिन. कृत्तिका नक्षत्र

 फुलांचा सुंदर गुच्छ, कर्रेबाज पण कर्तृत्ववान

                     " कृत्तिका " 💐

            ( महिला दिन विशेष) 

आज ८ मार्च २०२२. आज कृत्तिका नक्षत्र आहे.  श्री प्र सु आंबेकर यांनी त्यांच्या 'नक्षत्र ज्योतिष' पुस्तकात कृत्तिका नक्षत्राची माहिती देताना हे वरचे वाक्य लिहिले आहे.

 या नक्षत्राच्या उत्पत्ती बद्दलची कथा ही त्यांनी दिली आहे.

थंडीचे दिवस,उत्तर ध्रुवाजवळील काळोख्या रात्रीचा प्रदेश. सप्तऋषी आपल्या प्रियपत्नींसह प्रवासास निघाले होते. मुक्कामाला पोहोचण्याची सर्वानाच घाई होती.पण कडाक्याच्या थंडी मुळे पाय मात्र उचलत नव्हते.प्रवास करता करता मंडळी 'अग्नी' या प्रखर ता-याजवळ आली. अग्नीची उष्णता गारठलेल्या मंडळीना फारच सुखावह वाटली. जरावेळाने सप्तऋषी इच्छित स्थळी जाण्यास निघाले पण वसिष्ठांची पत्नी 'अरुंधती' फक्त त्यांच्याबरोबर निघाली. इतर सहा ऋषीपत्नी मात्र अग्नीजवळच शेकत बसल्या. अग्नी पासून मिळणारी उब त्यांना सोडवेना.

या मागे राहिलेल्या ऋषीपत्नी म्हणजेच "कृत्तिका" होत.

कृत्तिका नक्षत्रावर जन्म असणाऱ्या स्त्रियांचे वर्णन पुढे असं केलंय: - स्वभाव मानी, रागीट,करारी जरा गर्विष्ठ असतो. कृत्तिकेचे सौंदर्य हे लवंगी मिरचीप्रमाणे तिखट सौंदर्य आहे.बोलणे फटकळ असते.तरीही या स्त्रीया महत्वाकांक्षी, पराक्रमी व कर्तृत्ववान असतात. 

आज आंतरराष्ट्रीय महिला दिन साजरा करताना अनेक महिल्यांच्या कर्तृत्वाच्या गोष्टी ऐकताना/ वाचताना असे वाटते की यांच्या पत्रिकेत एखादा ग्रह नक्कीच कृत्तिका नक्षत्रात असेल.  

शिल्पा शेट्टी,वैजयंतीमाला, विजयालक्ष्मी पंडीत,नलिनी जयवंत या काही प्रसिद्ध स्त्रियांचे जन्म नक्षत्र ' कृत्तिका ' हे आहे

आता थोडं वरच्या ऋषींच्या कथेकडे .  नव-याच्या आज्ञेत राहणारी ऋषीपत्नी आणि नव-याला बोलू न शकणारी  'आई कुठे काय करते ' मधील पण स्त्री ' अरुंधतीच? नावातील असा ही एक योगायोग 😬

 तर, सध्याच्या जीवनशैलीला अनुसरून 'कृत्तिकेचा' एखादा गुण तुमच्याकडे असू दे, याच समस्त स्त्री वर्गास आजच्या आंतरराष्ट्रीय महिला दिनानिमित्य शुभेच्छा 💐

अमोल केळकर 📝

poetrymazi.blogspot.com

०८/०३/२२

प्रासंगिक

 प्रासंगिक 📝

'झुंड' असो वा 'झोंबी'(वली)

एकाच नाण्याच्या बाजू दोन

बुध्दी दिलीय ना देवाने

मग स्वतंत्र विचार करणार कोण?

दोन्ही गोष्टी मिळून जेंव्हा

जाती/पातीला मिळतो सहारा

आपणच आपल्यावर मग

द्यायचा असतो पहारा

#

झुंडीत_पाहू_झोंबीत_राहू_करीत_जाऊ_द्वेष_साजरा

फाल्गुन शु तृतीया

५/३/२२

रात्रं दिन आम्हा

 अनेक वर्षे मार्केटिंग मधे काम करणाऱ्या आम्हाला ही परिस्थिती नवीन नाही

'कस्टमर' ( रशिया ) - timely shipments,  shipment quantity, गुणवत्ता,  ,पेमेंट क्रेडीट, ट्रान्सपोर्टर इ इ मिसाईल्स 🚀

मॅनेजमेंट ( NATO) - घ्या रे आँर्डर आम्ही आहोत. करु व्यवस्थित सगळं,   

सेल्स मॅन ( युक्रेन)  - नाही साहेब बघताय ना परिस्थिती,  लाॅकडाऊन,  सुट्या,  पेट्रोल-डिझेलचे वाढलेले भाव, युध्द, पुढल्यावेळेला आधीच देतो साहेब, बस का साहेब !आत्तापर्यंत असं झालं का? , लागून सुट्ट्या आल्या ना, सर्व्हर डाऊन होता ना, दोन दिवस SAP प्राँब्लेम होता, अहो शनिवारीच मी डिओ ( DO) देऊन ठेवलेला तुमच्या माणसानं घेतला नाही तर आम्ही काय करणार ?, थोडं तरी पेमेंट करा ना मग मॅनेजमेंट ला सांगता येईल,  नक्की साहेब, होय साहेब, राॅ मटेरियल किती वाढलय बघताय ना? आम्ही मार्जीन काहीच ठेवले नाही आहे यावेळेला सर,  ट्रान्सपोर्ट चा स्ट्राईक नव्हता का? डाॅलर चा रेट बघा की साहेब, तुम्ही काळजी करु नका आम्ही तुमच्या सोबत आहोत, तुम्हीच तर आमचे टाॅप कस्टमर आहात की

साहेब, मार्च महिना आलाय शेवटचा महिना, नवीन 'परचेस आँर्डर ' ( PO) उद्या पर्यंत पाठवाल ना? मी प्रोसेस चालू करतोय, याच महिन्यात शिप करतो.

टार्गेटच्या जरा जवळ तरी जाऊ 

काय पण होऊ दे 'झुकेगा नही' अँडीट्युड असणाऱ्या आणि ' इयर एन्ड टार्गेट' साठी रात्रंदिन आम्हा युद्धाचा प्रसंग या परिस्थितीतून जाणाऱ्या सर्व लेवल वरच्या सेल्समॅन/ सेल्स गर्ल्सना समर्पित  👩🏼‍💼👨🏻‍💼🙏💐

( साधा विक्रेता )  अमोल 📝🏃🏻‍♂️

poetrymazi.blogspot.com

पोळीचा मामला

 पोळी- पुराण 📝 ( प्रासंगिक *- मनोरंजन) 🫓

( मुळ गाणे:- चोरीचा मामला, मामा ही थांबला) 

पोळीचा मामला,मामु ही थांबला

प्रेमानं घास खाती

होय त्यांची मैना, उडवते दैना

या ' किचन कट्ट्यावरती' 

डाळ सारी घेतली, वाटूनही काढली

तुम्ही माझ्या 'कटाचे ' साथी

थोडा वेळ बसा, तोंड बंद ठेवा 

या पस्तीस पोळ्यां साठी 

( ये ना मामी, तू गा ना ... )

तूप अशी तू, ठेवू नको

पोळी अरधी घालू नको

पोट उपाशी, भूक लागली

कसला हा सुटलाय वारा 🤧

जास्त जिवाला खाऊ नको

ध्यास असा हा घेऊ नको

गडी व-हाडी उभा टाके हा

खर्ड्याचा लागे ठसका

( ये ना मामी, तू गा ना ... )

पोळीचा मामला,मामु ही थांबला

प्रेमानं घास खाती

होय त्यांची मैना, उडवते दैना

या ' किचन कट्ट्यावरती' 

१८/०२/२२

poetrymazi.blogspot.com

झुकेगा नही.. साला

 ' झुकेगा नही  .. साला ...... ' 🙅‍♂️

' दुनीया झुकती  है , झुकानेवाला चाहिये' या डायलॉग ला काउंटर  अँटेक  केलेला एक  डायलॉग सध्या सगळीकडे धुमाकूळ घालत आहे तो  म्हणजे  ' झुकेगा नही  .. साला '. हे वाक्य  माणसाचा अँटिट्यूड दर्शवतो.  राशी स्वभावानुसार सिंह रास किंवा लग्नी रवी, मंगळ  असणा-या व्यक्ती सर्वसाधारणपणे  अशा स्वभावाच्या असण्याची शक्यता जास्त असते. 

सर्वपक्षीय भ्रष्ट राजकारणी नेते, कार्यकर्ते किंवा गुंड  लोकांनी हे वाक्य उचलून धरले नसते तर नवल पण तुमच्या आमच्या मध्ये ही असा attitude  दाखवणारे सहज भेटतील. सध्या अशी कॉमन जागा म्हणजे कुठलाही ' काय अप्पा ' समूह . इकडच्या तिकडच्या ढकली मेसेज वरून, ऐकीव माहिती, चार न्यूज चॅनेलवरून घेतलेल्या माहितीवर कुठलाही अभ्यास न करता  एकाद्या मुद्यावर व्यक्त होताना  त्यांचा आवेश

 ' झुकेगा नाही ... साला ' असाच असतो . मला वाटत अशा लोकांना खालील  काही गाणी 👇🏻अशी ऐकू आली असणार

' झुकाना  भी नाही आता , 

झुक जाना नाही तू काही हार के , 

झुक झुक के न देख झुक झुक के 

गब्बरसिंह ये कहके गया , जो झुक गया, वो मर गया 

'मुलाचे पाय पाळण्यात दिसतात'  त्याप्रमाणे अशा व्यक्ती तुम्ही शाळेत वर्गात असतानाच ओळखल्या पाहिजे होत्या. एक तास संपून  दुसरे  शिक्षक येईपर्यतच्या कालावधीत साधारण सर्वच  दंगा करतात पण नवीन सर येऊन  पुढचा वर्ग सुरु झाल्यावरही  दंगा सुरु ठेवणारे  आणि  सरांनी वर्गाबाहेर कोंबडा करून उभे केल्यावरही मनातल्या मनात  ' झुकेगा नाही साला ...  अशी समजूत करुन घेणारे ते हेच 😷

 या शब्दाचा भावार्थ ' नमतं न घेणे ' असा बरोबर वाटतो. पण कितीही झुकेगा नाही असा attitude  असणारे  लहानपणी  लपंडाव वगैरे खेळताना झुकून कुठे कुठे लपलेत, त्यांची  मुलं -बाळं  लहान असताना  स्वत: झुकून घोडा झालेत आणि अजूनही  बायकोसमोर ... राहू दे  जास्त व्यय्यक्तिक   नको. ☺️

पण हा शब्द प्रयोग प्रत्यक्षात आचरणात आणलेल्या   आणि परकीय आक्रमणापुढे खंबीर उभे राहणा-या राजे, महाराजे, स्वातंत्र्यसैनिक आणि त्याचा वारसा पुढे चालवणारे आपले शूर जवान यांच्यामुळे आज आपले जीवन सुसह्य आहे यात शंका नाही 🙏

बरं , मी काय म्हणतो, ' झुकेगा  नही .. ' वाल्यांनी एकदा नमतं घेऊन बघायला काय हरकत आहे ???

अहो तो  फ्रान्स मधला तो टॉवर  पण झुकलाय, तुम्हाला काय झालं ओ  न झुकायला ??? 🤷‍♂️

निसर्ग ही वेळोवेळी झुकतो जसे 

" वो झुक गया आसमान भी '   तेव्हा  कुठं  ' इष्क नया रंग लाया ' 🌈

 कधी कधी #झुकना_अच्छा_है 🙋🏻‍♂️

( लवचिक ) अमोल  🙇🏻‍♂️

माघ पौर्णिमा 

१६/२/२२

टीप : किती पण लिही चुकूनही ( झुकूनही ) लाईक देणार नाही  यावर ठाम असणा-या सर्व प्रिय मित्र मैत्रिणीना सदर लेखन  समर्पित 😝

मिर्च्ची रेडिओ

 दादर पूर्व आणि दादर पश्चिम जोडणारा परळ/ प्रभादेवी बाजूचा पादचारी पूल,  तसेच त्या पूलापासुन कबुतरखाना आणि पूर्वेला पनवेलचा बस स्टाँप एवढा विस्तृत आमचा माॅल होता. इथल्या खरेदीची मजा त्रिखंडात नाही. अँमेझाँन वगैरे हे आत्ताचे लाड. खरेदीसाठी दादरला जाणे किंवा कामासाठी दादर ला गेल्यावर या 'ओपन टू स्काय ' माॅल मधील खरेदी न होणे म्हणजे फाँल समजायचा

तर साधारण १५-२० वर्षापूर्वी जेंव्हा एवढा ' मोबाईल स्मार्ट नव्हता ' किंवा फक्त संपर्कासाठी ज्याचा उपयोग व्हायचा त्याकाळात या आमच्या ओपन माॅल मधे एक मिरची सारखे उपकरण आले होते. आणि अल्पावधीत ते भयंकर लोकप्रिय झाले होते.

त्या मिरची सारख्या उपकरणात दोन तिन बटणे, अँटेना ,कानात घालायला हेडफोन आणि दोन पेन सेल

एकेकाळी मुंबई मार्केट मधे अधिराज्य केलेला हाच तो ' मिर्ची रेडीओ'

सुरवातीला १५० ते २०० रु पर्यत मिळणारा हा रेडिओ नंतर नंतर सर्रास १०० रु मिळाला लागला आणि खास घासाघीस करुन अगदी ८० पर्यत

असा हा रेडिओ खिशाला पेनासारखा अडकवून रस्त्यावर फिरणे ही एक क्रेझ होती

मात्र ही मिरची घालून बस किंवा रेल्वेत बसलं की तिने मान टाकलीच समजायचं

चायनात पिकलेली ही मिरची वाशी खाडी पूल ओलांडे पर्यत जरी टिकली तरी पैसे वसूल असे वाटायचे

आज १३ फेब्रुवारी  , विश्व रेडिओ दिवसा निमित्य या  'तिखट ठरलेल्या मिर्च्ची रेडिओची ' एक आठवण

(📻) अमोल 📝

माघ.शु द्वादशी

१३/२/२२

ग्रहांकीत प्रेम

 

पाडगावकरांची माफी मागून सादर करतोय

 'ग्रहांकीत प्रेम ' 📝❣️

प्रेम म्हणजे प्रेम म्हणजे प्रेम असतं

तुमच्या आमच्या पत्रिकेत अगदी सेम नसतं

काय म्हणता?

या ओळी चिल्लर वाटतात?

काव्याच्या दृष्टीने अगदी थिल्लर वाटतात?

असल्या तर असू दे

फसल्या तर फसु दे

तरीसुद्धा 

प्रेम म्हणजे प्रेम म्हणजे प्रेम असतं

तुमच्या आमच्या पत्रिकेत अगदी सेम नसतं 💕

पंचमातील शुक्राकडून 

प्रेम करता येतं

सप्तमातील 'राहू' कडून

आंतरजातीय होता येतं

घरचा विरोध पत्करून

गुरुजींना धरता येतं

'गुण-मिलन' न करता ही 3️⃣6️⃣

पळून जाता येतं 

म्हणूनच म्हणतो, -

प्रेम म्हणजे प्रेम म्हणजे प्रेम असतं

तुमच्या आमच्या पत्रिकेत अगदी सेम नसतं 💞

जसं डोक्यात राग घातलेल्या 'मेषेच' असतं

तसंच डंख मारणाऱ्या ' वृश्चिकेचं ' असतं

या राशी आपल्या मानणा-या मंगळालाही 

प्रेमाचं मर्म चांगलच माहित असतं 

प्रेम म्हणजे प्रेम म्हणजे प्रेम असतं

तुमच्या आमच्या पत्रिकेत अगदी सेम नसतं 💕

नटण्या मुरणा-या ' वृषभेला '

समतोल 'तुळेची ' साथ असते

राशी स्वामी 'शुक्राचे' मात्र

'शनिशी ' अधेमधे नाते तुटते

'प्रजापती' ची उलटी भूमिका

पालकांना अधून मधून डसत असते 

( जरा बघता का हो पत्रिका म्हणत

ज्योतिषाकडे त्यांची विनंती असते) 

त्यांनाही परत तेच सांगतो...

प्रेम म्हणजे प्रेम म्हणजे प्रेम असतं

तुमच्या आमच्या पत्रिकेत अगदी सेम नसतं ❤‍🔥

असाच एक जण चक्क मला म्हणाला,

आम्ही कधी पत्रिकेच्या 

मागे लागलो नाही

दोन मुलं झाली तरी

त्यांचीही पत्रिका काढली नाही

आमचं काही नडलं का?

पत्रिकेशिवाय अडलं का?

त्याला वाटलं मला पटलं!

तेंव्हा मी इतकचं म्हणलं 

कर्म कर्म कर्म म्हणजे कर्म असतं

ते ही सगळ्यांच्या पत्रिकेत सेम नसतं 💘

(पंचमेश)  अमोल 📝

माघ. शु. एकादशी

१२/०२/२२

poetrymazi.blogspot.in

श्रध्दांजली

 ग्रहांच्या उच्च - निच राशी असतात तसा काहीसा प्रकार स्वरांचा ही असावा. 

म्हणजे स्वर एकच पण तो काहींच्या गळ्यातून येताना उच्च होतो तर काहींच्या गळ्यातून येताना नीच होतो.

पण एक गळा, ज्यातून उमटणारे स्वर हे कायमच उच्च, वर्गोत्तम होऊन

ल - य

ता- ल 

यांचा अलौकिक सोहळा बनायचे .

आज ते स्वर , संगीत विश्व  पोरके झाले.

 श्रध्दांजली 🙏🙏

अमोल केळकर 📝

#लता_मंगेशकर

मुंबई _लोकल_नवीन_जहिरात ( प्रासंगिक)

 मुंबई _लोकल_नवीन_जहिरात *

 ( प्रासंगिक )

फलाटाची उंची, लोकलचे पायदान

काळजी घ्या किंचीत

३% घटस्फोटापासून मग

कायमचे रहा  वंचित

वसंत पंचमी 📝

५/२/२२

#पळती लोकल पकडू या, मामींचे फंडे ऐकू या 😷

रेश्माच्या बाबांनी

 सरकारच्या या निर्णयावर मात्र अनेक भाविकांकडून स्वागतच झाले असल्याचे  एकंदर चित्र सोशल मिडियावर दिसते आहे🍷*

मग आमच्या रेश्माचे बाबा कसे मागे राहतील?

( प्रासंगिक 📝 * )

रेश्माच्या बांबानी, 'लाल पांढ-या' वाईननी

आठवडी बाजार हा आणिला

उगा नका पाहू त्यांच्या यादीला 

नवी कोरी यादी लाख-मोलाची

पाहिली ती रांग पुढे जाण्याची

घुसले बंडू नाना, मित्रवर्ग जोडीला 

उगा नका पाहू त्यांच्या यादीला 

जात होते सारे सारे तो-यात

शुक्र-मंगळाच्या त्या हो-यात

कुणी चकण्याला, डाळ-शेव घेतीला

उगा नका पाहू त्यांच्या यादीला

भीड नका ठेऊ, आल्यागेल्याची

मिरवा ओझी दहा पिशव्यांची

कुणी काही म्हणू  (दे) तुमच्या खरेदीला (खोडीला)

उगा नका पाहू त्यांच्या यादीला

( प्रासंगिक)  अमोल 

सोमवती पौष अमावास्या

३१/०१/२०२२

सांत्वन

 सांत्वन

काल एक आमचा मित्र गेला. वर्गमित्र नव्हता पण आम्ही एका शाळेत होतो. एक दोन वर्ष लहान असेल  पण शाळेला एकत्र जाणे,  कौटुंबिक परिचय, सुट्टीत एकत्र खेळणे, कालांतराने त्याचे शिक्षणासाठी आणि आमची नोकरी निमित्य एका गावी येणे,  आणि मध्यंतरी सुटलेला संपर्क परत सोशल मिडियामुळे प्रस्थापित होणे,  विविध राजकीय - सामाजीक आणि धार्मिक गोष्टीत सहभागाने परत एकदा ऋणानुबंध तयार होणे हे आजकाल सर्रास आढळणा-या चक्रातून आमचा ही झालेला प्रवास

आणि काल सोशल मिडियावरच त्याच्याबद्दल कळलेली बातमी. वयाच्या ४३-४४ मधे तो गेला. केवढा प्रचंड आघात त्याच्या कुटुंबीयांवर झाला असेल. नात्यानुसार जवळच्या व्यक्तीला सावरायला वेळ लागेल. सोशल मिडियापासून ते प्रत्यक्ष घरी जाऊन अनेक जण मानसिक आधार देतील, सांत्वन करतील, आणि कालचक्र पुढे जात राहील

सर्वसाधारण घडणारी ही गोष्ट . पण यात एक महत्वाची व्यक्ती दूर राहते आणि माझ्या मते त्या व्यक्तीला ही आधाराची गरज असते ती व्यक्ती म्हणजे गेलेल्याचा जवळचा मित्र. त्या जवळच्या मित्राचा कदाचित कुटुंबातील सदस्यांशी  जवळीक नसते पण ते एकमेकांचे अगदी खास दोस्त आहेत अशी ख्याती मित्र परिवारात असते. तेंव्हा अशा मित्राला ही आधार देणे, त्याला बोलते करणे, त्याच्यावरचा ताण कमी करणे हे इतर मित्रांना नक्की करण्यासारखे आहे.

काहीही असो पण अशा घटनांना इथूनपुढे आपल्याला सगळ्यांनाच सामोरे जावे लागणार आहे.

'जन काय, पळभर म्हणतील हाय हाय!

अमोल 

२३/१/२२

शेंदूर लेपन

 सध्या अनेक देवदेवतांचे आँन- लाईन दर्शन, सकाळ- संध्याकाळ आरतीची सोय त्या त्या देवस्थानने करुन दिली आहे. अनेक भाविक अशाप्रकारे दर्शनाचा लाभ घेतच असतात

प्रभादेवीच्या सिद्धीविनायकाला पूर्वी महिन्यातून एकदा जायचोच पण गेली २ वर्ष हे शक्य होत नाही आहे. पण  देवस्थानने करुन दिलेल्या सोईने दर्शन घेणे मात्र सहज साध्य झाले आहे. 

असेच दर्शन घेतानाचा हा कालचा फोटो. नियमित दर्शन न  घेणाऱ्यांना हा सिद्धीविनायक थोडा वेगळा वाटेल. होय ते बरोबरच आहे कारण ही धातूची मूर्ती काही दिवसासाठी दर्शनाला ठेवतात . मग मुळ मूर्ती?

तर साधारण गणेश जयंतीच्या आधी मुळ मूर्ती जी गाभाऱ्यात आहे तीला शेंदूर लेपन करतात आणि तोपर्यत मुळ गाभाऱ्याचे दार बंद करुन ही उत्सव मूर्ती भाविकांसाठी दर्शनाला ठेवतात.

थोडंसं वैचारिक. आपलं दैवत ही छान दिसावं, त्याच्याकडे पाहून मन प्रसन्न व्हावं, आनंद वाटावा म्हणून दरवर्षी मूर्तीला अपडेट करतो आपण. 

असं आपण ही अपडेट व्हायला काय हरकत आहे? 

आपल्या अवतीभवती अशी अपडेट करुन देणारी जी 'सौंदर्य मंदिरे' आहेत आणि तिथून बाहेर पडणारी आपली आजी/आई/बायको/ बहिण/ मुलगी/पुतणी/भाच्ची /काकू/मावशी/आत्या/वहिनी आणि हो 'मैत्रीणी'  पण जेंव्हा 'ब्यूटी' 'फूल ' होऊन येतात तेंव्हा त्यांचा नक्की आदर करा हेच यानिमित्याने  सांगणे ☺️

शुभ रविवार 📝

पौष शु. चतुर्दशी

१६/०१/२२ 

www.poetrymazi.blogspot.com

मंगळवारची पहाट

 मंगळवारची पहाट . सिध्दिविनायक मंदिरात दर्शनाला  जाण्यासाठी पहिली लोकल पकडून दादरला उतरलो आणि टिळक ब्रीजच्या बाजूने प्लाझाकडे चाललो. रात्री दुतर्फा रस्त्यावर ठिकठिकाणी लागलेल्या शेकोट्या अजूनही धुमसत होत्या. 

पहाटेच्या धुक्यात मंद दिसणारे दोन दिवे हे शेअर टँक्सी चे असू देत अशी मनोमन प्रार्थना केली आणि तसेच घडले.

खच्चून भरलेल्या टँक्सीत फूल हिटर लावल्यानंतरही घामाचा एक ही बिंदू न येता प्रभादेवीला उतरून दर्शन रांगेतून पुण्याच्या सारसबागेतील स्वेटर मधे असलेल्या गणपतीप्रमाणेच प्रभादेवीच्या बाप्पाला बघताना मन प्रसन्न झाले. कुडकुडत कुडकुडत त्याही अवस्थेत उंदीर मामाच्या कानात इच्छा व्यक्त केली की बाप्पाला सांग पूर्वीचे 'घामाचे'( अन कामाचे) दिवस लवकर आण रे देवा'

दर्शन घेऊन परत दादरला आल्यावर छबिलदासच्या दुकानात गरमगरम वडा पाव बरोबरच शेगडीवरची कणसं विकली जात होती. प्रसादाचे कणीस घेऊन स्टेशन कडे निघालो 

दादर स्टेशनच्या फलाट नं १ वर टिटवाळा स्लो पकडून खिडकी कडे झेप घेतली आणि थबकलो. चक्क बर्फ बिंदू जमा झाले होते. हाताचा स्पर्श करुन तो बर्फ थोडा ओंजळीत घेण्यासाठी हातातील ग्लोज काढले तोवर शीव स्टेशन आले होते आणि ओळखीच्या आवाजात उद्घोषणा होत होती

शीव,  शीव , शीव. वर्क फाॅर्म होम म्हणत सूर्य डोक्यावर येईपर्यंत एवढी ताणून द्यायची?  त्यात काय थंडीची फूस. आम्हाला नाही वाटत आराम करावा? पण आहे का सूट  #@*&&

आणी गाडी जी सुसाट सुटली.. .की विचारु नका 😷

 

( गारठलेला ,आजच्या पुरता WFH वाला)  अमोल 📝

११/१/२२

रामदास कामत

 रामदास कामतजी,  

भावपूर्ण श्रध्दांजली 🙏

"प्रथम तुज ऐकता, जीव वेडावला"

 नाट्यगीतांची आवड निर्माण व्हायला अर्थातच तुमच्या स्वरांचा मोठा वाटा होता .

देवा तुझा मी सोनार

नको विसरू संकेत मिलनाचा

हे आदिमा  हे अंतिमा

बहुत दिन नच भेटलो सुंदरीला

प्रेम वरदान स्मर सदा

ही काही गाणी तुमच्या आवाजात ऐकणे हा सुखसोहळा असायचा

अर्थात शेवटी

' देवाघरचे ज्ञात कुणाला '?

तरीही नाट्यसंगीत आणि रामदासजी कामत ही केमिस्ट्री कायम लक्षात राहील अगदी

'विश्व'नाट्य' सूत्रधार,तूच श्यामसुंदरा'

 या ओळींप्रमाणे

म्हणूनच म्हणावेसे वाटते

' चिरंजीव राहो जगी नाम रामा' 

🙏🙏

📝 ९/०१/२२

poetrymazi.blogspot.com