६६ वी कला 🗣️
मंडळी नमस्कार 🙏🏻
मध्यतंरी एका लेख ६५ व्या कलेवर म्हणजेच 'जहिरात' कलेवर लिहिला होता. त्यात ६६ व्या कलेबद्दल ओझरता उल्लेख केलेला. तर आज या लेखात या ६६ व्या कलेबद्दल विचार....
मंडळी, एखादा अभिनेता एखादी विशिष्ठ भूमिका करत असताना त्या भूमिकेचा खूप अभ्यास करतो असे आपण ब-याचदा ऐकतो. म्हणजे बघा एखादा अभिनेता/ अभिनेत्री अंध व्यक्तीची भूमिका करतीय तर आपली भूमिका अधिक कसदार होण्यासाठी तो नट ( नटी) अंध व्यक्तीला / त्या संबधीत संस्थेला वेळोवेळी भेट देतो. जेणेकरून त्याचा अभिनय वास्तव होईल . तर हा लेख लिहिण्यासाठी आम्हीही अशी विशेष तयारी गेले काही महिने ( का वर्ष ???? ) करत होतो. अरे, लेखकाला ही जर वाटले आपण अधूनमधून भूमिकेत शिरून बघू , बिघडले कुठे ?
तर ज्या ६६ व्या कलेची गेले काही महिने आम्ही उपासना केली , वेगवेगळ्या ठिकाणी त्याचा प्रयोग करून बघितला त्या कलेचे नाव आहे
" भांडण कला " 🗣️🗣️🗣️
तर,अरे हा असा का वागतोय ? का मागच्या घटना मुद्दाम उरकून काढतोय ? का शब्दाला शब्द वाढवतोय ? का अशा प्रतिक्रिया देतोय ? अरे यांच्याशी पण वाद घालतोय , त्याच्याशी / तिच्याशी वाद घालतोय ? काय झालय काय याला ?
आत्ता पर्यत माझ्या बाबतीत ज्यांना हे सगळे प्रश्न पडले होते त्यांना माझे हेच उत्तर की जरा
' भूमिकेत ' जाऊन प्रत्यक्ष अनुभव घ्यायचा होता 🙈
मंडळी मस्त अनुभव आला . म्हणजे एवढा की त्या '६६ सदाशिव पेठ ' सिनेमात मोहन जोशी जसे भाडणं करायचे क्लास घेतात तसे आता अगदी त्यांचा एवढा प्रोफेशनल नाही पण नक्कीच अगदी झूम , मीट वगैरे वर क्लास घेऊ शकतो 😁 .
भांडणाचे पण थर आहेत बर का , मोबाईल गेम मध्ये जसे लेव्हल असतात तसे. तुमच्यातील चार्जिंग नुसार एकेक लेव्हल पुढे जात राहायचे
भाडणं ही एक नैसर्गीक प्रक्रिया आहे. लग्नी मंगळ पत्रिकेत असेल ( हो ६५ वी कला, मी पत्रिका बघतो 😷 ) आणि त्यात ही मेष , सिंह राशीत असेल तर त्या व्यक्ती भांडणात नमते घेत नाहीत असा साधारण अनुभव . या भांडणा बाबत एके ठिकाणी खूप छान वाचलंय ' दोन व्यक्ती जेव्हा जेव्हा भांडतात , तेव्हा तेव्हा मोठ्याने बोलतात कारण ते दोघे एकमेकांपासून मनाने ( हृदयाने ) दूर गेलेले असतात आणि दूर गेलेल्या व्यक्ती पर्यत पोहोचण्यासाठी मोठ्याने बोलावे लागते '.
घरगुती भाडणं, लहान मुलांची भाडणं , सोसायटी मिटींग मधील भाडणं , बस/ ट्रेन मध्ये सीट / धक्का लागण्यावरून होणारी भाडणं , कामगार/मॅनेजमेंट भांडणं, गाव - देश - राज्य पातळीवरील भाडणं , सीमावाद , पाणीवाद , जातीय वाद , जागतिक पातळीवरील भाडणं असे अनेक प्रकार आपण पहातो. आता ही भाडणं सोशल मीडियावरून अगदी आपल्या हातात आली आहेत ती म्हणजे राजकीय भाडणं.
कुठला तो पक्ष / राजकीय नेता, तुम्ही त्याच्या खिजणीत ही नसताना , तावातावाने त्याच्यासाठी भांडणारी जमात ' भांडणाला ' वेगळ्या उंचीवर नेऊन ठेवते हे नक्की 😀
एक गोष्ट मात्र नक्की मंडळी , वैचारिक मतभेद असावेत, ते व्यक्त ही करावेत पण त्या भांडणाचे पर्यावसन कुणा व्यक्तीचा कायमचा द्वेष करणे / सूड भावने पर्यत न जाऊ देणे हे महत्वाचे. हे ज्याला जमले तो या ६६ व्या कलेचा खरा उपासक म्हणता येईल 😊
म्हणून आज ही अगदी व्हाट्सअप ग्रुप वर तावातावाने एकाद्या मुद्यावर भांडून अगदी दुस-या मिनिटाला त्याच मित्राशी / व्यक्तीशी व्ययक्तिक फोन करून सहज चौकशी किंवा इतर महत्वाच्या कामाबद्दल बोलण्यात आम्हाला काहीही कमीपणा वाटत नाही . आणि या लेवल ला जो पोचला तो खरा
' भाडणं ' योगी ☺️
चला ( जरासच ) भांडू या 🤗
( लग्नी मंगळ नसला तरी६६ व्या कलेचा भोक्ता ) अंमोल📝
( विशेष टीप : लाॅकडाऊन मध्ये जर आपणा कडे भांडी घासायचे काम असेल तर हा लेख वाचून भांड्यावर राग काढू नये. मनाला पोचा आला तर आम्ही जबाबदार, भांड्याला आला तर आम्ही जबाबदार नाही 😉 )
