नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Sunday, September 27, 2020

भेट यांची त्यांची घडते...


 नुकत्याच झालेल्या "ग्रेट भेटीला" समर्पित 


भेट यांची त्यांची घडते, कालच्या दिसाची

वाट ब्रेकिंगला मिळते,न्यूज भूकंपाची

भेट यांची त्यांची घडते...


क्षुद्र 'पाॅलिटि्कसची' खोटी झुगारून नीती

बिहारला सोडून आली अशी तुझी प्रिती

कुणा मुळी जाणीव नव्हती,अशा सामन्याची

वाट ब्रेकिंगला मिळते,न्यूज भूकंपाची


भेट यांची त्यांची घडते..


निवडणूका आधीच्या शपथा, अर्धा अर्धा श्वास

स्वप्नावत 'खुर्ची ' दिसावी, असे सर्व भास

जनतेला तर भोवळ आली,मधूर मिलनाची

वाट ब्रेकिंगला मिळते,न्यूज भूकंपाची..


भेट यांची त्यांची घडते.


प्रश्ण तसे ठरले होते, उत्तरे मिळाली

हयातीत गुप्तपणे बैठक अशी झाली

आपुल्याच माथी वर्णी, त्या मुलाखतीची

वाट ब्रेकिंगला मिळते,न्यूज भूकंपाची..


भेट यांची त्यांची घडते.🏹🌷


📝२७/९/२०२०

poetrymazi.blogspot.in

Thursday, September 17, 2020

खोडी माझी काढाल तर.


 * काल्पनिक, मनोरंजन हा हेतू 


( चाल : खोडी माझी  काढाल तर :- ) 🙅🏼‍♀️


खोडी माझी काढाल तर , अशी देईन फाईट 

घटके मध्ये जिरुन जाईल, "बाॅलीवूडची" ऐट 


खोडी माझी काढाल तर. . . . .🙅🏼‍♀️ 


'घरावरती' याल तर असा मारीन ठोसा 

'हातामध्ये' 'कंगन' घालून रडत बसा 

 

खोडी माझी काढाल तर. . . . .🙅🏼‍♀️ 


'  भक्त सारे ' माझे भाऊ , प्रसंग मोठा बाका 

पार्टीमध्ये कोण कोण होते,  विचारुच नका 


खोडी माझी काढाल तर. . . . .🙅🏼‍♀️ 


"ट्विट" माझे  पहा कसे ढोल बड-विते

"डायलाॅग" मधे ताकत आहे मी कुणाला भिते


खोडी माझी काढाल तर. . . . .🙅🏼‍♀️ 


📝१८/९/२०२०

(अमोल)

Friday, September 11, 2020

जग हे 'नाॅटी' बाळा


 टवाळखोरी 📝

( मुळ गाणे: जग हे बंदिशाला)

जग हे 'नाॅटी' बाळा, जग हे 'नाॅटी' बाळा

कुणी न इथे भला चांगला

जो तो 'शब्द' चुकलेला.


ज्याची त्याला प्यारी झोपडी

चाहते अन सखे सवंगडी

अधिकृत, अनधिकृत बेडी

प्रिय हो ज्याची त्याला


जग हे 'नाॅटी' बाळा, जग हे 'नाॅटी' बाळा


जो तो आपुल्या 'पक्षी' जखडे

नजर न जाई 'सत्ते'पलिकडे

मिडीयातले 'गुप्त' सरडे

लपूनी करिती लिला


जग हे 'नाॅटी' बाळा, जग हे 'नाॅटी' बाळा


कुणा न माहित 'शब्द-छल' ते

कुठून स्फुरले नच स्मरते

'टवाळखोरी'स जन घाबरते

जो वाचे तो खपला.


जग हे 'नाॅटी' बाळा, जग हे 'नाॅटी' बाळा


📝अमोल

( टवाळखोरी)

Thursday, September 10, 2020

राजकारणावर बोलू काही


 संदीप खरेंची माफी मागून 


जरा चुकीचे जरा बरोबर बोलू काही

चला दोस्त हो 'राजकारणावर' बोलू काही


उगाच दाखले 'अस्मितेचे'  देत रहा तू

फिरेल जेंव्हा 'बुलडोझर' तर बोलू काही

चला दोस्त हो 'राजकारणावर' बोलू काही…


'सामना' पाहून पारावर कुजबुजला पो-या

'वाट लागू दे' त्याची नंतर बोलू काही

चला दोस्त हो 'राजकारणावर' बोलू काही…


हवे हवेसे 'अच्छे दिन' जर हवेच आहे

नको नकोसे ' बुरे टोमणे' टाळू काही

चला दोस्त हो 'राजकारणावर' बोलू काही…


निवडणूकीची किती काळजी बघ पक्षातून

जेंव्हा येईल तेंव्हाच नंतर बोलू काही

चला दोस्त हो 'राजकारणावर' बोलू काही…


'मिडीया' असुदे हातामध्ये काठी म्हणुनी

'न्यूज' आंधळी 'ब्रेकींग' गडबड  बोलू काही

चला दोस्त हो 'राजकारणावर' बोलू काही…


📝अमोल 

१०/०९/२०

******

Related Posts Plugin for WordPress, Blogger...