लिटिल चँम्पचे परिक्षण, किती किती छान

 https://youtu.be/AnIzmourMaA

' लिटिल चॅम्प' परीक्षक बनले आणि  उलट्या सुलट्या प्रतिक्रिया / मिम्स/ निबंध वाचायला मिळाले.

आपण तर वाहत्या गंगेत नेहमीच हात धुऊन घेतो 😷😉

* मनोरंजन हेतू

मुळ गाणे: लिंक मधे

छान छान छान लिटिल चँम्पचे परिक्षण किती किती छान *

इवलिशी जिवणी अन इवलेसे दात

चुटुचुटु बोलती, करुन प्रतिक्रिया पाठ

भावी लिटिल चँम्प देती, याना आता मान

छान छान छान लिटिल चँम्पचे परिक्षण, किती किती छान 👌🏻

इवल्याश्या गाण्यामधे, मोठे मोठे बोलू

सोशल प्रतिक्रिया अन मिम्स आम्ही झेलू

लिटिल लिटिल स्पर्धेक झाले  जवान

छान छान छान लिटिल चँम्पचे परिक्षण, किती किती छान 📝

झाली झाली वेळ चँनेल आता लावू

गाण्यांची मज्जा सारी घरातूनी घेऊ

एकरूप झाले सारे विसरुनी भान

छान छान छान लिटिल चँम्पचे परिक्षण, किती किती छान ☺️

( त्यातही मुग्धाचा चाहता) अमोल

जेष्ठ. कृ. पंचमी

२९ जून २१

वाटेवर वाझे

 ( * राजकीय विडंबन, ज्यांना राजकारणाची `अँलर्जी आहे त्यांनी दुर्लक्ष करावे, मनोरंजन हा हेतू असला तरी 😝)

मुळ गाणे : कवी अनिल, संगीतकार यशवंत देव https://youtu.be/JTryvwRnLMc)

* वाटेवर वाझे, मोजीत चाललो

वाटले जसे चिखलात आत रुतलो

विसरुनी शपथ  कधी, एक हात सोडूनी मधी

आपुलीच साथ कधी करित चाललो.

आधिचा प्रसाद घेत, पुढची ऐकीत साद

नादातच शीळ वाजवीत चाललो

चुकली सत्येची चाल, लागला जीवास बोल

ढळलेला तोल सावरीत चाललो

खांद्यावर बाळगिले ओझे पहाटेचे

फेकून देऊन अता परत चाललो

( मी परत लिहिन, परत लिहीन)  अमोल ✌🏻 📝

२५/०६/२१

वटपोर्णीमा

 वटपोर्णीमा

अविनाशची आज थोडी गडबड होणार होती म्हणून तो लवकरच उठला.  

गुरुवार असल्याने आज 'स्वामी समर्थांचा तारक मंत्र'  लँपटाँप वर लावून तो आवरायला लागला. इकडे मुलं आँन लाईन शाळेला आपापल्या खोलीत गेलेली. त्यांना दूध, बिस्किटे वगैरे देऊन त्याने तिच्या खोलीची चाहूल घेतली. आतून रेडिओचा वगैरे आवाज येत नसल्याने अजूनही ती झोपली आहे असे समजून पुढील कामाला लागला. 

उपवासाचे पदार्थ बनवण्यात अजून तो एक्स्पर्ट झालेला नाही याची त्याला कल्पना होती. तरी मागच्या एकादशी पेक्षा आज खिचडी चांगलीच बनवायची असा निश्चयच त्याने केला होता.  एकीकडे कुकर लावून दुसरीकडे त्याने खिचडी बनवायला घेतली.  आज जास्त काही नको नुसती बटाट्याची भाजी पुरे असे ठरवून फ्रीज मधे ठेवलेली कणीक पोळ्या करायला काढली.  तिकडे 'अशक्य ही शक्य करतील स्वामी ' ऐकताना, आता काही दिवस तर उरलेत ' होम क्वारंटाईनचे ' हीचे असा सुखद विचार त्याच्या मनात येऊन गेला. खिचडी परतताना हे आपण कसं काय सगळं निभावून नेले  याच त्याला  राहून राहून आश्चर्य वाटत राहिले.

पूजा-पाठ करुन झाल्यावर सकाळी दाराशी ठेवलेला चहाचा थर्मास आत गेलाय हे पाहून अवी ला बरं वाटलं. 

 मुलांना सूचनांचा Whatsapp करुन सगळ्यांचे डबे भरून, सावित्रीशी फोनवर बोलून तुझी आज आवडती बटाट्याच्या कापाची भाजी केलीय गं, अस सांगून आधुनिक सत्यवान  उपवासाचा डबा घेऊन आँफीस कडे निघाला.

*सात जन्म सोबत रहायची टाळी एका हाताने थोडीच वाजते ? काय अवी,  बरोबर ना?*  असे स्वगत बोलून त्याने गाडी सुरु केली होती.

वेळप्रसंगी आपल्या सावित्री साठी जीवाचे रान करणाऱ्या आधुनिक सत्यवानांना ही 

वटपोर्णीमेच्या शुभेच्छा 🙏💐

साठा उत्तराची  वटपोर्णीमा कहाणी पाचा उत्तरी सफळ संपूर्ण

अमोल 📝

वटपोर्णीमा, २४/०६/२१

टीप : आपल्या अवीची अशी अवस्था होऊ नये म्हणून तमाम वहिनींना विनंती

Stay home, stay safe 🙏

#तब्येत सलामत तो वटपोर्णीमा पचास

अधीकमाज आरती

 फेसबुकने आज 'अधिक मासाची' आरती  आमच्या भिंतीवर मेमरी म्हणून दाखवली मग आमच्या बुध्दीच्या कुवती नुसार आम्ही

' अधिक माजाची ' आरती मनसोक्त तयार केली 😝

( * मनोरंजन हा हेतू. ज्यांच्या भावना दुखावतील त्यांनी आधी अधिकमासाची आरती तोंडपाठ म्हणून दाखवावी) 

अधिकमाज आरती !

ओवाळू आरती !  आता अँडमीन प्रभूला !

नियम व्रते लावितो ! पावतो स्व  भक्ताला  !! धृ  !!

भरवशाच्या प्रतिक्रियेचा ! मळ संग्रही केला !

पाॅली- टिकली ! कुंकू हळद ! कपाळी बसविला  !!

अमंगलकार्ये ! वर्ज्य त्यामधी ! पुण्यकर्म करती !

समुहाला ! विष्णूकृपेने ! अच्छेदिन आणिती !!

अंधाराचा नाश कराया ! मेंबर काढिला !

नियम व्रते लावितो ! पावतो स्व भक्ताला  !! १  !!

हास्य सुंदरिला ! ठमिला फक्त चंद्रकलाराणीला !

अधिकनियमव्रत ! पुण्याईने ! प्रसन्न पशू झाला !

स्नान, दान , जप ! मौन भोजने कुबुद्धी सारावी !

दुर्व्यसनांचा ! त्याग करावा ! चैन सर्व सोडावी !

निर्मळ गुरुजी पुण्यप्रद हा ! मार्ग दावी सकला !

नियम व्रते पाळितो! पावतो स्व भक्ताला  !! २  !!

१८/०६/२१ 📝

( बुध्दीची कुवत नसलेला)

घन घन माला नभी दाटल्या कोसळती धारा

 https://youtu.be/j_ndKWrY3cw

शास्त्र असतं हे गाणं ऐकणं पहिल्या पावसाच्या धारेत ☔

( गदिमांची क्षमा मागून 🙏)

घन घन माला नभी दाटल्या कोसळती धारा

केकारव करी मोर काननी उभवून उंच पिसारा

भरतीच्या लाटे वरती

तशीच चालवे गाडी श्रीहरी

मग अचानक ट्रँफीक होतो ओल्या अंधारा

वर्षाकालिन सायंकाळी

मुंबई स्पिरीटचे गोडवे  गोकुळी

उगाच त्यांच्या पाठिस लागे न्यूज चँनेल सारा

मध्य हार्बर पश्चिम गवळण

तिला अडविते तिचेच अंगण

अंगणी अवघ्या तळे साचले, भिजले ते दादरा

घन घन माला नभी दाटल्या कोसळती धारा

केकारव करी मोर काननी उभवून उंच पिसारा 

( पहिल्या धारेचा)  ☔📝

०८/०६/२१

www.poetrymazi.blogspot.in

अनलाँक' दान

 'अनलाँक' दान

( माऊलींची तत्वत : माफी मागून 🙏)

आतां विश्वा मधे जाणे। येणें कारणे मानावें । तत्वत: मज द्यावें । 'अनलाँक'दान हें ॥ १ ॥

नी यमांची व्यंकटी सांडो । तयां सत्कर्मीं वेळ वाढो । आतां परस्परें मिळो। मैत्र जीवांचें ॥ २ ॥

दुरिताचें तिमिर जावो । जिल्हा स्वधर्म हद्द नाहो । जो जें वांच्छील तो तें लाभो । प्राणी ई-पास ॥ ३ ॥

'वर्षा' निवासी मंगळीं । महा- निष्ठांची मंत्रियाळी । अनवरत भूमंडळीं । भेटतु या भूतां ॥ ४ ॥

चलां कल्पतरूंचे पतंग । चेतना सेंट्रलमणीचे नाव । बोलते जे अर्णव । चॅनेलांचे ॥ ५ ॥

सामना चे अलांछन । मार्तंड जे तापहीन । ते सर्वांही सदा सज्जन । कारणे होतु ॥ ६ ॥

" *किंबहुना*"सर्वसुखीं । सदा येऊनी फेसबुकीं । भजिति आदित्य पुरुषी । अखंडित ॥ ७ ॥

आणि मेट्रोपजीविये । विशेषीं आरे इयें । दृष्टादृष्ट विजयें । झाडावें जी ॥ ८ ॥

येथ म्हणे श्रीकोरोनेश्वरावो । हा होईल दानपसावो । येणें वरें लस देवो ।

 'मुक्ती'या झाला ॥ ९ ॥

( तत्वत: विडंबनकार)  📝

४/०६/२१

वैशाख कृ. दशमी

द्वितीय तुज पाहता

 https://youtu.be/feH8MKkuojg

प्रती, कोविशिल्ड 💉

द्वितीय तुज पाहता, जीव वेडावला

उचलुनी घेतले बाहू टोची ले तुला

द्वितीय तुज पाहता..। 💉

स्पर्श होता तुझा ,विसरलो त्रास मी

कुंद स्पिरीटाचा , प्राशिला गंध मी

'ओटीपी' हा संग्रही, जपुनी मी ठेवला

द्वितीय तुज पाहता..। 💉

" *जाग स्वप्नातुनी* मजसी ये जेधवा

कळवळुनी तुजसी मी, इच्छिले तेधवा

धावता रथ पथी, आँफीसात थांबला 🚗

 

द्वितीय तुज पाहता ..। 💉

( अजूनही प्रतीक्षेत)  अमोल 📝

०२/०६/२१

वैशाख कृ. अष्टमी