नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Tuesday, December 30, 2014

व्हा पुढं … २०१५ साठी


२०१४ च्या उत्तरार्धात  एक महत्वाची गोष्ट माझ्या लक्षात आली ती म्हणजे कुठल्याही फालतू  चारोळी कवितेला  वारेमाप  प्रसिध्दी  मिळवून  द्यायची असेल  असेल तर त्या कवितेच्या/ चारोळीच्या खाली   फक्त लिहायचे 
 कवी: " तुम्हाला माहीतच आहे ", " सांगायला हवे का? " , "आपले नेहमीचेच" इ. इ. 
बस ! ती कविता/ चारोळी अशी प्रसिध्द पावते की विचारायची सोय नाही 
कुणी तरी म्हणले आहे ना , नावात काय आहे ?
 (  हे कोण म्हणले , आठवले का…. ? असे कृपया विचारू नये )

तर असो  मला काय म्हणायचे आहे  की ….  मला काय म्हणायचे आहे  की ….

कवीचे नाव नसेल तर कविता,   करू नका सादर 
कवीचे नाव नसेलतर कविता,   करू नका सादर 
पुढील इलेक्शनसाठी माझा 
मतदार संघ असेल ' दादर '
********************************************
कवी: आठवले का ?  आठवले, आठवले ,  नक्कीच आठवले…. 

काही क्षणात ही कविता ग्रुपच्या ग्रुप वर फिरायला लागेल. बिन नावाने का होईना झालात ना प्रसिध्द , नावात काय आहे ? 

आणखी एक गोष्ट आमच्या लक्षात आली आहे , ते म्हणजे 
फेसबुकवर विचारत नाही कुत्र
फेसबुकवर विचारत नाही कुत्र
आणि आजकाल Whatsapp नेच 
हाती घेतली आहेत सुत्रं …. 

कवी: परत तेच नेहमीचे यशस्वी …. 
***********************************************

तळ टिप :
३१ डिसेंबर साठी सर्व कार्यकर्त्यांना विशेष सुचना:

आजच्या दिवशी चंद्राचे !
नक्षत्र आहे भरणी !
दारू पिऊन घशाची! 
करू नका बरणी !
कवी: सांगायला हवे का?

अशारितीने मी सर्व कार्यकर्त्यांना सांगू इच्छितो की   हा फेसबुकवरचा माझा शेवटचा धागा … 
तुमचा राम राम घेतो ! २०१५ साठी व्हा पुढं - 


विशेष सूचना  : फक्त आलिया साठी ( इतरांनी वाचण्यास हरकत नाही )

शेवटचा धागा म्हणून मला फोन बिन करू नकोस. शेवटचा म्हणजे शे - व्होटचा ( १०० लाईकाचा ) असा त्याचा सुप्त अर्थ आहे. पुढील वर्षी मराठीची शिकवणी लावायची असेल तर अवश्य संपर्क कर. 

तुझा मित्र बंधू 
क. वी . आठवले 

Wednesday, December 24, 2014

३१ डिसेंबर - पार्टी


३१ डिसेंबरच्या पार्टीसाठी 
तुकोबा लागलेत  आठवायला 
काय धाड भरली होती का 
वर्षभर पैसे साठवायला … 

पुढल्या वर्षीच्या तयारीला 
आत्ता पासून लागा 
अन ग्रुप एडमीन  सांगेल  
अगदी तसेच वागा 

व्हा पुढं  !!!!

( तुमचा ) ग्रुप एडमीन 
२४/१२/२०१४

Friday, December 19, 2014

नवीन वर्षाचे संकल्प


नवीन वर्षाचे संकल्प

Thursday, November 27, 2014

शाकाहारी ओनर्स असोसिएशन


स्वप्नातले घर बघताना  
नको कुणाच्या आहारी … 
फक्त एकच लक्षात ठेवा 
तुम्ही पाहिजे  शाकाहारी…. 

मांसाहारी असाल तर 
बिल्डर दाखवतो लाल झंडी….
असाने कशी बनणार 
घरी आमच्या चिकन हंडी … 

अमोल केळकर 
२८/११/१४

Wednesday, November 26, 2014

हातच्या रेषा


एकवार भिंगामधूनी बघ माझा हात,
शेवटची आशा माझी तुझ्या भविष्यात 

Sunday, November 16, 2014

९० मिनीटाचा उपवास …


ए , " एलिझाबेथ म्हणजे काय रे ?"
ते एका राणीचे नाव आहे !
हो, पण अर्थ काय ?
एलिझाबेथ म्हणजे, टिकाऊ !
टिकाऊ ?
हो , ती खूप वर्ष टिकली ना !!
" दगड ! दगड ! दगड ! दगड ! "





एलिझाबेथ एकादशी या सिनेमातील हा संवाद. अशा अनेक संवादाने, लहान मुलांसहित सर्वांच्या उत्तम अभिनयाने नटलेला, सरळ,सोपा कौटुंबिक सिनेमा " एलिझाबेथ एकादशी" !
एकादशी म्हणले की आठवतात ते वर्षातल्या दोन महत्वाच्या एकादशा . अर्थात पंढरपुरचा विठूराया आणि एकादशीचे अतूट नाते. वर्षातील दोन महत्वाच्या एकादशीपैकी कार्तिकी एकादशीच्या पार्श्वभूमीवर या सिनेमाचे कथानक गुंफले आहे







सिनिमाच्या सुरवातीची काही मिनिटे " श्रीहरीच्या " सकाळच्या पूजेच्या दृश्याने होते . यावेळेचे पंढरीच्या राजाचे जे दर्शन चित्रीत केले आहे ते केवळ अप्रतीम. अभ्यंग स्नान ते आरती फारतर २-४ मिनिटे पण त्या विठूरायाचे जे दर्शन मिळते ते खरोखरच सुरेख. संपुर्ण सिनेमाचे चित्रीकरण, विषय पंढरपूरशी संबंधीत असूनही हा देवळातील विठोबा सिनेमात दिसतो तो फक्त सुरवातीला. त्यानंतर अगदी शेवटी नेहमीप्रमाणे सिनेमाचा शेवट गोड होतो(चमत्कार होऊन)तो होण्यासाठी दिग्दर्शक परत या विठोबाकडे येत नाही ही मोठी जमेची बाजू . नाहीतर विठूरायाला साकडे घालून, मोठे मोठे संवाद म्हणून चित्रपटाची लांबी १० - १५ मिनिटाने तरी लांबवता येणे सहज शक्य होते . असो
एका गरीब कुटुंबातील आई, आजी, छोटा मुलगा ( ज्ञाना ) त्याची बहिण ( झेंडू उर्फ मुक्ता ) यांचे हे कथानक . घरातल्या घरात मशीनवर कपडे विणून चरितार्थ चालवणारी आई , तिचे हे मशीन कर्जाची परतफेड न केल्याने जप्त होते. पैसे भरण्याची अंतीम तारिख दिल्यानंतर , आणि किती पैसे भरल्यावर हे मशीन परत मिळेल हे सांगितल्यावर संपुर्ण कुटूंब कसा प्रयत्न करते याचे हे कथानक ..









ज्ञाना, झेंडू , गण्या आणी इतर मित्र यांचा सहजसुंदर अभिनय, प्रासंगिक विनोद , उत्तम संवादलेखन हा या सिनेमाचा आत्मा
हा सिनेमा मला एका दृष्टीने वेगळा वाटला ते म्हणजे श्रध्दा आणि शास्त्र यांचा घातलेला योग्य मेळ. पांडूरंगा बरोबरच संत न्यूटन यांचे विचार ही इथे दिले गेले आहेत. सिनेमात अवास्तावी धार्मिकता , अंधश्रध्दा दाखवणे सहज शक्य होते पण ते टाळण्यात यश आले आहे आणि ही मोठी जमेची बाजू . प्रामाणिक प्रयत्न,विश्वास आणि कृती तुम्हाला अपेक्षित यश देते हे इथे मुलाना समजून देण्यात हा चित्रपट यशस्वी झाला आहे









" एलिझाबेथ एकादशी " च्या संपूर्ण टीम चे त्यासाठी अभिनंदन
मराठी सिनेमाला संजीवनी देण्यासाठी हा सिनेमा पहिला ' श्वास ' ठरो या शुभेच्छा 
आजकाल सिनेमा संपल्यानंतर एक ( प्रसिध्द ) गाणे दाखवणे ही हिंदी सिनेमाची पध्दत याही सिनेमात आहे . तेंव्हा पिक्चर संपला रे संपला की लगेच जाऊ नका. ज्ञाना , गण्या आणि झेंडु ने या गाण्यातही धमाल केली आहे ती बघूनच जावा ।







हा ९० मिनीटाचा एकादशीचा उपवास तुम्हाला नक्कीच २१ एकादशीचे पुण्य देईल ही आशा
आता परीक्षण म्हणले की १० पैकी या सिनेमाला किती गुण द्याल ? असा प्रश्ण आला
मी तरी १० पैकी ८ गुण देईन
२ मार्क का काटले? माहित नाही पण मराठीत पैकीच्या पैकी गुण मिळत नाहीत ना भौ …।
परीक्षक ) अमोल केळकर
सी ५, ३३, ०:२, सेक्टर ५
सीबीडी बेलापूर , नवी मुंबई
९८१९८३०७७०
a.kelkar9@gmail.com

Tuesday, November 11, 2014

स्वच्छता अभियान


स्वच्छता  अभियानाला , आले नेते 
फटाक्याने करू स्वागत ...

तोच कचरा साफ करायला 
मग वेळ नाही लागत ...
अमोल केळकर
12/11/14 

Monday, November 10, 2014

शिक्षण


कुणी शिका मराठी , कुणी शिका उर्दू 

मात्र जो घेईल शिक्षण 
त्यालाच आम्ही वंदू 

अमोल केळकर 
११/११/१४

Sunday, November 9, 2014

तळ्यात - मळ्यात


खूप झालं आता 
तळ्यात - मळ्यात 
घाला लवकर हात 
एकमेकांच्या गळ्यात 

स्वाभिमाना बरोबरच 
सत्ताही आहे महत्वाची 
अशी नामी संधी 
परत नाही यायची 

अमोल केळकर
 १०/११/१४

Saturday, November 8, 2014

विरोधक



वाटलं तर सरळ सांगतो 
विरोधात बसा जाऊन 
बहुमत कसे मिळेल ते 
आम्ही घेऊ ना  पाहून 


अमोल केळकर 
८/११/१४

Wednesday, November 5, 2014

ओळखलत का साहेब मला?’


ओळखलत का साहेब  मला?’ परत  आला कोणी,
कपडे होते फाटलेले पण , मधाळ त्याची वाणी 


क्षणभर बसला नंतर हसला बोलला वरती पाहून,
‘पक्षामध्ये फुट पडली, आलो तिकडे  राहुन’.

कार्यकर्त्यांसह आम्हाला,  चार आश्वासने भेटली,
स्वबळावर सत्ता येता,  आमची वाट लावली .

पक्ष सोडला ,चूक झाली  , होते नव्हते ते गेले,
निवडणूक होईपर्यंत त्यांनी फक्त, राबवून घेतले 

कार्यकर्त्यांना  घेउन संगे ,  साहेब  आता लढतो आहे
राहिलेली कामे पुर्ण करून , मतदारसंघ घडवत आहे

खिशाकडे हात जाताच हसत हसत उठला
‘पद  नको साहेब ’, जरा एकटेपणा वाटला.

आलेल्या   लाटेत खुर्ची गेली  तरी मोडला नाही कणा,
पक्षात परत घेउन तुम्ही,  फक्‍त लढ म्हणा

(लढाऊ ) अमोल केळकर 
६/११/१४

Happy New Year


त्याचा तो सिनेमा ना 
खूपच आहे सुमार !

कारण त्यात नाही 
माझा लाडला कुमार !!

अमोल केळकर 
६/११/१४

Tuesday, November 4, 2014

दोन दिवस मुंबईत गेले, दोन दिल्लीत गेले



नारायण सुर्वे यांची क्षमा मागून

दोन दिवस मुंबईत  गेले, दोन दिल्लीत गेले
हिशोब करतो आहे आता,  किती पैसे भुरर्कन उडाले 

शेकडो वेळा फोन आला, इमेल आले, बोलणी सुरु झाली
मंत्रीपदाच्या भरोशावर जिंदगी बर्बाद झाली

जे होते माझे चिन्ह , जनतेकडेच  गहाण राहिले
कधी झेंडा  उंचावलेले हात, कलम झालेले पाहिले

दरवेळी बंडखोर वळविले असे नाही; पण असेही क्षण आले
तेव्हा शत्रूच मित्र होऊन साहाय्यास धावून आले

भोळ्या जनतेचा  विचार हरघडी केला अन नेता झालो
पडणारी सीट , कशी जिंकून द्यावी , याच निवडणूकीत  शिकलो


झोपडपट्टीतील दादाने इलेक्शनचे धनुष्य  छान पेलले 
दोन दिवस मुंबईत  गेले, दोन दिल्लीत गेले


अमोल केळकर 
४/११/२०१४

Sunday, November 2, 2014

खातं



गृह, उर्जा,  सहकार, आणि अर्थ
कुणीच  नाही खूश , सगळं आहे व्यर्थ 



अमोल केळकर 
३/११/१४

Wednesday, October 29, 2014

शपथविधी


शपथविधी सोहळ्यासाठी 
निमंत्रीतांची मोठी रांग

बहुमत कसे सिध्द होणार 
ते तरी आधी सांग …… 


अमोल केळकर 
३०/१०/१४

माफी नम :



दोन चार मंत्रीपद 
  आहेत तुम्हाला काफी 
 मंत्रीमंडळात  यायचे असेल तर 
   मागावी लागेल माफी ……. 

अमोल केळकर 
२९/१०/२०१४

Wednesday, October 1, 2014

स्वच्छता अभियान




स्वच्छतेच्या गरजेपोटी, 
नेत्यांनीही  घेतला झाडू 

जो करणार नाही काम त्यांना'
निवडणूकीत आम्ही पाडू 

अमोल केळकर 
२ ऑक्टोबर , २०१४

ढग आणि वीज


परत जाणा-या पावसाने 
ढगांशी मोडला करार 
रागावून मग गानेही 
गडगडाट केला फार 

कडकडणारी वीज 
ढगांना जाऊन मिळाली 
न्यूज चेनेलनाही मग 
नवीन युती कळाली 

अमोल केळकर
 १ओक्टोंबर  २०१४


Tuesday, September 30, 2014

मोठा भाऊ


पडीक जागेच्या  वादावरून 
भलतेच  झाले युध्द
आता वाटते कुणालाच 
नव्हती तेंव्हा शुध्द 

इलेक्शन झाली की सगळ्यांना 
आठवेल मोठा भाऊ 
जो तो लागेल मागे मग 
मी येऊ ? मी येऊ ?

Monday, September 29, 2014

हेतू


दुस-यांच्या युतीबद्दल 
विचारायचा हेतू ..

आणि गोदेच्या काठी  
माझ्यामागे ये तू 

अमोल केळकर
 सप्टेंबर २९, २०१४



Sunday, September 28, 2014

रंबबिरंगी दुनियाही सारी



Friday, September 26, 2014

राजकीय चित्र


विरोधकांना जवळ करून 
दूर लोटले मित्र 
महाराष्ट्रात सगळीकडे 
हेच आहे चित्र 

अमोल केळकर 

सप्टेंबर २७, २०१४

Thursday, September 25, 2014

ढोकळा फाफडा V झुणका भाकर


आम्हाला नको , ढोकळा फाफडा 
बरी आमची  झुणका भाकर 
तिखट लागली फारच तर 
तोंडीला घेऊ गोड गोड  साखर 

अमोल केळकर 
सप्टेंबर २६, २०१४

Tuesday, September 23, 2014

मार्स ऑर्बिटर मिशन (MOM)


यशस्वी झाली  मॉम 
'क्‍युरिऑसिटी ने केले अभिनंदन 
भारतीय  शास्त्रज्ञानो 
तुम्हास आमचे सादर वंदन 

amol kelkar
sep 25, 2014

चटक मटक




सत्तेच्या खुर्चीची 
इतकी लागली चटक 
की विसरले गेले 
आजूबाजूचे घटक 

अमोल केळकर 
सप्टेंबर २३, २०१४

Monday, September 22, 2014

स्वतंत्र जागा



चार ओळींच्या  मेळाव्यात 
शब्दांनी मागितल्या स्वतंत्र जागा 

सर्वांना मग एकत्र गुंफून 
तयार झाला सुंदर धागा 


अमोल केळकर 
सप्टेंबर २३, २०१४

मऊ


युती होण्यासाठी 
व्हा थोडे मऊ 
तरच दोघे मिळून 
विधानसभेत जाऊ 

त्यासाठी तुम्ही 
व्हा थोडे उदार 
तरच तुम्हाला उघडेल
 मंत्रालयाचे दार 

सप्टेंबर २२, २०१४
अमोल केळकर 


Sunday, September 21, 2014

लाट


लाट मिळाली आहे  
           धुळीला !!
हेच कळत नाही आहे 
    कमलाबाई खुळीला  !!

( स्वतंत्र संघटना )  अमोल केळकर 
सप्टेंबर २०१४, २२

Saturday, September 20, 2014

' पोरखेळ'



' यु' म्हणाला ' ती ' ला 
चल  पाहू सिनेमा  ' पोरखेळ' 

निदान यानिमित्याने का होईना 
सत्कारणी लागेल आपला वेळ 

अमोल केळकर 
सप्टेंबर २०, २०१४ 

Friday, September 19, 2014

प्रस्ताव


दरवेळेला पाठवायचे  
नव नवीन प्रस्ताव 
मीच मोठा भाऊ म्हणत 
आणायचा उसना आव 

अमोल केळकर 
सप्टेंबर १९,२०१४

Thursday, September 18, 2014

स्वबळ


अंबाबाईच्या दर्शनाला 
नेत्यांचा आला पूर 
प्रत्येक कार्यकर्ता म्हणतो 
आमचेच नेते 'शूर'

प्रचाराचा नारळ फोडून 
स्वबाळाची  सुरु भाषा 
आम्हीच येणार जिंकून 
सगळ्यांना वेडी आशा 

Wednesday, September 17, 2014

रामदास


निवडणूक आली की 
आठवतात ' राम, दास '
बाकी सर्व काळ  
आवळायचा फक्त फास 

अमोल केळकर 
सप्टेंबर १८, २०१४

निवडणूक


युती आघाडी बनवताना 
नेत्यांचा चाललाय तोल 
आहे त्या जागा घेऊन येतोस 
का स्वबळ आजमवायचे बोल 

अमोल केळकर 
१७ सप्टेंबर २०१४

Monday, September 15, 2014

२८८ चे गणित


इतिहासाचा तास ( त्रास ) सुरु झाला . लिमये मास्तर  वर्गात आले.  त्यांच्या हातातील बीजगणीताचे  पुस्तक पाहून वर्गातील पोरांना जरा आश्चर्यच वाटले  .  अर्थात दोन्ही विषय लिमये मास्तरच शिकवत असल्याने तसा काही प्रश्ण नव्हता.
आल्या आल्या मास्तरांनी पोरांना सांगितले , मला कल्पना आहे  इतिहासाचा तास आहे पण मी तुम्हाला आत्ता एक गणित घालणार आहे. 

लिहून घ्या गणित 

एका  टोपलीत २८८ आंबे  आहेत .  यातील ' अ '  ग्रुपला १३५ आंबे  पाहिजे आहेत, ' ब ' ला  किमान १५०  आंबे  पाहिजे आहेत . ' क ' ग्रुपने सांगितले आहे की  आम्हाला दोन अंकी  आंबे  पाहिजेतच नाहीतर आम्ही  वेगळा विचार करू  , ' ड ' चे असे म्हणणे  आहे की त्यांनी स्वतंत्र पणे आंबे वेचायचे ठरवले तर त्यांच्या वाट्याला ५ तरी नक्की येतील , ' ई ' आम्हाला जर का मना सारखे आंबे मिळाले नाहीत तर आम्ही ही पिकणार नाही इतरांनाही  नासवू 

मुलांनो  तर सांगा  ' अ , ब, क, ड, ई   ला किती आंबे मिळतील 

गणित सोडवतानाची  गृहीतके : - 

१) या आंब्याचा एकत्र आमरस करून वाटून घ्यावा असे फालतू उत्तर नको  

२) या टोपलीत असलेले आंबे  कोकण, पश्चिम महाराष्ट्र, उत्तर महाराष्ट्र  , मराठवाडा , विदर्भ येथून आणून  एकत्र मुंबईत  भरलेले आहेत , वाटणी करताना  या सर्व आब्यांचा विभागवार विचार केला नाही तरी चालेल 

३) यात सर्व जातीचे (  हापूस, पायरी, रावळ , तोतापुरी ) आंबे आहेत. वाटणी करताना याचाही वेगळा विचार करायची आवश्यकता नाही 

४) नासके आंबे  टोपलीतून  बाद ठरवू नयेत 

याचे उत्तर तुम्ही मला पुढील गणिताच्या तासापर्यंत द्यायचे आहे . हे उत्तर तुम्ही स्वत: , किंवा २-४ जणांच्या ग्रुपने मिळून दिलेत  तरी चालेल. जो कोणी अचूक उत्तर देईल त्याला किंवा त्या ग्रुपमधील एकाला  मी वर्ग सेक्रेटरी करणार आहे. 
चला बरं  लागा कामाला… 

लिमये सरांचा हुकूम सुटताच  चिंटू , बंड्या, गोट्या लगेच कामाला लागले. यावेळेला तरी वर्गाचे सेक्रेटरीपद मिळायला पाहिजे यावर ते ठाम होते.   वर्गातल्या त्यातल्या त्यात  हुषार राजू ने ' एकाला ' चलो ची भूमिका घेऊन उत्तर शोधून ठेवायचे आणि वेळ्प्रसंगी इतर ग्रुपला मदत करून निदान उपसेक्रेटरी  पदतरी मिळवायचे  असा विचार केला. एका ' विनोदी ' स्वभावाच्या मुलाने  आपला मोर्चा सरळ हुशार मुलींकडे वळवला आणि  यावेळचे सेक्रेटरीपद मुलींमधूनच  असं ठणकावून सांगितलं . 
वर्गातील एका ' दादा' विद्यार्थाने डायरेक्ट त्याच्याहून ५ वर्ष  मोठ्या असलेल्या  भावाला ' विचारायचे ठरवले कारण त्याला पक्की खात्री होती की ५ वर्शापुर्वी लिमये सरांनी हाच प्रश्ण 'मोठ्या भावाच्या'  वर्गातही विचारला असणार . 
 
अशारीतीने सर्वजण आपापल्या पध्दतीने  उत्तर शोधण्याचा प्रयत्न करू लागले 

लक्ष फक्त एकाच होतं 

वर्गाचा  सेक्रेटरी बनणे . 

( क्रमश :  )

संकल्पना :  अमोल केळकर 

Friday, September 12, 2014

निवडणूक


कुणाचं वाजेल दिवाळं ,
कुणाची होईल दिवाळी 
लोकसभेनंतर आता 
विधानसभेची पाळी 




Friday, July 4, 2014

स्वबळ


स्वबळावर लढण्याचा जप
सुरु सर्वच पक्षात
सगळे काही आले आहे
चतूर जनतेच्या लक्षात

आज एकत्र असलेले
लढणार वेग वेगळे
निकाला नंतर वाटले तर
घालू गळ्यात गळे




अमोल केळकर
जुलै ४, २०१४

Thursday, June 19, 2014

(फुटबॉल फिक्सिंग )


आता म्हणू नका इथेही
होऊ शकते लेन देन
 जेंव्हा बाहेर पडले
चिली कडून स्पेन

गतविजेत्या संघाने
 घरची धरली वाट
खेळ हा पाहून
सारे पडले चाट

 अमोल केळकर १९ जून २०१४

Wednesday, June 18, 2014

फुट्बॉल फेवर ( २)



रात्र रात्र जागून जर
बरोबरीत सुटणार असेल सामना

फुटबॉल प्रेमींची मग
कशी पुर्ण होईल   मनोकामना

Friday, June 13, 2014


फुटबॉलच्या खेळातही
 दिसून आले पेन

जेंव्हा हरले गेले
नेदरलॅन्ड कडून स्पेन

Sunday, June 1, 2014

सोन्यासारखी संधी


एकीकडे रोष , दुसरीकडे जल्लोष 
  तिसरीकडे आहे नाराजी'

हीच सोन्यासारखी संधी त्यांना 
जे करतात  हाजी ! हाजी ! हाजी !

 जून २, २०१४

Saturday, May 31, 2014

तुम्ही यायलाच पाहिजे, मला तुमची हजेरी घ्यायची आहे


....इथे  लिहिण्यात आलेल्या  या लेखाद्वारे कुठल्याही व्यक्ती, पक्ष, नेते , जात , धर्म, पंथ , राष्ट्र , संस्था , आदरस्थान    यांची कुचेष्टा करण्याचे  किंवा   कुणाच्याही भावना दुखवण्याचे  कुठलेही प्रयोजन नाही.  हा लेख विरंगुळा या सदरात मोडतो  आणि केवळ मनोरंजन  व थोडीशी खुशखुशीत टीका - टिप्पणी हा  उद्देश आहे. रसिकांना हे आवडेल  अशी आशा व्यक्त करतो.--  अमोल केळकर 
--------------------------------------------------------------------------------------------------
" तुम्ही यायलाच पाहिजे,  मला तुमची हजेरी   घ्यायची आहे "

पहाटे, पहाटे ' काकस्पर्श संघटना ९१ ' च्या कार्यकर्त्यांना इमेल बोक्स मध्ये वरील निरोप मिळाला आणि सगळ्यानी एकच ' काव काव '  करायला सुरवात केली . लोकसभेतील पराभव आणि आगामी होणा-या निवडणुकीसाठी चिंतन बैठक  हा विषय कार्यक्रम पत्रिकेवर मुख्यत्वे करून असणार  हे सांगायला कुण्या जोतीषाची  गरज नव्हती . ज्यांची हजेरी होणार होती  त्यांनी ताबडतोब  या झाडावरून त्या झाडावर  जात जून्या जेष्ठ  काकांकडे धाव घेऊन , 
' काका मला वाचवा '  अशी आरोळी ठोकली 
    संघटनेचे अध्यक्ष  श्री डोम कावळे  पुण्याहून आपले स्वीय सल्लागार श्री घुबडशास्त्री यांना घेऊन फास्टर मधून एकदम फास्ट निघाले आहेत असा मेसेज मिळताच स्थानिक कार्यकर्ते तातडीने  पिंपळाच्या पारावर जमले.  बैठक कुठे घ्यायची यावर कुणाचेच एकमत होईना. कुणी म्हणत होते आपण आपल्या जून्या ऑफिसच्या प्रांगणात म्हणजे अमरधाम स्मशान भूमीत जमू तर कुणी  विष्णू घाटाचा  घाट घालत होते  , याचवेळी एकाने सांगितले की विष्णू घाट मेनेंजमेंटने  घाटावरील वडाचे झाड  यापुढे कुठल्याही संघटनेला मिळणार नाही असा ठराव नुकताच पास करून घेतला आहे आणि हा त्यांचा अंतिम निर्णय आहे. शेवटी एका सदस्याने सुचवले की, कृष्णा नदीच्या मोकळ्या काठावर एका चिंचेचे मोठे झाड आहे , बागेतल्या गणपती देवळा मागे बरोबर पाचवे झाड  तिथे जमू . जरा लवकरच बैठक ठेवू . म्हणजे रात्रीच्या  डोहाळजेवणाच्या कार्यक्रमाच्या  पुरण पोळीवर ताव मारता येईल . 

ठरल्या प्रमाणे बैठक सुरु  झाली . विभागावर विश्लेषण केले असता दिसून आले की  सरासरी १० पिंडांमागे फक्त २ पिंडावर या संघटनेच्या कावळ्यांनॆ चोची ची   मोहोर उठवली होती. हे प्रमाण खूपच कमी होते. हे प्रमाण वाढण्यासाठी खालील काही उपाय सुचवलेले गेले 
१)  जात - पात  न मानता सर्व जातीच्या पिंडाना यापुढे चोच मारायची ( शिवायची ) परमिशन द्यावी 
२)  सर्व तालुक्याचे गटप्रमुख  विभागवार १० व्या ची यादी तयार करतील आणि दोन दिवस आधी  ती प्रकाशित केली जाईल 
३) शेवटची चोच कुणी मारायची याचा निर्णय हाय कमांड घेईल 
४) विरोधकांना काबूत ठेवण्यासाठी , घुबड शास्त्री एक अ‍ॅप तयार करतील जे लवकरच गुगल प्लेवर डाऊन्लोड करण्यासाठी उप्लब्धद असेल
५) संघटनेच्या सिट्स वाढण्यासाठी महिला कार्यकर्त्यांनाही पिंडाला शिवण्यास परवानगी द्यावी अशी एक मागणी पुढे आलॆ. अर्थात अंतीम निर्णय दिल्लीहून सुषमा कावळे घेतील असे ठरले
यापुढे एकत्र काम करत  १० पिंडामागे ५ तरी मोहोर ' काकास्पर्ष संघटनेच्या असतील असा ठाम विश्वास व्यक्त करत सभा पार पडली 

( संक्ल्पना : अमोल (काव) कर  )

Friday, May 30, 2014

मुख्यमंत्री


कुणाला माहित विदर्भात 
केळी पिकतात का संत्री 
आलेल्या लाटेवर स्वार होऊन 
आम्हाला व्हायचेय  मुख्यमंत्री 

थोडे  दिवस तुमचे 
थोडे दिवस  आमचे 
बघा कसे कामाला लागले 
ह्यांचे आणि त्यांचे चमचे 

( राजकीय  विश्लेषक )  अमोल केळकर 
३० मे २०१४

Saturday, May 24, 2014

नमो नम: !


सकाळी साहेबांच्या केबीन मधे मह्त्वाची मिटींग चालू होती, सवईने मोबाईल साइलेन्ट मोड वर होता,बाहेर आल्यावर पाहिले तर ४ मिस कॊल !

आलेल्या फोनच्या नंबरावरुन हे सगळे फोन अहमदाबाद मधून आले होते. आता अहमदाबादहून मला कोणी, कशासाठी फोन केला असेल , असा विचार करत असतानाच  परत एकदा त्याच नंबरवरुन फोन आला ,
अरे अमोल, ’ किती , फोन करायचा रे !
अरे जोशी काकू , तुम्ही ? कशा आहात , आणि तिकडे गुजराथ मधे काय करताय? अहो , काकू जरा मिटिंग मधे होतो त्यामुळे फोन घेता नाही आला. मी एका दमात बोललो.

बरं, बरं ते जाऊ दे , अरे तुला सांगायचे म्हणजे , आरतीला १६ मेला मुलगा झाला. आणि त्यासाठीच मी इकडे आली आहे

हो का ? अरे वा , अभिनंदन , आरती कशी आहे
दोघेही छान. सिझरिंग झाले रे ! , मी न विचारताच त्यांनी मला सांगीतले

दुपारी १२. ४० , वेळ लिहून घे हा नीट, इती जोशी काकू
ओके काकू, पत्रिका काढायची आहे का ?

हो , रे ती काढायचीच आहे पण आधी जरा सांगशील का रे राशीवरुन ’ न ’ नाव येते का?

अहो काकू, ’ नरेंद्र ’ नाव जूने झाले आता, मी उत्स्फुर्त पणे बोलून गेलो.
.... काकूंनी बोलणे मधेच तोडले, म्हणाल्या अमोल मला माहित आहे तू आत्ता ऒफीस मधे आहेस, पण आज घरी गेल्यावर नक्की सांग, का मी फोन करू?
त्यांनी माझे बोलणे गमतीने घेतले नव्हते हे त्यांच्या आवाजावरून लक्षात आले, मी ही जरा नमते घेत म्हणले,नको नको, काकू मी उशीरा का होईना तुम्हाला फोन करतो..
चला फोन ठेवतो , थांब थांब , अरे तुला वेळ सांगितली ना ?
हो सांगितली की
आणि हो तुला माहिती आहे ना , आरतीची डिलेव्हरी अहमदाबादला झाली आहे, सासरी
हो काकू, म्हणजे जन्मगाव - अहमदाबाद बाळाचे बरोबर ?
बहुतेक त्यांना परत परत डिटेल्स बरोबर आहेत ना याची खात्री करुन घ्यायची होती, काही चूक नको,
चला ठेवतो फोन
एकच काम आधी कर, पत्रिका काढल्यावर बाळाला अमेरीकेला जायचा योग आहे का बघ बाबा
जावई एक - दोन वर्षात जायचे म्हणत आहेत
ह्म्म काकूंची अर्जेन्सी आत्ता कळली होती, बाळाला भारतात जन्म घेऊन २४ तास ही लोटले नव्हते, काकूंना आपला नातू ’ अमेरिकेला ’ जाणार का याची चिंता होती
संध्याकाळी घरी आलो पत्रिका काढली
वृश्चीक रास , जेष्ठा नक्षत्र , चरण २
राशी अक्षर - न , य
म्हणलं चला काकूंची एक इच्छा तरी पुर्ण होणार
परदेश योग आहे का हे पाहू लागलो , आणि कुण्डली परदेश जाण्यास अनुकूल स्थाने देत आहेत हे दिसून आले
काकूंना फोन लावला
अरे, अमोल केलास का अभ्यास? त्या जणू आतूर झाल्या होत्या ऐकायला
काकू सिध्दीविनायक तुमच्या दोन्ही इच्छा पुर्ण करणार
आता काय तुम्ही नातवाला अमेरिकेला पाठवणार. मग माझी फी डॊलर मधे देणार का रुपयात?
काकू हसायला लागल्या, अरे मुंबईत आले की भेटेनच की तुला
मी म्हणलं ठिक आहे काकू , अहमदाबादला जाऊन आलात की सिध्दीविनायकाला लगेच जाऊन या
आणि येताना भरुच्चे शेंगदाणे आणायला विसरु नका हा !
पण काकू , नातवाला अमेरिकेला पाठवत आहात, "अच्छे दीन इधर भी आने वाले है !"
या पुढ्चे वाक्य काकूंनी ऐकले की नाही माहित नाही
नमो नम: !
Related Posts Plugin for WordPress, Blogger...