नक्की ऐका

मी विडंबनकार कसा झालो

 नाट्य परिषद सांगली, आयोजित #नाट्यपंढरी_वाचनकट्टा  आज दि. १६  सायं. ७ वा. l  भाग २८९ l कथावाचन l  लेखक : प्रल्हाद केशव अत्रे l वाचक : श्री. ...

Saturday, August 29, 2020

असावा सुंदर पत्यांचा बंगला


 छोटे बिल्डर 'प्रणव केळकर' अर्थात आमचे चिरंजीव यांच्या कलाकृतीला  समर्पित 



( मुळ गाणे : असावा सुंदर चाॅकलेटचा बंगला)


असावा सुंदर पत्यांचा बंगला

राजवाडा जणू शोभतोय चांगला


पत्याच्या बंगल्याला भिंतीचा आधार

बांधकाम करताना जपावे लागते फार


तिरप्याशा पानांचा बनवला कोन

हॅलो , ओ तिकडून जाऊ नका कोण


आडवी पाने टाकून स्लॅब छानदार

लवकरच बंगला हा आमचा पहाल


 पानाच्या भिंती मधे गुलाम दिसतो

समोरच्या सत्तीशी 'गुलामचोर' खेळतो


उंच उंच पत्यांचा बंगला बनला

ताईने पंखा लगेच लावला


धपकन कोसळला पत्यांचा बंगला

उद्या परत बनवू यापेक्षा चांगला


📝अमोल केळकर

poetrymazi.blogspot.com

२९/०८/२०२०

Sunday, August 16, 2020

माझे रोग बरे झाले


 "गुरुदेव" मला तुम्ही माफ करताच 🙏🏻


माझे रोग बरे झाले

आज मी

'कंपाँन्डर' पाहिले


दवाखान्यात दिसता वल्ली

मुख्य रोगांची बाधा पळाली

सर्व सुखाचे औषध मिळता

धन्य जीवन झाले


आज मी

'कंपाँन्डर' पाहिले 


रोग्यांचा हा वैद्य दयाळू

'भक्तांसाठी' होत कृपाळू

'केस पेपर' काढ सत्वरे

घेऊनी औषध आले 


आज मी

'कंपाँन्डर' पाहिले 


माझे रोग बरे झाले

आज मी

'कंपाँन्डर' पाहिले


( तरीपण डाॅक्टरांकडूनच औषध घेणारा) 

निरोगी अमोल ☺️📝

१६/०८/२०२०

Friday, August 7, 2020

चला मुलांनो मजा घेऊया


 आॅन लाईन शाळेचा डोलारा सांभाळणाऱ्या सर्वांना समर्पित

( चाल: चला मुलांनो आज पाहूया, शाळा चांदोबा गुरुजींची)


इंटरनेटच्या डेटा मधुनी सहल करुया वर्गाची

चला मुलांनो मजा घेऊया,आता आॅनलाईन शाळेची


आज परिक्षा जमले सारे मोबाईलच्या वर्गात

वर्ग-शिक्षिका दिसती मात्र, कुठल्या मोठ्या चिंतेत

मित्र- मैत्रिणी करिती दंगा, फिरवूनी पट्टी स्क्रिनची


चला मुलांनो मजा घेऊया,आता आॅनलाईन शाळेची


दुस-या तासापासून येती, मुले उशीरा वर्गात

आॅन- आॅफची बटणे दाबून सगळे लपती घरात

कधी मोबाईलची बॅटरी संपते ओढ लागूनी चार्जरची


चला मुलांनो मजा घेऊया,आता आॅनलाईन शाळेची


कुणी आॅडिओ आॅन ठेऊनी, घरामध्ये बोलतसे

कळता नंतर रागावूनी तो, गोरामोरा होत असे

ऐकूनी सारे हसता हसता, चंगळ उडते वर्गाची


चला मुलांनो मजा घेऊया,आता आॅनलाईन शाळेची


कधी वेळेवर केंव्हा उशीरा, हजर राहण्या अशी मजा

राग जरी आला गुरूजींना ,कधी कुणाला देती न सजा 😷

अशी नकोच आता शाळा,करु प्रार्थना देवाची 🙏🏻🙏🏻


चला मुलांनो ....


📝अमोल केळकर

०८/०८/२०२०

Thursday, August 6, 2020

Eपास नका मागू माझ्या गाडीला


टिप: निव्वळ मनोरंजन हा या विडंबनाचा हेतू. सरकारी नियम समजून घेऊन आपापल्या जबाबदारीवर प्रवास करावा


सेंट्रलच्या वाघांनी, अध्यादेश काढुनी

अनलाॅक जिल्हा आमचा करिला

Eपास नका मागू माझ्या गाडीला 🚗


नवी कोरी गाडी लाखमोलाची

खरेदी झाली मार्च महिन्याची

गुंतवूनी पार्कींगला, लाॅकडाऊन जोडीला

Eपास नका मागू आता गाडीला 🚗


जात होती गाडी आज कोकणात

अवचित आला 'मामा' पुढ्यात

तुम्ही माझ्या डोस्क्याचा ताप जरी पाहिला

Eपास नका मागू आता गाडीला 🚗


गाडी नका अडवू आल्यागेल्याची

शरम ठेवा थोडी घेतल्या 'लाचेची'💵

काय म्हणू आता, असल्या तुमच्या खोडीला

Eपास नका मागू आता गाडीला 🚗


सेंट्रलच्या वाघांनी, अध्यादेश काढुनी

अनलाॅक जिल्हा आमचा करिला

Eपास नका मागू माझ्या गाडीला 🚗


📝 ( संपूर्ण लाॅक)  🚗


मोरया 🙏🏻🌺

संकष्टी चतुर्थी

०७/०८/२०२०

Related Posts Plugin for WordPress, Blogger...