माझी टवाळखोरी !!!! .....

Friday, August 23, 2013

निषेध

मी तयार ठेवलेत सर्वप्रकारचे
निषेधाचे खलीते
कारण सरकार आता उरलेय
फक्त उपचारापुरते

अमोल केळकर
२४ ऑगस्ट २०१३

Monday, August 5, 2013

गटारी

काय ठरला बेत ? झाली का तयारी?

अहो असं काय करता, आहे ना गटारी

यानंतर काही दिवस

विसरुन जा कालवण

बरोबर ओळखलंत

येणार आहे श्रावण........

Wednesday, July 31, 2013

Thursday, July 25, 2013

२६ जुलै

कुणी विसरु शकेल
ती काळी रात्र ?
जणू सागरच बनले होते
मिठी नदीचे पात्र

तरीही आमचे सुरु
शहरीकरणाचे सत्र
शिकलो नाही आपण
यातून काडी मात्र

२६ जुलैग्रस्त मुंबईकर

Monday, July 22, 2013

* जर्दा आणि मावा *

सरकारने घेतला निर्णय
सर्वांनी करुया वाहवा
गुट्ख्या बरोबर आता
बंद होणार आहे मावा

जर्दावरही आता म्हणे
येणार आहे बंदी
मागील दाराने देणा-यांची
होणार की हो चांदी

अमोल केळकर
जुलै २३, २०१३

Tuesday, July 16, 2013

छम- छम-छम

रोजगाराचे लेबल लावून
सुरु झाली छम छम
रोजच गार होणा-यांना
सोडणार नाही यम

उघडपणे आता परत
घेतली जाईल रम
आबा तुमच्या इशा-यात
आता राहिला नाही दम

अमोल केळकर
१६ जुलै २०१३

Friday, July 12, 2013

निमित्य आहे पावसाळा
आस असे भेटीची
बघा सुरु झाली लगेच
लगबग चार ओळींची
------------------------------------
अमोल केळकर, जुलै १२, २०१३

Wednesday, July 10, 2013

चार - ओळी

एकदिवस अचानक
भेटल्या ओळी चार
मी मात्र शोधत राहिलो
त्यातील गहन विचार
---------------------------
अमोल केळकर, जुलै ११, २०१३

बुध्द

काय करताय तुम्ही
आहे का तुम्हाला शुध्द
रडतोय म्हणे तिथे आता
हसणारा तो बुध्द ......

अमोल केळकर, १० जुलै २०१३

Sunday, June 30, 2013

Saturday, June 29, 2013

Wednesday, June 26, 2013

जेष्ठ नागरिकांच्या पंक्तीत

जाऊन बसलाय रुपया

आराम करु दे त्याला

नका देऊ त्रास कृपया

अमोल केळकर, २७ जून २०१३

Thursday, June 13, 2013

चांदी

सोन्यासारख्या संहितेची

     करुन टाकली चांदी
   रस्त्यावर येणारच आडवी
     कधी म्हैस कधी फांदी

    पु.ल करुन कथेला
    दिला गेला नवा लूक
    मराठीच्या प्रेमापोटी
    माफ करु ती ही चूक

अमोल केळकर
१४ जून २०१३

Sunday, May 19, 2013

** एका खेळाची गोष्ट **

येणारा पुढचा चेंडू
झाला होता फिक्स
फलंदाजाने मारली
घणघणाती सिक्स

तीन तासाच्या सिनेमाप्रमाणे
गोष्ट घडते खेळाची
किंमत ठरते ' शून्य ' मग
सामान्य जनतेच्या वेळेची

अमोल केळकर
मे २०, २०१३
( www.poetrymazi.blogspot.in)

Monday, May 13, 2013

विचारपूस ...

दरवर्षी गणपती बाप्पाला
मिळतात आंबे हापूस
करतील का कधी आंबेवाले बंधू
सामान्य माणसांची विचारपूस ...

अमोल केळकर
मे १४, २०१३
( विनायकी चतुर्थी , अंगारक योग )

Monday, April 29, 2013

ये है मुंबई मेरी जान !!!!!!!

ज्या शहराने दिले नाव
त्याचाच आला कंटाळा
खाल्या मिठाला जागून तरी
तोंडाला लावून घ्या टाळा

बदल असतो आवश्यक
त्याला आमची ना नाही
बदलापूरला लक्षात आले
मुंबई यांची राहिली नाही

( मुंबईकर ) अमोल केळकर
एप्रील ३०, २०१३

Friday, April 26, 2013

झाडाझडती

काका मला वाचवा
पुरे झाली झाडाझडती
आम्हा दोघांच्यातच आता
वाटून द्या सगळी खाती

अमोल केळकर
एप्रील २७,२०१३

Tuesday, April 23, 2013

' ' एक ' असत्य ' प्रयोग

वर्मावर बोट ठेवताच
असत्य आले बाहेर
रामू लक्षात ठेव आमचे
सगळीकडे आहेत हेर

माफीनाम्याचा खलिदा
ताबडतोब झाला प्रकाशीत
' आवाज कुणाचा ' प्रश्णाला
उत्तर मिळाले खणखणीत

अमोल केळकर
एप्रील २४, २०१३

Saturday, April 13, 2013

आयपील

टीआरपीच्या नावाखाली
माफ होतील यांच्या चूका
म्हणूनच हे विराट सामने
गंभीरपणे पाहू नका

आयपीलचे प्रतेक वर्ष
नवे वादळ येत असते
यावरच तर खेळाडूंचे
सर्व गणित ठरले जाते

अमोल केळकर
१३ एप्रील, २०१३

Monday, April 1, 2013

IPL

देशासाठी खेळताना
तूलाच होते हरवले
पैशासाठी मात्र लगेच
सर्व काही विसरले

अमोल केळकर

नक्की ऐका