खेळ मांडियेला व्हाट्सप वरती बाई

v2🤰za
dvri
a🤰🤝🦉
⛹🏻‍♀🤼‍♀dla-wall 1 

खेळ मांडियेला व्हाट्सप वरती बाई
ओळखती अभंग भारी रे
शोध अभियान गेले ग्रुपवरी
एकामागोमाग गाणी सुचती रे

इमोजीउलटी ओळीत लावा
ओळ शोधुनी ठेवा
टाळ्या वाजवून होई प्रेमळ वर्षाव
अनुपम्य कोडी सोडवा रे!

होतो जयजयकार गर्जत सुंदर
चुकले न व्हाट्सप मेंबर हे
अम्या म्हणे सोपी केली वहिवाट
सोडवायला चित्रगाणी रे

( व्हाटसप वार - करी) 
२९/६/१७

तरुण आहे टँक्स अजूनही

तरूण आहे टँक्स अजूनही,  माणसा रुसलास का रे?

एवढ्याश्या त्या तुटीवर तू असा गळलास का रे?

अजूनही दिसल्या न नगरी, कन्सल्टिंगच्या तेजशाला

अजून मी झिजलो कुठे ते? हाय तू झिंगलास का रे?

सांग या कोपऱ्यातल्या लिपीकाला काय सांगू?

कोलमडे बजेट माझे.तरी तू  बसलास का रे

बघ तुला लुटतोच आहे टपरीवरचा पानवाला

लाँस अन प्राँफीटचा मेळ तू लावलास का रे?

दिसतती पैशांना माझ्या खरचाच्या खुप वाटा.

तू आँडीटरसारखा पण कोरडा उरलास का रे?

संकल्पना : अमोल 📝

मुळ गाणे:-

तरुण आहे रात्र अजुनी राजसा निजलास का रे ?

एवढ्यातच त्या कुशीवर तू असा वळलास का रे ?

अजुनही विझल्या न गगनी तारकांच्या दीपमाला;

अजुन मी विझले कुठे रे ? हाय ! तू विझलास का रे ?

सांग, ह्या कोजागरीच्या चांदण्याला काय सांगू ?

उमलते अंगांग माझे.. आणि तू मिटलास का रे ?

बघ तुला पुसतोच आहे पश्चिमेचा गार वारा..

रातराणीच्या फुलांचा गंध तू लुटलास का रे ?

उसळती हुदयांत माझ्या अमृताच्या धुंद लाटा..

तू किनार्‍यासारखा पण कोरडा उरलास का रे ?

कायम चुळबुळ कायप्पासन

तर आजच्या तीस-या आंतरराष्ट्रीय  योग दिनाच्या शुभ मुहूर्तावर  मी आज आपणास एका वेगळ्या योगासनाची माहिती देणार आहे.  गेल्या काही वर्षांपासून हे आसन  लोकप्रिय होत गेलं आहे.  दिवसाच्या कुठल्याही प्रहरी करता येण्यासारखे हे अतिशय सोपे आसन आहे. या आसनात शरीरातील बोटांचा  आपणास खुबीने वापर करावयाचा असतो  ( इथे डोक्याचे काहीही काम नसले तरी या आसनातील  काही अस्त्राने  हृद्यायचे ठोके अनियंत्रित होऊ शकतात , तेव्हा काळजी घ्यावी )

तर या आसना चे नाव आहे   " कायम चुळबुळ कायप्पासन "

या आसनासाठी तुम्हाला खालील गोष्टी पाहिजेत 

१) काय अप्पा युक्त भ्रमणध्वनी २)  ऊर्जा देयक यंत्र  ३) हाताची बोटे  ४ )  दिवसाचे किमान १६ तास 

तर या आसनाची तयारी तुम्हाला रात्रीच  करून ठेवायची आहे.  निद्रा अवस्थेत जाण्यापूर्वी  आपला भ्रमणध्वनी  उजव्या बाजूला ( शक्यतो उशी खाली )  ठेवावा. सकाळच्या कुठल्याही प्रहरी डोळे उघडले की सर्वप्रथम आपला उजवा हात थोडा वर करून कुणाला कळायच्या आधी भ्रमणध्वनी हातात घेऊन त्याची विशिष्ठ कळ  मधल्या बोटाने दाबावी . सभोवती प्रकाश दिसताच  खुबीने आपला  भ्रमणध्वनी जगाशी माहिती जोडणीद्वारे जोडावा आणि काय अप्पा सुरु करावे. धडाधड येणार-या निरोपां कडे दुर्लक्ष करून सर्वप्रथम संग्रहित फुलांचे गालिचे वेगवेगळ्या संघटनेत अंथरावे. त्यावर मग दिवसाचा कुठलाही प्रहर  असला तरी  दोन्ही  हातानी नमस्कार करून  कायम चुळबुळ कायप्पासनास सुरवात करावी 

आता याठिकाणी आपण निजलेल्या ठिकाणची जागा सोडली तरी  चालेल. आवश्यक नित्य कर्म आवरून ' आसन ' पुढे चालू करावे . सर्वप्रथम   एखादा सुविचार ( शक्यतो इंग्रजीतून )  वाढदिवस , लग्नाच्या वाढदिवसाच्या शुभेच्छा,  काही दिनविशेष  यावरचे  मिळालेले  निरोप / माहिती पुढे पाठवण्यासाठी आता आपल्याला अंगठ्याचा वापर करायचा आहे  . सवयीने हे आपोआप जमून जाईल 

त्या दिवशी काही विशेष दिन नसेल तर एखादा देवाचा फोटो किंवा राष्ट्रगीताला मिळालेले पारितोषिक  किंवा राजकारणातील विषय ( याला कधीच तोटा नसतो )  याचा वापर करावा. यासाठी डाव्या  - उजव्या हाताची कुठलीही बोटे वापरली तरी  चालेल . पावसाळी  छत्री प्रमाने उगवणारी टुकार कविता, ग्रहबदल संबधीत लेख, पाककृती  किंवा  अगदीच काही नाही मिळाला तर गुरुजी - गण्याच्या  विनोदाची अदलाबदल करत हे आसन सतत चालू राहील याची दक्षता घ्यावी 

कामाच्या ठिकाणी पोचल्यावर सर्वप्रथम भ्रमणध्वनी चे तापमान नियंत्रणात आहे ना हे बघावे आणि नसेल तर  भ्रमणध्वनीला ऊर्जा देयक यंत्र लावावे . थोडा वेळ आपल्या बोटांनाही विश्राती द्यावी . आणि परत  हे आसन कंटाळा येई पर्यत चालू ठेवावे . 

टीप : " कायम चुळबुळ कायप्पासन  किती ही केले तरी    कामाच्या ठिकाणी कामे  करण्यास,  कुटूंबातील सदस्यांना वेळ देण्यात , मित्राना प्रत्यक्ष जाऊन भेटणे/ शुभेच्छा देणे/ , पुस्तक वाचासन, आणि शेवटी शांत  निद्रासन  - हे सर्व  करण्यास विसरू नये  

योग दिनाच्या  शुभेच्छा

 

योग विचार

उद्याच्या ( २१ जून ) योग डे  वरचे - आमचे योग्य विचार

 ( संदीप खरेंची  माफी मागून )

जरा चुकीचे... जरा बरोबर.

जरा चुकीचे, जरा बरोबर , करू काही.

चला दोस्त हो ;  योग्य - डे  वर बोलू काही....

उगाच वळसे हाताने  हे देत रहा तू ..

उगाच वळसेे  हाताने हे देत रहा तू ...

फुटले  नाहीत घोटे  तोवर , बोलू काही......

चला दोस्त हो ; योग्य  डे  वर बोलू काही..........

पद्मासन घालुनी तो वर , गड्बडल्या मांड्या .

पद्मासन घालुनी तो  वर , गड्बडल्या मांड्या .

श्वास रोखुनी पाहू , नंतर बोलू काही........

चला दोस्त हो ; योग्य  डे  वर बोलू काही.........

हवे-हवे से  शवासन तुला  हवेच आहे ..

हवे-हवे से  शवासन तुला  हवेच आहे .

नको-नको से  शीर्षासन मग, नकोच   काही.......

चला दोस्त हो ; योग्य  डे  वर बोलू काही..........

योग  नसू  दे हातां मध्ये, साठी म्हनुनी..

योग  नसू  दे हातां मध्ये, साठी म्हनुनी..

वाट आंधळी, प्र्वास खडतर ,बोलू काही ......

चला दोस्त हो ; योग्य  डे  वर बोलू काही.......

( योगी ) अमोल 

टॉस आला, रे सामना दिला

लहानपणी पावसाळा आला की नेहमी तालात म्हणाले जाणारे हे गाणे   काल   जरा वेगळ्या स्वरूपात म्हणावे लागले .

चट चट चट चट झेल टाकती, वाढत जातो पारा 

विसरा आता चेंडू - फळी,  हॉकी स्टिक हाती धरा 

टॉस आला, रे सामना दिला 

घरा घरातुन , न्यूजचॅनेलवर , बोलत होती शहाणी 

त्यावर मग कळले नाही कसे पडले पाणी 

इकडून तिकडे पळता पळता, संघच हरला सारा 

विसरा आता चेंडू - फळी, हाती हॉकी स्टिक धरा 

टॉस आला, रे सामना दिला 

हॉकी प्लेयर्सना  होती जिकंण्याची घाई

इवली इवेळी स्टिक घेउनी गोल करतो भाई 

आनंदे  कौतुकतीसारे  सात - एक ने मारा 

विसरा आता चेंडू - फळी, हाती हॉकी स्टिक धरा 

चेंडू आला , न  गोल केला 

भारतीय खेळाडूचे अभिनंदन 

संकल्पना : अमोल 

आजचा अभंग

आजचा अभंग 

 सेमी फायनलला खेळायचं खेळायचं 
रोहित शिखर काही दमेना 

केली परदेशवारी थेट
 घेतली साहेबाची भेट 
या या खेळाची हौस पुरी होईना होईना  !! १!!

रंग हिरवे  सुदंर  
लाजीरवाणी त्याची हार 
या या नजरेस दुसरा रंग दिसेना  !! २ !!

अनुमानाचा हा खेळ , 
खेळे  जोतिषी टुकार
खेळ खेळिता , भाष्य आज चुकेना  !! ३ !!

अमोल  

धन्य ही भारताहून लंका

लंकेबरोबरचा कालचा पराभव  आमच्या टुकार विडंबनेत  आणखी एकाची भर टाकून गेला  

( चाल : रम्य ही स्वर्गाहून लंका )

धन्य ही भारताहून लंका 

तिच्या खेळीच्या  विराट लहरी उठविती शंका 

धन्य ही भारताहून लंका 

विजयमल्ल्या जरी या नगरी 

हरून दाखविले निळ्या सागरी 

या सामन्यावर पाऊस विसरला , करण्या अभिषेका 

धन्य ही भारताहून लंका 

पैसा लक्ष्मी बंधू भगिनी 

उखळ पांढरे या सामन्यातुनी 

या स्पर्धेचे चॅम्पियन पद तरी  भारता घेशील का ?

धन्य ही भारताहून लंका 

( टुकार )  संकल्पना : अमोल 

०९/०६/१७

माझी टूकारगिरी

ती सध्या काय म्हणते

ती म्हणते वटपोर्णीमेला
पूजा करायची कायको?
सात फेरे मारेल की
माझ्या नव-याची बायको



७/६/१७
अमोल

कळलं का जस्ट इन ...

हुशार पुणेकर कधीच 

मारत नाहीत  खेपा 

म्हणून सवाई महोत्सवात 

लागत  नाहीत टेपा 

☺

जाऊ आहारी । व्हाट्स अप वाटे भारी

कोण म्हणते सोशल मिडीया म्हणजे एक प्रकारचा आजारच आहे ? आमचे तर असे मत  आहे 

जाऊ आहारी । व्हाट्स अप वाटे भारी

नकोच भेटणे  मग कोणाला,
काम कुणी सांगेल न मजला,
मोबाईल हाती  निजावयाला,
चैनच सारी । व्हाट्स अप वाटे भारी

मिळेल धागा, जरी तो  साधा ,
खरी  राष्ट्रभक्ती त्यातच आणा ,
फौर्वर्ड मेसेज आमचा राणा ;
चालतय की । व्हाट्स अप वाटे भारी

भवतीं मिंत्राचा  मेळा,
दंगा थोडा जरि कुणिं केला
ऍडमिन कावुनि सांगेन तयाला,
'जा बाहेरी.' । व्हाट्स अप वाटे भारी


असलें सोशल ना ही गोड
म्हणुनी  कण्हती कां जन मूढ ?
हें मजला उकलेना गूढ-
झालो विचारीं । मौज हीच वाटे ना भारी

अमोल संकल्पना : 

२६/४/१७

आयपीएलच्या खेळामध्ये...

IPL चा खेळ रंगात आला असताना, आमच्या अंगात  हे गाण येऊ लागले 
----------------------------------------
आयपीएलच्या खेळामध्ये झाली आणी बाणी
अर्ध्यावरती डाव रंगला, विराट ही कहाणी

राणा वदला, मलाच लागली, चौकाराची आशा
प्रत्येक फुल्टाँसवे दिसती , मला बाँन्डीच्या रेषा
का धोनीने  मिळेल तेंव्हा पिऊनी घेतले पाणी?

जेंव्हा विचारी निता का हे डिल असे  सोडावे?
का दुस-याने घेण्याआधी जिओ  कसे जोडावे?
या प्रश्णाला उत्तर नव्हते,  प्रीती केविलवाणी

त्या मुलीने मिटले डोळे गेलदूर जाताना
क क किंगचा श्वास कोंडला गंभीर आऊट होताना
पन्नाशीत मिटून गेली एक विराट कहाणी

अर्ध्यावरती डाव रंगला .।

 अमोल २४/४/१७

हे तुझे सांजवेळी ...

'खुलता  कळी खुलेना ' यात सुरेश भटांची ही गझल काय ऐकली आणी  हे सुचलं
( भटांची माफी मागून 🏼)

हे तुझे सांजवेळी पियणे बरे नाही.
आणि गाडी हायवेला लावणे बरे नाही

जे मागे दिले होते तेच पेय दे मला
मागचे जुने बिल टाळणे बरे नाही

ऐक तू जरा माझे.. सोड मोह पिण्याचा
आजकाल एवढे पियणे बरे नाही

पाहिली न कोणि आपुली जोडगोळी?
आपलीच बाटली फोडणे बरे नाही

कालचा तुझा माझा ब्रँन्ड वेगळा होता
हे आज ग्लासातूनी सांडणे बरे नाही

विडंबनाने या माझ्या शुध्द  आज का आली ?
हाय हे टुकारलेखन वाचणे बरे नाही

 १८/४/१७
अमोल

मृगजळाकाठी कविता संग्रहाचे प्रकाशन

मृगजळाकाठी   कविता संग्रहाचे  प्रकाशन 

दिनांक  ९  एप्रिल २०१७ ला सौ  उज्ज्वला केळकर यांच्या मृगजळाकाठी   या कविता संग्रहाचे  प्रकाशन  सांगलीत  जेष्ठ कवी  श्रीरंग जोशी यांच्या हस्ते झाले 

याप्रसंगी   डॉ तारा भवाळकर , डॉ अनिल मडके , वैजनाथ महाजन आणि इतर  मान्यवर उपस्थित होते 

हापुसची पेटी मिळे अजूनी हजारात

वाशीच्या एपीमेसी मार्केट मधे फळांच्या राजाची आवक वाढली ही बातमी वाचनात आली आणी.. हे सुचले
-----------------------------------------
( चाल: बगळ्यांची माळ फुले)

हापुसची पेटी मिळे अजूनी हजारात
भेटशी आमरसा कधी, सांग तू  पानात

थांबविती रस्त्यात उभे ,भय्ये उत्तरेचे
खोलूनी दाविती तिथे सोने देवगडचे
भावडझनाचा घुमतो मग खुप डोसक्यात..।

हापुसची पेटी मिळे अजूनी हजारात

हातासह रंगले मन रस काढताना
कोय आणी सालही पिळून ठेवताना
अशक्यपरी येतील दिवस अजूनही सत्यात..

हापुसची पेटी मिळे अजूनी हजारात
भेटशी आमरसा कधी, सांग तू  पानात

  

© अमोल

तू आता मात्र रिटायर होच , देवा

देवा, तू ही जा आता संपावर
अगदी बेमुदत. कधीच परत न येण्यासाठी

एक बर होईल
तुझ्यासाठी कुणी हाय कोर्टात जाणार नाही
विधान सभेत गदारोळ नाही
नास्तिकांचा प्रश्णच नाही,
श्रध्दा, भावना वगैरे सावरतील काही दिवसांनी
अन आस्तिक
त्यांना ही सवय होईल न भिण्याची कुणी पाठी नसताना

डाँ श्रीरामांचा आदर्श ठेऊन आम्ही कौसल्येच्या रामाला रिटायर करु
मग कशाला हवाय सामंजसपणा मंदिरासाठी,
मदिराही पुरेशी ठरेल दु:ख सारे विसरण्यासाठी

ओस पडू देत गाभारे,  होऊ देत संस्थान खालसा सारी

हा तुझ्या प्रकट दिनाच्या सुट्ट्या
करुन घेऊ अँडजेस्ट
काही इतर दोन चार संघटनेला संप करायला लावून
आणि मोदक, पुरणपोळीचे काय घेऊन बसलास
ते तर आता आम्हाला १२ महिने मिळू शकतात
कुठल्याही माँल मधे किंवा अगदी घरपोच सेवा

तुझ्या साठी लागणारा बंदोबस्त आम्ही इतर संघटनेला, नेत्यांना पुरवू

पण नको तू नकोसच आता

शेवटी राम राम म्हणलं तरी मरा यचे आहेच
काहीजण सहज, काही जण औषधाने आणी काहीजण औषध मिळाले नाही म्हणून

आणि त्यातून ही अडीअडचणीत तुझी आठवण आली तर घेऊ एक इंजक्शन मानसिक बळ वाढवायचे आणी हाच एक ठरेल संजीवनी मंत्र जगण्याचा

पण बस तू  आता मात्र रिटायर होच , देवा 🏼

या कार्ट्यांनो परत फिरा रे....

नक्की कुठल्या पक्षास हे गाणे योग्य असेल हे तुम्हीच ठरवा🏻

या कार्ट्यांनो, परत फिरा रे पक्षाकडे आपुल्या
जाहल्या निवडणुका जाहल्या

दहा दिशांनी येईल आता विरोधाला सूर
अशा अवेळी असू न का रे पक्षापासून दूर
सत्येवाचून हाल उगाचच चिंता मज लागल्या

इथे जवळच्या, मुंबईनगरी लक्ष आमचे हाई
अजून आहे मजा इकडे, महापौर बनला नाही..
शिळ्या चर्चा अजुन कुठे ग, बातम्यात उतरल्या

शाखेभोवती असल्यावाचुन कोलाहल तुमचा
उरक न होतो आम्हां आमुच्या कधीही कामाचा
या पोरांनो, या र लौकर वाटण्या काढल्या

: टुकार ईचार 

२/३/१७

..युतीत क्लिष्टता मोठी

ऋणानुबंधाच्या पिचून पडल्या गाठी...भेटीत धृष्टता मोठी

ढींग टांग  फेम  ब्रिटीश नंदी नी ही एक ओळ सुचवली  मग काय,  थोडा बदल करून गाणे पूर्ण करायला कितीसा वेळ 

------------------------------------------------------------------

ऋणानुबंधाच्या पिचून सुटल्या  गाठी...युतीत क्लिष्टता मोठी

त्या भाषणवेळा कोसळती  बोल जहरी 

त्या जहिराती आठवती  जनता प्रहरी  

कितीदा भांडलो, गेलो, रुसलो 

सत्तेवाचुनी  परस्परांच्या आजच  कळल्या गोष्टी 

....   ..युतीत क्लिष्टता मोठी

कधी नेते उसनेच  आणणे 

हरतील कसे ते बघणे  

कमळ ते उमलून  फुलणे  

बघणे, फसणे , सुडाने हसणे 

 पडल्यावरती उठण्यासाठी मोदभावना   पाठी 

          .   ..युतीत क्लिष्टता मोठी

आधी जवळ वाघाच्या बसलो 

सत्तेत टक्याला मुकलो 

मग धुसफुसलो , अन बिथरलो 

मराठीच्या आठवणीनी  हवेत मारल्या रेघा 

सत्तेसाठी  खूप लढलो , सत्तेसाठी जमेल ही गट्टी 

   .   ..युतीत क्लिष्टता मोठी

आज मिळता तिकीट मिळेना

काल  दिवसभरातील वातावरण पाहून हे काही साहित्यीक विचार मनात आले

आज मिळता तिकीट मिळेना

मी मागावे तू मागावे
कशी वाटणी करावी कळेना
प्रभागाची भांडणे ही
का  तरीही काही सुटेना

हीच गुर्मी, हीच उर्मी
युती कुठेच ही दिसेना
रोज थोडे, पक्ष फोडे
थांबवावे कसे ते कळेना

आस तिथल्या खुर्चीचीही
आज मिळता तिकीट मिळेना

मिळता तिकीट मिळेना

सर्व बंडोखोरांना शुभेच्छा 
टुकार ईचार