मीटर डाऊन

श्रींमंतीला ही आता
चार चाँद लागले !
जेंव्हा रिक्षात बसताच
पंधरा रुपये  मोजले  !!

’खुदा हाफीस’

गनिमी काव्याने लढायचे
महाराजांनी शिकवले
सचिननेही मग पायाने
अफ्रिदिला फसवले !!

लटपटणारे पाय जेंव्हा
पुढे सरसावून आले
अब्दुल कादिरनेही मग
’खुदा हाफीस’  म्हणले !!

अतिथी देवो भव !

                                     अतिथी देवो भव !

संस्कृती आमची म्हणते

टॅक्सीचे मिटर मात्र

भलतेच जोरात पळते !

वेलकम

अमेरिकन डॉलरने
पन्नाशी पार केली
माधुरीनेही मग
मुंबईची वाट धरली

रस्त्यातील खड्ड्यात
वेलकमचे बोर्ड लागले
नेनेंचे ही ' दिल ' मग
धक धक करु लागले

षटकार

सकाळीच मिडियाने

तो षटकार दाखवला !

अन शोएबच्या बोलीचा

फुगा फटकन फुटला !!

टॉप टेन

टॉप टेन ची लागण 

 मंत्र्यानाही झाली

विमान वेगाने तेंव्हा

लक्ष्मी बाहेर आली

आकड्यांचा हा तर

भुलभुलैया आहे

पटले नाही तरी

हेच  वास्तव आहे

ओव्हरटेक

सुज्ञ नेते नेहमीच
सत्तेचे मर्म अचूक जाणतात !
मुले मात्र त्यांची
ओव्हरटेक वरुन भांडतात !!

कुठले इंजिन पुढे जाईल
हे जनताच ठरवेल !
मराठीचा ' झेंडा' मात्र
दिमाखात फडकेल !!

अमोल केळकर

भाऊबंधकी

अति तेथे माती होते

निसर्ग देतो संकेत

भाऊबंधकी आणूया

लोकपालच्या कक्षेत

एकीचे बळ

' नाना' प्रकारे समजावले

  तरी नाही उमगले !

    'राज' कारणामुळे ! 

' एकीचे बळ ' विसरले !

हवामान खाते

येत्या चोविस तासात मुसळधार पाऊस पडेल !

असे जेंव्हा हवामान खाते म्हणेल !

तेंव्हाच मी गणपतीच्या खरेदीला

सहकुटुंब बाहेर पडेन  !!!

अहिंसा

चर्चेच्या गुर्‍हाळ्यात

प्रश्न काही सुटला नाही

आता कळले अहिंसेचा मार्ग

वाटतो तेवढा सोपा नाही

फस्ट्रेशन

आरक्षण गुंडाळले

करप्शनवर काम सुरु झाले

पॅशन  ' प्रकाश झां' ची

फस्ट्रेशन आम्हास आले

व्हाईट वॉश

खालील ग्राफीटीचा फळा नुकताच इंग्लन्डहून एकदम स्वस्तात पांढर्‍या रंगाने रंगवून  आणला आहे.  रंग अजून ओला अस्ल्याने काही दिवस लिखाण करायला जमणार नाही त्या बद्दल क्षमस्व

लोकपाल

आमचा कोणाला विरोध नाही !

'वंदे मातरम' म्हणणारच !!

हजारो संकटे झेलीत अण्णा !

लोकपाल विधेयक आणणारच !!

खिडकी

मावळचे पाणी

'जो हुआ, वो गलत हुआ'

युवराजांची वाणी !

तरी आमच्या मावळला

मिळालेनाही  पाणी !

अमोल केळकर

२० ऑगस्ट २०११

आरक्षण

आरक्षणाचा मुद्दा

चर्चेतून बाजूला काढला

सिनेमाच्या गल्ल्याने मात्र

कोटीचा पैसा कमवला

अमोल केळकर

१९ ऑगस्ट २०११

रामलीला

                              भ्रष्ट नेते, सुस्त सरकार!

नित्य घोटाळे  चव्हाट्यावर !

इतिहास नवा रचू आता !

रामलिलेच्या मैदानावर !!

अमोल केळकर

                            १९ ऑगस्ट २०११

अंतीम सामना

टिम इंडीयाने खरे म्हणजे

टिम अण्णांपासून शिकावे

प्रबळ इच्छाशक्तीने

साहेबांशी नडावे

सचिननेही सहजतेने

शंभरावे शतक करावे

पण काहीही असो सर्वांनी

पाचही दिवस खेळावे

अमोल केळकर

१८ ऑगस्ट २०११

अस्तित्व

आज परत आपण !
मुळ अस्तित्व दाखवले !
पाच दिवसाच्या कसोटीला !
चार दिवसात गमावले !!

अमोल केळकर

माझी आरोळी - दिनांक - २ ऑगष्ट २०११
संदर्भ -भारतीय संघाला इंग्लण्ड बरोबर दुसर्‍या कसोटीत ४ थ्याच दिवशी स्विकाराव लागलेला पराभव