श्री विठ्ठलाय नम: !
नमो सद्गुरू !
नमो विश्वगुरु !
तुकोबाच्या भेटी | विश्वगुरु आले |
झो झाला सोहळा | देहुगावात ||
जाहली दोघांची उराउरी भेट |
उरातले थेट | उरामध्ये ||
तुका म्हणे, "गुरु | तुझे कर्म थोर |
अवघेची राष्ट्र | उभे केले " ||
विश्वगुरु म्हणे | एक ते राहिले |
अच्छे दिन पाहिलेले | सत्तेआधी ||
तुका म्हणे," बाबा | ते ना बरे केले |
त्याने तडे गेले | महागाईला ||
लालकृष्ण, अटल | त्यांची रीत न्यारी|
तुझी पार्टी कोरी | " डिफर् नशिया " ||
विश्वगुरु म्हणे,| तुझ्या शब्दांप्रीत |
नाठाळाचे माथी | काठी हाणू ||
तुका म्हणे, गड्या | वृथा शब्दपीट |
प्रत्येकाची वाट | वेगळाली ||
वेगळीये राज्ये | वेगळाले काटे |
काट्यासंगे काढू | तोची काटा ||
ऐक ऐक वाजे | ध्वनीक्षेप मंदिरी |
मातोश्री मुंबापुरी | वाट पाहे ||
विश्वगुरु निघोनिया | गेले पश्चिम दिशा |
बोलण्या अजिता | मिळेचना ||
पांडुरंग हरी! वासुदेव हरी ||
१५/०६/२२ 📝
1 comment:
खूप छान
Post a Comment