जरा युतीचे, जरा आघाडीवर बोलू काही

संदीप ची ( खरंच) माफी मागून

जरा युतीचे, जरा आघाडीवर बोलू काही
चला दोस्त हो भविष्यावर बोलू काही

उगाच वळसे शब्दांचे हे देत रहा तू
भिडले नाहीत मंत्री तोवर बोलू काही
चला दोस्त हो भविष्यावर बोलू काही

'सामना' पाहून टिव्हीवर कुरकुरला पो-या
मिटले नाहीत 'वाद' तोवर बोलू काही
चला दोस्त हो भविष्यावर बोलू काही

हवेहवेसे मंत्रीपद जर हवेच आहे
नकोनकोसे गुप्त संभाषण बोलू काही
चला दोस्त हो भविष्यावर बोलू काही

उद्या उद्याची किती काळजी मंत्रालयातून
सत्ता आहे विरोधा नंतर बोलू काही
चला दोस्त हो भविष्यावर बोलू काही

(अ)पक्ष असू दे हाता मध्ये काठी म्हणूनी
वाट आंधळी प्रवास खडतर बोलू काही
चला दोस्त हो भविष्यावर बोलू काही

जरा युतीचे, जरा आघाडीवर बोलू काही
चला दोस्त हो भविष्यावर बोलू काही

📝१६/११/१९