हॅट्रीक

क्रिकेट प्रमाणे महत्त्वाची 
राजकारणातील हॅट्रीक
येत नाही सगळ्यांना
कशी करायची ती ट्रीक

अमोल केळकर
२२/१२/२०१२

नमो - गुज रात

गुजर गई रात
फुलले कमळ नवे
विकासासाठी जनतेला
आणखी काय हवे ??

अफ्रिकन - सफारी

जनतेच्या शिकारीला कंटाळून
फौज गेली अफ्रिकेला
प्राणीही करणार नाहीत माफ
त्यांच्या या कृतीला

शिकारीच्या  खेळातही
वेळ महत्त्वाची फार
नाहीतर मिळेल विमानात
राजिनाम्याची तार !!!

अमोल केळकर
डिसेंबर १५, २०१२

वेलकम - वॉलमार्ट

' मायेने '  हात हलवत
  वॉलमार्टचे केले वेलकम....
 ' मुलायम' वेष्टनातील पदार्थ घ्यायला
  कशाला करायचा गम ????

 अमोल केळकर
डिसेंबर ८, २०१२

पार्क आणि मिल

 कुणासाठी पार्क,  कुणासाठी मिल
 देशातल्या सर्वच जमिनी
 कराव्यात का सिल ?

स्मारक

उज्वल इतिहासाची साक्ष
देते शहीद नेत्यांचे स्मारक
प्रत्येक पक्ष विचार करतोय
ठरेल का आपणास तारक?

सोयीच्या जागेसाठी पक्ष
जंग जंग पछाडतोय
आपल्याच नेत्याच्या विचारांना
चार भिंतीत अडकवतोय

अमोल केळकर
२३ नोव्हेंबर २०१२

रि - अलायन्स

कुणाचे अलायन्स  कुणाशी
अन कधी  करायचे रिपीट
यावरच कळून येते तुमचे
राजकारणाचे  स्पिरीट

केसही यांचा वा़कडा
करता येणार नाही कुणाला
मग पत्रकार परिषदेत
प्रश्णांचा भडिमार कशाला ?

अमोल केळकर
३१ ऑक्टोंबर २०१२

फटकारे

कुणाची  होती हिंमत
म्हणायची का रे ?
जेंव्हा तुम्ही दिलेत
फटकारे
म्हणूनच महाराष्ट्रात दुमदुमते नाव
फक्त बाळासाहेब ठाकरे !!

( दिस चार झाले विज... हो... गायब होऊन )

दिस चार झाले विज... हो... गायब होऊन
घरा घरात आणि....
घरा घरात आणि वाडी रस्त्यातून
दिस चार झाले विज... हो... गायब होऊन

न कळत रिमोट कडे हात वळले
न कळत रिमोट कडे हात वळले
सासू सून मालेकेचे गित न दिसले
भारनियमाची  बातमी  रकाने भरुन
दिस चार झाले विज... हो... गायब होऊन

  -   निवृत्ती  -

चार दिशांनी आल्या ओळी
विसरले गेले वृत्त
तरी सगळे सांगत होते
हो 'अमल्या' निवृत्त

जमत नाही कविता
पण आहे मोठी धमक
म्हणून पडती आरोळ्या
जुळवून खालचे यमक

अमोल केळकर

चिल्लरशाही

लोकहीत करतानाच
साधले जाते स्वहीत
सध्याच्या नेत्यांची
हीच आहे  खरी रीत

स्वतःवरचे आरोप मग
चिल्लर भासू लागतात
जेंव्हा विरोधी पक्षाचे नेते
पाठराखण करतात

अमोल केळकर
ऑक्टोंबर २०, २०१२

' बस डे '

पुणे  ' बस डे '  ( १ नोव्हेंबर ) ला हार्दीक शुभेच्छा ........

सकाळी सकाळी  बस स्थानकावर
  पुरेशी '  बस दे'    देवा   ! 
 असे झाले तर  कशाला
  ' बस डे '   हवा  !!

सकाळी वेळेत बस नसेल
 तर दिवस जातो वेस्ट !
पैसे जास्त घेतले तरी
मुंबईतील बस बेस्ट !!

( मुंबईकर ) अमोल केळकर

दर्शनाची रांग

देवीच्या दर्शनास
व्हिआयपी रांग
कशी फेडू पापे
माते तूच सांग

देवाच्या दर्शनास
लागेल सेवा कर
कलियुगातील भक्तांना
परमेश्वरा माफ कर

अमोल केळकर
१८ ऑक्टोंबर २०१२

' मेंबर ऑफ ऑर्डर ऑफ ऑस्ट्रेलिया '

ज्यांना याने लोळवले
त्यांनीच काढली ऑर्डर
आता कशी दिसेल
त्याला निवृत्तीची बॉर्डर 

या गोष्टीने  झालाय
तिथेही मोठा  वाद
अंतीम निर्णयासाठी  मागू
तिस-या  पंचाकडे दाद

अमोल केळकर
ऑक्टोंबर १७, २०१२

बॉलीवूडची राणी

अय्या इश्श  करतंच
मराठीत आली राणी
पाहून तिची अदा
मागावे लागले पाणी

अमोल केळकर
१७ ऑक्टोंबर २०१२

दर - वाढ

दरवेळेला दर - वाढीची
भोगतो आम्ही शिक्षा !
खिसा तपासून मगच
उभी करायची रिक्षा !!

सातच्या आत घरी !
पाचच्या आत पंपावर !
ह्या सगळ्यांपेक्षा  !
जावे आपणच संपावर !!
 

अमोल केळकर
१५ ऑक्टोंबर २०१२

' हिरॉईन ' चे लग्न

'करिना' का लग्न
आपली हिरॉईन...

होणार  आहे का आता
नवा सिनेमा साईन ?


अमोल केळकर
२२ सप्टेंबर २०१२

६ का ९ ?

आमचे राज्य असेल तर
मिळतील नऊ सिलेंडर
जावयास सांगितले आहे
काढायला याचेच टेंडर

दुसरा कुणी येईल  तर
देईल सिलेंडर सहा
आल्या गेलेल्यांना  मग
कसा पाजणार  चहा ?

अमोल केळकर
९ ऑक्टोंबर. २०१२

आवाज कितीचा ?

आवाज कुणाचा ? विसरा आता  आवाज कितीचा ? प्रश्न आहे . वाघाच्या डरकाळीला ही आता डेसिबलचे बंधन आहे .

मै आम आदमी हूं !!!

भारताच्या राजकारणात
उदयास येतोय नवा पक्ष
एकदाचा लावून टाकू
लोकपालचा सोक्ष मोक्ष  !

आम आदमीलाच सगळे
घालू शकतात मस्त टोपी
यानेच तर बनत जाते
राजकारणातील वाट सोपी !!

अमोल केळकर
ऑक्टोंबर ३, २०१२