अभद्र युती

   'बळ'  दिले  'रामाने ' !
न( ना) सलेल्या युतीला !
ब्रेक लागला नाशकात !
'मनसेच्या' इंजिनला !!

दमलेल्या ( पृथ्वी ) बाबाची कहाणी

मुंबापुरी नगरात वर्दी दिली भारी
आदर्शचा राजा गेला नांदेडच्या वारी
मुंबईतल्या पालिकेवर मारु बघ खेळी
तिजोरीच्या चावीसाठी झुलतोमी उरी

ना ना ना ना ना ... ना ना ना ना ना ....


मंत्रालयात उशीरा मी असतो बसून
भंडावले डोके युत्या - आघाड्या करून
तास तास जातो पास टेंडर करुन
एक एक मंत्री जातो फाईली ठेऊन
अशा वेळी काय सांगू काय काय वाटे !
यमुनेचे पाणी सर्व चहुकडे दाटे !

ना ना ना ना ना ... ना ना ना ना ना ....

( गद्य)
गल्ली बोळात लुकलुकणारा माझाच तो  ' हात '
आणि पहिल्यांदाच जेंव्हा केला ' इंजीनाने' घात
' बाई'  म्हणाली होती जा मुंबईला बदली बाबा
रांगत रांगत जेंव्हा घेतला होता ' घड्याळाने' ताबा
टिक-टिक करत घडाळ्याने टाकल पाऊल पुढलं
गजरच एकत राहिलो फक्त, उठायचंच राहिलं


( पद्य )
आज  गेलो आहे आता पुरा अडकून
दचकून जगा होतो ' धनुष्य' पाहून
असा कसा कृपा 'शंकर 'उमेदवार देतो
नातेवाइक म्हणतो  आणि तिकिट मागतो
मंत्रिपद गेले आता माझ्या 'हातातून'
उरे  काय  मला आता  मुंबईमधून
जरी होते ओठी मा़झ्या ' बाणासाठी ' हसे
नजरेत मला आता भगवाच दिसे
तुझ्या मुंबईतून 'सेना ' हरवेल का गं
कधीतरी ' हात ' तुला आठवेल का गं
'नवी दिल्ली' जाण्यासाठी उभा रांगे मध्ये
माझ्यासाठी येईल का ' सत्ता ' मुंबईमध्ये

( मुंबईकर एका सुरात )

ना ना ना ना ना ... ना ना ना ना ना ....


अमोल केळकर
२०/०२/१२

खेळ मांडला .....

एकच आदेश एक विचार !
इतिहास ठेवला गुंडाळून !
जोगवा मांडला मतांचा !
' प्रेम दिनाचे' स्मरण करुन !!

गोंधळात गोंधळ

  तू मला मार !
  मी गोंधळ घालतो !!
  मग बघ  !
 आपला सिनेमा !
 कसा जोरात चालतो !!

प्रगती

प्रगती झाली संघाची !
पाचव्या दिवशी खेळणार आहे !
बाराच्या भावात जाता जाता !
लाज थोडिशी वाचणार आहे !!

पॊवर गेम’

’पॊवर गेम’च्या खेळात

काकानेही बाण सोडला

खास-दाराने आनंदचा

मासा गळास लागला.

मैदानी ( राज ) कारण -

मैदान मारणा-यांना आता
 मलिदा दिसू लागली !
म्हणूनच मैदान राखायला
कोर्टाची पायरी चढली !!

स्वेटर आणि वज्रलेप

                          विठोबाला वज्रलेप !
                           गणपतीला स्वेटर !
                          बत्तीसकोटी देवांत !
                          आता कुणाचा नंबर ??

प्राईम टाईम - मालिका

प्राईम टाईम साडेआठचा !
रंगलाय 'लग्नाच्या गोष्टीत' !
सासू सुना घराघरातल्या !
पहात बसल्यात ऐटीत !!

चपला आणि शाई

 पुर्वी होत्या चपला !
आता आली काळी शाई !
रोज घडे नवा  तमाशा !
करु नका बिल्कुल घाई !!

तात्काळ सेवा

' तात्काळ सेवेचा' लाभ आता !
मंदिरातही घेता येतो !
शंभराच्या  पावतीत !
हवा तसा प्रवेश मिळतो !!

हती आणि माया

   जनतेला हताशी धरून
माया साठवायची
अन
निवडणुक लागली की
तिलाच झाकायची


सध्या तरी  आता
पुतळा झाकायला हवा
हत्ती एवढ्या मायेला
संहीतेचा आधार हवा

टाईमपास बकवास ( ३ ) - खेळपट्टी

राज्यसभेच्या खेळपट्टीवर
लोकपालचा चेंडू वळणार !
'उदो उदो' करणारेच मग
'हात'  आखडता  घेणार !!

' बॉक्सींग डे' - सेलिब्रेशन

पक्षाचा व्हिप धुडकावत
कलगितुरा रंगला !
'बॉक्सींग डे' लाच काका
पुतण्याकडून हरला  !!

डर्टी'

निवड झाली थर्टीफस्टला !
'विद्या' प्रशाला जागेची !
डिमांड आली लोकांमधून !
' डर्टी' पिक्चर बघण्याची !!

संस्थेने केला ठराव !
इमारतनिधी घेऊ !
फारतर सगळ्यांना
फुकट चकणा देऊ !!

टाईमपास बकवास (२) - चिकनी चमेली

' कैफ ' चढला कोंबडीला
चिकनी चमेली पाहून
तडक पळाली मुंबईला
तंगडीत चप्पल धरुन

अब्रूचे झाले नुकसान
दावा कोंबडीने ठोकला
कोंबडाही मग सरळ
उपोषणास बसला.

अमोल केळकर
२३/१२/ २०११

टाईम पास - बकवास (१)

ग्लुकॉन डी पिऊन कोल्ह्याने

घेतला चावा लेखकाचा

जन्म झाला त्याचवेळी

कोलावरी डी गाण्याचा

सिमा - वाद

 कोल्हापुरी मिसळ, बेळगावचा कुंदा !!
  दोन्ही गोष्टी एकत्र खायचा
  झालाय मोठा वांदा  !!

एकत्र येण्यासाठी आता
समिती नेमावी लागेल !
इकडून तिकडे जाण्यासाठीही
पासपोर्ट काढावा लागेल !!

१०० नंबरी

फिकी आहेत तुझ्यापुढे

शंभर नाणी सोन्याची !

होऊदेत नांदी आता

शंभराव्या शतकाची !!

सचिनला घरच्या मैदानावर १०० वे शतक झळकवण्यासाठी हार्दीक शुभेच्छा!!

परीक्षा

सत्तेचे डबे जोडताना आता
नुसती बेरीज कामाची नाही
तिकीट पाहिजे असल्यास आता
अभ्यासाशिवाय पर्याय नाही.