पावसाळी वाहन

  तूला येण्यासाठी होते वाहन
   घोडा, मोर , बेडुक , म्हैस
   आवडले नव्हते   हे तर
   एकदा तरी सांगायचे नाहीस?

    आला  आहेस आता तेंव्हा
    येऊ देत ' सरीवर सरी '
    बदल्यात देऊ नवे वाहन
     नवी कोरी '  शिवनेरी '
 

२६ जुलै

आजचा दिवस आला की
पाऊस ही जातो भांबावून
खुप प्रयत्नाने सावरतोय
ओघळणारे अश्रू सकाळपासून

त्या दिवसापासून खरं
विसरलाय तो  बरसणे
आपल्या हातात आता फक्त
गाढवाचे लग्न लावणे !

अमोल केळकर
२६ जुलै २०१२

श्रावण ...

श्रावण ...


तुझ्या न येण्याच्या निर्णयाने
 आधीच पडलेत खुप व्रण
 आता काय फरक पडतोय
 आला जरी  श्रावण

अमोल केळकर ,
जुलै २१, २०१२

 

एक नंबरी पद

एका  पेक्षा दोन  मोठा
यात आहे साहेबांचे  गुपीत
यावरुन तर ठरणार आहे
राजकारणाचे पुढचे गणित

एक वर जाण्यासाठी
साहेबांचे गणित आहे पक्के
पण मतदानाला पडतील का
घड्याळावरती जोरदार शिक्के ?

अमोल केळकर
जुलै २१, २०१२

कृत्रीम पाऊस

घोटाळ्यांच्या पावसामधे
खरा पाऊस गायब होतो
कृत्रीम पावसासाठी मग
एक घोटाळा रूजू लागतो

गुटखा बंदी

पुडी प्रमाणे कायद्यातही
एक फट ठेवली जाते
त्याचाच उपयोग करुन मग
दोघांनाही फोडले जाते

जनतेला खुष करण्यासाठी
तोच कायदा परत येतो
तोंडात बकाणा भरता भरताच
ठराव संमत केला जातो

अमोल केळकर
जुलै १३, २०१२

फूल

दरवळणा-या सुगंधात
मन माझं फसतं
दर वेळेला ते फूल मग
मला पाहून हसतं

अमोल केळकर
जुलै ९, २०१२

देवकण

 चराचरात कणाकणात
 देव आम्ही पहातो
 दुनियेच्या हाती फक्त
 'देवकण' लागतो.

अमोल केळकर
जुलै६, २०१२
(संकष्टी चतुर्थी )

नोंद

तूझ्या प्रतेक गोष्टीची नोंद
ठेवली होती त्याकाळी
हेच तर काम होतं मला
रोज उठल्यावर सकाळी

अमोल केळकर
जून २८,२०१२

पाऊस

ढगांची झाली गर्दी
हवामान खाते जागे झाले
पडणा-या प्रत्येक सरीने
आडाखे यांचे बदलू लागले

 चोवीस तासाचा अंदाज
 काही तासात बदलतो
 सूर्यदेवही  या खेळात
 आपला डाव घेऊन जातो.

आठवण

  दररोज तुझ्या आठवणीत
  मन माझं रमतं
 चार ओळींनाही लगेचच
 आयतं काम मिळतं

अमोल केळकर
जून २७, २०१२

चूर्ण

तूझ्या शिवाय माझी चारोळी
कधीच होत नाही पूर्ण
.
.
.
.
.
.
.
.
पचत नसेल ज्यांना हे त्यांनी
रोज घ्यावे धौती योग चूर्ण

वेळेचे गणीत

परत येणार असतानाही
मागे वळून  बघतेस जाताना
मग उगाचच दमछाक होते माझी
वेळेचे गणीत मांडताना

अमोल केळकर
जून २५, २०१२

धग

ढग होते साक्षीला
बाबांनी जेंव्हा पकडले
आठवत नाही त्यावेळी
कोण जास्त बरसले

अमोल केळकर
२३ जून २०१२

बॅकप

मनातल्या फाईलीत
सेव्ह कर शब्दांना
त्यानेच बनव चारोळी
विकली बॅकप घेताना

आग

 'जातीने ' लक्ष  घालून !
 आग अटोक्यात आणली !
 जातीच्या राजकारणासाठी !
 हळूच जपून ठेवली !!!

नार्को टेस्ट

मला अजिबात आवडत नाही
तुझ्याशी खोटं बोलायला
.
.
.
.
.
.
.
.
.



पैसे ही आज काल फार घेतात
 नार्को टेस्ट  करायला

मान - अपमान

मान्य करतो एक गोष्ट
तेवढी उंची आमची नाही
म्हणून काय कधीच आम्ही
चारोळी करायची नाही ????


मान्यता मिळाली नाही तरी
मान आम्ही नेहमीच राखतो
मानापमानाच्या नाटकात
बळीचा बकरा आमचाच जातो.

चारोळी

चारोळी करायचे
चार ओळींनी ठरवले
ऒंजळभरुन शब्द लगेच
मदतीला धावले.

वेळ

 तू येणार असलीस की
मी कुणालाही थांबवत नाही
वेळ मात्र अशावेळीही
जायचे नाव घेत  नाही 

अमोल केळकर
२० जून २०१२