सबकी पसंत - रेखा

' शाळा '

( नको देव राया , राज्यसभा पाहू )

आमच्या देवाला , राज्यसभेवर न जाण्यासाठी ही प्रेमळ विनंती  :) 


नको देव राया , राज्यसभा पाहू
खेळ  हा सर्वथा , जाऊ पाहे !

विश्वकप पुढचं, बाकी आहे येणे
तूला काय जाहले, अरे देवा !

तुजविण कोण न दिसे संघातुनी !
पळू लागे धोनी, घरीबाई !

निवृतीची आस, दिसते आम्हास !
घेई जहिरात आपुल्या कवेत
--------------------------------------------------------------------------

मुळ गाणे

नको देवराया अंत आता पाहू
प्राण हा सवर्था, जाऊ पाहे
हिरणीचे पाडस, व्याघ्रे धरीयेले
मजलागी जाहले तैसे देवा
तुजविण ठाव न दिसे त्रिभुवनी
धावे हो जननी विठाबाई
मोकलूनी आस, जाहले उदास
घेई कान्होपात्रेस हृदयात			-

रचना - संत कान्होपात्रा
संगीत : आनंदघन
चित्रपट - साधी माणसं

बोफोर्स

'स्टेनच्या'.तोंडच्या वाफेने !
शिळ्या कढीला ऊत आला !
बोफोर्स तोफेचा गोळाही !
तेच तेच ऐकून विटून गेला !

तडजोडीचे  राजकारण !
दलालच करतात फोर्स !
फसला जातो शहनशा !
लोग  कहते है  ' बोफोर्स ' !

देव बाप्पा

माझीया प्रियाला ......

तुझ्या प्रियाला आधी !
प्रित कळत नव्हती !
असे म्हणतच  तू !
त्याच्या  मागे होती !

'तू तीथे मी'  म्हणत !
हसतेस भलतीच गोड !
आता तरी प्रियाला !
थोड मोकळे सोड !!!

अमोल केळकर
२१/०४/२०१२

लाईफ लाईन

 आज ठरवले आहे!
 काही फायदा नाही त्रासून !
 बाहेर काढलेय तिला नुकतेच !
 अतिदक्षता विभागातून !

जागोजागी स्टेशनात !
उभे माणसांचे थवे !
काही दिवस तरी !
रिक्षाने जायला हवे !

'आदर्श' चोर

अग्नीला साक्षी ठेवून !
इरादे मजबूत करु !
वेळप्रसंही शत्रूला !
पळताभुई थोडी करु !!

प्रश्ण इथे संपले  नाहीत !
लढा आपल्याशीच आहे  !
'आदर्श' चोरांचा सगळीकडे !
सुळसुळाट माजला आहे !!

बिहार दीनचा सोहळा

तलवार उपसून "राजे" लोक !
"भैय्यां"समोर  उभे ठाकले !
बिहारदिनच्या सोहळ्यामधे !
 मराठी गीत वाजू लागले. !!

धक्का

बिहार दिनाच्या पुर्वसंधेला !
मुंबईला बसलाय धक्का !
-
-
-
-
-
-
-
-
-

तरीही फडकत राहिल भगवा !
इरादा आमचा पक्का !!

श्यामची ( नवीन ) आई

रिमेकच्या जमान्यात !
नवीन आईचा शोध लागला !
गुरुजींचा 'शामही' मग !
भलताच  खुश  होऊन गेला !! !!

अरीन आणि रायनलाही !
आणखी एक भाऊ मिळाला !
' नेने' बाईंनी जेंव्हा !
' श्यामची आई ' स्विकारला  !!

बिहार दिन ---

बिहार दिनच्या सोहळ्यासाठी
मुंबई लागलीय नटायला !
-
-
-
-
-
-
-


शिका महान नेत्यांकडून
खाजवून खरुज काढायला !!

झर दारी ओझे

  रेशमी चादर दर्ग्यावर !
  झरदारींनी अर्पीयली !
 दहशतीच्या जखमेवरची !
 खपली अलगद उडून गेली  !!

धार्मीकतेच्या प्रेमापोटी !
शत्रूही मित्र बनत आहे !
खंजीर घुसला पाठीत तरी !
अतिथी आमचा देव आहे !

बातमी

विसरेपणाचा शाप !
बातमीला असतो !
हेच लक्षात ठेवत !
गुन्हेगार वाढतो !!


चौकी चौकीत फक्त !
ढिग फाईलीचा लागतो !
नवस कुठे फेडायचा !
देवही चोरीला जातो !! 

आयपीएल चा खेळ रे.......

आयपीएल चा खेळ रे....... 
(चाल - ' विश्वाचा विश्राम रे स्वामी माझा राम रे !)
=====================
आयपीएल चा खेळ रे, पब्लिक जाम खुश रे !
आनंदाची शाम त्यांची आनंदाची रात्र रे !!
आयपीएल चा खेळ रे,--

खेळाडुंची खाण रे, चौकार-षटकार मार रे !
प्राणांचाही प्राण माझा, पैसा तुची एक रे !!
आयपीएल चा खेळ रे, पब्लिक जाम खुश रे !----

सर्वांचा हा खेळ रे, मालक स्वयंमेवरे !
प्रीती, शाहरुख, अंबानी , घेती वाटुन संघ रे, !!
आयपीएल चा खेळ रे, पब्लिक जाम खुश रे !----

सचिनचा आराम रे, भज्जी  करी काम रे !
लुफ्त होई युवाशक्ती , चिअर गर्ल्स पाहून रे !!
आयपीएल चा खेळ रे, पब्लिक जाम खुश रे !----

सामने अनेक रे, बुकी करी फिक्स रे !
टोनी, शास्त्री , अरुणलाल - सांगती आख्यान रे !!

आयपीएल चा खेळ रे, पब्लिक जाम खुश रे !
आनंदाची शाम त्यांची आनंदाची रात्र रे !!